|
باركوا لي فجأة بقيت مليونير (داير شورتكم)
|
وصلتني رسالة من جهة ما تدعى (winner) اليوم على موبايلي تقول:
Quote: مبروك فزت بصك رقم (08544) وقدره (120) ألف دولارات
اتصل بالرقم 003598815400108 |
وأنا محتار
أتصل يا جماعة
ولا لأ
|
|
|
|
|
|
|
|
Re: باركوا لي فجأة بقيت مليونير (داير شورتكم) (Re: عز الدين بيلو)
|
عزالدين
اوعك تدقس دى وهمة ساكت .!! الرسالة دى بتجينى فى تلفونى طواالى وماقاعد اتصل نهائى لانى جربتهم قبل كدة .!!
وبعدين المناسبة شنو يدوك شيك بالمبلغ الكبير دة ؟ سألت نفسك ؟
يا بيلو لو هى شركة فعلا محترمة مش المفروض تتصل عديل طالما هى عندها قروش بالشكل دة ؟؟
تانى بقول ليك اوع تدقس .!!
أسال مجرب يا اخوى
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: عز الدين بيلو)
|
غايتو لو اتصلت ثروتك حتنقص قيمة المكالمة للرقم المذكور .. وطبعا حتكون كم مكالمة .. وبعدين حتحول ليهم مبلغ عشان اجراءات المحامي ومبلغ عشان اجراءات البنك وفي النهاية ستنفق كل ما تملك على امل ان تربح المليون وبعدين يا بيلو لو جاتك ملايين نحن ما حنبارك ليك .. بل سنعزيك .. لانك حتبدا تفكر في الاستثمار وسيصيبك هم الانفاق والامساك .. وفي نفس الوقت حتخش في هم تشتري بيت .. والعربية يا ربي نيسان وللا تايوتا ?? مالك ومال المشاكل ياخي خليك في الوضع الراهن احسن .... بلا ملايين بلا سهر ليالي
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: elfadl abdellatif)
|
Quote: عزالدين
اوعك تدقس دى وهمة ساكت .!!
الرسالة دى بتجينى فى تلفونى طواالى وماقاعد اتصل نهائى لانى جربتهم قبل كدة .!!
وبعدين المناسبة شنو يدوك شيك بالمبلغ الكبير دة ؟ سألت نفسك ؟
يا بيلو لو هى شركة فعلا محترمة مش المفروض تتصل عديل طالما هى عندها قروش بالشكل دة ؟؟
تانى بقول ليك اوع تدقس .!!
أسال مجرب يا اخوى |
أخوي مزمل خيري
شكراً لك على التنبيه
أنا طبعاً شكيت في الأمر طوالي
قلت أحسن حاجة أقوم أستشير أخواني في سودانيز أون لاين
أكيد بلقى عندهم الاستشارة
والحمد لله ظني ما خاب
=========
لكن يظل السؤال:
الرقم ده من ياتو دولة ؟؟؟
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: elfadl abdellatif)
|
يابيلو
المبلغ مابستاهل هو انت قايل صوتك ده هين ولا لين يسمعهو بالبتي كاش ده لووول يكه
لو عاوز تكون مليونير في واحد شعرو كتير كده زي كمال شداد بنظم بطولات ملاكمة اها نخليك تتحدى تايسون
وتمشي من اول بونية ترقد سلطة بتجيك مليونين تلاته كده تتعالج بي مليون والمليونين تمشي بيهم امورك
وكان كمان ربنا اخد روحك مع البونية ح نمشي بي وصيتك حقت العلاج لي اطفال المايقوما ومليون للاتحاد السوداني للملاكمة والمليون ان تذر ورثتك اغنياء خير من تكرهم عالة يتكففون الناس .
ماتتصل
تحياتي
زاتووووو
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: ALZOLZATOO)
|
ياخوى فى النهاية حيقولو ليك
نسينا نقولك لازم ترسل لنا مبغ 200 استرلينى على بنك كذا باسم كذا عشان نقدر نحرر لك الشيك بالمبلغ كامل,,,
عشنا هذا احلم قبلك اخوة ارسلت له نفس رسالتك ومشينا معاهم الى ان وضلنا لازم يرسل مبلغ بكذا على اسم كذا فى بنك كذا قلنا ليهم اخصمو وادونا الباقى قالو ما بتجى
لا تضيع وقتك فى اشياء تعكر عليك حياتك العادية
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: abuguta)
|
أحدهم لم يكن صديقي نهائياً ولكن سمعت من العزابة أنه ربح 2 مليون دولار صادقته في نفس اليوم ولكن وجدت أصدقائي العزابة لم يصادقوه فحسب بل جميعهم طلعوا أقرباء له في ذلك اليوم يعني واحد فيهم بيتلاقى معاه في الحبوبة الرابعة وأحدهم كان هذا المليونير عاوز منو قروش بتاعت جلابية سودانية ليها 8 شهور طوالي قام رجع ليهو القروش في محاولة لإعادة الصحبة والعلاقة بل الأدهى والأمر أن أحد معارفي من كردفان حينما سمع أتى بمظروف وحينما فتحناه وجدناه أنه يطلب المساعدة بحفر آبار في شمال كردفان والله صاحبي هذا أسود خالص ولكننا في ذلك اليوم كنا نرى وجهه ناصع البياض علي بالطلاق كنا نكره يوم الميز بتاعو لأنو مابيعرف غير الفاصوليا وكلها يسويها ليك موية أها يوم ميزه دخل معاه المطبخ 11 وهاك يامساعدة والأكل ماشاء الله كل واحد يقول ليهو طبيخك حاجة عجيبة كان قال عاوز { المصلاية } يقوموا عشرة عشان يجيبوها وكان مشى الجامع ننتظر كلنا بره لحد ماصلاح ادريس يطلع ونمشي معاه ياخي والله حصل جنس تملق المهم أخذته معي الى بيتنا ليبيت معنا الناس كلها عزموه هم احسن مننا وللا أحسن مننا وهناك فتحنا النت عشان نشوف موقع الجائزة في استراليا وجدنا الموقع والناس الفائزين وصاحبنا برضو اسمو مكتوب والله حينما أخبرته بذلك وكنا في الطائف وأراد أن يصلي العشاء والله صاحبك اتجه القبلة على جيزان يعني عكس الحرم تماما المهم اتصالات وانترنت وفاكسات وفي النهاية الحكاية طلعت تمثيلية كبيرة جداً ياخي نسيبه عندو كارو حمار عايش عليها قام باعها لمن سمع بالخبر وابوه باع البقيرات حالياً صاحبك يعمل في محل { ابوريالين } بالرياض قال جائزة قال !!! لكن اكثر شيء غايظني الجماعة القالوا اقرباء المرحوم !!!! قبل مدة حبوبته ماتت ولا مشوا عزوووووووووووووووووووه
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: عز الدين بيلو)
|
يا بيلو أنا فرحت قلت أعمل لي شبكات كدة وأجيب الزول عريس ل (إن شاء الله بت جيراننا)
تطلع مكنة قديمة
يا زول القروش الفي تلفونك لو محرقة روحك أضرب بيها لأي زول صاحبك إن شاء تقول ليهو سلام ساكت
تعرف سنة الفين لم ليك فيني زول بالميل قال لي ربحت جائزة شنو ما تعرف المسحوبة على شنو ما تعرف وأداني عنوان زول كدة قال المحامي بتاع الجائزة وداك شبكني ليك إيميلات وأنا قلت إلا أوصلهم خشم بابهم قال لي رسلي مبلغ 1000دولار عشان نقدر نرسل ليك المبلغ وطبعاً مبلغ فلكي قلت ليهو شيل من الجائزة زاتها قال ما في زول غيرك عندو حق التصرف قلت ليهو برسل ليك توكيل شرعي
كب الزوغة رسلت ليهو مية مرة وقلت ليهو حأقاضيك بتهمة الإحتيال قفل الإيميل بتاعو ود الهرمة يكون تاب
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: شادية عبد المنعم)
|
Quote: ما تتصل
استاذ عزالدين دا رد عل طريقه حسين ملاسى(وش مبتسم) لكن بصوره جاده معظم الرسائل دى بتكون عباره عن نصبه بس وبعد ما تتصل حايقولوا ليك حول لينا مبلغ عشان المصاريف الاداريه ولا اى حاجه وبعد داك تشهق ما تلحق |
الحبيب رغيم عثمان
شكراً على المرور
والوصية الغالية
========
لكن يبقى السؤال:
الجماعة البحتالوا الناس ديل
ما في زول يقدر يحاكمهم
أو يفتح فيهم بلاغ ساي حتة !!!!
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: Omeyma Mahmoud)
|
لا تتصل خدعة بالهاتف والايميل
جربها واحد ابن عمي لم يبلغنا الا بعد وضح له المقلب طلبوا منو مبالغ مالية بدات بسيطة وفي مقدوره تحويلها ثم تصاعدت حتي خرج الامر من يده فابلغنا وقلنا ليهو ربنا يعوضك
رقم الهاتف في دولة افريقية غالبا او بلجيكا في اوروبا
ابحث عن رقم الكود الدولي
احذر وحذر من تعرفه
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: عبود عبد الرحيم)
|
Quote: غايتو لو اتصلت ثروتك حتنقص قيمة المكالمة للرقم المذكور .. وطبعا حتكون كم مكالمة .. وبعدين حتحول ليهم مبلغ عشان اجراءات المحامي ومبلغ عشان اجراءات البنك وفي النهاية ستنفق كل ما تملك على امل ان تربح المليون وبعدين يا بيلو لو جاتك ملايين نحن ما حنبارك ليك .. بل سنعزيك .. لانك حتبدا تفكر في الاستثمار وسيصيبك هم الانفاق والامساك .. وفي نفس الوقت حتخش في هم تشتري بيت .. والعربية يا ربي نيسان وللا تايوتا ?? مالك ومال المشاكل ياخي خليك في الوضع الراهن احسن .... بلا ملايين بلا سهر ليالي |
الحبيب elfadl abdellatif
والله زي ما قلت
مالي ومال المشاكل
النرفع أيدينا بالدعاء:
اللهم أَحْيِنِي مسكينًا، وأمتني مسكينًا، واحشرني في زُمْرَة المساكين
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: عز الدين بيلو)
|
Quote: 003598815400108 Got a call from 003598815400108? Report it and help to identify who and why is calling from this number.
003598815400108 phone number comments: khaled - 11 Mar 2009 I got mesage from this number Caller ID: +9745823093
MOHAMED NAGUIB ABDEL HADY - 11 Mar 2009 I HAVE RECEIVED FROM YOU THAT I WON CHEQUE 50 thawsand dolars , thanks for that , please send the cheque to qatar doha p.o.box 17834 thanks Caller ID: 00974 5803093 Caller: moi
wewe - 11 Mar 2009 i got the same message, Who r u?
alaa - 14 Mar 2009 الى كل من تصله رسالة من هذا الرقم ويعيش في العراق يرجى مراسلتي على الاميل التالي لغرض رفع دعوى قضائية جماعية ضد مرسل الرسائل الزائفة وضد شركة الاتصالات التي مكنته من ذلك. لا تتركوا حقكم في المطالبة بتعويض. [email protected] Caller ID: 009647801912630 Caller: hom
MEZIANE NABIHA - 16 Mar 2009 DEAR ALL THKS FR YOUR MOBIL MEASSAGER RCVD ON 10.03.2009 CONTIEN FOLLOW MABROK YOU HAVE WIN VOLKSWAGEN TOUAREGH FINITION CARAT IN TRI MOBILE HOUROUF WA OULOUF AND YOU APPLY TO CALL YOU IN SOONEST TIME ON 003598815400108 I HAVE DONE TIWCE TIME AT FIRST MY CREDIT FINISH ALSO IN NEXT TIME IN MY CALL THEY HAVE INFORMED ME THAT I AHEV WIN EURO 1000 I DO NOT KNOW HOA I CAN GET HTIS PRIZE PLS CHECK MY EMAIL [email protected] a waitting your sisncere reply thks Caller ID: 0796764953 Caller: 0796764953
Bassam - 8 Apr 2009 i got a message from surprise ... there is no number .. it says u won 20000 euro Dollars please call to this number.. 003598815400108 then i called them... the answer machine answered and it took long time talkin.. and it sayd automaticlly .. u won one thousand Euros and they did not mention even their name ...!!!!! they're a big cheaters.. please advice what we can do by the way .. im Yemeni..
Hani smith - 16 Apr 2009 I get this message at midnight and i stay with my famely to the morning to have the money but you knew ..... |
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: أيوب خليل)
|
دقيقة يا شباب، أيوب خليل ده جاب كلام مهم:
Quote: الى كل من تصله رسالة من هذا الرقم ويعيش في العراق يرجى مراسلتي على الاميل التالي لغرض رفع دعوى قضائية جماعية ضد مرسل الرسائل الزائفة وضد شركة الاتصالات التي مكنته من ذلك. لا تتركوا حقكم في المطالبة بتعويض. |
أها الكلام ده خاص بالموجودين في العراق
ولا جميع الدول ؟؟
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: ود الباوقة)
|
Quote: ياقريبك اتصل امكن تتضرب معاك ....... وتبقي مليادرير .. يعني عشان ماظبط مع
الجماعه الفوق ديل ما حا تضرب معاك !!!
توكل علي الله واتصل ؟؟؟
عودنا راكب . |
شنو يا عبد الله كع
داير تخسر أخوك لي قروشو الحبة الفي الموبايل دي
هو أصلو المرتب ما لاحق لي حق مسكول خارجي
دايرني أضرب ليه هههههه
=======
أديتك الرقم أضربو إنت
ولو داير أسجل ليك الشريحة بتاعتي بي اسمك برضو بسجلا ليك
وإنت قوم بالباقي
وعودنا ما راكب ولا حاجة هههههههههه
| |
|
|
|
|
|
|
Re: باركوا لي فجأة بقيت مليونير (داير شورتكم) (Re: عز الدين بيلو)
|
Quote: يابيلو
المبلغ مابستاهل هو انت قايل صوتك ده هين ولا لين يسمعهو بالبتي كاش ده لووول يكه
لو عاوز تكون مليونير في واحد شعرو كتير كده زي كمال شداد بنظم بطولات ملاكمة اها نخليك تتحدى تايسون
وتمشي من اول بونية ترقد سلطة بتجيك مليونين تلاته كده تتعالج بي مليون والمليونين تمشي بيهم امورك
وكان كمان ربنا اخد روحك مع البونية ح نمشي بي وصيتك حقت العلاج لي اطفال المايقوما ومليون للاتحاد السوداني للملاكمة والمليون ان تذر ورثتك اغنياء خير من تكرهم عالة يتكففون الناس .
|
هههههههههههههههه
عالم حاقدة بي شكل (وش صاري)
Quote: ماتتصل
تحياتي
زاتووووو |
تحياتي ليك يا حبيب
واتصال نهي
بس داير أشوف لي طريقة فتح بلاغ كيف في الجماعة ديل
| |
|
|
|
|
|
|
|