الكاركاتير نشر في صحيفة الرأي العام وتناوله اخونا كاستروا في احد المنتديات ويصف فيه بؤس الشعب السوداني في ظروف انتظاره الطويل للكهرباء الموعودة من سد مروي ... الطلع كوم بتاع اسمنت سااااكت.
والكهرباء قاطعة كل يوم... والله حقوا الناس الشغالين في الكهرباء ديل ما يدوهم راتب لمدة شهرين... وبالذات الناس الشغالين في سد مروي البياخدوا بالدولار ديل
معشمين الناس كيدا وبعدين يطلع فشنك .. والجماعة الشبعانين في المنبر ديل يجوا يغشوا القراء ويقولوا انوا الكهرباء ما حتقطع تاني من بكرة ... اوهوا بكرة بحمد الله جاء .. وحليمة مستمرة في الحاله القديمة بكل ما تملك من قوة..
04-24-2009, 01:09 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
انتوا ... يا جماعة ... البلد دي احتمال في واحد من الاوليه الصالحين دعاء عليها... لانوا الحاصل دا شي عجيب ... والله ماعارفنوا دا اهمال من ناس الحكومة ولا تقصير من المواطنين في مسالت دفع الضرائب ولا اصلا الحكاية بتاعت السد دي كانت فشنك وحاول رئيسنا الرقاص عمر البشير دا يستغل حكاية الرد بالسد ويتفادا اوكامبوا...
والله ما عارفي الكهرباء القالوا دي مشت وييييين؟
كدي العارف الكهرباء دي مشت ويييين يورينا
04-24-2009, 01:18 AM
كمال سالم كمال سالم
تاريخ التسجيل: 02-13-2008
مجموع المشاركات: 4786
Quote: يا أحمد يأخ كمان إنتو ماتبقوا طماعين !! الكهرباء دى ما أدوكم بدلها سمك !! يعنى إنتو عايزين تاكلو وكمان تنوروا ؟؟؟
كمال يا اخوي مساك خير انشاء الله..
يا اخوي انتا برضوا ما معانا في الزفة دي ولا شنوا وبعدين الطمع دا زاتوا مع ناس البشير ديل بقا ما يجيب فايده ... اخير لينا نكون غرقانين في احلام زلوط دي لحدي ما السمك بتاع البحيرة دا يبيض ويكبر ... واحتمال السمك دا زاتوا يدينا خاااازوق ...
بس المشكلة يا كمال نحنا كنا منورييين وبنسأل وييين
راحت الكهرباء الكانت شغاله زمان ديييك.
04-24-2009, 01:20 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
احمد محمد بشير
كمال سالم
فيس بوك
تويتر
انستقرام
يوتيوب
بنتيريست