|
نعى اليم الزميل عبدالوهاب علي الحاج...المستنير وهبة فى رحمه الله
|
|
 Re: لن يفتقدكـ أحداً علي الاطلاق يا صالح ! (Re: خضر حسين خليل)
|
حيكومة عايزة تلجنا
تدينا مشروع نزرعوا
تدينا جيهةً نسكنا
لو وقفوا الحرب الحرام
الـ الله زاتوا هو لاعنا
كان البلاد إنطامنت
كان الف خزان إنبني
(حميد)
وكان ما كان وكان كان أكسيكي در!
وأقول قولي هذا واستغفر الله لي ولكم قوموا الي منافيكم يرحمكم الله!
| |
 
|
|
|
|
|
|
|
|
Re: لن يفتقدكـ أحداً علي الاطلاق يا صالح ! (Re: حمور زيادة)
|
زمناً مو دا ...
الحيكومة كانت بت حلال
بي حالها .. بي حرب الجنوب
بي قلة المال في الجيوب
كانت رخية العيشة الا ترا
العوين الكبرو مليسين ...
***
أبوي وفر ضراعك للبلد
وادخر مروتك آ ولد
لي يوم بحين
احفض كرامتك تحفضك .. الموت ولا العيش المهين
الموت نفاد الما نفد .. الموت حياة الميتين
أختاها جنة مع الفقر .. وادخل جحيم المتعبين
وإن ما قدرت على دا أبوي .. رب لك دقين
| |
|
|
|
|
|
|
|
|
|
Re: لن يفتقدكـ أحداً علي الاطلاق يا صالح ! (Re: حمور زيادة)
|
خضر حسين خليل
سلا مات واشواق كتيره .. لكن عندى كلام عن صالح
الزي صالح ما بمرُق يا خضر !! امكن امش مدينة ً
تانيه .. لاكين قطع شك ما بمرُق ..
وكان قلت لى الاكيده دي جبتها من وين !
بقول من بيئة نصك .. السمح ده ..
غايتو يا زول حبيت جداً اقول ليك انو صالح ينضح حيويه
واول ما تهيأت للتجول معاه فى دروب اليوم .. قمت سفرتُه
.. وقمت َ اتحيرت َ
.
لك الحب دائما ً
.
| |
|
|
|
|
|
|
|
|
|
Re: لن يفتقدكـ أحداً علي الاطلاق يا صالح ! (Re: khatab)
|
العزيز ك(خطاب)
ازيك يافنان
ماعايز أقول ليك إنك استعجلت شوية للنص بقي والله لكن الشهادة لله يقينك دة جهجهني
يا صديقي وكما قلت فأمثال صالح آ بمرقوا بأخوي وأخوك !
جاي باقي الكلام يا خطاب بس انت خليك قريب يازول ياشواف !
والله لاوراك حيرة ياصديقي !
بالمناسبة رسلت ليك شوالين سلام مع الزولة البديعة آسيا الربيع !
علهم وصلوك !
شوق ومحبة
| |
|
|
|
|
|
|
|
|
|
Re: (Re: خضر حسين خليل)
|
تصويب :
المقصود في العنوان أعلاه هو :
لن يفتقدك أحد علي الاطلاق ياصالح !
وليس
| Quote: لن يفتقدكـ أحداً علي الاطلاق يا صالح ! |
والفقد واحد !
| |
|
|
|
|
|
|
|
|
|
Re: (Re: خضر حسين خليل)
|
غادرتها تلك البلاد وفي طريقي الى المطار , مغنى لا اعرفه يدندن على موجة ال FM (شوقي لو غلبو الصبر) ودمعة خجولة على خدي بمداد حبر صباحي والى الشوارع مددت راسي وهي التى دحرجتني الى جفاف حليب اللحظة .... وعلى مقربة من الشارع المؤدى الى المطار عبارات كتبت بعدة لغات اجنينة تاييداً للسيادة الوطنية ضحكت انا الذي بحثت عن الوطن فوجدته في نوم عميق والسيادة اتمرمطت مرمطة السنين وحامي حمي البلاد اوكما يقال يجلس في قاهرة المعز ومن خلفه خريطة السودان تمام النقصان وحلايب مصرية .. والاطفال الجوعي ابناء الخيبه يتسكون في الطرقات من صباح الرحمن في وطن اشجارها عاطلة عن استقبال الطيور ناهيك عن ابرياء حفظوا النشيد ... والأزقة تعاني وحشة الاستقامة وسطو العاهرات العائدات الى اوكارهن صباحاً.... وياتيني صوت بعمق (جميل انت يا وطن برغم قساوة المحن)
كلنا صالح يا صالح
سلام يا صحبي
| |
|
|
|
|
|
|
|
|
|
Re: (Re: الشفيع عوض شوشتا)
|
| Quote: والأزقة تعاني وحشة الاستقامة وسطو العاهرات العائدات الى اوكارهن |
وسطو العاهرون يا صاح فالعائدات الي اوكارهن يهربن من جحيم الي جحيم .
| |
|
|
|
|
|
|
|
|
|
Re: (Re: doma)
|
وسطو العاهرون يا دومه
وسطو العاهرون
وسطو العاهرون
وسطو العاهرون
وسطو العاهرون
وسطو العاهرون
----
كامل التحايا
| |
|
|
|
|
|
|
|
|
|
Re: (Re: أبو ساندرا)
|
خضر يارائع
صباح الخير
وجمل الله صباحك بكل جميل
فقد صنعت يومي بابداعك في هذا النص .
وانا مثل صالح
مطارات الوداع ضجت قدامك وراكـ
----
يوماتي بتلاقيك مدن
يوماتي راجيك كم مطار
مودتي واحترامي
| |
|
|
|
|
|
|
|
|
|
Re: (Re: haroon diyab)
|
الخضر
يااخي انت ما شايف ليك زول غيري انا؟؟
اولا كل الكلام القلتوعني دا ما حاصل... لابعرف
دكان ود العوض .. ولا دكان ودالبصير
انا ود الخرطوم.. بشتري حاجاتي من عفراء
وبقرأ الجرايد في القبة الخضراء.
بتعشى في مطعم امواج شارع المطار والعمارات
شارع واحد.ومطعم شهي والكبابجي
وبسهر في الرفيرا والهلتون والقرين فلدج
وقصر الصداقة وكازينو النيل الازرق.
اسحب البوست قبل ما ارفع فيك شكوى.
| |
|
|
|
|
|
|
|
|
|
Re: (Re: صالح عبده)
|
العزيز صالح عبدة
والله ضحكتني يا (صالح) ومبروك عليك
(المقاضي) بتاعت عفراء وعشوات (أمواج)
تصدق يا صالح حسيت بيك إنك نهائي ما بتعتب
الاماكن التاريخية دي ! والحال من بعضوا
قال ليك يا صالح مرة راكب بكسي من بكاسي سوق ليبيا
من الرميلة المهم في الكوبري الجدير لفت انتباهي
عبارة مكتوبة بخط واضح في القزاز أو (الزجاج) الخلفي
لعربة أمجاد بائسة وزيتها طالع ودخانها ولا مداخن
المصانع المهم الزول دة كاتب بي وراء الاتي نصه :
بكرة بتهون القواسي
ويبقي عندنا كم بكاسي !
فما تشيل أي هم بكرة بعدوا حنتعشي في الريفيرا وفي امواج
وقد نشرب شاي الصباحات في اوزون مافي شئ بعيد
فقط الينصلح الحال ياصالح
الينصلح
| |
|
|
|
|
|
|
|
|
|
Re: (Re: haroon diyab)
|
هارون العزيز
إزيك ياخ
معليش للتأخير معايش ياهرون والله ليس الا
وليت أيامك كلها جميلة ياهرون
أما قصة الفيافي والمنافي والمطارات الهزائم دي
فربك رب الخير يصلح الاحاويل
عارف مرات بصحي من النوم مخلوع
أسأل نفسي بعدها :
انت قاعد لي شنو هنا من اساسو؟
فقدنا الطمأنينة يا صديق الاحاويل
فقدناها وراحت تماماً كمشية صالح !
خليك قريب ياهرون
| |
|
|
|
|
|
|
|
|
|
Re: (Re: أبو ساندرا)
|
Quote: خلاص !
فكيتها فينا
و فكيتو يمشي بينات الشعوب ؟
شكرآ آآ الحبيب |
عزيزي أبو ساندرا
جمعة مباركة يا سيدنا
وأنا حيلتي إيه
قولليلي ياقمر
الزمان !
الزول دة ما فكيتوا أنا يا بركة فكتوا الظروف (والحال الحرن)
تري كم صالح في الطريق صاحبي ؟
| |
|
|
|
|
|
|
|
|
|
Re: (Re: doma)
|
الخالة دوماً
مرحباً بمرورك من هنا
كلها هزائم خالتي كلها يا دومة!
| |
|
|
|
|
|
|
|
|
|
Re: (Re: الشفيع عوض شوشتا)
|
Quote: غادرتها تلك البلاد وفي طريقي الى المطار , مغنى لا اعرفه يدندن على موجة ال FM (شوقي لو غلبو الصبر) ودمعة خجولة على خدي بمداد حبر صباحي والى الشوارع مددت راسي وهي التى دحرجتني الى جفاف حليب اللحظة .... وعلى مقربة من الشارع المؤدى الى المطار عبارات كتبت بعدة لغات اجنينة تاييداً للسيادة الوطنية ضحكت انا الذي بحثت عن الوطن فوجدته في نوم عميق والسيادة اتمرمطت مرمطة السنين وحامي حمي البلاد اوكما يقال يجلس في قاهرة المعز ومن خلفه خريطة السودان تمام النقصان وحلايب مصرية .. والاطفال الجوعي ابناء الخيبه يتسكون في الطرقات من صباح الرحمن في وطن اشجارها عاطلة عن استقبال الطيور ناهيك عن ابرياء حفظوا النشيد ... والأزقة تعاني وحشة الاستقامة وسطو العاهرات العائدات الى اوكارهن صباحاً.... وياتيني صوت بعمق (جميل انت يا وطن برغم قساوة المحن)
|
شوش
يا صاحبي كيفنك
فيا الخرطوم إذا نامت عليك هموم !
متذكر الكلام دة يا شوش ! قرأتك بكائيتك العجيبة وآمنت أنو البني آدم من السهل جداً أن يموت بالوحشة
والشوق ! ولا عتاب عليك يا صاحبي تلك مشيئة الرب وضعها هكذا في قلوب سودانييه الماعارفين لي هسي في
شنو وفوق كم البحصل دة كلو أو علي قول ميمي صاحبي عندما كثرت الهزائم سألني ذات ماسنجر :
انت ياخضر نحنا عملنا شنو ؟
والله ان سؤال ميمي كان مدخلي في تناول صالح ؟ وربما استبدلت ميمي بصالح أو صالح بميمي لشيئ في نفسي
لكن الشهادة لله يا شوشتا السودانيين ديل كلهم صالح في الزمن اللئيم الشوم دة .
فيا لعهر من مارسوا فينا كل هذا الهوان يا صاحبي !
والمعزات تغشاك ياشوش
| |
|
|
|
|
|
|
|
|
|
Re: (Re: خضر حسين خليل)
|
الله الله الله
غايتو يا خدركة لا تفوت ولا تموت
انت و الوغد عماد عبدالله علي رأس قائمة كُتابي المفضلين هنا
| |
|
|
|
|
|
|
|
|
|
Re: (Re: خدر)
|
وجمعة مباركة
لك....
ياصالح اينما كنت
وعديلة عليك محل ماتمشي تمشي
خضر ....
صباحات شوقنا بي خيرن
| |
|
|
|
|
|
|
|
|
 Re: (Re: haroon diyab)
|
تعرف يا خضر الفجيعة وين.....أنه كون صالح مات في بلد من بلدان الله البقينا مشتتين فيها هنا...والموت سنة الحياة...لكن خوفي من صالح يكون مات وزول مااتعرف علي " زي مرحوم السعودية الحنسوا السفارة بالشهور تجي تتعرف علي رحمه الله"...
والبوجع جد ود أمي...انه صالح مات بي شوقه...لي بلده.. ومات بحلم بي يوم بكرة المابيجي...وبي سودان مابرجع هو السودان...ومات بردان...بردان لي حضن اي حضن يدفيه...
والبوجع اكتر ود امي..
احنا ديل..اهل صالح الراجينوا.. ومنتظرنوا...ونتمناه...
خضر....صالح مات..
| |
|
|
|
|
|
|
|
|
|
Re: (Re: حنين للبلد)
|
حنين
يا أنتي يا شبه الملائكة الطيبين
أمثال صالح لايموتون علي الاطلاق يا حنين ! فالموت لا يطالهم بفكرة الموت التقليدية بل هم يبقون
في ذاكرة مواطنيهم ، شوارعهم ، جدران منازلهم، في الاسواق تبقي رائحتهم ، أمثالهم لايعرفون الافول
يتمددون هكذا في لحاء الاشجار تجديهم في وجوه الناس ، عرقهم ، أحلامهم ، أمنياتهم بغد لائق ،
وإن ماتو يا حنين لايموتون !
ياخ شاكر لك حضورك واعذريني للتأخير فالحال من بعضو يا حنين !
| |
|
|
|
|
|
|
|
|
|
Re: (Re: haroon diyab)
|
هرون يادياب
الشوق الشوق
كالعادة جيتك متأخر يا حبيب لكنك عارف البير وغطاه
جري وحوش ومقابضات وفي الآخر (مافيش فايدة) كما قال سعد !
شاكر لك أنا حضورك الجميل يا صاح
وربك رب الخير يعدل الأحاويل
أما صالح فقد مشاها ياهرون !
مشاها ياصاح مشاها عديل!
| |
|
|
|
|
|
|
|
|
|
Re: (Re: خدر)
|
الله علي حضورك يا صاحب
نسوي شنو ياخدر؟
والله الواحد بقي متحير في روحوا
ثم انت غطست وين تاني ؟
شوق وسلام ياخدر
| |
|
|
|
|
|
|
|
|
|
Re: (Re: خضر حسين خليل)
|
اعرف صالح جيدا
واعرف انه لن يقوى ان يعيش فى وطن اخر
لقد ادمن هذه الصحف الفارغة
ادمن الشاى يالزلابية
ادمن هذه الشوارع التى ترتدى النقاب ولا تغتسل من دم الحيض
لذا فهو لن يقوى على الحياة بعيدا عن هنا
وسيعود
سيعود
لانهم راحلون لا محالة
وما بين عودته ورحيلهم
بضع لحظات من الامل والنصر والتشاؤم والهزيمة
لكن فقط ..........
اعلم انه عائد وهم راحلون
اذا لن نرميه بوطن
سنرميه بامال عراض يا خضر ..
ازيك يازول يا جميل
ابقى عافية
| |
|
|
|
|
|
|
|
|
|
Re: (Re: الارقم عبدالله طلب)
|
صالح حملته خطاه الى مطار ما فى تلك المنافى البعيده
وقد حمل الوطن فى ظهره حقيبه...
لا يستطيع أن يحط رحاله وإن اراد...ولا ينبقى له...
حقيبته عظمت...وتضخمت حتى منعته وللوج الأبواب التى إنفتحت له مرحبه...
منعته النوم...حيث لا مكان لها فى الغرف التى ضاقت عن سعة الحلم...
تقوست ساقاه...من ثقل الحقيبه...
لا يستطيع التنفس إلا حين يفتح الحقيبه...تأتيه رائحة الوطن...فيتفتق محياه زهوراً
وينهمر النشيد...
آه يا وطنى
------------------------
أغفر لى تتطفلى......
إقبال
| |
|
|
|
|
|
|
|
|
|
Re: (Re: Egbal Elmardi)
|
Quote: صالح حملته خطاه الى مطار ما فى تلك المنافى البعيده
وقد حمل الوطن فى ظهره حقيبه...
لا يستطيع أن يحط رحاله وإن اراد...ولا ينبقى له...
|
ومافي غير تلكع تسافر
وتمشي بينات الشعوب
ماف يا اقبال ، كثيرون هم أؤلئك الذين لطالما حملوا أوطانهم في سوداء العيون
الامر ليس بيدهم يا اقبال ، الامر بيد وطننا الذي يهد في دواخلنا كل ذلك الحنين
والانين وهتون الدمع ، الأمر يا أقبال أننا كسودانيين لا نستطيع علي الاطلاق الغياب
لم نتعود علي ذلك ، يقولون أننا شعب طيب غير أنني أضحك من حالنا فلا علاقة للطيبة
بالأمر علي الاطلاق يقولون أننا شعب مسالم وأضحك أنا يا اقبال فحتي ذلك لم يعد
بيننا ، الي أين نمضي ؟ ما القادم ؟ كيف سيكون حال شعبنا بعد عام ؟
هي تراجيديا الواقع الذي يفاجؤنا كل شمس بغياب جديد وبشئ يفوق التصور .
مودتي يا اقبال وعذري للتأخير
| |
|
|
|
|
|
|
|
|
|
Re: (Re: الارقم عبدالله طلب)
|
الارقم صاحبي
أينك في هذا الزحام صديقي
وجوه كثيرة هنا وهناك يا أرقم جميعهم يبحثون عما نفتقد !
أنا علي يقين أن صالح سيعود أكثر ألقاً سيواصل فيما بدأه
ذات يوم ، سيمضي بغنائه المر الاليم نواحي التومة ، سيضحك
من حال أيامه في بلاد مشاها بخطاه المثقلة ! لاشئ
يوازي الاوطان يا ارقم لاشئ علي الاطلاق .
| |
|
|
|
|
|
|
|
|
|
Re: (Re: Egbal Elmardi)
|
عذراً للتأخير إقبال
عذراً يا عزيزة
Quote: خابتنى خاطره...زى التقول صالح ده شيوعى مختفى...
إكون ...مش...؟؟ |
وهو كذلك يا اقبال وهو كذلك
شكري لعبورك من هنا وخليكي قريبة يا قريبة .
| |
|
|
|
|
|
|
|
|
|
Re: (Re: خضر حسين خليل)
|
ولأن صالح لم يختبئ إلا داخلنا ولم يذهب إلا بعيدا في ذواتنا .. وعندما يظهر..عوووك عندما يأتي يكون حال الحال أصبح محتملا وسخيا تماما
وليس به من موقع ورم ولا كدمة لأثر ضربه ولا خربشه من مخالب (كلب السجم) والرماد وتذكرت هذه اللحظه سيرة صديق مخيف ومستعجل (قالو بيكمل سيجارتو في شفطتين) ولله الحمد.. المهم في سيرة صالح .. تذكرته وأنا أكتب عن بي بي كنج فأوردته لك دون قصد وجاءت سيرتك يا اخ صالح المنعول يبحث عن إنسانيته.. ثم كيف يحدث هذا .. يا خضر..
مازلت مندسيا في جفاك ..
مرات كدا بحس انو انا عندي حضره لانو البوست دا كنت بفتش عليهو من زمن.. وكنت قبلها بيومين مهكر (وصلنا الهكر) والله لكن كتلر خير خدر اتصل بي صاحب الحوش وجابو لي باص وورد جديد لنج وسمح ياخ زي البت البتديك من مشيتا ريحه كدا تدوخك..
المهم مشتاق ليك لامن تقوم الساعه ولنا ان نتذكر صالح في كل صلواتنا وسجودنا عسي ...فقط عسي
الله يجمع
اخوك في الله وكدا!
| |
|
|
|
|
|
|
|
|
|
Re: (Re: ibrahim kojan)
|
ياسلااااااااااام يا خضر
ياخ انت مشيت وين ياخ
ضربت ليك تلفون في النمرة العندي لكن بتجيني رسالة انو لا يمكن تحويل المكالمة ...
والله والله مشتاقين
لو ممكن رسل نمرتك في المسنجر الداخلي او في الهوتميل .
| |
|
|
|
|
|
|
|
|
|
Re: (Re: الوليد محمد الامين)
|
أنا قاعد يا صاحب
قاعد يا الوليد بتفرج في حاصل الحاصل
معليش اخوك فقد التلفون
أهو ضاع ضمن ملايين الحاجات البتضيع كل يوم
شاكر لك حضورك يا صاح
| |
|
|
|
|
|
|
|
|
|
ما درتوا نختار يات حياة خلونا نختار يات أجل ! (Re: ibrahim kojan)
|
كوجي العزيز
تحياتي الحارة والأشواق صفاً صفاً
أما بعد :
أتعشم يا صديقي في حال جديد سخي كما ذكرت جميل ومفرهد يحتمل صالح وغيره من أولياء الله
الصالحين ، تعبنا يا صاحبي من مضايرة الهزائم والنحيب تعبنا أي والله ياكوجان من حاصل
الحاصل ثم إنني مؤخراً بقيت ما فاهم الحاصل شنو زاتو ؟ أغريب في الديار أنا أم الديار
أضحت غريبة ؟
(ما درتوا نختار
يات حياة
خلونا نختار يات
أجل !)
كربك كرب
والشوق نهرين ووريد !
| |
|
|
|
|
|
|
|
|
 Re: ما درتوا نختار يات حياة خلونا نختار يات أجل ! (Re: خضر حسين خليل)
|
..
.
عندما تعتزم الرحيل لابد ان تقرأ الامك
بتأني وعمق وتشعر أنك بحاجة لان تضمد جراحكـ بعيداً
وان تعيد إكتشاف نفسك من جديد..
وترتيب أوراقك و حاجياتكـ واغراضكـ
وحياتكـ المبعثرة ...هنا
فتقرر ان تغادر لتكتشف الوجه الآخر للحياة
وربما الوجه الاخر للانسانية
وذلك حينما تشعر ان بلادك ..وبما وسعت قد ضاقت !!
ووصدركـ وما حوى من حب للتراب واحلام
ليس متاح لها وقت واملا لتتحقق .. قد نضب !!
فتغادر ....
__________
المعاناة والشعور بالهوان
وهذا الطقس .. يجعلان هذا ممكناَ
_ شكراً يا رائع _
| |
|
|
|
|
|
|
|
|
|
Re: ما درتوا نختار يات حياة خلونا نختار يات أجل ! (Re: Tabaldina)
|
العزيز تبلدينا
تحياتي ياعظيم
أذكر مرة إنني قرأت أبياتاً للراحل المقيم مجدي النور علي ما أظن قال فيها :
حلماً تهدهد فيه
إنهد فيك هدمك
قاعد تلتق فيه
طمبور لمن ظلمك
القصيدة دي ما لميت في باقيها قدر ما سعيت ! العايز أقولوا انو القصيدة دي أو
الأبيات أعلاه هي بالضبط حاصل ما حصل ل(صالح) ويحصل لغيره من الصالحين والصالحات
وبشكل يومي ! نزيف غير مبرر ووضع همباتي ، وحياة علي ما أظنني ليست بحياة
غايتو ربك يسهل .
أنا شاكر لك مرورك الوسيم من هنا يا تبدلينا ودمت عزيزي .
| |
|
|
|
|
|
|
| |
خضر حسين خليل
Emad Abdulla
حمور زيادة
Amjed
khatab
طارق جبريل
doma
أبو ساندرا
haroon diyab
صالح عبده
خدر
الارقم عبدالله طلب
Egbal Elmardi
ibrahim kojan
فيس بوك
تويتر
انستقرام
يوتيوب
بنتيريست