|
|
 صديق الموج يعطر سماء الشرقيه بندوه عن الحقيبه
|
بدعوه كريمه من الرابطه الرياضيه بالمنطقه الشرقيه وبحضور عدد كبير من المهتمين والعاشقين لفن الحقيبه... أقيمت ندوه عن فن الحقيبه يوم الخميس الماضى23/4/2009 تحدث فيها العالم الخبير فى هذا الضرب من الفن السودانى
الأستاذ/ صديق الموج .. وكانت بحق ليله رائعه ..أفاض فيها الأستاذ صديق الموج فى الحديث الحقيبه فى الفتره من
1918 وحتى منتصف الستينات ( أظنو كان شاهد عصر) حديث العارف المتمكن .. تحدث عن دور الحقيبه الإجتماعى والثقافى
.. تحدث عن ود الرضى وسيد عبدالعزيز .. بطران .. العبادى . . عبيد الطيب .. بشير عتيق .. أبو صلاح ..عمر البنا ..
خليل فرح .. الجاغريو .. تحدث عن سرور .. كرومه .. الأمين برهان .. ميرغنى المامون وأحمد حسن جمعه .. أولاد شمبات
وعن الكثيرين
تحدث عن شعر الحقيبه فى.. الغزل .. الطبيعه .. الأخوانيات .. الوطن
دافع عن أغانى الحقيبه دفاع العاشق عن محبوبته
وحكى عن الكثير من الطرائف فى هذا الفن بين صناعه ومعجبيهم
وتغنى الفنان وديع ببعض النماذج
كما تغنى العم حسن عبدالرحمن عاشق الحقيبه مشاركاً ببعض الأغنيات
والمذهل إكتشافنا للفنان صديق الموج الذى شارك بالغناء بصوتٍ ضل طريق من الإذاعه للرياض
شكرا الأخ العزيز صديق الموج
شكرً للرابطه الرياضيه لإتاحة الفرصه لمغتربى الشرقيه بهذا اللقاء
نتمى التكرار .. فقد شعرنا بأن الأخ صديق إختصر كثيراً نسبه لضيق الوقت و غزارة المعلومات
سأحاول إنزال بعض الصور
|
|
 
|
|
|
|
|
|
|
|
Re: صديق الموج يعطر سماء الشرقيه بندوه عن الحقيبه (Re: عبد اللطيف السيدح)
|
مرحبتين اسامة
صديق الموج دا مفروض يكون عنده برنامج تلفزيوني عديل ، لكن بعد السواها في مصطفى اسماعيل تاني بي شارع التلفزيون ساكت ما بمش
فعلا قضينا امسية رائعة برفقة الرياضيين و ندوة صديق الموج و اداء عمنا حسن الجميل ، اتكلم صديق في اربعة محاور هي نشاة الحقيبة و الاثر الديني في شعر الحقبة و اثر الشعر الجهالي في غناء الحقيبة و اتهام شعر الحقيبة بالحسية فاجاد .
| |
|
|
|
|
|
|
|
|
|
Re: صديق الموج يعطر سماء الشرقيه بندوه عن الحقيبه (Re: حمد فتح الرحمن)
|
الأخ عبدالمجيد نقدم ليك الدعوه للحضور للشرقيه فى الندوه القادمه قريباً بإذن الله
...........................
الأخ عبداللطيف شكراً على المرور
وفعلا لو إتفرغ لينا صديق للحقيبه لأمتعنا ..
............................
أخونا حمد
التحايا
لقد إستمتعنا فعلا .. وزاد حضوركم البهجه
وليك علىّ أول مايمشوا ناس مصطفى عثمان ديل .. صديق حيبقى نجم تلقزيونى
وكن ما شلاقتو دى .. كان من هسى بقى .. لكن تقول شنو؟؟؟؟
نتمنى تكرار مثل هذه البرامج ... فقد سئمنا من ساس يسوس
| |
|
|
|
|
|
|
|
|
 Re: صديق الموج يعطر سماء الشرقيه بندوه عن الحقيبه (Re: omer osman)
|
الأخ أحمد الشايقى
لك التحيه والمحبه
صديق الموج أصبح مُلك عام...
راحت عليكم ياناس الرياض
..........................
الحبيب صبرى الشريف
تحياتى ومشتاقين
وهل يازمان من عوده هل ؟؟؟؟؟؟؟؟؟؟؟؟؟؟؟؟
..................................
الأخ عمر محمد عثمان
مشتاقين
فأل الله ولا فالك ..
وهى حتمية التاريخ ... القريب والبعيد
بس بعدين ماتقول عاوز أرجع حزبى القديم ؟؟
لأنو جماعتك ديل بكونوا فى ذمة التاريخ
| |
|
|
|
|
|
|
|
|
|
Re: صديق الموج يعطر سماء الشرقيه بندوه عن الحقيبه (Re: omer osman)
|
ياحبيبنا عمر
عم بنمازحك كما يقول الشوام .. كما إعتبرنا مداخلتك الأُولى مزاح
وسنلتقيك قريباً بالسودان بإذن الله
.........................
الأخ النور فى أتم صحه وعافيه وكان معى هو واُسرته بالدمام الأسبوع الماضى
وقضى معنا أيامً جميله .. ودائماً هو معنا بالتلفون
.........
تحياتى للأسره الكريمه وللأخ كرودى
| |
|
|
|
|
|
|
| |
أسامه الكرور
عبد اللطيف السيدح
حمد فتح الرحمن
أحمد الشايقي
omer osman
فيس بوك
تويتر
انستقرام
يوتيوب
بنتيريست