|
|
 من مليار ومائتين مليون صفت علي أبوصالح !!!
|
أبو صالح و أبو راشد قاعدين يطالعون الأخبار في بلدتهم بريدة في القصيم.
أبو راشد - وش قاعد تفكر فيه يا بو صالح؟
أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين.
- و الله أنك صادق يا أبو صالح.
- بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القرآن و الأحاديث.
- و الله أنك صادق يا أبو صالح.
- و بعد ترى مو بكل العرب مسلمين صحيحين. عندك هالشوام و المصاروه و السوادنة، و الله حتى ما يصلون صلاة ربي. ان بغيت المسلمين الصدق تراهم أهل الجزيرة و الخليج.
- و الله أنك صادق يا أبو صالح.
- و موب بعد كل الخليج. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية.
- و الله أنك صادق يا أبو صالح.
- بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثل ما انت خابر عندهم بدع واجد. الدين الصدز هنيه عندنا في الوسطى و القصيم.
- و الله أنك صادق يا أبو صالح.
- بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدز هنيه ببريدة.
- و الله أنك صادق يا أبو صالح.
- بس بعد في بريدة مو بكل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيها و لا دش واحد.
- و الله أنك صادق يا أبو صالح.
- بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر.
الصراحة يا بو راشد ما فيه في الحارة يصلون الفجر دايم في المسجد الا أنا و انت.
- و الله أنك صادق يا أبو صالح.
-بس أشوفك يا بو راشد هالأيام ما تخشع زين في صلاة الفجر
|
|
 
|
|
|
|
وليد التلب
Balla Musa
فيس بوك
تويتر
انستقرام
يوتيوب
بنتيريست