|
|
 شخصيات نمطية نسائية.......مدام بوبار
|
عرفتها عزيزي القارئ
اكيد تراها في اماكن كثيرة
قد تكون جارتكم او اختك او زميلتك وفي وتكون شقي حال لو كانت زوجتك..
مدام بوبار تبحث عن برستيج وهمي وهي تصنعه بملابسها وبيتها و وتعاليها على الاخرين..
تجدها دائما تحدث عن شقتنا وعربيتنا ودهبي واستثماراتنا واخواني وابوي
وفي عرسي جبنا كابلي وسرحتني مدام عشوشة واتصورتا في ماجستك
وشهر العسل كان يوروب
بعدين تختلق لها لهجة تعطش فيها الجيم وتخفف الطاء الى تاء
والصاد الى سين والضاد الى دال الخ الخ الى قلبنة الحروف
فتقول دروري بدلا عن ضروري
وتكون عندها رقة مصطنعة
وتحدثك عن الريسبي ,, في بيتنا بنعمل الجيز كيك بالكريمة ما بنخت فيه بيد (بيض)
واللللللله لو شوفتي ماما بتعمل الايسكريم من اسكراتش
وطوالي تنتقل ليك لماسكات الوجه
تاريفي (تعرفي) الخيار بيدي وشك رونق ..
كل البرستيج الخالقاه مدام بوبار لنفسها بينتهي
لما تلقى واحدة احسن منها
تقعد تطاعنها بالكلام العبيط البظهر الاصل والفصل..
ولو سكاها كلب حتقوليه
هوي ها كدي جرررررررررر
النبحة التسد ليك حلقك*..
___________
راجع شريط نكان بتاع تيراب الكومديا
|
|
 
|
|
|
|
|
|
|
 Re: شخصيات نمطية نسائية.......مدام بوبار (Re: محمد البشرى الخضر)
|
شكرا دكتورة نجاة
اتمنى ان تكون هنالك ندوات من الطالبات الجامعيات في القرى والاحياء لتوعية النساء لاسيما انصاف المتعلمات عن ضرر هذه العادات الضارة ومحاربتها في المجتمع لتبيان خطرها على الجميع لاسيما ان الام هي الاساس الذي تقوم عليه المجتمعات
الام مدرسة ان اعددتها اعددت شعبا طيب الاعراق
كما قال الشاعر
| |
|
|
|
|
|
|
|
|
|
Re: شخصيات نمطية نسائية.......مدام بوبار (Re: عمر عبد الله فضل المولى)
|
اها يا بت امى النحكى ليك بنسوان امريكا
الامريكيات مش المتجنسات
اجى يا يمة
واحدة ام طفل عندنا فى المدرسة
زوجها شغال فى ناسا "حال البنيات "
ومهمته اختبار الاذكياء للعمل فى الوكالة
يعنى دا بكون معدل ذكاؤه كيف وكم ؟
المهم ياستى اشتروا بيت جديد
اول حاجة البيت الجديد فيهو جناح كامل لام الزوج
وتانى حاجة يا ستى
جاتنا بعد كم يوم من سكنتهم فى البيت الجديد قالت تورينا اشتروا شنو ؟
تلفزيون 100 بوصة ، الارضية مش عارفة مفروشة بشنو ؟ والسقف طاير اربعة مداميك
ياخ اتهرينا من الحكايات
وبعدين اشترينا الملابس من وين كدا مابعرف "اسماء زى اسماء الادوية "للمحلات يعنى
وعملنا حفل "شواء حضروه سته وعشرين واحدوواحدة"
التلفزيون لانه الشاشة فيهو كبيرة "ياى " عيونى زغللت
يابتى اظنه البوبار دا يونيفرسال ما حق السودانيات براهن
والعجب المدرسة المعاى فى الفصل
امس جات لابسة ليها نعلات جديدات
قلت ليها جزمتك جميلة
تنقال من العدو
قالت كدى وانشرحت
ـ تعرفى اشتريتا بخمسين دولار ودفعت شيك لانه الكارت بتاعى ما كان معاى
طبعا ناس الشركة برسلو الحاجات بالفيدكس
وقصة تسل الروح
فيا اختى العزيزة البوبار ما اظنه سمة حقتنا برانا
| |
|
|
|
|
|
|
|
|
|
Re: شخصيات نمطية نسائية.......مدام بوبار (Re: عمر عبد الله فضل المولى)
|
| Quote: الطالبات الجامعيات |
سلامات يا عمر
الطالبات الجامعيات ديل هن برضو مشورع مدام بوبار
حيث ان مدام بوبار دي للاسف ممكن تكون من حملة الشهادات العليا
وصلت الى تعليمها هذا من خلال مجانية التعليم
بعداك نست خالص اصلها وقفزت في طبقة جديدة
لا يعيب الفقر احد قط
ولكن مدام بوبار يعيبها جدا
فهي تحاول ان تتعلق بهذه الطبقة
فتحو حياة من حولها الى جحيم
عراقي شنو البتلبسو لازم تلبس بجامة او ترينق سوت
ما تاكل بيدينك لازم بالشوكة والسكين
ولذلك اشقى ازواج هم ازوج مدام بوبار التي تريد ان تعبر بالاسرة
من طبقة الى طبقة...
يا اولاد ما تتكلمو بالعربي بس بالانجليزي
وابوي ويمة تتحول الى بابا وماما بالنسبة لها وبابا وماما ديل حيكونو ناس بسطاء اشراف كادحين
ولكن مادام بوبار تتمنى ان يكونو غير دلك والعيال مامي ودادي
واحتمال شديد مدام بوبار تقعد تمشط شعر ولدها عشان يبقى كول
ولذلك يا عمر مدام بوبار دي زولة مختلفة خالص من النساء اللاتي يحتاجن لتوعية
مدام بوبار امرأة متعالية مريضة منفصمة تعاني من الدونية...
الله يمرقك من مدام بوبار عشان ما تتعب في حياتك..
لانها تصنع اشقى الرجال والاطفال
| |
|
|
|
|
|
|
|
|
|
Re: شخصيات نمطية نسائية.......مدام بوبار (Re: Rawia)
|
دكتورة نجاة ... الجميلة بت الشيخ سلامة ( يا سلمي والله لو انتي عارفة انا بعرفك من متين تديني جائزة ..... بعرفك من رادي ابوي البشتغل بحجار البطارية والله وقت اسمع ليك سلمي الشيخ سلامة في الاخراج ... يا سلام لكن دي بجيك ليها في بوست ) .... يا سلمي و نجاة تعالوا احكي ليكم عن بوبار نسوان الريف .... بعدين البوبار ظاهرة عامة بس بختلف باختلاف المكان .....
عندنا مرة جيراننا قامت تتبور علي ناس امي .... والله ولدي في الجامعة اليومين دي تعبان خلاص عندو ملحا ( دي ملحق) ... والله شايلا الليل قصبا اصلو الملحا دا صعب شديد... المهم امي البابور دا طلع ليك صليبها و ما داير تسأل مرة الجيران عشان تكتشف جهلها .....
جات براحة سألتني: يا حافظ ملحا دي شنو.... المهم رفعت ليك حواجبين سما و بعد شرحت لي الموضوع عرفت القصة ملحق ... و شرحتو ليه مظبوط ...
سألت مستفسرة يعني زول بليد و بلحقوهو الناس .... قلت ليها عليك نور يا امي .... و الله الحاجة ضحكت لمن قشت دموعها وردت ( سجمك يا التتبوبري بخيابتك ولدك) .... المهم يا بيان دا بوبار علي الطاير كدا و بجيك للبوبار الجد
| |
|
|
|
|
|
|
|
|
|
Re: شخصيات نمطية نسائية.......مدام بوبار (Re: حافظ حسن ابراهيم)
|
Quote: بعدين تختلق لها لهجة تعطش فيها الجيم وتخفف الطاء الى تاء
والصاد الى سين والضاد الى دال الخ الخ الى قلبنة الحروف
فتقول دروري بدلا عن ضروري
وتكون عندها رقة مصطنعة
وتحدثك عن الريسبي ,, في بيتنا بنعمل الجيز كيك بالكريمة ما بنخت فيه بيد (بيض)
واللللللله لو شوفتي ماما بتعمل الايسكريم من اسكراتش
وطوالي تنتقل ليك لماسكات الوجه
تاريفي (تعرفي) الخيار بيدي وشك رونق |
مشيت كافتريا أوزن
قلت الوداني شنو
أنا الزويل الأغبش وسط ناسك ديل يا نجاة
نسيت القهوة وبردت وأخوك فاتح خشمو
لمحتني إحدهنَّ بنظرة قلت معجبة لكن تذكرت خشيمي المفتوح
وضكت كتحت القهوة الباردة ومرق
تحياتي دكتورة نجاة
| |
|
|
|
|
|
|
|
|
|
Re: شخصيات نمطية نسائية.......مدام بوبار (Re: خالد علي محجوب المنسي)
|
Quote: مشيت كافتريا أوزن
قلت الوداني شنو
أنا الزويل الأغبش وسط ناسك ديل يا نجاة
نسيت القهوة وبردت وأخوك فاتح خشمو
لمحتني إحدهنَّ بنظرة قلت معجبة لكن تذكرت خشيمي المفتوح
وضكت كتحت القهوة الباردة ومرق
تحياتي دكتورة نجاة |
سلام يا ابن كنبة كيف شندي والاهل
اوزون يا مفتري؟
اذكرت اخو عمر السنوسي لما قال لعمر جوك ناس جوداااااااااد
وكان جوهو خواجات..
مودتي...
| |
|
|
|
|
|
|
|
|
|
Re: شخصيات نمطية نسائية.......مدام بوبار (Re: د.نجاة محمود)
|
كلتوم لجارتها : والله يابخيته أمبارح سلك التلفون عتر لى
لو ما مسكت فى التلاجه كنت عايزه أقع وأكسر
التلفزيون .
ده كان يادكتوره بوبار نسوان بداية السبعينات ,, ياربى هسـه
البوبار بقى شكلو كيف ؟
الحمد لله البوبار ده صفه نسائيه ,, سمعتوا ليكم راجـل بتبوبر ؟
الموضوع عايز ليهو حمله كبيره زى حقت الخفاض الفرعونى والعنف
ضد المرأه ,, عشان تجتسوا الظاهره دى .
يلا ,, ونحن من خلفكم ( ضـد البوبار ) ,,
تحياتى يادكتوره وإنشاء الله ال cv وصلتك ؟
| |
|
|
|
|
|
|
| |
محمد البشرى الخضر
عمر عبد الله فضل المولى
سلمى الشيخ سلامة
معتز تروتسكى
Rawia
حافظ حسن ابراهيم
خالد علي محجوب المنسي
حبيب نورة
كمال سالم
فيس بوك
تويتر
انستقرام
يوتيوب
بنتيريست