نحو أسماء سودانية خالية من الدلع والمياعة

Quote: شوفوا الأسماء دي، وائل، وضاح، وحيد، وليد، وديع، ربيع، مازن، تامر، لؤي، راني، هاني، نادر، حمادة، طلال، أيمن، مهند، إيهاب وغيرها.. والأسماء دي رغم مياعتها لكن الناس برضو دلعوها، فحصل ليها ما يعرف في اللغة بتمييع المايع وهو محرّم لغوياً فسمعنا ب: هنو، ولي، مزوني، تموري، عموري، ندوري، أيموني، هنودي، هوبة وغيرها من الأسماء المايعة الما شادة حيلها.. وكذلك غناهم كان غناء رجال وأصواتهم كانت أصوات رجال، كان المغني يغني الليل كلو بدون مايك وصوتو تلقاهو زي الجبخانة يا ليل أبقالي شاهد على نار شوقي وجنوني

Quote: مياعة كلمة لا يمكن أن تكون جميلة أبدا!!!! وكلمة مياعة التي أوردتها لا أقصد بها المعنى الحرفي للكلمة، ودليلي على ذلك اقتراح أن توضع هذه الأسماء في التلاجة حتى تجمد وهذا نوع من الفكاهة والخيال ليس إلا.. ودليلي الثاني أن ابن أختي اسمه أيمن وأنا من سميته كذلك، فلو كنت أقصد المعنى الوارد لما سميت ابن أختي اسم (مايع).. على العموم سعدت بمداخلتك الهادفة وأرجو أن أكون قد أوضحت ما قصدته بكلامي ولك فائق المودة والإعزاز..

Quote: عاشميق حبل الوجج

Quote: الداير يغير هاني وانا اسمي عاجبني وكان ما عاجبك انت قول

Quote: إنت سموك شنو!!

Quote: قلت ليه اشميق ما عشميق وبتاع النساء والولادة ده من شنو

Quote: آشميق حبل الودج والآشميق هو الخيوط القوية التى تنمو بين منبت الجريد وجذع النخل وتمتاز الحبال التى تصنع منه بالقوة والمتانة كما تستخدمه النسوة لتنقية البن فى عنق ( الشرقرق) و( جبنة الطين). وحبل الودج يقصد به شاعرنا عِرقْ في منطقة العنق أوالنّحر , وهوَ الذي إذا ما قُطع لم تبقَ في الجسد روحْ ويجمع أوداج

Quote: نحاول معاك غايتو الخزين=خزنة عجبين=جيبو الزبير= زوغ منو أب كساوي=برضو زوغ منو الصديق=مافي فضل المولى=فضول فتح الرحمن=فتوح عبد الجبار= ده ما اسم سوداني -عالمي ده- البشير= يا ريس عكاشة= زوغ منو الجنيد=مافي تيراب= Turbo الريّح =ريحة الماحي= مح مح حمد النيل= حمودي العسل

Quote: مش زي أسماء الأيام دي، شدة الأسماء ما بقت مايعة تقررررّب تخت الاسم في التلاجة عشان يجمد ويبقى اسم رجال.

Quote: شايفك جايب اسمي بهناك زعلتني قلت اردمك بعكاز في ساقك لمن تطرش لكن اتذكرت حكايه قالتها لي الحاجه امي انو لمن ولدوني اصر الحاج الوالد انو يكحلوني بشطه ومن ديك لهسي عيوني حمرا حتي الان الواحد يسالني اسمك منو اقول ليهو وليد اقول لي مفروض يسموك خوجلي....

Quote: حمادة، طلال، أيمن، مهند، إيهاب وغيرها.. والأسماء دي رغم مياعتها لكن الناس برضو دلعوها، فحصل ليها ما يعرف في اللغة بتمييع المايع وهو محرّم لغوياً فسمعنا ب: هنو، ولي، مزوني، تموري، عموري، ندوري، أيموني، هنودي، هوبة وغيرها من الأسماء المايعة الما شادة حيلها..

Quote: وائل، وضاح، وحيد، وليد، وديع، ربيع، مازن، تامر، لؤي، راني، هاني، نادر، حمادة، طلال، أيمن، مهند، إيهاب

Quote: يانصر الدين ياخي بالغت !

Quote: والله دخلتنا في ضفورنا عديل كده.. ياخي اسمي عاجبني.. لأنو من اليمن والبركة.. وهذا معنى اسمي..

Quote: نحاول معاك غايتو الخزين=خزنة عجبين=جيبو الزبير= زوغ منو (زيزو) أب كساوي=برضو زوغ منو (كاكا) الصديق=مافي فضل المولى=فضول فتح الرحمن=فتوح عبد الجبار= ده ما اسم سوداني -عالمي ده- البشير= يا ريس عكاشة= زوغ منو (كوشي) (كوشكوش) الجنيد=مافي (جني) تيراب= Turbo الريّح =ريحة الماحي= مح مح حمد النيل= حمودي العسل

Quote: جيتني في جرح ست النفر: توتا, تستس البتول: توتا, بوبا، بوببا سكينة: سوكا التاية: توتا نفيسة: نوسا, أوسا النخيل: نانا أم زين: زينا (بلهجة شامية) بت الجقمتها,الساتر الله, أم حقين ديل ولا بنصاحبهن

Quote: وائل، لؤي

Quote: على ما اعتقد الاخ نصرالدين بحاول استرجاع الزمن الجميل حين كانت المرأة "مرأة" والرجل "رجل"

Quote: طبعا معظم الناس بفتكروا اسماء زي وائل ولؤي وغيرها اسماء حنكشه مع هي من اسماء الاسد ... والاسد ملك الغابه مشهود له بالقوه وعدم المياعه

Quote: نوفل بن الحارث بن عبد المطلب الهاشمي (ابن عم الرسول الكريم) ورقة بن نوفل بن أسد بن عبدالعزى بن قصى .. .

Quote: ايوه ممكن نسمي النساء.. أم الحسن..كلتوم..خادم الله..أم بلينا..ست نور..ست الدار..ست النفرززنور البقيع والرجال صعبه شويه بس نحاول.. عوض..علي..عبدالرحمن..متولي..الصافي علشان بعدين ينادوهم حاج متولي وحاج الصافي.. وصعب جدا تدلع الاسماء دي.. يعني مثلا والدي الله يرحمه ماكان في طريقه ندلعه ونناديه ووضه.. اسمه لا يسمح! في اسماء قديمه لكن برضه بتلقي طريقه تدلعها.. خد عندك مثلا ياسين.. لما آيه قالت عايزه تسمي ولدها ياسين قربت أجن.. لأنه بصراحه آخر زول حي شوفته اسمه ياسين كان جدي..وماما جاره كانت بتناديه عم ياسين! لكن دلوقتي بقيت انادي ياسين ياسي..كيتا كدي عليها.. ويوسف ولدها التاني بناديه يوسو.. والموضوع مافيه تغيير طبير بس حرطات مني ساكت.. شكرا موضوع جميل..

Quote: طبعا لسة ما قريت البوست لكن لقيت نصر الدين وابو حريرة قلت اكب المسجات بتاعتي دي وارجع للبوست مرة اخرى..

Quote: في ذات مرة وردت مكالمة هاتفية الى واحد من اصحاب الاسماء الخرسانية فكان هذا الحوار المقتضب: المتصل : هلو المستلم: حبابك المتصل: معاي وائل؟ المستلم: وايل !!، وايل!! ، لا آآآخوي لا...علي الطلاق الزول المعاك ده اسمو يكسر القلم وانهى المكالمة بغضب باين

Quote: نصر الدين ياخ قطعت مصارينا بالضحك البوست ظريف ودموا خفيف والتعليقات اظرف لك خالص التحايا

Quote: وما تنسى حمير الزمن ده لا همه ولا حيل . مكثت في قريتي قرابة الشهرين في إجازتي الأخيره , يطرشنيي ما سمعت لي حمارا هنق لا صباح لا عشيه مما تداعت معه ذكريات الطفوله

Quote: والله فعلاً الاسماء الذكرتها دي ما لايقة في الاولاد رغم انها قديمة لكن ارتبطت عندنا بالمياعة معليش ما تزعلوا مني في رايي اسماء الاولاد مفروض تكون اسماء حيوانات عشان الهيبة و كدي يعني الولد مفروض يكون اسمه ليس , فهد , نمر, تمساح ,اسد , نسر , ضرغام اما اسماء البنات فما في اجمل من اسم طيبة , نعمة , حبيبة

Quote: المياعة طبِع يا عباااااااااااس ..

Quote: عجبني البوست يانصر الدين خفيف وظريف

Quote: ياسلام عليك يا نصر . موضوع جميل ... فحواهُ عليل ... بس محتاج الى الكثير والكثير من الاراء ..

(عدل بواسطة فرحات عباس on 04-27-2009, 03:40 PM)
(عدل بواسطة فرحات عباس on 04-27-2009, 03:49 PM)
(عدل بواسطة فرحات عباس on 04-27-2009, 05:09 PM)

Quote: طبعا معظم الناس بفتكروا اسماء زي وائل ولؤي وغيرها اسماء حنكشه مع هي من اسماء الاسد ... والاسد ملك الغابه مشهود له بالقوه وعدم المياعه

Quote: نصر الدين كيفك ؟ مافي عكس فوق ولا حاجه انت متفق معاي مداخلتي اعلاه - في الاقتباس الاول

Quote: نصر الدين .. التحية لهذا البوست الجميل البارع .. سرد بديع وحكي جميل ذكرتني بحليفتك الدشنة .. من نوع علي الطلاق ..وحرم .. اسي الواحد كان داير يحلف لي أخوه " أموت ليك يا غسان تجي معانا ...وشوف عزومة الأكل .. " عشان تومة ونودي جرب معانا ساندويتش "" بطل البياخة دي عليك الله هاف أ ون .. وين الفنجرة والمفاشرة : أنا أخو البنات .. وأنا أخوك يا... وأنا الجدري وأنا العفن كوم الضريسا .. ( ياريت لو تقدروا تنزلوا لينا خلف الله حمد وغنية السودانية الأصيلة البتشكر في أخوها ( سم أب درق البنقع ، جدري القيح البفقع ) شوف الإيقاع ذاتو منفوخ ومحمر عيونو ومارق للموت وخاتي سكين في ضراعو ، مش زي غنا أولاد هارموني واحد بغني " عشان إنتا ضغت علي .. إتخذت القرار " وكان داير الرجالة الصحي صحي .. أمش كردفان ودارفور شوف الكلام العجب .. ناس " البري بري " والنقارة ، المردوم والجراري .. والمجلة والدورية .. كلام عجيب عجيب ..

Quote: اسم وائل ولؤي ليس اسماء مياعة

Quote: كل يوم يبدلوا لي هو في العناقريب زي بطاقات الاسكراتش .. أولاد الزمن ده شهر العسل عندهم ما بزيد ليهو من أسبوع بالكتير،

Quote: ذهبت مرة مع صديقي لعمل ختم بإسم والده لزوم معاملات الحواشة , وكان يقوم بصك هذه الأختام حرفي بأدوات يدوية بسيطة مقابل خمسة جنيهات , أسقط في يد صديقي عندما طالبه الرجل بعشرة جنيهات كاملة فقد كان الإسم المطلوب صكه حسب الرسول حمد النيل شرف الدين أبوالقاسم.

Quote: بوستك ممتاز و فيه رمزية متناهية و يا ليت قومى يفقهون ما ترمى اليه من معانى عميقة و لها ابعاد كثيرة , كثير من أبناء هذا الحيل لا يستطيعون قراءة ما بين السطور.