|
|
 ابو امنه ....ابي ذر بابكر صاحب المطر والمطر نفسه والدعاش وكل شئ جميل......اين انت ؟؟؟؟؟؟؟؟
|
اخي وصديقي ابو امنه ....
لهفتي تسبق كلماتي وحروفي ....اقسم بالله ان شوقي الهب قلبي ...ضحتك مازالت ترن في اذني ...اشتاق اليك واتشتاق اليك وعندما تضج الذكريات في في دواخلي ارسم لك لوحة زرقاء بلون حيطان بيتنا الذي عرفته والفته ...
طبعا عندي ليك خبر قديم ...عبدالحكيم عامر بشير تزوج وهو الآن في الامارات في احسن حال ...
بالله اتصل علي ارجو ..تلفون 0506499468 وتلفون المكتب 014614000
عليك الله لو كنت في السودان او المريخ او في اي محل بس ردي لي روحي دي ياخي ..وغلاوة امنه عندك
اخوك
عبدالمنعم الزين الطيب
تخرمية ...ياجماعة اي زول عنده اتصال بالزول السمح دا بس يقول لي هو وين ...؟؟؟
|
|
 
|
|
|
|
|
|
|
|
Re: ابو امنه ....ابي ذر بابكر صاحب المطر والمطر نفسه والدعاش وكل شئ جميل......اين انت ؟؟؟؟؟؟؟؟ (Re: عبدالمنعم الزين)
|
منعم الزين
ثبال المقالدة وبل الشوق
كدى عاين وشوف إنت كتبت الكلام ده يوم 18 ابريل /نيسان
ومافى زول قال ليك حروفك فى راسك، خليها عينك الفى راسك ديك
نعالك الفى كراعك مافى زول بدلك عليها هنا
دى ممكن تكون إجابة اولانية على سؤالك عن
نحن وين ؟
ولو قعدت هنا يا منعم يا صاحبى، لو قعدت تانى لحدى 18 ابريل من القرن القادم
حتظل نفس الإجابة الممكن إنت تضوق طعمها براك بعد ما تلوك صبر القعاد وتجرب ضرية البعاد
نحن بقينا ما من هنا يا حاج
كل أول ليهو آخر
حكمة ازلية المعنى وسرمدية الدلالة
الإجابة التانية الممكن تجى من جوه الشى هى
إنه الناس الهسه هنا ديل، الورثة الجدد يعنى، ممكن تقسمهم لة نوعين اتنين
نوع ما بعرفك إنت وبعرفنى أنا أكيد، عشان كده ما بجاوب ليك
ونوع ما بعرفنى أنا وما بعرفك إنت، عشان كده برضه ما بجاوب ليك
ده النظام السودانيزى الجديد
اقعد قعادك ساى كان داير، مافى زول بهببو ليك يا صاحبى
تقول لى أنا وين ؟
اها
داير اقول ليك شنو
المحل ده ما ظنيته ينفع معاك يا منعم
وشكلك جيت هنا بعد ما السوق فرتق
تتذكر سوق الصرف ؟
ما عارف ليه وأنا بقول ليك فى الكلام ده
اتذكرت اسامة الخواض وكلامه عن الكتاب الاسفيريين والكتاب التقليديين
ما علينا يا زول
كدى جرب براك وخوض مع السودانيز الجدد ديل وعوس عواستك، وسوى جكتك
أنا من جانبى غايتو، ختيتلها الختة السودا زى ما بتقول خالتى بت الفكى
يا زول كان الله مد فى الأيام بنضم معاك وبحكى ليك عن الحصل زى ما بقول عركى
وارقد سعادة وطيبة وعافية وسلم لى على الناس طرفك جت عليهم
| |
|
|
|
|
|
|
|
|
|
Re: ابو امنه ....ابي ذر بابكر صاحب المطر والمطر نفسه والدعاش وكل شئ جميل......اين انت ؟؟؟؟؟؟؟؟ (Re: الزاكى عبد الحميد)
|
الأحباب
عزاز الناس
أمبدة
و
الزاكى العبير
عوافى يا عقاب
العرجا لى مراحا
والكسرة لى ملاحا
(التانية دى من عندى أنا ساى)
مع إنها ممكن تتقرض ساى طبعا
ههههههههههههههه
أنا جيت صاد لى حين من دهر الجية
هسه السؤال بقى
اخونا ود الزين ذاته وينو ؟
وإنتو إن شاء الله ما تسأل منكم شينة
تتعلو وما تدلو
تسعد حياتكن وتلقو الدايرنو فى مرادكن
أنا قلت بس الندى منعم ده تقرير عن الحال والمآل هنا
لأنه منعم ده والله ماهو الزول الهين
وشدة ماهو أخدر من جوه ونضيف، نفسه البجرو ده الزول يخاف عليهو منو
أها قلت النوريهو الشى هنا كيفنو عشان ما ينصدم ساى لى قدام و "ينقهم"
وتانى يا الحبان
أمبده والزاكى
ليكم كل من نملك من المحبة والله
| |
|
|
|
|
|
|
| |
عبدالمنعم الزين
أبوذر بابكر
ombadda
الزاكى عبد الحميد
فيس بوك
تويتر
انستقرام
يوتيوب
بنتيريست