إنت عارف سيد عبدالزيز ----------- إنت عارف أنا بحبك . وبحلف بك ولا ماك عارف بالمرة إنت صارف عني مدة وأنا خايف تتحدى أنا خايف متى نبدأ التعارف والتألف والمودة ياحبيبي من فضلك جاملني طاوعني لاتخالف واحده مرة أنا شايف أنا شايف المحاسن الطرائف في صمتك في كلامك في عيونك في إبتسام في خدودك في قوامك إنت جالس إنت ماشي إنت واقف إنت نايم صغير غرير الطرف حالم ماك عالم ماك عارف أنا طرفي جفا المنام آلف الحب والهيام مع الجمال بالعواطف في هواكم إستمر متين أصادف رضاك علي وعلي توالف هواي مناي حياتي حبك بالمحبة بلاك أشوف النور ظلام وأذوق طعم كل حاجة مرة زورني مرة إن رأيتك بالقرب مني سعد أظني ... هل تدري إني أحس بعظمة وشأن كبير أفرح كتير فرح كبير أكاد اطير من الفرح والأمل أحيا وأخالف المسرة
04-24-2009, 06:31 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
احرموني ولا تحرموني سنة الاسلام السلام عطفكم يا من الموني كالاشعة الاسهم رموني الشجون بالليل نادموني الانين والنوح علموني لو معنعن قول كلموني حبي طاهر لم تظلموني برضي قابل الظلم احترام
يا النفوني كفى اعرفوني ساهي ساهر ساحات جفوني في هواكم يا من جفوني لا الوم ان لم تنصفوني انعكاس الاحوال كفوني ايضا الايام عرفوني يوم سموما ويوما غمام
كلما النسمات عطروني فاجأوني دموع مطروني رب اغفر للعكروني في وداعة الباري العروني رب وقت يتذكروني او يقول القايل دروني او يحدث عني المنام
الدهاة بالسلو ما دهوني عن تجاهكم ما وجهوني بي تحكو وشمتو النهوني وبرضي هايم وخاضع لهوني لا اقول مستنكف دهوني عن كثير عن قيس نبهوني عن حقيقة الحب غين ولام
ما تنفس صبح او ضحى لي الا غاب هدهد فكري ورحالي قال قربك عين المحال قلبي غير زكراك ما صحى لي يكفي ان السهد اكتحالي يكفي شاهد لي انتحالي شاكي شاكر شاخص دوام
في التفكر اصبح وامسي ايضا التزكار نجوى همسي وحياتي اشبه برمسي اشكو يومي واسترحم امسي ما عهدتك يا ليل تمسي طلت وامتى اشراق شمسي وانت وين يا بدر التمام
قتلو ليت الايام يندن تبقى لانت وسحابا دندن بلماك النيران يخمدن ليك روحي واجزيك حمدا قال لي كيف تستوجب لي حمدا من تعاطى المكروه عمدا غير شك يتعاطى الحرام
04-24-2009, 06:32 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
أسمعنى نشيدك محمد علي عبدالله ---------------- أسمعنى نشيدك ورينى كمان فى الفن تجديدك يا حمام الدوح أسالنى أفيدك عن حالى البى وأحسبنى شهيدك ولهى ما بفيدك أبقالى رسول أو خذنى فى أيدك أترك تهديدك أسمعنى درر وواظب ترديدك وين القى نديدك يا جالى الهم زيد شجوى وأزيدك عقب تغريدك يا ساجع الدوح خلينى أريدك وأًلا ليه بريدك وألأ بس روحى يا حمام فى وريدك لا تخش هجيرك سافر يا حمام مولاك يجيرك سارع فى سيرك لو لى جناح أنا كنت وزيرك رحماك فى صعيدك أندب حظى وأدنى لى بعيدك يوم عيدى وعيدك يوم الأيام لديارى تعيدك
04-24-2009, 06:33 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
أفكر فيه وأتأمل عبيد عبدالرحمن ---------------- أفكر فيه وأتأمل أراه إتجلى وإتجمل هلالى الهل واتكمل تفاصيل قولى والمجمل سأصبر ياخى إيه أعمل إذا قلب الفتى إتحمل مصايب الدهر وآلامه أرى الصبر الجميل أجمل حديثى ودمعى إتسلسل فصول فى رواية تتمثل أبين فى مواقف أستبسل وعند رؤيا الحبيب حالاً أبين فى مواقف أتوسل هواه بجسمى إتخلل مجارى الدم إذا إتحلل وقيع لى رضاه إتذلل وما هماه يا سيدى دا واحد أصلو بتدلل ترك أفكارى تتضلل وعذرو البيهو يتعلل فما شرع الهوى حلل لقانا نهار ولا فى الليل اذا أليل صريح قانون هواك *** هلاكى وقلبى ما تحول حقيقة وليس تتأول صريع لحظات سيوف لحظك وحالى ان شفتو تتهول تذكر عهدنا الأول صحى الأيام بتتدول قريب يوم داك ما طول مضت لحظات ويا حليلها بقت أحلام وتتأول
04-24-2009, 06:34 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
الاوصفوك محمد بشيرعتيق ___ الاوصفوك بالبدري او بالزهر هم ما انصفوك +++++++ كيف يجهلوك وعلي الجمال العادي راحو يمثلوك ولو بادلوك عين الحقيقة او بالصيرة تاملوك بالنور او بالنار أو بي قدر ما ضاع الخيال ما عادلوك +++++ كوكب منزه في علوك سحرك قريب شخصك بعيد او كان قريب انواره آخذه بلا سلوك يبرق ثناك في غيهب الليل الحلوك اظرف شمايلك زاملوك وهم اكملوك ادبك هبة فيك موهبة شكل الظبا وطبع الملوك
04-24-2009, 06:35 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
الجمال والحب في بلادي شعر : سيد عبد العزيز ----------------------- الجمال والحب في بلادي والحضارة إزدهارها وإنتشارها في المدارس والنوادي العلوم العالية والفنون الراقية جمالها بادي ينبي عن أثار قوة الأفكار والأيادي الأنجزت أعمال وخلدت تذكار في جبين الوادي سوداننا العاجبنا رسمه في نفوسنا مقداره يسمو الطيور غنت بي أسمه وكم صايح ينادي أسمك يابلادي هتقت به الجنود وغنتبو الشوادي في بلادنا مناظر الطبيعة حافيها السحر الحلال في الشرق المينا العظيمة بيها الثغر باسم الدلال والغرب حرست مداخله الهيبة حصون التلال وجنوبها ينافس الشمال حيوية وعظمة وجلال في بلادنا القرى والمدائن أثر النعمة عليها باين وتاني محل العين تعاين تشوف بهجة وروح وإعتدال في منظر جذاب ودادي أحي السودان وأرضه والأرض الطاهرة النقية أحي السودان وأهله أهل العبقرية أهني السودان بشعبه طوح النفس الأبية الوافي راعي المحارم أكرم من الغيث مكارم وأصلب من الحده صارم إن في الحرب وإن مسالم يمتاز بالروح القوية مقدام ومن طبعه هادي
04-24-2009, 06:36 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
الجِنان في الدنيــا الشاعر/ سيد عبد العزيز --------------------------- الجِنان في الدنيــا والليالي تدور أم دي ليلة وجمعت بين شموش وبدور أم دي زينة الدور أم ليلة القدر الفيها زي ماندور هاهو نور في خدور العفاف والرقة والقدارة يدور بين بنات الحور والسحر في عيونن منه كم مسحور والحسود منحـــور والبروق تلامع من بسوم ونحور والقديم مبتور بالهياب مسبور زي عظمة القائد في حزا الطابور النظر مكسور دون توغل تارك كم قلب مكسور في حسابه كسور وحاله حال الواقف في الحساب مأسور الجلال مأمور في النظام المحفل بالفرح مغمور والمحل معمور بالأدب زي حرمة بيته المعمور الكمال مشهور في الغصون الرايعة يانعة فايقة زهور فادعة مايسة ظهور ساعة بينهن توزن ياصديقي دهور القمر في نور والنجوم تتلامع في سما البلور شئ عجيب يالنور رب محمد شفنا الدنيا نور في نور
04-24-2009, 06:37 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
أذكري ايام صفانا واذكري عهد القاء والليالي الفي حبور اذكري ايام صفانا والليالي الفيها متبادلين وفانا جينا بي كل اقتراب من حديث يشفي الجراح بي مغازلة وانشراح والقمر بي ضياهو آالق والنسيم يهدينا انفاس الزهور
كنا داخل روضة مافيش حد سوانا غير ان القمري يهتف بي هوانا من اهازيج فنه يسمعنا اسطوانة اما ارواحنا الخفاف رافلة في اثواب عفاف زي عرائس يوم زفاف والنجوم بي عيون تسارق في اشتياق تنظرنا من خلف الستور
الرياض مبتهجة داخل اقحوانا والزهور نديانة تستقبل اوانة زاهية يانعة ورايعة في توب ارجوانا والنهر لينا اقترب والطيور تسجع طرب عاملة موسيقة قرب انحنا صار مجلسنا عامر في طرب في قبطة في نشوة وحبور
يا امير الحسن يا سامي المكانة من عواطفك حبي لو فاقد مكانة اهدي لي تفاحة بس او برتكانة فهي غير شك مرضية بيها اقتبس الضياء بل اذوق طعم الحياة انت ملهمني الاغاني وانت مصدر فني احساسي وشعوري
04-24-2009, 06:39 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
بت ملوك النيل شعر : سيد عبد العزيز --------------- يا بت ملوك النيل يا أخت البدور مين لى علاك ينيل فى البدو والحضور الجبرة فيك بتخيل محمية الحما الما حام حداه دخيل ماكان أبوكى بخيل بت عز الرجال أهل الدروع والخيل الهنا... والسرور يا السامية ست الجيل طرفك من حياء فى عصر السفور خجيل حسنك وضع تسجيل فى صحف الدهور يتلوه جيل عن جيل لى يوم النشور الهيفا يا الخنتيل حروف آيات محاسنك أرتلن ترتيل يعجبنى فيك تمثيل أخلاق الملاك فى سطوة القتيل الفارس الجسور غصنك رطيب وعديل شعرك ليل جبينك يخجل القنديل النور عليكى سديل يا معنى الجمال الما أتوجد له عديل فى ناس ولا حور فقتى الكانوا قبيل ما خدات فى الجمال جائزة نوبيل حيرتى كل نبيل عيناك سحرهن يسحر سحر أبابيل يخترق الصدور يا صاحبة الأكليل ما أظن النهار العين تدور له دليل محياك نوره جليل كنت أقول شمس لو ما الزمان كان ليل أن عليك نور لا زلت ليك أميل يا رمز السعادة الما أتوجد له زميل يا آية التكميل يا مراية الجمال الفيكى كل جميل ريحانة العصور
04-24-2009, 06:40 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
بـــــــــــــــــــدر السمـــــــــــــــــــــاء إنت بدر السماء في صفاك قولي من عيني ما خفاك ياحبيب متى وفاك ؟ ماله بدر السماء ما شروق ؟ من حماه ومنعه المروق خده زهري وبسمه البروق غير أشوفه أنا ما بروق ياحبيب متى وفاك ؟ حاجبه يحكي النون والهلال طرفه فيه معاني الدلال انت كل الحيا والجمال جيده أتلع ظبي التلال ياحبيب متى وفاك ؟ يا حليل زمن الجهل في رياض الربا في السهل من سروفنا بنشرب نهل يا زمان هل من عودة هل ؟ ياحبيب متى وفاك
04-24-2009, 06:41 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
بدور القلعة أبو صلاح ---------------- العيون النوركن بجهرا غير جمالكن مين السهرة يا بدور القلعة وجوهرا السيوف الحاظك تشهرا على الفؤاد المن بدري انهرا اخفي ريدتك مره اظهرا نار غرامك ربك يقهرا صيدة غيرك إيه الجسرا تستلم أفكارنا وتأسرا حال محاسنك مين الفسرا ياالثريا الفوق أهل الثرى عالى صدرك لي خصرك برا فيه جوز رمان جل البرا الخطيبة وردك منبرا الشعور البسطل عنبرا الرشيم والرشمة الخضرا زي فريع في موية منضرا هل حبيبي نسى ام لي طرا ياأم شلوخا عشرة مسطره جلسة ياأبو الحاج اتذكرا ورنة الصفارة إتفكرا وهبة بمزيكتو حكرا كم طرب أفكارنا وأسكرا
04-24-2009, 06:42 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
بقعة ام درمان خليل فرح ------------- أذكر بقعة أم درمان وأنشر في ربوعها أمان ذكر يا شبابي زمان دارنا ودار أبونا زمان فيها رفات جدودنا كمان ما بنساك خلقه ضمان جنة وحور حماك أمان ذكر يا شبابي زمان بطرا الأسسوك زمان كانوا يحلحلوا الغرمان يساهروا يتفقدوا الصرمان ذكر يا شبابي زمان في السودان فتيح معروف ولسه أب عنجه خورو سروف ود نوباوي زول معروف باقى وديك مشارع أبروف ذكر يا شبابي زمان كانوا جبال تقال ومكان نزلوا اتربعوا الأركان خلوا البقعة كل مكان آهلة وزارة بالسكان ذكر يا شبابي زمان ليه يا كعبة العربان غاضبة وفين عريسك بان قبال نسأل الركبان حبك من حسودك بان ذكر يا شبابي زمان
04-24-2009, 06:43 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
تم دور وأدور ... خليل فرح ------------ تم دور وادور عم نوره شال فات الحله نور زي بدر التمام واحدين قالوا نور واحدين قالوا دوب مروي ما بتنور زي بدر التمام مين يقوم يتهور يبري القيف هناك تحته الدابي كور زي بدر التمام قالوا الكون اتطور لا عاشق عفيف لا جميل إتصور زي بدر التمام الحسود يتضور ناره ماكله لسانه كله زور ومزور زي بدر التمام الطريق الحور دمي ما بروح سيدة ليش يتجور زي بدر التمام هز شوقي وتور يا نديم إزاي جرحي المخفي غور زي بدر التمام يا قليب إتجبر قوم وريني كيف الكرام تتصبر زي بدر التمام نحن ما بنتعبر النفوس أن حبت تستحى وتتكبر زي بدر التمام ما خبير أتخبر في الزمان الفات والجديد إدبر زي بدر التمام أوعي لا تتشبر هل رأيت لك عاشق بالغرام يتنبر زي بدر التمام نحن ما بنطفر ما بنهاب سفيه إلا ما بنتزفر زي بدر التمام قولوا لي البتنفر ما شالن قناع المعاك تتوفر زي بدر التمام يا زميل إتشطر شن بتشوف حداك إلا حور مبطر زي بدر التمام يبقي يومنا مطر ماله الكون دهين والفريق معطر زي بدر التمام النحر مغمر والسباته حارة والمجال مضمر زي بدر التمام الشعر مخمر يرشح كله ند عردب المجمر زي بدر التمام قام محمد بشر هز فوق تيجانن سل سيفه وكشر زي بدر التمام قول معاي وإتفشر نحن سياج عروضن نحن يوم المحشر زي بدر التمام يا حسن اتذكر طيب ليلتنا ديك والصباح السكر زي بدر التمام المدام ما اتنكر لا من ديكنا صاح فوق رؤوسنا اتحكر زي بدر التمام كل شىء مفسر ما في شىء غريب والعسير ميسر زي بدر التمام ما في عين تتحسر دام عريسنا دام والحسود إتحسر زي بدر التمام
04-24-2009, 06:44 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
جارو اهلك لشاعر / محمد علي عبدالله -------------------- جارو اهلك وجورم أمـر بالبعـاد والأمـر الأمـر في ديارم حجبـو القمـر البديع الساحـر الفكـر بالجمال والحياء إنشكـر حسنو يرمي الزول في وكر شوفتو تسكر من غير سكر للقلوب ياصاحي إحتكـر كي يخلف خالـد الذكـر مفخر الأجيـال والدهـر حسنو أعجب على ماظهر في خدودو الحياء إزدهـر والطبيعه تناجـي الزهـر تدي منظر جـذاب بهـر زي نجوم السماء في النهر نـورو للبدريـن إحتقـر البهيـج النضـر الاغـر يـزدري البـراق بالثغـر المحشـم مـن الصـغـر منّو كل الناس فـي بغـر فيه شارد الحسن إستقـر من عيونو كيـف المفـر كم بأفئده وأعيـان ظفـر محيو فيـه البـدر السفـر وجيدو جيد الظبي النفـر كل عهد الحسـن الوفـر زول ويوزن مليون نفـر حبي هاك القـول الأبـر والعيان يغنيك عن خبـر كم نظرت في دهري العبر نظرة الـي الحيـاة إعتبـر الجزع في الناس والصبـر شفنا طوع القضاء إنجبـر لو بحجبو الأمـر الصـدر مابحجبوا دمعي اللنحـدر كل شي إن صفا أو كـدر في أيادي القضـا والقـدر أما دهري إن صد أو غدر البعرفـوا الوفـاء مانـدر
04-24-2009, 06:46 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
في الضواحي شعر وغناء : خليل فرح ----------------------- في الضواحى وطرف المداين يلا ننظر شفق الصباح قوموا خلو الضيق في الجناين شوفوا عز الصيد في العساين يله نقنص نطرد نعاين النهار أن حر الكماين كلبي يا جمجوم أصله خاين شوفوا كيفن يبرأ الملاين هب شال وكشح المراح للقنيص الخيل خف راسن نحن ما بنخاف من مراسن المكارم غرقنا ساسن والمجاهل مين غيرنا ساسن ان عطشنا نمز مر وآسن وأن عشقنا بنعشق محاسن فى المحاسن كفي يومنا راح في الخميلة انجلت المحاسن عيني حايرة ومشي قلبي جاسن بعض حسنك هي يا محاسن الحرير حين قدميك داسن والزهور حين شفتيك باسن والغصون من لدنك مياسن والنسيم فاح بكر الملاح يا الطبيعه الواديك ساكن ما في مثلك قط في الأماكن يا جمال النال في ثراكن ياحلاة البرعن أراكن في قفاهن تور قرنه ماكن لا غشن لا شافن مساكن في الخزام والشيخ والبراح شوف صباح الوادي وجماله وشوف خضاره وصيده ورماله شوف يمينه وعاين شماله شوف نسيم الليل صاحي ماله شوف فريع الشاو مين أماله القمر خجلان من كماله والصباح لا بهل الوشاح يا أم لسانا لسع معجن كلمة كلمة وحروفه ضجن ديل خدودك غير داعي وجن ديل عيونك من غير سبه لجن ديل دموعك من نظرة شجن ده دلال ايه ده دلال معجن محن الامات يا رداح ماك نسيم الليل بي برودك نامت الازهار فوق خدودك غرد العصفور فوق عودك النفوس ما اتعدت حدودك ما عرفنا عدوك من ودودك بس أنا المقسوم لي صدودك يا حياتي وأملي اللي راح
04-24-2009, 06:47 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
قسم بمحيك البدري أبو صلاح ------------- قسم بمحيك البدري غرامك منو ضاق صدري حبيبي البي العلي تدري المحينون ليلة القدرِ نصب فوق حاجبو لي غدرِ معاك في داخل الخدرِ فؤادي المالكو من بدري حبيبي البي العلي تدري حياتي ونعمتي ويسري رضيت لو يرض بي أسري فريض يا دموعي تنتثري إذا منو النسيم يسري حبيبي البي العلي تدري حمام الأيك والقمري يصيح ينبيك عن أمري وبين عواسلك السمري روايحي وفاكهتي وخمري حبيبي البي العلي تدري قبالك وين أجيل فكري مصافحة اليمين سُكري في بالك هل يمر ذكري وأمامك شكوتي وشكري حبيبي البي العلي تدري صحيح لجروحي لا تبري هواك برضاي ما جبري بسيمات فاهك التبري ياجميل كم قللت صبري حبيبي البي العلي تدري
04-24-2009, 06:48 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
حاول يخفي نفسه الشاعر / سيد عبد العزيز لحن وغناء / سرور
حاول يخفي نفسه وهل يخفى القمر في سماه أبداً لا ... وطبعاً لا ... شفناه .... شفناه
حاول يخفي نفســــه ******* وغير إتجاه سطع النور في أفقه ******* وكل إنسان رآه خلنا البدر أشــــرق ******* كامل في علاه زخلنا الزهر فتــــح ******* من أنفاس شذاه
جذاب حسنه رايع ******* لادن خلقه مايع رقص البان مشيه ******* تحب تنظر وشيه عيونك تختشيــــه ******* من قوة ضياهو ومن شـــــــدة حياهو مرة إذا نظرتــــــه ******* ونظرة إليك رناه قلبك ينشرح لــــه ******* وترتاح لي لقاه دون تشعر تحبــه ******* وتلهج .. في ثناه مرة تقول كبــدري ******* ومرة تقول كزهري مرة تسمي شعري ******* ومرة تعممي سحري تقلب فيه أسمــــا ******* وبرضو تشوفه أسمى كل وصــف تــراه ******* أقل من مستواه مترفع عظيم عالي ******* بعيد مــداه ملأ العين جمالــه ******* الزاهي رشح نداه يلألــي والكواكب ******* تتناثر حداه فيه الحسن أودع ******* ماملكت يداه مفــــــــــــــــــرح ******* وشوفته تفرح بتلقاك باسم ******* كالزهر المنسق في زمن المواســـــم تشوف في مقلتيه ******* حياه دلال تيه واللحظ البيجــرح ******* والوجد المبرح أنا من دون أصـــــرح لي قلب إصطفــاه ******* وهسه هناك معاه
04-24-2009, 06:49 PM
عمر عبد الله فضل المولى عمر عبد الله فضل المولى
تاريخ التسجيل: 04-13-2009
مجموع المشاركات: 12113
ما بنسي ليلة كلمات عتيق غناء كرومة بصوت الكحلاوى ما بنسي ليلة كنا تايهين في سمر بين الزهور انا وانت والنيل والقمر وين يا جميل يوم كنا تايهين في سمر من انسنا اتمتعنا بي جني الثمر كم قلبي بالانفاس لانفاسك غمر الجو سكر من ريك اتعطر خمر ما بنسي ليلة كنا في شاطي النهر نتعاطي خمر الحب بكاسات الزهر والبدر مزق ظلمته و سفر ازدهر في النيل سطع بي نوره واتقطع بهر الليل هدا والجو صفا وغاب الاثر النسيم بجيب من توتي اصوات المتر اتا يا جميل بي صوت ضميرك المستتر من شعري كم اسمعتك الحان في وتر شفت النجوم تنظرنا بي نظرة شذر لما القمر في افقه بغيابه اعتذر صافين عفاف ياحبيبي خالين من قدر في هوانا لا واشي ولا مراقب حذر انا بي غرامك ياحبيب دمعي انفجر وانا بي غناك ايقظت سكان الشجر قبال اراك انا كنت في حيرة و ضجر اليوم حظيت بلقاك يا ظبي ال
04-24-2009, 08:17 PM
Ahmed al Qurashi Ahmed al Qurashi
تاريخ التسجيل: 08-28-2006
مجموع المشاركات: 4263
شكرا لنصوص اغانى الحقيبة .... فقط احب ان اقول ان اغنية جاروا اهلك هى للشاعر سيد عبدالعزيز وليس للشاعر محمد على عبدالله وهى من الحان الحاج محمد احمد سرور.. ولقد سجلها للاذاعة باداء رائع الفنان بادى محمد الطيب... اما اغنية انت عارف انا بحبك فهى من اغانى ما بعد الحقيبة حيث لحنها وسجلها للاذاعة الفنان ابراهيم الكاشف
لك كل الشكر
04-24-2009, 10:43 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
شكرا لنصوص اغانى الحقيبة .... فقط احب ان اقول ان اغنية جاروا اهلك هى للشاعر سيد عبدالعزيز وليس للشاعر محمد على عبدالله وهى من الحان الحاج محمد احمد سرور.. ولقد سجلها للاذاعة باداء رائع الفنان بادى محمد الطيب... اما اغنية انت عارف انا بحبك فهى من اغانى ما بعد الحقيبة حيث لحنها وسجلها للاذاعة الفنان ابراهيم الكاشف
الاخ العزيز عمر فضل الله لك التحايا وايضا للدكتور احمد القرشي اضافه لكلام الدكتور احمد القرشي فقد اجتهد الرائع الراحل بادي محمد الطيب في الحصول علي هذه الاغنيه ولم يجد لها اسطوانه او اي توثيق مسجل لكي يعرف شكل اللحن ولكنه من خلال اجتهادته تحصل عليه من احد عشاق اغاني سرور .
اضافه اخري اغنية احرموني ولا تحرموني هي للشاعر الكبير محمد ود الرضي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر عبد الله فضل المولى
Ahmed al Qurashi
محمد المرتضى حامد
حمزه بابكر الكوبي
فيس بوك
تويتر
انستقرام
يوتيوب
بنتيريست