|
|
|
 Re: يا ناس الهلال .. قوّة عينكم تخجّل !! (Re: صلاح أبودية)
|
يا صلاح!
أصبروا عليهم الناس ديل وصلو مرحلة الرقيطا!
ولو الخريف كبس حا يزرعو فتريتة!
يعني كلها زي مية مباراة واستادهم يخلص!
للوقت داك حا يحرنو وما حا يقبلو يرجعو!
وللوقت داك صدقني الشاف كراسي النادي في بيوت الجماعة ما كضب!
تاني لو جاهم فريق ...يجوك نحن اهل العوض الجابولكم طمبل!
هههههههههههههههه
سمعت بي شحاد وعينو قوية!
اليوم عماد الطيب يصرح طلبنا رسمياً اللعب باستاد المريخ!
قريش في جريدا تاني صرح (يطرشن)
| |
 
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
صلاح و الصفوة الكرام
أحصى مزمل ابوالقاسم عشرة شروط للسماح لهم بالمفخرة كالتالى :
1/ يجب على كل مشجع ان يردد عند الدخول عبارة "بسم الله ماشاء الله تبارك الله اللهم هب لنا مثلما اعطيت الزعيم"
2/ تقديم عشر صفقات قوية تحية لمن انجزوا المفخرة .
3/ ترديد نشيد المريخ (عشت يا مريخ موفور القيم ) بصوت واضح و مراعاة اللحن.
4/ ترديد نشيد العجب بين الشوطين ( عجب عجب يا مريخنا انت صافى دهب يا مريخنا)
5/ ترديد مقولة الارباب ( الحبيب تكعيب جمال الوالى ) ثلاثة مرات باللغةالانغولية.
6/ اصطحاب الاطفال ليروا الفرق بين المفخرة و المقبرة ليحددوا مستقبلهم بانفسهم.
7/ يسمح للاهلة المؤلفة قلوبهم و الطامحين للتحول للافضل مستقبلا بالجلوس بالطابق الثانى.
8/ يحظر على الاهلة المتشددين تكرار الزيارة كى لا يعملوا زى اهل العوض.
9/ الموافقة على اطلاق سراح النعيم لاهل النعيم.
10/ ارتداء الاحمر الكامل لانو اى فريق بالازرق بيخسر فى الردكاسل.
دايرين تلعبوا فى المفخرة نفذوا الشروط ال 10 أعلاه
الكلام الفوق ده من مزمل ابوالقاسم و انا شايفو معقول و الله
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
صلاح و الصفوة الكرام
أحصى مزمل ابوالقاسم عشرة شروط للسماح لهم باللعب فى المفخرة كالتالى :
1/ يجب على كل مشجع ان يردد عند الدخول عبارة "بسم الله ماشاء الله تبارك الله اللهم هب لنا مثلما اعطيت الزعيم"
2/ تقديم عشر صفقات قوية تحية لمن انجزوا المفخرة .
3/ ترديد نشيد المريخ (عشت يا مريخ موفور القيم ) بصوت واضح و مراعاة اللحن.
4/ ترديد نشيد العجب بين الشوطين ( عجب عجب يا مريخنا انت صافى دهب يا مريخنا)
5/ ترديد مقولة الارباب ( الحبيب تكعيب جمال الوالى ) ثلاثة مرات باللغةالانغولية.
6/ اصطحاب الاطفال ليروا الفرق بين المفخرة و المقبرة ليحددوا مستقبلهم بانفسهم.
7/ يسمح للاهلة المؤلفة قلوبهم و الطامحين للتحول للافضل مستقبلا بالجلوس بالطابق الثانى.
8/ يحظر على الاهلة المتشددين تكرار الزيارة كى لا يعملوا زى اهل العوض.
9/ الموافقة على اطلاق سراح النعيم لاهل النعيم.
10/ ارتداء الاحمر الكامل لانو اى فريق بالازرق بيخسر فى الردكاسل.
دايرين تلعبوا فى المفخرة نفذوا الشروط ال 10 أعلاه
الكلام الفوق ده من مزمل ابوالقاسم و انا شايفو معقول و الله
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: بدر الدين اسحاق احمد)
|
المريخ اكبر المستفيدين من اقامة المباراة على استاده ..
الهلال وجمهوره اكبر المتضررين من لعب المباراة في المريخ..
الوالي وصلاح ادريس اكبر المستفيدين من شغل النسابة والعديل ده ..
لا الهلال ولا جمهوره يفتخر باللعب في المريخ وبالنسبة لي انا والله ده اكبر عاااار في جبين الهلال في ظل وجود هذا الصلاح ادريس في ادارة الهلال ..
القصة ما قصة هلال مريخ فمن قبل لعب المريخ في استاد الهلال ايام ما كان ايفوسا بيبول جووووة الاستاد ..
بالمناسبة استاد الخرطوم كمان فيهو طابق تاني عشان ما تفلقونا بي قصة الطابق التاني دي..
ولو بنيتوا عشرين طابق تظل الحفرة هي الحفرة والخارج من استاد المريخ بيطلع عيان ..
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
سلام يا صلاح
ونجدد لكم التهاني بالصعود للمجموعات مسبقا
فكرنا بان نكسر عين الحسد باللعب في استاد المريخ
منذ ان فارقنا (مقبرة الخصوم) ما شفنا خير
وكان غلبنا نغلب ياالله وامين
ليكم علينا مباراة واحدة بس نفك بيها النحس
ونرجع لملعبنا المحبوب الذي شهد جندلة كل الخصوم
ــــــ
غايتو يا ابودية ... مداخلة عمر الفاروق منحت البوست لون وطعم ورائحة
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
اخواني وحبابيبي عمر الفاروق وعبداللطيف بكري
مسكاقمي
انتو زعلتو ولا شنو
وارغو ان لا تزعلوا
حالة الهلالاب بقى ذي الاولاد الصغار يوم العيد
منبهرين بملابس ولبسات اولاد الجيران
ويحردوا ليك من صلاة العيد
حسع يا ناس الهلال انتو حتعملوا كيف مع الكشافات الجديدة
البيشيل الليل ويقلبوا نهار
حتنبهروا ولا حتلعبوا الكورة ولا حتأكلوا باسطة
كدي فكروا في كلام اخونا مزمل ابوالقاسم وشروطه
وفكروا في الخيارات التانية
وركزوا في ميدان عقرب
ناس بحري حنينين وطيبين وما عندهم قشة مرة
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: حمزاوي)
|
| Quote: ولو بنيتوا عشرين طابق تظل الحفرة هي الحفرة والخارج من استاد المريخ بيطلع عيان .. |
المرض بجي من زريبة العيش سابقا انت قايل استادكم اتاخر ليه الجماعه حفروا عاوزين يصلحوا النجيلة قام ليهم عيش وقمح
موقع استاد الهلال الحالي كان ذريبه للعيش هذه حقيقه تاريخيه مثبته
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
[blue]
كل لحم نبت من سحت فالنار اولى به
فتوى
لا يجوز لفريق الحركة الوطنية اللعب فى استاد بنى من مال الغلابة
كما لا تجوز الصلاة فى ذلك المسجد الذى بنى من حرام
ندلكم على احسن استادين جنوب الخرطوم,,اما استاد القطينة او استاد ابوقوته
تحياتى
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: abuguta)
|
Quote:
اخواني وحبابيبي عمر الفاروق وعبداللطيف بكري
مسكاقمي
انتو زعلتو ولا شنو
وارغو ان لا تزعلوا |
أول حاجة ياصلاح أهنئكم بالخال حمزاوي ، فهو (مفخرة) والله لقبيلة الرياضين،،
=
وياحمزاوي إذا كان (وارغو) ذاتو زعلان ولابد ليكم بيشتن كتر ، تقولوا شنو؟
=
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: عبد اللطيف بكري أحمد)
|
Quote: أول حاجة ياصلاح أهنئكم بالخال حمزاوي ، فهو (مفخرة) والله لقبيلة الرياضين،،
=
وياحمزاوي إذا كان (وارغو) ذاتو زعلان ولابد ليكم بيشتن كتر ، تقولوا شنو؟ |
عبداللطيف !
شرفنى جدا حضور العم حمزاوى !
أما وارغو ده مازعلان ..
وارغو حردان !
والله يا عبداللطيف أنا لو فى مكانو كان خليتها عديل كده !
ياخ ده الدق الدقوهو ليهو فى ثلاثة مباريات فى الدورى المحلى ..
يخلى نيجيريا تقطع علاقاتها مع السودان !
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: abuguta)
|
بالمناسبة يا ابقوتة والله العظيم انا أول زول عرفتو من أب قوتة سرق قروشي!
ورينا رأي الدين في أب قوتة مش الزول المن أب قوتة!
عشان نفهم دين كويس!
وأفتينا في أستاد سارقين ليه الكهرباء من جامع!
الدين دا بس ابعدوا من بعيـــــــــــــــــــــــد!
قال بني من حرام!
أوعك تصلي في ابقوتة احتمال بلدياتك دا يكون بني زاوية بقروشي او على الاقل عمل مزيرة!
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: سامى عبد الوهاب مكى)
|
| Quote: بالمناسبة يا ابقوتة والله العظيم انا أول زول عرفتو من أب قوتة سرق قروشي |
انا والله زولى دا كان لقيتو بكرمو,,اول مرة اشوف لى واحد من ناسنا شفت بسرق ناس ام درمان المفتحين
لو عندك ليه صورة ارفقها لى ,,ولو فى خيالك اديتها لاسيل ترسمها,,,
بس ناسنا ديل ما يلعبو فى استادكم,,,,لانهم من الان مغلوبين
دححين انا برشح ليهم استاد ابوقوتة,,,والنقل على ,,واستقبال الضيوف وناس الهلال
على برضو,,,,,دحين وصل وجهة نظرى دى ليهم انا لا بعرفهم ولا هم بسمعو لى راى
لكن ترا كلام الحب وقلناه
ااعيب ان يهوى المرء القمر؟؟؟
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: abuguta)
|
Quote: الفريق ل ك ت خ له عليه النقاط
الهلال الخرطوم 7 6 1 - 21 4 19
المريخ الخرطوم 7 4 3 - 14 6 15 |
ناس المريخ : الروليت الفوق دا صحيح ولا أنا غلطان؟؟؟
عاد كان بقى صحيح : جنس قوة عينكم مالاقتني بالمرة!!
=
البشوفكم يقول المانيونايتد ومتصدرين!!
يعني الهلال : هجوم أحسن
يعني الهلال : دفاع أحسن
يعني الهلال : مركز أحسن
=
ياخ استحو!!!
==
صلاح مبروك عرس عبد المنعم ابودية!!
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: طارق شاطر)
|
الاخ صلاح سلامات
250دي من حقنا في البترول لانو لوقسموها علي جمهور الهلال نصيب كل واحد حيكون ؟
انا رياضياتي تعبانة كدي اقسمها انت 250 مليون اقسمها علي 25 مليون شخص . شايف كيف بدونا بالقطارة
وياصلاح انتوا العينكوم قوية تلهفوا وتنكروا وبالمناسبة الهلال كما شارك في سيكافا حتذيد ديونكم مليون و200 الف دولار
يعني حنسمية مريخ الوالي والحكومة فانتوا الكسبانين من مشاركتنا
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
جــد والله الاختشوا ماااتوا وشبعوا موت !!!
بعد ما كانوا بيقولوا استاد المريخ اتبنى بقروش الحكومة ..
الليلة الحكومة ملت ليهم استادهم قروش وطوب واسمنت !!!
وبرضوا فرحانيين ويقولوا شايفين النفرات كيف ..؟؟!
وهم عارفين حصيلة النفرة بتاعتهم الحقيقية ما فاتت 50 مليون بالقديم
والباقى كلو من الحكومة ..!!!
يا ربى هسه الحكومة بقت حقتهم ولا غسيل الاموال بقى حلال ؟؟!!
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: محمد عيد)
|
الأخ محمد عيد !
سلامات يازول !Quote: بعد ما كانوا بيقولوا استاد المريخ اتبنى بقروش الحكومة ..
الليلة الحكومة ملت ليهم استادهم قروش وطوب واسمنت !!!
وبرضوا فرحانيين ويقولوا شايفين النفرات كيف ..؟؟! |
أمال قوّة العين تكون كيف ؟
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
كمان قالوا عاوزين يرجعوا طمبل للهلال !
ليه ؟؟
قالوا طمبل أصلو لاعب الهلال وتم إعارته لأورلاندو الجنوب أفريقى !!
وإنتهت فترة الإعارة وأصبح طمبل لاعبا للهلال !!
يعنى المريخ كان مضيفو ساكت كده ؟؟
كدى طمبل خلوا ..
إنتو رجعوا قودين الذى لا زال مسجلا بكشوفات الهلال !!
| |
|
|
|
|
|
|
|
|
|
Re: يا ناس الهلال .. قوّة عينكم تخجّل !! (Re: صلاح أبودية)
|
عمنا حمزاوي
مسكاقمي
وينك ياصلاح ود أبو دية.. ومبارك زواج عبد المنعم
حمزاوي في بوست جديد قال المريخ يسبق الهلال ب42
في ترتيب الفيفا .. المريخ الثاني عربيا خلف الأهلي المصري
والثاني إفريقيا خلف الأهلي المصري أيضا
الهليل لم يتشرف بدخول المراكزالخمسة الأولي ..لا عربيا
ولا إفريقيا..
بعدين يا أبو قوتة... مسجد المريخ بني قبل الإنقاذ بمراحل
وكان ذلك أيام رئاسة المرحوم عبد الحميد الضو حجوج
وكلامك عن قروش الحرام غير جميل فهذا مسجد للعبادة
| |
|
|
|
|
|
|
| |
صلاح أبودية
على محمد على بشير
شمس الدين ساتى
نيازي عبدالله مرحوم احمد
بدر الدين اسحاق احمد
نوفل عبد الرحيم حسن
عمر الفاروق
عبود عبد الرحيم
الصادق خليفة
عز الدين بيلو
abuguta
الحاج حمد الحاج
انعام حيمورة
Amin Mohamed Suliman
طارق شاطر
بدرالدين كاجوري
محمد عيد
فيس بوك
تويتر
انستقرام
يوتيوب
بنتيريست