|
أنباء عن إكتشاف البترول بالمنطقة النوبية غرب السكوت
|
تابعنا منذ ما يقارب العامين وجود شركة جنوب افريقية بمنطقة السكوت بالشمالية للتنقيب عن البترول وقيل فى حينه ان الشركة طلبت مهلة عام لعمل مسح جغرافي ومن ثم يوقع العقد مع الحكومة ... ما تردد ان الشركة المعنية بعد مرور شهر واحد من المسح رجعت للحكومة مؤكدةً جاهزيتها لتوقيع العقد وقد كان (فى إشارة واضحة لوجود البترول بالمنطقة) ومنذ ذلك الحين لم نسمع شيئاً عن نتائج التنقيب ... البعض عزى ذلك لأسباب روتينية تتطلب الكتمان الى حين الانتهاء من عملية التنقيب والبعض الاخر ربط ذلك بالإرهاصات التى تصوغها الحكومة بإنشاء السدود وعلاقة إكتشاف البترول بترحيل الاهالى من المنطقة ... ما علينا من دهـ كله
اليوم يحدثني زميلي فى العمل بانه سمع يوم امس وفى التلفزيون السوداني إعلاناً رسمياً عن اكتشاف البترول غرب السكوت ... هل من قارئ يؤكد او ينفى هذا الخبر؟
|
|
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الفاتح شلبي)
|
الأخ العزيز الفاتح
تحياتي و تقديري
قرأت البوست و إتصلت بقريتي بغرب السكوت ... لم يتأكد الخبر بعد ، و لكن وجود الخبراء مؤكد ... غايتو لو تأكد من حسع حنشد الرحال.
**
Quote: والله يا الفاتح انا من زمان عندي احساس انو (مقيدين) عبارة عن بير بترول |
خضر ... ( مقيدين ) دي بتاعة جدي ( همدقيلا ) .. خليكم بعيدين ولا حتقوم حرب أهلية هناك ( وش مجلبط بترول )
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: ابو جهينة)
|
Quote: خضر ... ( مقيدين ) دي بتاعة جدي ( همدقيلا ) .. خليكم بعيدين ولا حتقوم حرب أهلية هناك ( وش مجلبط بترول ) |
المك أبو جهينة يازول ناس همد قيلا ديل (حدهم إيسين) مقيدين دي الا يجونا (عابرين غير مقيمين) خصوصاً بعد البترول وكدة وبالمناسبة من زمان برضوا المناطق الحوالين كلهم بجوا بشيلو (الكدار) أو الرواق (عشان الاربي بجي وكدة) في الدميرة من مقيدين الغراء !
يا لسعدي يا اباجهينة
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الطاهر ساتي)
|
Quote: قرأت تقريرا علي ما اظن في عام 95 او 96 في مجلة ان السلطات الليبية وفي مسحها للبترول في الحدود مع السودان ان المنطقة من جبل العوينات وحتي القعوب غرب دنقلا بها شواهد بترولية وبعدها لم اقرأ ما يؤكد هذه المعلومات فنرجو ممن كانت لديه معلومة مؤكدة ان يتكرم بمدنا بها |
صحيح وهذا هو سبب وجود شركة جنوب افريقية منذ اكثر من عامين بالمنطقة
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الطاهر ساتي)
|
Quote: لا ..
لكن عندهم حساسية ضد ( نشد الرحال ) ..!!
............. |
ها يا زول ... الرحال دي مش من أدبيات النوبة من زماااان ؟؟
أنا شخصيا شديت الرحال من قبال 31 سنة .. ما خليت لي بكان في البسيطة دي. مش من باب أولى نشد الرحال للبلد؟ الحسادة شنو يا الطاهر .. بترولنا حيكفينا ما تخاف.
Quote: ان شاء البترول ده يظهر في حوش جدكم الكبير يا ابوجهينة عشان نشوف رد فعلك .. حتغادروا البيت ولا حتقعد تدق لينا جرس المناهضة ..؟ |
آمين .. و لو طلع في حوش جدي أو ساقيتو .. و الله نعينك مدير المصفاة ( وش زي الصفاية ) البترول يا زول آبار و تنمية عديل مافيها إغراق ... بعدين مناهضة و لا ما مناهضة الناس ديل ال دايرنو قاعدين يسوهو .. ما علينا نحن بترولنا دة أمسك فيهو قوي
عافية
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الفاتح شلبي)
|
Quote: يلا يافيصل خليل .. شكل سريع لجنة لمناهضة حفر آبار البترول فوق أضرحة أجدادنا القدماء ..!!
|
الطاهر انضبط وما تعك ساي
البترول ده علي بعد اربعين كيلو من القري والمشايخ النوبية نحن اول المرحبين فرق بين السدود وطريقة تنميتها وبين البترول
التزام شخصي يا ساتينتود... بلتزم اربّط ليك اي زول يعارض البترول ده
__ ساتي: سد مروي الحاصل فيه شنو يا خي انت كصحفي مستشرق شايف البوستات تتطاقش شي خستكة وشي علمي وشي مؤتمرات صحفية
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: GamarBoBa)
|
Quote: البترول ده علي بعد اربعين كيلو من القري والمشايخ النوبية |
القاليك منو ..؟.. انت صيني يابوبا؟؟
احتمال القرى والمشايخ راقدة فوق حقول بترول ..!! اها شن قولك فى التهجير فى الحالة دى ؟؟
وغير كدة اربعين كيلو برضو مسافة قصيرة ومابعيدة من مخاطر التلوث يعنى لازم تهجير واعادة توطين .. عشان كدة فكر كويس فى مسألة المناهضة دى .. ماتواقف ساكت ( انت كوز ولا شنو ؟؟؟)
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الطاهر ساتي)
|
Quote: يعنى لو زول جا أكد ليك المعلومة .. وفيما بعد طالبتكم الشركات بالتهجير او اعادة التوطين بعيدا عن مناطق البترول .. مابتشكل لجنة مناهضة ..؟؟؟ |
في الحالة دي يا قريبي المسألة حتكون لجان لقسمة الثروة وكدة ! تنمية شديدة والمدارس والمستشفيات والكرهباء تدخل مقيدين الكهرباء يا الطاهر ياخ !
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: خضر حسين خليل)
|
Quote: والكهرباء تدخل مقيدين الكهرباء يا الطاهر ياخ ! |
طيب أنت وكت داير الكهرباء تدخل مقيدين ، مالك عامل لينا قاقا فى موضوع السد ..؟
..........
ان شاء الله آبار البترول كلها تتحفر في مقيدين عشان نشوفك راحل بعيدا عن مخاطر الاستخراج وبقجتك فوق راسك
وتيجي تعمر صحراء الدبة المافيها بترول ومخاطر التلوث..!!
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الطاهر ساتي)
|
يا قرايبي البترول الليطير .. قبل البترول بنحتاج الي ادارات جيدة تديير البلاد وامور العباد ... في كل الدول والتي تعاني من سوء ادارة وعدم الاستقرار زاد اكتشاف البترول فيها صراعات كثيرة دامية ... المهم هو ادارة ما لدينا من موارد وذلك يحتاج كذلك الي ان تكون ثقافة العمل والتنافس الاقتصادي (وليس الاثني والجهوي) عند كل فرد هي الغالبة بحيث لا يكون العمل كماليا او شكلا اجتماعيا او مصدرا لمال لا يستحقه من لا يعمل .......
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: abubakr)
|
Quote: يا قرايبي البترول الليطير .. قبل البترول بنحتاج الي ادارات جيدة تديير البلاد وامور العباد |
كدة تمام .. حبيبنا ابوبكر وضع لبنة المناهضة .. ( لا للبترول قبل ايجاد ادارة جيدة )
.........
يلا قمر وخضر .. كتفو الزول ده ..؟ وانت يافيصل جهز اغنية بعنوان ( بترول منا .. أي بلد كنجنولى )
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الطاهر ساتي)
|
الشهادة لله يا الطاهر أنا إقتنعت انك بالجد عندك حساسية مناهضة ! ياخي النقة هسي عن بترول ما اغراق . بعدين ياخ مافي زول عاقل بقيف ضد التنمية خصوصاً لو جاي من مناطق مهمشة عفواً أقصد (مهشمة) زي مناطقنا ديك ! بعدين السدود دي ياخينا مسؤول من الخير هي الوسيلة الوحيدة للتنمية يعني دراسات الجدوي وبدائل التنمية عدمت نفاخ النار الا بواسطة السدود !
شئ عجيب
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: خضر حسين خليل)
|
Quote: قرايبي البترول الليطير .. قبل البترول بنحتاج الي ادارات جيدة تديير البلاد وامور العباد ... في كل الدول والتي تعاني من سوء ادارة وعدم الاستقرار زاد اكتشاف البترول فيها صراعات كثيرة دامية ... المهم هو ادارة ما لدينا من موارد وذلك يحتاج كذلك الي ان تكون ثقافة العمل والتنافس الاقتصادي (وليس الاثني والجهوي) عند كل فرد هي الغالبة بحيث لا يكون العمل كماليا او شكلا اجتماعيا او مصدرا لمال لا يستحقه من لا يعمل ....... |
نسوى شنو يا بكور ... هي جات كدهـ وبعدين طالما اتفاقية نايفاشا الهمشونا فيها ديك ما قالوا فى اشارات الى نصيب كل ولاية من منتجاتها ول كيف؟
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: خضر حسين خليل)
|
Quote: القاليك منو ..؟.. انت صيني يابوبا؟؟
احتمال القرى والمشايخ راقدة فوق حقول بترول ..!! اها شن قولك فى التهجير فى الحالة دى ؟؟
وغير كدة اربعين كيلو برضو مسافة قصيرة ومابعيدة من مخاطر التلوث يعنى لازم تهجير واعادة توطين .. عشان كدة فكر كويس فى مسألة المناهضة دى .. ماتواقف ساكت ( انت كوز ولا شنو ؟؟؟) |
الطاهر ساتي يا مستشرق صدقني ببقي ليك بمبي بعد شوية ياتو بترول جنب النيل ياخوي دي جيلوجيااااااااا وبعدين ما تحاول تضرب موضوع السدود ووقوف الناس ضدها بفكرة البترول لا وجه للمقارنة بأي شكل من الاشكال
ما تبقي ماسك في رقبتنا ساي بالله عليك يا الطاهر اقرأ كلام عمك ابوبكر ده؟؟؟
_ مشيتو لمكي علي ادريس؟؟
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: Dr Mahdi Mohammed Kheir)
|
Quote: الأخ الفاتح و(شيوخه) الكرام
ليست شركة جنوب أفريقيا وحدها .
فخبر وجود حقل بترول ضخم أو (بحيرة) بترول غرب دنقلا , خبر مؤكد .
وبالأمس فى الخرطوم تم عقد مؤتمر إستثمارى لأربعة عشر شركة بترول عالمية ومحلية بدعوة من وزارة الطاقة والتعدين للتنقيب فى هذه المنطقة تحديدا. |
تمام يا دكتور
يعني هل سمعت فى هذا اللقاء اي اشارة من متحدث باسم وزارة الطاقة عن اعلان اكتشاف البترول تحديداً غرب عبري بالسكوت ؟
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الفاتح شلبي)
|
شوفو يا ناس السكوت
من حسى ترى اقول ليكم حذارى تقبضوا قروش البترول و تجوا تشتروا بيوتنا و ارضنا فى الخرطوم .. عمروا مدنكم و حوموا بـ ( البنز ) و ال ( BMW ) فى شوارع السكوت و مرة مرة امشوا على اهلنا المحس عشان تغيظوهم و تعفروهم بتراب عرباتكم ترى قلت ليكم.
الاخ الفاتح من خشمك لباب السماء .. خلينا نخلص من ال....
ومن حسى ارشح الريس الغالى عندنا " ابو جهينة " اميرا لمنطقة السكوت !
نحن نعلم ان هذا الوطن موعود بالكثير لو خلصت النوايا
مبروك و انشاء الله بترول العافية
تحياتى
يوسف
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: عبد الخالق امن الله)
|
Quote: عندنا اغلي من البترول ومناجم الذهب الحضاره النوبيه |
الفاتح تحياتي لك وللجميع. مناطقنا غنية بالكثير من الموارد لو احسن استغلالها. وزي ما زكر الاخ عبد الخالق كل ما نملك يجب ان تكون للمحافظة علي ما هو اغلي . ويا الطاهر ساتي متين حتفهم.؟؟؟؟ السدود دمار لحضارة تهم كل البشرية. اما بقية الموارد في باطن الارض وخارجها فيجب ان تستغل لصالح انسان المنطقة في المقام الاول لان الانسان النوبي المبدع قادر علي لفت انظار العالم لهذه المناطق فقط يجب ان يتركونا نتمتع بحكم زاتي في الاقليم النوبي نقرر مصيرنا.
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الفاتح شلبي)
|
الأخ الفاتح
هذه تفاصيل خبر المؤتمر الإستثمارى لشركات التنقيب عن البترول كما أورده التلفزيون السودانى .
فى صياغة الخبر قالت هذه المذيعة تحديدا:
"وزارة الطاقة والتعدين تدعو أربعة عشر شركة تنقيب عالمية للإستثمار فى المنطقة الشمالية حيث أتضح وجود بحيرة بترول غرب دنقلا "
وفى سياق الخبر تم عرض الصور التالية لوفود الشركات المختلفة فى قاعة المؤتمر , بينما يتحدث أليهم ( من غير صوت )أحد المسئولين , وأظنه من وزارة الطاقة والتعدين .
.
.
.
.
.
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الطيب شيقوق)
|
Quote: يلمك بلاء انتوا هو يلقطوكم من وين اتشتتوا مليتوا الدنيا كلها خليتوا بلدكم لابو الرقيع والصراصير |
اخير ليك ياعرريب تطلع من هنا .. دييل احفاد الطلعو عرريب زماااااان وخلو قفاهم يقمر عيش .. ها السودان عموم السودان دة بتاعنا ومعانا كل الناطقيين بغيرها وانتو جيتو طافشييين ساي وشفقنا عليكم خليناكم تعيشو معانا ترعو لينا الابل والغنم وتحلبو اللبن وتدوبو دحين طولة لسان وشغل حطيئة وتابط شرا واميركم الفاسق داك امرؤ القيس ما بينفع معانا.. اها حتي فيزا راعي جحوش ما بنديها ليك وحتي الضب ما بيكفلك (مش اهلك في الدندر زمانك سقطوك في الانتخابات وقالو الضب ما بيديك صوت ) ...
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: abubakr)
|
اخير ليك ياعرريب تطلع من هنا .. دييل احفاد الطلعو عرريب زماااااان وخلو قفاهم يقمر عيش .. ها السودان عموم السودان دة بتاعنا ومعانا كل الناطقيين بغيرها وانتو جيتو طافشييين ساي وشفقنا عليكم خليناكم تعيشو معانا ترعو لينا الابل والغنم وتحلبو اللبن وتدوبو دحين طولة لسان وشغل حطيئة وتابط شرا واميركم الفاسق داك امرؤ القيس ما بينفع معانا.. اها حتي فيزا راعي جحوش ما بنديها ليك وحتي الضب ما بيكفلك (مش اهلك في الدندر زمانك سقطوك في الانتخابات وقالو الضب ما بيديك صوت ) ... Quote: اخير ليك ياعرريب تطلع من هنا .. دييل احفاد الطلعو عرريب زماااااان وخلو قفاهم يقمر عيش .. ها السودان عموم السودان دة بتاعنا ومعانا كل الناطقيين بغيرها وانتو جيتو طافشييين ساي وشفقنا عليكم خليناكم تعيشو معانا ترعو لينا الابل والغنم وتحلبو اللبن وتدوبو دحين طولة لسان وشغل حطيئة وتابط شرا واميركم الفاسق داك امرؤ القيس ما بينفع معانا.. اها حتي فيزا راعي جحوش ما بنديها ليك وحتي الضب ما بيكفلك (مش اهلك في الدندر زمانك سقطوك في الانتخابات وقالو الضب ما بيديك صوت ) ... |
التحت ده عنكوليب؟
Quote: عهد من الأمير عبد الله بن أبي السرح لعظيم النوبة ولجميع أهل مملكته أن عبد الله بن سعد جعل لهم أماناً وصدقة جارية بينهم وبين المسلمين بينهم والمسلمين ممن جاوروهم من أهل صعيد مصر وغيرهم من المسلمين وأهل الذمةأن لا نحاربكم ولا ننصب لكم حرباً ما أقمتم على الشرائط التي بيننا وبينكم ‘ل أن تدخلوا بلدنا مجتازين غير مقيمين فيه وندخل بلدكم مجتازين غير مقيمين فيه وعليكم في كل سنة ثلاثمائة وستون رأساً تدفعونها إلى أمام المسلمين من أواسط رقيق بلدكم ( الأرقاء لدي سلطان النوبة ) غير المعيب يكون فيها ذكران وأناث ليس فيها شيخ هرم ولا عجوز ولا طفل لم يبلغ الحلم، وليس على مسلم دفع عدو عرض لكم ولا منعه عنكم فإذا اويتم عبد المسلم أو قتلتم مسلماً أ, معاهداً أو منعتم شيئاً من الثلاثمائة وستون رأساً فقد برئت منكم هذه المعاهدة. |
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الطيب شيقوق)
|
انتو يالعرريب مشكلتكم انو بتقرو كلمة وتنطو التانية بشان كدة التاريخ عندكم نص كم ... اها ما قريت الخلا زولكم دة يطلب التعهد دة شنو ؟؟؟ وقبلها لما جو بجيوش وبعدين وقعت الواقعة وبقي حماة الحدق يسالو العرريب "اها يالخوي العين اليمن واللا الشمال " وبعدين عين العرريب ما تشوفش الا النور لاخر مرة واهو رجعو كلهم بعين واحدة"اعور العينين شلولح " .... نقول واللا كفاك .. قال اتفاقية قال ....كان احسن نخليهم يفوتو ويجوكم جو بشان يلمو فيكم ويرجعوكم الي الربع الخالي معاهم ...
ودحين الموضوع هنا موضوع بترول وكفالات وفيز وقلنالك ما عندنا فيز الا لراعي جحوش ؟ تدفع الوراك والقدامك وبيت امبدة وبيت البردانة وعربية الكرولا والغنمايتيين والديك والكراسي والبطاطيين (ما الدنيا حر بعدما السد قطع الكهربا ) وعربية عمك التيمس لزوم القسط الاول حقت الفيزا .. تحسبو لعب بس البنغاليين هم البتبيعو ليهم الفيز اكان ما خليناكم تشحدو "هلبة كاكي كمبكا "
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: abubakr)
|
ياخى بترول شنو ..؟ السودان ده فيهو حاجات أغلى من البترول .. بس كيف نستقر ونستغلها صاح ..؟
ربنا أدانا عشرات الملايين من الأفدنة الصالحة للزارعة ونيل شاقي البلد نصين وجبال من الذهب والحديد والمعادن الاخرى وولايات سياحية بحجم دول وثروة حيوانية وسمكية لاتحصى ولاتعد و و و بس إبتلانا بنخب سياسية تتوارث الفشل والخلاف من 50 سنة ومابتتعلم من تجاربها ابدا .... بنزين إيه .. وجازولين إيه مشكلة بلدك أكبر من كدة بكتير يا حبيبنا .....
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: ابو جهينة)
|
يوسف محم يوسف تحذيرك فى محله ... وكما ذكرت لو خلصت النوايا الدولة ذاتها ح تدعم بقائهم فى مواقعهم
عبد الخالق قلنا يمكن الجماعة يمكن لا يهمهم حضارتنا ... أهو ... مين عارف يمكن يغريهم البترول دهـ ويكون طوق النجاة للأرض والعرض والإرث
مدحت إذا ظهر البترول الجماعة ح غيروا رأيهم 180 درجة بس الى اي اتجاهـ ربك يستر ... أصلنا فقدنا الامل فيهم
ناجية مصطفى لا أكيد نفرح وما نزعل بظهور البترول
الطيب شيقوق موش تخلينا نتاكد من الخبر فى الاول ؟
أبو بكر الطيب شيقوق دهـ ما تزعلوا شديد وما تحفر ليه كتير من التاريخ ... وخلونا فى البترول
عزام من حسع رحلت بالغرب ؟ استغفر الله ... تعال عدي بي نلوتى بدون رسوم للغرب
الطاهر ساتي
صادق انت فيما ذهبت اليه ولكن يبقى الامل معقود منذ عقود ولعل ظهور موارد مثل البترول يقصر العقود الى سنوات قليلة ... مين عارف ؟
حسن مكي
ظهور البترول بالمنطقة معناهـ ليس إنقاذ لأنسان المنطقة ودعم الاقتصاد القومي فقط هو فى المقام الأول إنقاذ للموروث النوبي.
خالد حاكم
خلينا من المناهضة السدود حسع ... غنت ما متابع ؟ موش قالوا فى أنباء عن عدول الحكومة عن فكرة السدود وكان المفروض يطلع بيان الايام الاسبوع الماضي لكن تأخر بقدرة قادر ؟ المناهضة وصلت رسالتها بالكامل ... خلينا فى البترول يا حاكم.
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الفاتح شلبي)
|
يااهلي ... قبل فترة وفي نهاية التسعينات شاهدت في التلفزيون فيلما تسجيليا لمناطقنا وربما كان اتصويير جزيرة شيخ شريف لا اتذكر بالضبط لكن المهم وعندما كان الوفد الذي يصور مارا (وهو في مركب كما بدي لي ) تحدثت امراة كبيرة في السن من بعيد وهي تخاطبهم " اووقا ميسانيل ادروجيمنا " يعني " ما تدخلونا او تدخلو مناطقنا في ميزانية الدولة " .. نفس الجملة منذ استقلال السودان سمعناها بالفاظ مختلفة ولكن بقي المعني هو .. النوبييون بعد ان ضاقت ارضهم الزراعية بسبب الفيضانات في زمان قديم هاجرو الي مصر وكتير من بلاد الارض ليجمعو مالا يدرسو به ابنائهم اجيال سبقتنا وبعض من اجيالنا واقامو جمعيات تعاونية باسماء القري والاماكن لذات الغرض وبنو مدارس صغري وشفخانات ومساجد في كل المنطقة النوبية بما جمعوه من كدهم كبوابيين ( قالو عنها الان سيكورتي قارد والمئات السودانيين والمصريين وغيرهم ومنهم حملة شهادات عليا وجدوها العمل الوحيد الذي يقتاتون منه في امريكا وبلاد المهجر ) وطباخيين ( سموها الان "شيفات " ولقد رايت يوما كيف اوقف الشيف رمزي الحركة بقدومه في سيارته السوداء الفاخرة في تقاطع مزدحم في دي وكل الايدي تشير اليه وبعضهن تصيح "واللا مزيون " ..الخ وهناك الشيف اسامة وراشيل راي وووووووو )ومن كان له بعض من علم وفك خط عمل حافظا ومدير لبيوتات واسر حافظ فيها علي اموالهم واسرارهم ( واليوم كل واحد غنيان عمل ليهو مدير اعمال اخر فنجرة ) وووووووو.. المنطقة النوبية ادارها ابناؤها وتلك حقيقية تاريخية وحاضرة .. فان اراد الله للنوبة بترولا فسياتي ولكن ليس علي حساب استقرار من بقي منا متمسكا بارضه ونوبيته ....البترول اينما ظهر وفي المناطق ذات الاثنية الواحدة المحافظة علي كيانها يكون سببا في قهر تلك الاثنية بفضل من ياتي لاخراج البترول من اثنيات وجماعات اخري ولنا في نيجريا مثال ...؟؟؟ دعونا اولا نلملم اطراف النوبيين المبعثرة في كيان جامع ثم نري كيف نتعامل مع مقتضيات كل مرحلة ....
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: abubakr)
|
Quote: تحدثت امراة كبيرة في السن من بعيد وهي تخاطبهم " اووقا ميسانيل ادروجيمنا " يعني " ما تدخلونا او تدخلو مناطقنا في ميزانية الدولة " .. |
هذهـ السيدة تقول بمعني آخر ... حطونا معاكم فى القائمة !!!
سؤال وانا جادي ... أليست من السهولة حصر المبالغ التى صرفت من الدولة بمنطقتنا منذ الإستقلال وحتى لحظة كتابة هذا البوست ... مبدئياً فى ذاكرتي مبلغ صفر جنيه.
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: الفاتح شلبي)
|
Quote: سؤال وانا جادي ... أليست من السهولة حصر المبالغ التى صرفت من الدولة بمنطقتنا منذ الإستقلال وحتى لحظة كتابة هذا البوست ... مبدئياً فى ذاكرتي مبلغ صفر جنيه. |
العملية بسيطة .. المناطق المتاثرة بالسد اعلي اخرجت حكومة عبود ساكنيها من قوائم ساكني السودان ومنعت عنهم خدمات الدولة .. وبعد اكتوبر 1964 ظهر اهتمام مؤقت لم يستمر طويلا ولم يتجاوز اهتمام بخدمات بسيطة في الميناء النهري واستمر الوضع علي حاله وفي زمن النميري ورغم انه تربي في وادي حلفا عند عمه او خاله والد زوجته الذي كان يعمل شرطيا هناك فلقد كان يضمر بغضا شديدا لاهل المنطقة ويصر علي انهم "شيوعيون .. الخ " وبالتالي لم يهتم بالمنطقة حتي عندما فكرت مدارس كمبوني في فتح مدرسة في وادي حلفا رفض الترخيص لها قائلا بان اهل المنطقة ايمانهم قليل ولا يمكن ان يسمح بمدرسة تديرها الكنيسة ناسيا ان اهل المنطقة قد دخلو الاسلام طوعا وكان لهم دورا في بناء مساجد وتعليم في وسط السودان (الخرطوم - توتي- بحري - العيلفون - الخ ) وفي زمن ما بعد الانتفاضة كذلك لم يكن هنالك اهتمام فتدنت حتي الخدمات الصحية البسيطة التي كانت توجد في مناطق نوبية (حال المستشفيات في عبري وووووالخ ) وكذلك التعليم والذي تضرر كثيرا... القري النوبية جميعها تفتقر الي تواجد دولة يمكنها من النمو وفي عام 1995 او بعده بقليل وعند زيارة جماعة اتفاقية الخرطوم (اريك ميشار ومجموعته) مع المرحوم الزبير الي منطقة النوبة صدرت من ريك جملته التي اشتهرت حينها-والعهدة علي الرواة- " دييل ما شالو سلاح زينا ليه ؟ " اشارة الي غياب رعاية الدولة التام ...الامر لا يحتاج الي كل ذلك فمناطقنا قبل وبعد السد كما ذكرت اعلاه ادارها النوبيون اقتصاديا وفق مدخولاتهم المتواضعة .. ما يهم انه رغم كل ذلك التغيب بقيت النوبة ولغتها النوبية وانسانها النوبي الذي لم يفقد اعزازه بنفسه ومثله بسبب ضائقة مالية ...ما زال النوبيون يكدون ورجال اعمالهم يمدون اياديهم لكل اهل السودان ولافريقيا ( دال ومو ) .. نوبيون لم يعمل هذا التجاهل والتغيب غلا ولا كراهية في انفسهم فبقيو اقويا بخلقهم وعلمهم ونظافة ايديهم وهذه صفات هي التي صارت شحيحة اليوم بينما تكاثرت امراض اخلاقية كثيرة وسط اغنياء الغفلة وتجارها وحكامها ..
| |
|
|
|
|
|
|
Re: أنباء عن إكتشاف البترول بالمنطقة النوبية غرب السكوت (Re: abubakr)
|
Quote: المناطق المتاثرة بالسد اعلي اخرجت حكومة عبود ساكنيها من قوائم ساكني السودان ومنعت عنهم خدمات الدولة |
تقصد ان حكومة عبود لم تكن راضية ببقاء جزء من اهلنا فى حلفا القديمة وبالتالي اعتبروا خارج الخريطة ؟ هذهـ معلومة جديدة بالنسبة لي ولكني أشم فيها رائحة الحقيقة المرة.
ما يغيظ الفرد منا اليوم هو عدم اكتراث الحكومة الحالية لا بما حيك ضدنا بالامس ولا بأوضاعنا الحالية ... لا وكمان لسع عينهم قوي ولهم آمال فى إقامة سدود بالمنطقة ... بالضبط ك حكاية ذلك الذي يضرب فى خدهـ اليسرى ثم يدير ليضرب فى خدهـ الأيمن ثم يدير ويضرب فى رأسه وتعرفون ما الهدف من الضرب فى الرأس ...
آقجنا أورقوناني كيدافيولي ناني
| |
|
|
|
|
|
|
|