|
Re: يا سلمى بت الشيخ سلامه وينك يا دفعة ؟؟ .. (Re: معتصم مكاوي)
|
معتصم ازيك ود امى شكرا على سؤالك عننا الحمد لله نحنا فى مكة ومتوجهين المدينة سلامى لناس نفيسة بت محمود وقول ليها ما تنسى تدى ملينة الفطور للوليد وما تنسى الباب فاتح الدنيا ما معروفة امكن يدخل ليهن غريب ولا شى دى حبوبتى لمن مشت الحج حبوبتى نفيسة بت محمد خير عليها الرحمة كانت قد بدات تخرف وماتزال كانت متعلقة بخالى اصغر اولاد اختها نفيسة بت محمود وهى كانت تلميذة للشيخ محمد خير والدها واستاذ المهدى عليه السلام اها كمان قول للبنية الخايفة من نار الحروف تحرق بيوتات الخريف قول ليها ما تتخوفى دى النسمة بتجيب الامل والامل بصبح رفيق والاصلو فى الجوف انكتب لا بتمحى لا بنتهى منه الحريق يا ضلنا ياخ دى سربعة ساكت عارف قاعدة فى ضلا غريب وناسا طيرا اعجمى تنضم من تصبح لامن تغيب تعوج فى خشيمك وكل ما تعوجو تلاقى انك مشتاق لهناك هناك يا هناك والناس الهناك حاكتب ليك شكرا للسؤال
| |
|
|
|
|