|
|
 لاقيــــت ليـــكم مــامــا دومــــــا ...
|
أولا أنا أمـــــــاني مالهكر ..
ثانيا لي مده عايزه أكتب البوست ده لكن المشغوليه حالت بيني وبين كتابته ..
توقيت كتابة البوست ماعندها أي علاقه ببوست الهكر بتاع امبارح لأني أصلا مافهمت الموضوع ..
وماعارفه والله المقصود من الحركه شنو؟
المهم ..
كان لي شرف لقاء أم الجميع في البورد وحبيبة الكل ماما دوما وحابه أحكي ليكم عنها ..
|
|
 
|
|
|
|
|
|
|
 Re: لاقيــــت ليـــكم مــامــا دومــــــا ... (Re: Amany Elamin)
|
من بداية تسجيلي في المنبر والكل بيطلب مني اني أقابل ماما دوما ..
وقتها كانت ماما دوما غايبه عن البورد ..
وطلب مني العديد بحكم أني في الصين برضو ..
أني أقابلها وأقنعها بالرجوع للكتابه للبورد ..
وأنا كنت من المعجبين بحكمتها وخفة دمها حتي قبل ما ألتحق بالبورد ..
لكن طبعا كتابتها بلقب وعدم معرفتي باسمها أو اسم مدينتها جعلني حائره في كيفية مقابلتها ..
ثم شاءت الظروف انها ترجع للبورد بعد مده بسيطه من تسجيلي ..
فتبادلنا البيانات عن طريق الايميل واتفقنا أن نلتقي عندما تتيسر الظروف ..
خصوصا اننا طلعنا في نفس المدينه ...
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
ماما دوما للما عارفينها من أقدم الأعضاء في البورد علي الاطلاق ..
وهي من الدفعه التي كانت بتكتب بداية في سودان نت قبل افتتاح موقع سودانيز أون لاين ..
كنت بعرف عنها انها تخاطب الجميع ب يابتي و يا ولدي والكل يناديها بماما وخالتو فتوقعت انها امرأه كبيرة السن وخاله للجميع فعلا !!
وبالتالي كنت ماخده انطباع معين قبل لقاءها ..
أول مره اتصلت بي في التلفون لاحظت صوتها وطريقة كلامها ..
صوت لامرأه شابه وضغيرة السن ..
تحدثنا في الهاتف لمده طويله تحدثنا فيها عني وعنها وعن سبب تواجدي في الصين ..
وعن الحياه هنا وعن مواضيع مختلفه كثيره ..
لاحظت خفة روحها ومرحها ..
ضحكنا وغرقنا في حديث طويل وكأننا علي معرفه منذ مده طويله جدا ..
واتفقنا أن نلتقي قريبا ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
في يوم اتصلت علي ماما دوما لنلتقي ..
كان يوم اجازه عند الصينين علمت لاحقا انه عيد للاحتفال بالأموات !!!!!
وهو يوم عطله رسميه سنوي يتذكر فيه الصينيون أمواتهم ويذهبون لزيارة قبورهم وتجتمع فيه الاسر ..
وبما اني أعمل ليل نهار وفي الويك-اند وحتي في العطل الرسميه .. فكنت في العمل كالعاده حين اتصلت بي ..
اعتقدت اني في عطله فرغبت في أن نلتقي ..
ورغبت في لقاءها أيضا ..
الكتابه في سودانيز أون لاين هي أول تجربه لي للكتابه الاسفيريه ..
وبالتالي لم يسبق لي أن ألتقيت بأي شخصيه اسفيريه من قبل ..
وكالعاده أول مره دائما تكون تجربه ملبده بالخوف والقلق ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: doma)
|
ماما دوما :
عسل انت والله ..
عارفه من يوم ماتلاقينا أول مره وأنا بفكر في البوست ده ..
لكن عارفاني مضغوطه كيف ..
مرّات الضغط زاتو بعمل انفجار ..
بكره عندي Presentation مهم جدا .. وعامل لي Stress مبالغه ..
من شدة ما مجرّسني القعده زاتها غالباني .. قلته أهدي شويه بالبوست ده ..
فعلا خساره اننا اتلاقينا في اخر أيام لي في بكين ..
لكن معرفه تستمر طول العمر انشاء الله ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Rihab Khalifa)
|
رحاب :
| Quote: يا بختك يا اماني والله :) |
مش كده ..
أنا زاتي حاسده روحي عليها ..
وحاسده روحي علي معرفة ناس كتار في البورد ده ..
سعيده ب د.اشراقه ونفسي ألاقيها ..
سعيده ب د.نجاة وانشاء الله معرفتي بيها تزيد اكتر وأكتر .....
سعيده بهاله حسن الباشمهندسه العسل ..
سعيده بساره علي أحلي الحلوين ..
سعيده بسناء خالد أختي وحبيبتي .. سناء دي عايزه بوست براهو ..
ألطف وأرق وأحلي مخلوق .. أختها هنا في الصين .. لما عرفته انها أخت سناء عرفته ليه أنا بحب سناء..
الاتنين ما يتخيروا علي بعض .. زوق وظرافه وأخلاق ..
سعيده بحنين الحنينه ..
وسعيده بيك جدا يارحاب وانشاء الله نجتمع في الخير يارب ..
المداخله دي حقو أرسلها في بوست القراء ..
مش نحن قرّاء برضو ..حقو يخلّونا نشارك في البوست بتاع الأخ حيدر وناذر ..
تحياتي ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: محمد عبد الماجد الصايم)
|
لقاءي بماما دوما كان في عز مشكلة بوست العلمانيه والشريعه اللي كنّا فيها أنا وهي علي طرفيّ نقيض ..
كان البوست مسبب لي ضغط نفسي حقيقي لأني اكتشفت انه أصعب حاجه في الموضوع ضبط الحوار ..
وكمان لأنه أول تجربه لي للخوض في حوار ناري زي ده,
الكتابه الاسفيريه علي عكس ما توقعتها تجربه مخيفه جدا ..
الهجوم والنقد قد يأتي من الطرف الاخر فقط لأنه ببساطه لم يستطع وضع تصور صحيح لفكرتك التي أتيت للدفاع عنها ..
وقد تؤخذ بجريرة مفاهيم أخري أو مواقف سابقه لادخل لك بها ..
وتصبح الاتهامات المتبادله أعنف من موضوع الحوار وتشتت التفكير ..
المهم كنت اتناقشت مع ماما دوما عدة مرّات عن موضوع البوست بالهاتف ..
حوار طويل ومحاوله دؤوبه مني لشرح وجهة نظري .. كنا نتفق أحيانا ونختلف أحيانا كثيره ولكن بمحبه واحترام ..
حتي قررنا أن نلتقي ونكمل حوارنا مباشره لنتمكن من توضيح مفاهيمنا ..
خرجت من العمل مبكرا خصوصا أن اليوم أصلا عطله توجهت الي السكن أولا قبل الذهاب الي اللقاء المرتقب ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
كنت قادره أتخيل انه دفاعي المستميت عن الشريعه الاسلاميه في البوست,
خلي ماما دوما تكوّن عنّي فكره خاطئه, شكلا علي الأقل ..
لذلك تعمّدت ابراز صورتي الحقيقيه ليها كامله ..
عرفت انها تتصورني من أنصاريات السنه علي أقل تقدير ..
واني شديدة التزّمت والالتزام , والحقيقه أنّه شرف لا أدّعيه ..
لأني في الحقيقه مثل العديد من السودانيات ملتزمه باعتدال لو ما بتخفيف كمان ..
المهم مشيت السكن قمت بأعمال منزليه صغيره ثم قمت بتبديل ملابسي, ارتديت تي-شيرت بناتي بسيط وبنطلون واسع ..
وكعادتي أحاول أن أحكم غطاء رأسي ما تكمنت مستعينه بالدبابيس لذلك ..
وكنت أحمل حقيبة ظهري التي أحمل فيها اللاب توب عادة وانتعل حذاء خفيف, تعمّدت أن أكون كما أنا كل يوم في عملي ..
كنت أعلم أنها ستتفاجا عندما تقابلني ولكن لم أكن أعلم أنّ مفاجأتي بلقاءها ستكون أكبر ..!!!
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
وصلت الي مكان اللقاء متأخره ..
كنت شديدة الأسف للتأخير لأنها أكبر سنا ويجب علي أنا الاتزام بالوقت أكثر منها ..
ولكن الالتزام بالموعد خصله فشلت في تحقيقها تماما واعترفت لنفسي بفشلي فيها ..
دائما ماأقوم بتقدير الوقت بصوره خاطئه وأصل الي أي موعد بعد الزمن المحدد ..
ما زلت أذكر أني كنت أحضر الي الامتحان في الجامعه بعد الزمن بنصف ساعه ..
وأواجه خطر عدم السماح لي بالدخول الي الامتحان ..
ومع رهبة Exam Hall ..التي يعرفها خريجو جامعة الخرطوم جدا .. يصبح الأمر أشد خطوره ..
فلابد للجلوس في هذه القاعه المخيفه جدا لمدة نصف ساعه علي الأقل حتي تتمكن مبدئيا من كتابة اسمك في ورقة الاجابه ..
الحق أن تاخري عن المواعيد أدخلني كثيرا في ما`زق عديده, لولا لطف القدر ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
أول لقاء مع شخصيه اسفيريه كان مهيبا جدا في نفسي ..
معلوم عن كتّاب الأسافير قوّة الملاحظه والنظره الناقده والحصيفه للأشياء ..
بالرغم من أنهم أشخاص متواجدون في كل الاماكن ويمكن الالتقاء بهم صدفه ..
ولكن أن تلتقيهم مع سبق الاصرار والترصد فالأمر مخيف جدا عل الأقل بالنسبه لي ..
اذ تبقي النظره الثاقبه للأمور غريزه وصفه مكتسبه في ان واحد ..
ومع خبرة ماما دوما الاسفيريه يصبح الأمر أشّد صعوبه ورهبه ..
وانا الواثقه من نفسي لدرجة اللا مبالاه كنت أخفي قلقا كبيرا قبل لقاءها ..
وكنت أضع لها تصوّرا مهيبا جدا ..
حتي تبدّل الحال في ظرف ساعه من الزمان الي الفه كبيره جدا ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
وصلت الي مكان اللقاء وظللت ابحث عنها في الوجوه ..
ليس من الصعب في أي بلد خارج السودان أن تعثر علي ضالتك ان كانت شخص من نفس بلدك ..
عثرت عليها بمنتهي السهوله ولكنني ذهلت !!
فوجئت بامرأه شابه قليلة الحجم, شديدة المحافظه والرشاقه .. (كنت أتصورها ضخمة الحجم جدا )
ابتسمت لي ابتسامه عريضه واحتضنتي ..
كان سلاما مريحا وحميما وكأننا نعرف بعضنا منذ سنوات ..
تبخّر الخوف في أول خمسة دقائق من السلام ..
ماما دوما تحمل وجه حبّوب يجعلك تتنفس الصعداءحالما تراها, وتنسي كل القلق وتغرق في الحديث والسلام والسؤال بمحنّه وصدق ..
جميله, رشيقه, شابه, كثيرة التبسم في وجهك (مما يجعلني أوقن أن لها من الصدقات جراء هذا التبسم مالا يحصي ولا يعد ..)
هادئه, مرتبه, مرحه, روحها مشاغبه وهادئه في ان واحد ..
كان من الصعب علي أن أشعر بكلمة ماما بعدها ... فبنات خالاتي في مثل سنها ..!!
أمي أصغر أخوتها وأنا أصغر اخوتي وبالتالي فان بنات خالاتي منهن من لهن أبناء أكبر مني .. وفي مثل سن (ماما) دوما ..
وأناديهن عادة بأسماءهن .. ثم ان روحها الشابه ومظهرها المحافظ جدا جعل من الصعب علي في البدايه الشعور بأنها أمي بالرغم من أنها في مقام أمي فعلا ..
حتي شعرت بأمومتها لاحقا بشده من خلال تعاملي معها ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
أصرت بشده علي اصطحابي الي منزلها ..
وكنت افضّل الجلوس في أي كافتيريا قريبه من مكان اللقاء ..
لايوجد شخص يصر علي اصطحاب شخص يلتقيه لأول مره الي منزله سوي السوداني ..
رغبه فياضه في اكرام شراكة الدم والأصل والاحتفاء بهم ..
طلبت منها الذهاب معي الي المنزل وأصرّت علي اصطحابي معها
لغتي الصينيه المتكسره , جعلت سائق التاكسي يلتقط بسرعه عنوانها الذي هتفت به بوضوح شخص أقام في الصين لسنوات عديده ..
وأنا لم أكترث ليوم واحد لتعلم اللغه الصينيه وتعمّدت في المقابل تجويد انجليزيتي بالتعامل بها في كافة تفاصيل الحياه ..
بكل اللهفه ظللنا في التاكسي نتبادل المواضيع ..
تتحدث فأصغي بأمعان .. وأتحدث فتستمع بانصات .. ونتداخل ونتفق ونختلف ..
لم نشعر بالوقت حتي وصلنا الي منزلها ..
وهناك قضينا وقتا شيّقا في النقاش وتبادل وجهات النظر ..
روت لي عنها , ورويت لها عنّي ..
تحدثنا عن هموم البلد ووجعنا وحسرتنا عليها ..
وتحدثنا عن العديد من المواضيع التي كانت مطروحه للنقاش في البورد ..
تحدثنا وتحدثنا وتحدثنا ..
ولم نشعر بالوقت ..
أكرمتني واستضافتني في منزلها بكرم السودانيين المعهود ..
أشعرتني أني في منزلي .. وشعرت بالفه للمكان ولها ..
ذكّرتني بأمي وبأمومتها عندما كانت تصر علي اكرامي بشتي السبل ..
وتتعمد تحليفي كما تفعل أمي تماما لارغامي علي تناول شئ ..
فأنا قليلة الاهتمام بالأكل والشرب, وأمي تمعن ارغامي بالتحايل علي تاره وبتحليفي تاره أخري لأتذكر طعامي ولاأغرق في عملي ..
وهي كانت كأمي ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
شاركنا زوجها المحترم حال عودته من الخارج في النقاش ..
كان نقاشا علميا بحتا فهو وهي وأنا دارسين للبايولوجي بفروع مختلفه ..
ثم عزمت العوده الي منزلي وقبله الي المعمل حيث كان العمل مازال ينتظرني مع أن الليل قد أرخي بسدوله ..
أصرّت وزوجها علي توصيلي بالسياره الي منزلي وهي مسافه ليست بقريبه اطلاقا ..
والمضحك أننا ضللنا طريق العوده مرات عديده .. كنت أن موقنه من معرفتي للطريق وكانت وزوجها متوجسين من أن نضل الطريق ..
وفعلا كانت سرعة السياره وظلام الليل سببا في خروجنا عن الطريق الصحيح مرات عديده ..
ولكني كنت أستدرك لنعود الي الطريق مره أخري..
فلبكين طرق دائريه تبدأ حيث تنتهي .. والخروج منها يستلزم الدوران للعوده مره أخري .. أشبه بالمتاهه ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
أصبحت بيننا صداقه حميمه ..
التقينا بعدها بدون حواجز ورهبه ..
لقاء اصدقاء حميمين.. بيننا العديد من الأمور المشتركه ..
وروحها الشابه تجعلها صديقه لي وان كانت تناديني ب (يابتي) مرارا وتكرارا ..
كرمها الفياض والحاح الأمومه في الاهتمام بالابنه ظل معنا حيثما ذهبنا ..
حتي عندما زارتني في منزلي أصرّت علي احضار العشاء معها حتي لاننشغل باعداد الطعام عن الاندماج في الحديث ..
وتحلّفني في بيتي وتصر علي لأتناول العشاء وأنا المستغرقه في الحديث للنهايه ..
كسرت ماما دوما لي حاجزا ألفته في نفسي ..
فانا كثيرة الهدوء وأميل الي الصمت في حال التقاءي بشخص للمره الأولي ..
ونادرا ما اندمج مع شخص في لقاءي الأول ..
ولكن معها لم أشعر بأي غربه, بل شعرت انني مع أمي فعلا ...
تحية محبه واحترام وتقدير لماما دوما ..
روحك الطيبه وبساطتك أدخلت السعاده علي قلبي ,
في غربه ووحده وسفر ..
ويارب دايما نتلاقي في ساعة خير ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: doma)
|
العزيزة اماني
بالله انتي في الصين وانا اقول اماني مالا مسخنة من اول الصباح
بعدين الهاكر ده لو مشى الصين ح يتعب تعب شديد كل الناس بتتشابه وكل الاسامي شي شان شو
ما ح يعرف هو زاتووو داخل بي ياتو اسم
تحياتي للخالة دومة وقولي ليها اظهري وباني عليك الاماني
تحياتي
زاتوووو
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: doma)
|
..........الاستاذة أماني
تحياتي
....دومة إنسانة رائعة قبل أن تكون مثقفة ومستنيرة وديموقراطية
... عقل راجح وفكر ثاقب وتهذييب متناهي ... من حكماء المنبر وحافظي
التوازن والإتزان في أركانه....
....الاخت أماني أطلعت وبإستمتاع علي كتاباتك ذات الطابع الأدبي في بوست
الاخ قيقراوي -ففيها سلاسة وبساطة وعمق في آن واحد ولك مقدرة كبيرة علي السردالجمالي,,,,,,,,,,
,والغريب أن ذلك جاء بعد يوم من خلافنا في بوست العلمانية ....لك التحية وأن تعرفينا
أكثر علي شخصية المحترمة دومة........
00 لا أتصورك يادومة خالة وأتخيلك في منتصف ال 30 فعلي الرغم
من نضج قلمك الا أن فيك حماس وحيوية وشباب فكري وطاقةكتابية لشخص
لازال في عنفوان شبابه!!
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: كمال عباس)
|
الأخ كمال عبّاس :
هي فعلا كما وصفتها .. متوازنه جدا .. وشابّه جدا ..
اقبالها علي الحياه وابتسامتها تجعلني أغار ..
فأنا في مقام ابنتها ومثقله بالهموم والتعب واخذ الحياه علي محمل الجد جدا حد الاعياء ..
شكرا علي اطرائك علي الكتابه ..
بيننا اتفاق انشاء الله في مواضيع أخري قادمه ..
اختلفنا في جانب .. ولكن أكيد بيننا العديد من نقاط التلاقي التي لم نكتشفها بعد ..
سعيده برورك الكريم ..
احترامي ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
اول حاجة لازم تدفعي حق العنوان !!
تاني حاجة بالله عليك شنو ماما دومة ومشيت معاها البيت وحركاتك دي (وش غيران)
واوعى تكون جابت ليها (بت كبدي) كمان .. بقتلك !! (واكتر من غيران)
هسى تلقى ليها جارة وشي فول وشي فلافل تقوم تفتح لينا ..
بالله المرة الجاية لما تكوني ماشة لازم اكون عارفة !!
انتي يا ماما دومة ليه غايبة مني ؟؟؟
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: انعام حيمورة)
|
العزيزه انعام حيموره :
| Quote: تاني حاجة بالله عليك شنو ماما دومة ومشيت معاها البيت وحركاتك دي (وش غيران) |
عارفه جبنا سيرتك ..
قعدت تشكر فيكي يجي نص ساعه (هسي اللي يغير منو؟) ..
من شدة ما شكرتك لمن حتي قلنا ليته سكت ههههههه :)
ياخي انت ست الناس كلّهم وماتخافي قلب الأم كبير وبيشيل أولادها كلّهم ..
انشاء الله نجتمع مع بعض كلّنا في ساعة خير يارب ..
مودتي ,
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: doma)
|
Quote: كسرت ماما دوما لي حاجزا ألفته في نفسي ..
فانا كثيرة الهدوء وأميل الي الصمت في حال التقاءي بشخص للمره الأولي ..
ونادرا ما اندمج مع شخص في لقاءي الأول ..
ولكن معها لم أشعر بأي غربه, بل شعرت انني مع أمي فعلا ...
|
ياااااااااا ه ....... الله ما يحرمنا من اهلنا الطيبين وين ما كانو التحيه لكي وللاخت دومه وكل المتداخلين ..... معزتي
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: willeim andrea)
|
الأخ وليم أندريا:
| Quote: ياااااااااا ه ....... الله ما يحرمنا من اهلنا الطيبين وين ما كانو التحيه لكي وللاخت دومه وكل المتداخلين ..... معزتي |
شكرا ليك ولك مثل هذه التحايا..
وفعلا ربنا ما يحرمنا من أهلنا الطيبين ..
ويخلّي روح السودانيين الطيبه معاهم وين ما يكونوا دايما يارب ..
شكرررررا ,,
| |
|
|
|
|
|
|
|
|
 Re: لاقيــــت ليـــكم مــامــا دومــــــا ... (Re: Sana Khalid)
|
| Quote: جميله, رشيقه, شابه |
جدا.. جدا... جدا
قلت ليها ياخ انا مفروض اقول ليك زينب.. زوزو.. زيزي!
لكن باخجل اقول لزولة انا جنبها يا دوب اختها الصغيرة يا ماما !
قالت لي و الله ما تقولي لي ماما ازعل منك
و انا باقولها ليها بس لاني ما بقدر على زعلها
و عشان الاحترام البتستحقو هي و حنان الأم البتشمل بيهو كل الناس
الله يخليك لينا يا ماما دومة
و يخليك انت كمان يا اماني (طبعا حاسدة سحر على ملاقاتك انت برضو)
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Sana Khalid)
|
سناء خالد حبيبتي :
فعلا من يوم ما لاقيت ماما دوما وحكيت ليك عنّها وأنا زي ما وعدتك بفكّر في كتابة البوست ..
لكن طبعا حالي لايخفي عليك ..
الحمد لله ضغطت الPresentation خلتني أفكر أهرب لي حاجه تخفف الضغط ..
وطبعا ما في أحلي من سيرة ماما دوما .. وسيرتك برضو يا سنويه ..
عارفه قيقراوي صاحبنا (أبو فادي) مره اتفقت معاهو انه أكبر مكسب في سودانيز هو معرفة الناس الحلوين ..
حلاوة الداخل طبعا ..
وانت كنت أكبر مكسب طلعت بيهو من هنا ..
كفايه انك بقيتي لي أخت وصاحبه .. وزي ما قلت ليك بحسد سحر عليك وبحسدك عليها ..
وزي ما دايما بقول ليك في التلفون : مبسوطه بيك شدييييييييييييييييد يا سناء.. ويارب نتلاقي قريب ..
| Quote: اها يا اماني اوعى تاني تمسكي ليك زول وثائق بدون ضمانات تنزّلي و لا انزّل? |
ههههههههه
طبعا كنت حأكتب في العنوان مافي صوّر ..
تاني خفت العنوان كده يطفّش القراء قمت سكت سااااي ..
سنويه الصور أعملي بيها نايمه ههههههه
البورد بقي بتهكر وبتحصل فيهو حاجات غريبه ..
بعدين الحمد لله ود الصايم لايلتفت .. خليهو يركز لينا مع الهكر الحيجيب لينا جلطه ده ..
كان التفت البكورك لي بكري يلحقنا منو ؟
ههههههههه
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Amany Elamin)
|
Quote: وتحلّفني في بيتي وتصر علي لأتناول العشاء وأنا المستغرقه في الحديث للنهايه ..
|
ما بيتك بيتها.. عجبتني الحته دي شديد
كريمه واجواده جود اروش
زوله بالجد تتحب
السرد حلو وشيق .. سرحت فيهو من اول حرف لآخر نقطه
بستهويني الحكي .. القصص .. التجارب
بختك يا اماني لقيتي توأم روح وزوله بتشبهك في البلد الناسها بتشابهو زي التعاريف ديل
ربنا يديمها محبه
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: نوفل عبد الرحيم حسن)
|
دومة وانا ذات حنين
بختك يا امانى..
وبخت زينب بيك
وياريتنى لو كنت معاكن, آمانة مابريد الونسة والضحك..
دومة زولة واضحة فى رؤيتها وما بتجامل بموقفها
تحاور وتختلف وكلو بمحبة واحترام
وعلى قول دومة استنى شوية لحدى شهر سبعة عشان نجيكم.. وكت دومة وفى فيينا جارة المانيا وبت خالتها لزم ماجات
اها نتلاقى فى سويسرا ومافى تراجع ولا شنو يادومة { وماتنسى الامانة معاك وكان نسيتيها بنلاقاها فى جنيف}
ربنا يوفقك يا امانى ويديم بين الناس المحبة والمعروف
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Ishraga Mustafa)
|
أول صدقنا إنها حبوبة دوما لكن من كتابتها عرفتها ما حبوبة بقيت أقول ليها الأخت دوما... لكن بطريقتكم دي الظاهر الواحد تاني إلا يقول الابنة دوما.
أيا كانت أما... أختا أو ابنة فهي ممن يزدان بهن المنبر و حقيقة أتمنى أن تجمعني بها الظروف. ربنا يخليها لأسرتها و بلدها و لينا في المنبر و ما تحرد تاني و يديها الصحة و العافية و طول العمر - لغاية ما تبقى حبوبة بالجد - و حسن العمل.
شكرا أماني على البوست الظريف.
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Kostawi)
|
كوستاوي:
Quote: و بعدين يا أماني
لو عايزانا نصدقك
هاتي الدليل:
نمرة التكسي
إسم التكاسي
صورة صينية الأكل الجابتو ليك في البيت
شريط audio عن نقاشكم العلمي عن القعونج |
هههههههههه
كلّه موثّق يا كوستاوي ماتخاف ..
بس صوّ ر في منبركم ده نهييييييي ..
الهكر الهكر .. ما تقدر تضمن ياقول ود الصائم الهكر الظاهر مافي النت,
بقي يصل الناس فيييييييي حتاتهم ..
غايتو في دليل عند سناء خالد, شوية وثائق سريه كده ههههههههه ..
عاين وين البوستر بتاع الأعضاء القلت حتعملوا ..؟
مستنينّك بيهو , حنشوفوا قريب ؟
تحياتي ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: smart_ana2001)
|
سمارت العسل :
| Quote: و الله انتو الاتنين (امانى و دومه) من الناس اللى انا عاوزه الاقيهم...و د.نجاة فى راس القائمة....معرفتكم تشرف و الله |
نفس الشعور والله ..
أنا كلّمتك قبل كده انّي من المعجبين بروحك الحلوه وكتاباتك اللذيذه ..
يالله الشئ الجميل انه دي علاقات لسه حنكتشفها مع بعض ..
يعني انشاء الله نتلاقي في الخرطوم يوما ما ونبدأ صداقه قويه ويمكن قبل كده كمان ..
مودتي ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Abdelmuhsin Said)
|
أماني اختي...
والله كلام اكتر من معاد حيكون لكن يعلم الله معزتك قدر شنو...ومن اول يوم ليك عرفت معدنك..وعرفت انه سودانيزاونلاين كسبت كاتبة جديدة..وشخصية متميزة...نتمنى انه الزمن يتيح لينا تواصل حقيقي..وبختك بملاقاة ماما دومة...
دومة...اشتاق الى سماع الصوت الحنين العفوي التلقائي..اشتاق الى ان نتكلم مرة اخرى... للأسف لا ادري لم اضعنا التواصل ...والأرقام...
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: حنين للبلد)
|
حنين :
| Quote: نتمنى انه الزمن يتيح لينا تواصل حقيقي..وبختك بملاقاة ماما دومة... |
شكله حيحصل انشاء الله أقرب مما تتصوري ..
العصفوره قالت لي انّك ماشه السودان قريب ..
وقريب دي ياها زاتها حقّتي ..
يبقي بيننا وعد لقاء .. وونسه كتيره ..
مودّتي,,
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: حنين للبلد)
|
| Quote: دومة...اشتاق الى سماع الصوت الحنين العفوي التلقائي..اشتاق الى ان نتكلم مرة اخرى... للأسف لا ادري لم اضعنا التواصل ...والأرقام.. |
اها كدي يا حنونني بفرز ك في الضلام
قبيل صوره اشراقه ضللتني .
لما الظروف تحن
بنتلاقي وبنتكلم
اصلوا المد واصل ما انقطع .
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Abdelmuhsin Said)
|
الأخ عبد المحسن :
Quote: امانى الظريفه سلامات .
يا اشراقه عليك الله الاحباط لازومو شنو.
انقطاع التيار الكهربئ يصيب بعض الناس بلاحباط مما يؤثر على حالتهم النفسية عند سماع اها نتلاقى فى سويسرا |
عاين أقول ليك سر ..
شفت الناس البرّه ديل كلّهم بيهضربوا بي حاجه واااااااااحده : جيّة السودان ..
مافي أحلي من انو الناس تتلاقي فيييييي الخرطوم .. دي أحلي لمه ممكن يحلموا بيها د. اشراقه وماما دوما ..
التصريح ده علي ضمانتي ههههههه ..
سلامات ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Ishraga Mustafa)
|
العزيزه د. اشراقه :
| Quote: وياريتنى لو كنت معاكن, آمانة مابريد الونسة والضحك.. |
يالله ..
ده حلم جميل انه نتلاقي ونتونس ونضحك ..
عارفاني نفسي ألاقيك قدر شنو ؟
محتاجه أتزوّد منك .. من قوتك واصرارك وعزيمتك ..
ومحتاجه أحكي ليك كلام كتيييييير, وأسمع منك أكتر ..
ماتنسي بينا حلم مشروع التحرّش ..
لسه مستنياك بيهو وكلّي حماس عشان نبذل فيهو مجهود .. يمكن ننجح ..!!
أقول ليك, أكييييييد حننجح طالما انت قائدة الركب ..
موده واحترام ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: doma)
|
الاخت العزيزة أماني
تحياتي وعميق الاحترام لك وللخالة دوما
لم التق حتي تاريخه بالخالة دوما لكنني متابع جيد لكل حركتها وسكنتها في البورد منذ انضمامي وحتي تاريخه
سعدت ايما سعادة بعودتها ! الخالة دوما واحدة من علامات المنبر وعمود أساسي ، بحضورها المحترم أجبرت الجميع
علي احترامها وتقديرها، للخالة دوما المعزات كلها والامنيات بكمالات الصحة والعافية ولك أماني عميق الاحترام .
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: خضر حسين خليل)
|
الأخ العزيز خضر :
| Quote: الخالة دوما واحدة من علامات المنبر وعمود أساسي ، بحضورها المحترم أجبرت الجميع علي احترامها وتقديرها، للخالة دوما المعزات كلها والامنيات بكمالات الصحة والعافية ولك أماني عميق الاحترام . |
ياسلااااام, لو عارفه الكتابه عن ماما دوما بتجيب الناس الأصليين كلهم هنا,
كان كتبت من أول يوم لاقيتها فيهو ..
اكتشفت انه حبايب ماما دوما وأصدقاءها هم الناس اللي أنا اتشرفتّ جدا بمعرفتهم في البورد ..
واللي كان نفسي أتعرّف بيهم قبل حتي الالتحاق بالمنبر ..
ليك كمان ياصاحب احترام كتييييير ..
تحياتي ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: doma)
|
لقيت نفسي و بطريقه عفوية بقول : لووووووول ماما دومه في طلب النجده في شئون
حياتي اليومية عند التعثر بدلاً عن ( أفو ) او ( أكو ) التي ظللت استخدمهما.
رأيتُ صورة ماما دومه في بروفايلها قبل اسبوعين تقريباً فهممتُ بحفظ الصوره و فتح بوست
بعنوان ( ماما دومه نيو لوك موديل 2009م .. توجد صوره ) و لكن لسوء الحظ قامت بسحب
الصوره و وضعت صوره الاخت نهله فك الله اسرها فلم اتمكن من ذلك .
اوافق الاخ كمال عباس في ان دومه و جني شكلا ثنائي فريد في المنبر .
لدومه و صاحبة البوست الاحترام .
| |
|
|
|
|
|
|
|
|
 Re: لاقيــــت ليـــكم مــامــا دومــــــا ... (Re: الصادق ضرار)
|
Quote: لقيت نفسي و بطريقه عفوية بقول : لووووووول ماما دومه في طلب النجده في شئون
حياتي اليومية عند التعثر بدلاً عن ( أفو ) او ( أكو ) التي ظللت استخدمهما.
رأيتُ صورة ماما دومه في بروفايلها قبل اسبوعين تقريباً فهممتُ بحفظ الصوره و فتح بوست
بعنوان ( ماما دومه نيو لوك موديل 2009م .. توجد صوره ) و لكن لسوء الحظ قامت بسحب
الصوره و وضعت صوره الاخت نهله فك الله اسرها فلم اتمكن من ذلك .
اوافق الاخ كمال عباس في ان دومه و جني شكلا ثنائي فريد في المنبر .
لدومه و صاحبة البوست الاحترام .
|
برضو!!
دي ما دومة دي أنا مع أنه لي الشرف أنه تشبهوني بحبيبة القسى وشريكة الفرح والحزن وأي شي في حياتي..
للاسف مالاقيت دومة لغاية الان بالرغم من محاولة الصيف الفات لكن للاسف مانجحت ... بس حسب وصف أماني ..دومة دي أنا بشيلها في صفحتي.
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: الملك)
|
الأخ الصادق ضرار:
ولك أيضا احترام كتيييير ..
الملك:
Quote: شفتى الزولة دى
وناسة وغياظة كيف؟؟ |
ياخونه, لو عارفين من زمان مابتكلّموني ليه ؟؟ (وش أحمر)
كفاره علي الفيس بوك, الدوام لله ...هههههههه
الأخ زين العابدين:
طلعت الولد البكر .. كويس كده نبقي أخوان لزم ..
لي الشرف طبعا ..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Yassir Tayfour)
|
الـعزيـزة أمـاني..
ســلام وتحية
جيت اقول ليك: بختك
فـ "دوما" من أجمل الناس الهنا.. وهي (ناظرة عموم الجلابة) التي لا تخاف في الحق أي عنصري يحاول التقليل منها لفهمها وإنتماءها العميق للبلد وأهل البلد.. ليها التحية وين ما تكون..
بحسدك برضو لمعرفتك القريبة والحبيبة سناء.. ليها التحية برضو هي وأقمارها الصغيرة
أتمنى لك إقامة ناجحة وعودة سعيدة لأهلك..
رجا
* غايتو يا دوما لو عايزين نتقابل إلا ترانزيت في دبي.. ههههههههه
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: Raja)
|
والله يا سمارتي ما متمنية الا اللاقيك القلوب شواهد
يا جامعة ما تعملو رحلة لماليزيا
سويسرا دي ما بنقدر نخشها نحن من حملة الاخدر العظيم...
رحلة نسوية لماليزيا
اي جواز بيخش...اها شنو ليكم؟
اشراقة وين الدعوة للنمسا؟
محبتي لكن جميعا
وما عافية من البجي الصين وما يجينا..
| |
|
|
|
|
|
|
|
|
|
Re: لاقيــــت ليـــكم مــامــا دومــــــا ... (Re: د.نجاة محمود)
|
د. نجاة :
Quote: يا جامعة ما تعملو رحلة لماليزيا
سويسرا دي ما بنقدر نخشها نحن من حملة الاخدر العظيم...
رحلة نسوية لماليزيا
اي جواز بيخش...اها شنو ليكم؟ |
طبعا رحله نسويه دي أجمل فكره في الدنيا ..
مافي أحلي من اللّمات النسويه ..
خصوصا مع ناس الواحده تتمني تتعلم منهم حاجات كتييييره ..
بس ماليزيا دي قالوا بقت فيها مقالب هههههههه..
هسي سور الصين العظيم ده مالو ؟
احترام وموده ..
| |
|
|
|
|
|
|
| |
محمد عبد الماجد الصايم
doma
Hassan Makkawi
Rihab Khalifa
عز الدين بيلو
ALZOLZATOO
khaleel
كمال عباس
انعام حيمورة
willeim andrea
Kostawi
نوفل عبد الرحيم حسن
Ishraga Mustafa
Elawad
Abdelmuhsin Said
smart_ana2001
ASHRAF MUSTAFA
خضر حسين خليل
Rawia
الصادق ضرار
الملك
Yassir Tayfour
elhilayla
Raja
فيس بوك
تويتر
انستقرام
يوتيوب
بنتيريست