مظاهرات وأعمال عنف أثناء تشييع قتلة الصحفي محمد طه محمد أحمد

مرحبا Guest
اخر زيارك لك: 04-25-2024, 07:31 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2009م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-14-2009, 09:24 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مظاهرات وأعمال عنف أثناء تشييع قتلة الصحفي محمد طه محمد أحمد

    يشهد حي مايو بالخرطوم في هذه اللحظات أحداث عنف بين مواطني حي مايو وقوات الامن والشرطه أثناء تشييع جثامين قتلة الصحفي محمد طه محمد أحمد والذين تم اعدامهم ظهر الامس 13 أبريل .
    تم اغلاق شارع المطار المؤدي الى حي مايو عن طريق قوات الشرطه وقد حدث تهشيم لزجاج عشرات السيارات المتواجدة في المنطقه وهناك عنف متبادل بين الشرطه والجماهير الغاضبه.
    المشيعون يقدر تعدادهم بحوالي 4 ألف شخص.
    مستشفى بشائر في حي مايو محاصر من بعض رجالات الشرطه وهناك مجموعه من طلاب كلية الخرطوم الطبيه محاصرين داخل المستشفى وهم في حالة ذعر لانهم يتوقعون هجوما على المستشفى من قبل المشيعين.

    تعتبر جريمة اغتيال المرحوم محمد طه محمد احمد عنوانا حقيقيا لاكثر لحظات المشروع الحضاري سطوعا والحال الذي سيؤول اليه أمر البلاد والعباد والمرحوم ابن من ابناء هذه المؤسسه بشر بفكرها وقضى سنوات كثيرة من عمره مابين أروقها جال في دهاليزها وخبر أغوارها.
    تعرض لمحاولة الاغتيال الاولى عندماتم اعتقال عصام الترابي متهما في الاتجار بالعمله واطلق سراحه بعد ساعه واحدة عقب التدخل المباشر لعبدالباسط سبدرات وزير العدل وقد كتب محمد طه في جريدة السوداني بتأريخ 2 أبريلا 1994 ((الساعه دي لله)) وكان عصام قد اطلق النار من مسدسه تجاه محمد طه أما المحاوله الثانيه كانت عندماكتب مانشيتا عريضا في صحيفته يسئ الى د. الترابي.
    وفي المرة الثالثه قدم للمحاكمه في مايو 2005 متهما بالردة بعد ان عرضت صحيفته فصولا من كتاب المجهول في حياة الرسول وكانت جماعة عبدالحي يوسف تتجمهر امام المحكمة طالبة بانزال اقصى العقوبة عليه باعتباره مرتدا. وقد صدر الحكم بتبرئة ساحة المرحوم من تهمة الردة لكن المحكمة اصدرت قرارها باغلاق الصحيفة لمدة 3 أشهر (( وهذا من نماذج محاكم الانقاذ)) فلا هو برئ ولاهو مدان لان الصحيفه لاتكتب وحدها ورئيس تحريرها مسئول عن كلما يرد فيها.
    يدور همس ان المرحوم كان ممسكا ببعض الملفات الهامة يلوح بها من وقت لاخر ويتم اسكاته ببعض مما يريد.
    كان من المفروض ان تخصص الدوله الحماية للمرحوم لانها تعرف ان حياته مهددة لكنها لم تفعل ربما ارادت التخلص منه وفي افادات المتهمين اشارات لتورط عناصر نافذة في الحكم في جريمة الاغتيال.
    السؤال المؤرق والذي يحتاج الى اجابه(( من قتل محمد طه محمد أحمد)).

    (عدل بواسطة عبدالوهاب همت on 04-14-2009, 11:53 AM)
    (عدل بواسطة عبدالوهاب همت on 04-14-2009, 08:18 PM)
    (عدل بواسطة عبدالوهاب همت on 04-15-2009, 07:59 AM)
                  

04-14-2009, 09:34 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    اعداد كبيرة تنضم لموكب التشييع
                  

04-14-2009, 09:45 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    اسماء الاشخاص الذين تم اعدامهم أمس بعد أن ادانتهم المحكمة في قضية اغتيال الصحفي محمد طه هم
    1/اسحق السنوسي جمعة صالح 2/عبدالحي عمر محمد خليفة، 3/مصطفى ادم محمد سليمان ، 4/محمد عبدالنبي ادم، 5/صابر زكريا حسن، 6/حسن ادم فضل خميس، 7/ ادم ابراهيم الحاج عمر، 8/جمال الدين عيسى الحاج، 9/عبد المجيد علي عبد المجيد
                  

04-14-2009, 09:58 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    سقطت كلمة جثامين العنوان الصحيح هو
    مظاهرات واعمال عنف اثناء تشييع جثامين قتلة الصحفي محمد طه محمد أحمد
                  

04-14-2009, 10:07 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    إفادات مثيرة للمتهم الأول في قضية مقتل الصحفي محمد طه محمد أحمد

    أنكر أقواله كافة وأدلى بإفادات خطيرة جداً تطال بعض المسئولين إن صدقت الرواية
    على لسان المتهم : اثنان من كبار المسئولين هما الفاعلان
    كلام مثير.. أشياء أقرب للخيال أفاد بها المتهمون واصروا عليها
    السنوسي : غشوني .. وأغروني .. هددوني فألفت روايــة مقـتل محمـد طـــه
    المتهم عبد الحي : المتحري عوض عمر قال إن كل ما سنقوله عبارة عن مسلسل فقط



    * رصد ومتابعـة : ابتسـام عبد الرحمن*
    أنكر المتهمان الاول اسحاق السنوسي والثاني عبد الحي عمر اشتراكهما في جريمة اغتيال الصحفي محمد طه محمد أحمد ، وذلك في جلسة الامس التي عقدت بمحكمة بحري برئاسة القاضي أسامة عثمان، وأدلى بإفادات خطيرة ومثيرة طالت بعض المسئولين في الشرطة والدولة.
    كما أفاد المتهم الثاني عبد الحي أنه ليس لديه علاقة بالجريمة، وأن العقيد عوض عمر أوضح له بان كل ماقاموا به من اعتراف وتمثيل للجريمة مجرد تمثيل.



    * أقوال المتهم الاول إسحاق السنوسي
    قرأت المحكمة أقوال المتهم لدى تسجيله اعتراف قضائي: أنت متهم في هذا البلاغ أثناء التحريات تم عرضك على قاضي بالسوق المركزي شمبات وسجل أقوالك وهي:
    في واحد اسمه محمد برقد بعرفه منذ عشرين سنه هو من قبيلتي كنا في القضارف وحضرنا للخرطوم استقريت في الكلاكلة في منزل شخص مجاناً ثم ذهبت لمنزل مايو ومحمد برقد كان يسكن معي انا اقوم بعمل البخرات والمحايه ومحمد برقد بداوي بالاعشاب، واختلفت معه.. وادم أحضر لى حجابات خاصة بالمحبة والمحاكم عشان القاضي ما يحكم. وحجابات خاصة بالرجل وزوجته استعملتها وماجابت نتيجة.
    محمد برقد حضر ومعه أشخاص وقال محمد طه أساء لقبيلة الفور ولبناتها ورجالها وطلبوا مني المشاركة معهم فرفضت.
    ناس محمد برقد احضرو شخص مربوط من الايدي والارجل وقاموا بإدخاله في غرفة صابر وانا كنت خارج الغرفة وسمعت صوت كسر عظام وعلمت بأنهم قاموا بقتل الشخص وبعدها أخرجوا الشخص وحملوه وألقوه.
    ولم أسأل أحد لخوفي منهم وصابر في اليوم الثاني قال لي بتاع الجرايد انتهي.
    رده على المحكمة:
    سألته المحكمة: هل هذه أقوالك؟
    اولاً: منها اقوالي ومنها ليست اقوالي.. القاضي الذي سجل لي اعترافاً قال لي هذه اقوالك.. قلت له تحميني.. قال لي لا.. الكلام الذي ذكرته أملي على من اللواء عابدين.. القاضي طلب مني أن أمضي على الاقوال.. وطلبت منه الحماية.. وقال مابديني حماية.. لم يشرح لي الاقوال، طلب من الامضاء فقط، ولم يأخذ أقوالي.



    * المتهم يسرد اقواله امام المحكمة
    طلبت منه المحكمة أن يسرد أقواله كما يعرفها فقال:
    كنت ساكن في الكلاكلة شرق جوارالمقابر ومكثت بها سنتين وكنت شغال في علاج البرص والبواسير والناسور والايدز ، سفرت أولادي للبلد قبل سنة، في واحد اسمه الفاتح إبراهيم السيد.. جاء يتعرف بي جاب لي نفرين.. واحد اسمه محمد الحسن عيان مكنكش، معه صلاح عبد القادر وكيل وزارة الاراضي سابقاً وعالجته. بعدما عالجته صلاح عبد القادر قال لي مرتي عيانة تعالجها لي.. قلت ليه بتستعمل محاية.. قال لي لا .. بتستعمل بخرات.. قال لي لا ، قاموا رجعوا.. وبعد ثلاثة ايام صلاح عبد القادر جاني راجع قال لي: المرأة مجناني.. لو سمحته اديني سرير من سرايرك ديل أقعد يومين ثلاثة.. قعد معي يمشي ويجي.. واحضر لي زبائن كثيرين ، نسيبي يوسف ابكر زوج ابنتي المتهمة فائزة اسحاق قال لي بدل ما تدفع قروش ايجار تعال نديك منزل تسكن فيه.. ورحلت لمنزل يوسف ووجدت في المنزل المتهم مصطفى.. وصابر ما مذكر كان في ولا مافي.. وبعد خمسة ايام صلاح عبد القادر حضر لي وقال كيف ترحل وما تكلمني.. وقلت ليه نسيبي احضرني.. وقال لي سريري وينه ، قلت ليه ياهوا ده سريرك وقعد معي والبلد كلها عارفة الكلام ده ، ويوم من أيام شهر «9» مشى، وقال لي أديني صابون اغسل.. اعطيته الصابون، وبتي كانت بتعمل الفطور، وبعد الفطور قال ماشي، وطلب مني الف جنيه، واعطيته له ، ذهب السوق وحضر شايل معه جريدة، قال لي شيخ اسحاق والله حاجة غريبة جداً ، قلت ليه خير : قال لي ماخير، في شنو قال لي ياخي الراجل ما كتلوه، قلت ليه الراجل منو؟ قال لي الاستاذ.. قلت ليه استاذ مدرسة.. قال لي استاذ بتاع جرايد ، قلت ليه الكتلو منو ؟ قال لي هجرة وتكفير أو حكومة ، قلت ليه الله يرحمه، قال لي الامن والاستخبارات كلهم اولادنا حتى مدير الامن اسمه عابدين الطاهر الحاج، درس معي ، وقال حيجيب النتيجة، الكتل الزول ده منو ، مشي وجاء راجع قال لي انا لقيت الكتلو.. قلت ليه منو؟ قال لي الحكومة لكن الزول ده يخش وين؟ انا قلت ليه الزول ده منو ؟ قال لي وزير الداخلية السابق اسمه عبد الرحيم محمد حسين ومعه اسامة عبد الله.
    سأله القاضي: المتهمين ما كانوا حاضرين؟
    المتهين ما كانوا حاضرين الكلام الدار بيني وبين صلاح، وقلت ليه كتلو ليه ؟ قال لي عنده قروش مع عبد الرحيم محمد حسين شراكة.
    المحكمة سألته عما إذا ذكر هذه الاقوال للشرطة او القاضي؟
    نفى، وذكر ان الشرطة رفضت، والقاضي ما قلت ليه الكلام ده عشان عند دخولي للقاضي في واحد اسمه احمد قال لي لوم ما مضيت على الأقوال، حنديك حقنة ونقسمك النص ونوديك البحر عشان كده ما قلته.



    * وواصل حديثه قائلاً:
    قلت لصلاح القروش شنو؟ ، قال لي قروش شالها محمد طه، وأحضر مكنة ملونة، تطلع القروش والجرايد ملونة، وشال القروش من عبد الرحيم.. واسامة عبد الله اخذ منه ارض ،وهذا كلام صلاح، وقال يوم من الايام اتلموا مع بعض، اتحدثوا مع بعض حتى جروا سلاح والناس إدّخلوا ، وصلاح ده قاعد معي سنة كاملة في بيتي من الكلاكلة حتى رحلنا مايو.
    بعد عشرة يوم صلاح قال لي شيخ اسحاق الكلام ده فيه قروش، قلت ليه قروش شنو؟
    المحكمة قاطعته وقالت له ما سبب استمرار النقاش حول هذا الموضوع ، وقال ما عارف.
    وواصل ، وصلاح قال لي جيب أهلك وقول هم الكتلوا قلت ليه .. ليه أدخل أهلي.. قال لي الكلام ده فيه قروش.. إنت 20 مليون وأنا عشرين، وقال لي لان المرحوم عنده قضية مع الفور.. وقلت ليه لو دي خوتك اطلع من بيتي، وقال لي خلاص انا بتصرف.
    وفي رده على أسئلة المحكمة أفاد أن صلاح ليس لديه علاقة باهل دارفور وواصل قائلاً: بعد كم يوم صلاح احضر لي عوض عمر، بعد سبع ثمانية يوم من قراية الجريدة وبعد رفضي للموضوع.
    صلاح لما دخل مع عوض قال لي ياخي سلم قريبي ده ، سلمت عليه.. قال لي شيخ اسحاق ماشاء الله صلاح قال لي انت بتعرف علاج كتير ، وقال لي عوض انا عندي شغله كثيرة لكن مستعجل أداني «500» ألف ، قلت ليه القروش ده حقت شنو؟.. قال لي انا جاييك لكلام كتير بس أمسك الـ500 جنيه دي ، قلت ليه مرض؟.. قال لا بس انا بجيك.. قلت ليه ياخي القروش ده كتيرة.. قال لي ماشفته لسه القروش جاياك كتير.. ده عوض عمر ، قال لي صوم رمضان.. لما مشو تميت تاني ثلاثه يوم.. جاب لي مليون.. (عوض مع صلاح).. قلت ليه المليون ده شنو؟.. قال لي ماتمسك انت، صلاح ده بتعرفه ولا ما بتعرفه.. قلت ليه بعرفه.. قال لي أمسك.. اشتريت حاجات رمضان وكل شيء.. حضروا مرة.. وعوض قال لي شيخ اسحاق الكلام القالو ليك صلاح رفضته ليه؟.. قلت ليه كلام شنو؟.. قال لي ياخي ماقال ليك تجاب ليه ناس من الشارع الشماسه والحماله ديل ونديك عشرين مليون؟. ده منو؟. ده عوض.
    بعد ده ما قال اي كلمة المساء حضر لبيتي بعد شراب الموية زي «11» او «11» ونص.. نفرين، قالوا لي ارح الخلوه، وجلسوا الاثنين ، وقلت ليهم ان شاء خير؟.. قالوا لي نحن ناس أمن، قوم معانا.. مشيت معهم اخذوا ممتلكاتي واحد منهم اخذ ورقة بها اسماء زبائن وكتب كلام وقال طلعوا بره.. اخرجوني، ووجدت المنزل والشارع محاصر بافراد الشرطة واخذوني بحري ودخلوني الحراسة.. بعد ساعة ونص طلعوني بالليل وجلدوني «18» سوط، استجوبوني في نفس اليوم، اتحري معاي اللواء عابدين ، لما شافني اللواء عابدين قال لي ياحبيبي.. يا زراعي اليمين.. انت مش زولنا؟.. قلت ليه زولكم كيف؟.. قال لي نحن كلام كثير مادايرين.. صلاح عبد القادر وعوض ما ادوك قروش؟ ، قال لي عايز تتعشي؟.. قلت جداً ، قال لي قبل العشاء يا اسحاق عندي معاك دردشة شوية قال لي عمرك كم؟.. قلت ليه 65 سنة ، قال لي انا عندي كلام.. قلت ليه كلام شنو؟.. قال لي تقبل يكتلوا ليك واحد في بيتك؟بعد داك احضروا العشاء وادخلوني.. احضروا لي نصف جدادة.. بعد العشاء في واحد دخل علي رجل امن وجدع العشاء وضربني كف وربطوا وشي وودوني الخلاء.. تاني يوم القبض على، وعند فك الرباط من وشي وجدت نفسي في نص المقابر واثنين عساكر ماسكين دوشكات واحد قال لي اللواء يقول ليك اي حاجة ما تقبل.. نحن نرميك هنا وننتهي منك ، انا بعد داك قبلت.. حضر اللواء عابدين وقال لي كان تقبل من بدري ، وقال لي يا اسحاق انا دايرك تبقي لي شاهد ملك.. وسألني من الساكنين معاي في البيت.. قلت ليه صابر ومصطفي ونسيبي يوسف ابكر.. قال لي تديني اسماء الناس وتحضر لي اي زول من معارفك او اهلك عنده عربية.. قلت ليه اخوي حسن ( المتهم حسن ادم فضل) وتجيب لي موظف كبير وتذكرت ادم بوش.. لي 21 عام لم اراه ومحمد برقد.. ولي عامين ما شفته.. قال لي شيخ اسحاق القروش العندي ما في زول عنده.. انت جيب ناس وقول ضبحوا في بيتي.. ما قلت كده انا بضربك رصاص ولو حتى في السجن او الشارع لو ما قلت كلام زي ده.. اسمع كلامي خلي القاضي يحكمك مع الناس.. وانا بسحبك بالليل لو داير تسافر بسفرك، لو داير تقعد اقعد.. قال لي بديك عمارة.
    ربطوا وشي واحد اسمه ايهاب وعمار وعمر.. الباقي ما بعرفهم وصلوني بالليل ونزلوني في محل زي ثاني دور.. وادخلوني منزل وفي اليوم الثاني احضروا لي بنت قالوا ده زوجتك قلت ليهم انا عمري ما زنيت طلعوا البنت بعد قلت ليهم مابزني.
    وبرده على اسئلة المحكمة قال إنه خلاف الذين ذكرهم للشرطة لا يعرف بقية المتهمين ولم يشاهدهم الا في السجن وانه ذكر المتهمين الاربعة الاوائل فقط.
    ونفى عرض شريط يحتوي على اقوال ابنته ، المتهمة له قبل استجوابه ونفى معرفته بالجريمة خلاف الشيء الذي ذكره.. وواصل حديثه قائلاً : بعد انزاله من العمارة اخبروه بان هذه العمارة ملكه ، بعد حضوري قال لي اللواء تعال بالليل شيل قروشك من المكتب ، طلّع لي 250 مليون قال لي ديل حقاتك عشان تبقي شاهد ملك.. وبعد القروش وراني عربيتين وعمارة.. وققال لي خليك معاي شيخ اسحاق استرنا ونحن سنزيدك زيادة.. طلبت منه وصل بالاشياء التي اعطاني لها من قروش وعربات.. وقال لي الورق كله عند عوض ، وكانوا يحضروا لي الجداد والسمك في الوجبات.
    وفي رده على أسئلة المحكمة أفاد أنه لم يواجه أحد من المتهمين أثناء التحريات.
    وواصل حديثه قائلاً: بعد ذلك تم تحويلنا لي مبني جهاز الامن.. وبعدها عوض قال لي نحن بنجيب ليك زول تقول ليه انت معانا.. احضروا لي محمد برقد وقلت ليه تقول انت معانا.. وبعدما اقتنع محمد برقد اصبح الرئيس عندما وجدوا حنكه سنين.. وبقي يدخِّل الناس الباقين.
    يوم التصوير ودوني براي وصوروني اولاً في مكتب الشرطة ومن بيتي لي بيت المرحوم.. ولما مشينا الخلاء كانوا بوصفه لي المكان.. وهم ودوني.. وكانوا يوجهوا فيني.. وقالوا لي مثِّل.. رجعوني في مكتب. الامن بعد كم يوم طلعونا مع بعض المتهمين وذهبنا لمنزلي وسجلوا التمثيل المفبرك.



    عند استجوابه قال :
    أنا ما سمعته بإساءة الفور ولامقتل المرحوم ولا اعرف عنه شيئا.



    استجواب المتهم الثاني عبد الحي عمر:
    تلت المحكمة للمتهم اعترافه القضائي الذي جاء فيه أنه حضر من القضارف واصبح يعمل بالعلاج بالمحايه وان المتهم اسحاق حضر له وقال عندهم شغل.. بعد ايام حضر بعض المتهمين بعربة، وذهبنا لمنزل المرحوم.. وبرقد وصابر طرقوا الباب، وخرج المرحوم، وأدخلوه في العربة.. وذهبنا لمنزل اسحاق وادخلوا المرحوم.. وبرقد قال ليه انت نبذت الفور.. برقد طعنه.. وصابر ذبحه.. وعبد المجيد كسر رقبته.. أدخلوه العربة ومشينا مسافة طويلة وانزلوا المرحوم.. وبرقد فصل الرأس.. ووضعه على ظهره.. رجعت سوبا.. وبعدها سافرت القضارف.
    اكد اقواله امام القاضي واضاف انه ذكر الاقوال لانه كان مضغوط من عوض وعبد الرحيم.. وبسؤاله عن عدم نفي اقواله امام القاضي.. قال ليه انا مضغوط.
    وباستجوابه امام المحكمة افاد انه لايعرف عنه اي شئ وانه حضر الخرطوم شهر4/2006م.. وقال: كنت مريضا وبعدها سافرت القضارف ، المتهمين بعرف منهم فقط محمد برقد وسبب المعرفة السكن في القضارف.
    ناس المباحث ضغطوني وقالوا في جماعة انا ما بعرفهم هم احضروا اسمائهم وعبد الرحيم وعوض قالوا لي تقول الكلام ده ، من المتهمين بعد القبض على وجدت مصطفي وكنت مقبوض في القضارف انا كنت اعمل بتجارة الفحم منذ 82 وحتى الآن.. وحضرت الخرطوم للعلاج ورجعت القضارف.. حضر اثنين وقالوا عاوزني.. وقالوا في واحد ضابط حضر من الخرطوم وقال عاوزني.. ذهبت وقال الضابط في الكمندانية لاني ما لابس ملابس مهذبة.. قال لي خلاص امشي البس وتعال.. قلت ليه لي الزول العاوزني ده ما بحضر لي في المنزل.. ركبنا عربة وذهبنا القسم وقابلت الضباط واعطاني صورة.. وسألني منها.. قلت ليه مابعرفها.. وقام اخذها مني وقال لي شوف الإسم المكتوب خلف الصورة محمد عبد النبي.. وسألوني منه.. قلت ليهم بعرفه لكن لي سنتين ما شفته.. وقال بوديني الحراسة.. وسألت من جريمتي.. وما وراني.. وسألت من امر القبض قالوا ما عندهم.. رفضت ودفروني دفر دخلوني الحراسة.
    الصباح اخذوني للضابط.. وسألني عن محمد برقد وقلت ليه ماشفته.. وكرر سؤاله عن محمد برقد عدة مرات وعند اصراري باني لم اشاهده ضربني بالبوت وجراني واداني كف والضرب كتر عليّ ودخلت تحت التربيزه.. طلعني وقال لي والله بقتلك.. بعد داك ما فتحت خشمي تاني .. وقدر ما تحرشوا بي قلت ليهم ما شفته ، قال لي محمد برقد اكل 80 مليون.. قروش زول.. وانا حضرت معه من الخرطوم للقضارف ، ذهبوا معي للمنزل وقالوا عاوزين يفتشوا بيتي.. وسألته من امر التفتيش وما لقوا حاجة.. وفي البيت ضربوني امام ابنتي.. واخرجوا مملتكاتي الشخصية وجدعوها بالخارج ، ورجعوني القسم اخذت يوم واحد في قسم القضارف واليوم الثاني حضرت الخرطوم في الطريق نزلوني في الخلاء قالوا لي تورينا الحاصل ولانربطك هنا.. وربطني وقال لي بكتلك لو ماوريتني ، بعد داك قال لي يا حاج في زول صحفي مكتول في الخرطوم.. وناس قالوا انت معاهم ، قال لي نحن نوريك الطريق السالم.. قال لي انت تقول الزول ده انا ما شاركت في كتله.. لكن شلته كرعينو.. وقلت ليه خلاص شلته كرعينه.. وبعدها ركبنا العربة.. ومن هنالك واصلنا ولم نقف إلا في الخرطوم.. طلع تلفون وقال قبضته الزول. التاني ده جيبوا لي في المكتب ، دخلت مكاتب في بري وجدت المتهم مصطفي واول مرة اشاهده فيها ، وبعد دخولنا للمكتب وجدنا اللواء عبد الرحيم .. واحد سأل مصطفي قال ليه ده منو قال ليه مصطفي ده عمنا الكان معانا ، وقلت ليه انت شفتني وين؟وبتعرفني من وين؟ وممدوح ده قام شلتني وقال لي اقعد لوما بتعرفه بتعرفه.. وكنت مكلبش وجلست على الارض وسمعت الناس يقولوا عبد الحي جابوا عبد الحي جابوا ، قلت ليهم انتو منو وبتعرفوني من وين؟ وقاموا بربطي في الشباك ، اخذوا اقوالي في نفس اليوم الكلام القلته ده عبد العزيز قال لي يازول نحن مسكنا تسعة نفر انت عاشرهم ، وقال لي انت كتلت محمد طه قلت ليه نائب الرئيس؟ انا كتلته كيف وانا في القضارف.. قال لي ، نائب الرئيس قلت ليه ما بعرف زول اسمه محمد طه.. وقال لي بتاع الجريدة.. وقلت ليه اكتله ليه ماعندي معاه شئ.. وسألته من اسمي.. قال لي وراني ليه واحد اسمه محمد برقد.. وقلت ليه جيب لي محمد برقد.. وقال لي لوما قتلوه ناس المباحث بجيبو ليك.. عوض عمر جاب لي صور وقال لي انت ما كتلتت زول الكلام ده كلو مسلسل ، وقلت ليه كلام المسلسل في الكتل ده انا ما شفته.. اللواء عبد الرحيم قال لي انا داير اخاويك لله وبعدها جاني عوض والصور قدامه ، وقال لي ده مسلسل بتاع الراجل اسمه محمد طه ، سألت اللواء عبد الرحيم وقلت ليه نحن وين؟.. قال لي في رئاسة المباحث وطلبوا من التمثيل في المسلسل ويدوني قروش.. وانا رفضت وقلت ليهم المسلسل حرام وقروشو حرام.
    المتهم مصطفى قال لي يازول انا لاشفتك ولابعرفك وانت زول كبير وما بتتحمل وراني ضهره كل دم وقال ضربوه وقال لي اي كلام يقوله ليك قول ليهم عملتوا ، واللواء عبد الرحيم قال لي انا بقول ليك كلام وانت قوله ورأي وبدء يتكلم وانا اتكلم وراه وهو يسجل.. بعد يومين ودوني المحكمة وكرر لي الكلام ثلاثة مرات.. وسجله في اليومية.
    وفي رده على اسئلة المحكمة قال ان القاضي الذي سجل له اعتراف قضائي لم يسأله ولكنه طلب منه التوقيع على الاقوال ورفض القاضي قرأة الاقوال له.
    حضر الى شخص يدعي احمد عبد اللطيف وقالي لي انا قاضي وقال لي عاوز تتعشي بي شنو؟.. قلت ليه داير فول.. قال لي فول بس؟.. اطلب اي حاجة.. قلت ليه داير فول بس احضروا لي الفول ومعه بارد.
    احضروا لي المتهم الطيب وسألني بالرطانة وقال لي انت فوراوي قلت ليهو نعم.
    حضر العقيد عوض وسأل الطيب.. قال ليه بتعرف الزول ده؟.. قال ليه لا ، قلت ليه يازول قول آيي.. قال قلت ليه نعم ، وسأله من حضورو لمنزل اسحاق قال ثلاثة مرات حضر.
    وباستجوابه من قبل المحكمة افاد انه لايعرف شيئا عن هذا البلاغ ولم يشارك في الجريمة ولا يعلم من الذي ادخل اسمه في القضية ، وقال انه ما بعرف من المتهمين الا محمد برقد.. واحضروه له وكان مبشتن.. وسألته من اخر مرة قابلته فيها؟ قال سنتين.. وسألته من سبب ذكر اسمي في الجريمة.. واللواء قام باخراج برقد.
    انا حضرت التصوير في منزل اسحاق.. وذهب معنا اللواء عبد الرحيم والعقيد عوض وعبد العزيز ومجموعة من افراد الشرطة يحملون دوشكات ، بعد التصوير في منزل اسحاق ذهبنا لمنطقة خلاء نقعة، وكان العقيد عوض وعبد العزيز يوجهونا: اعمل كده ، وبعدها ذهبنا لمنزل المرحوم ونزلوني في مكان وقالوا لي اقيف هنا ، حفظوني الكلام في سبعة ايام واحضروا لي صور المتهمين وعرفوني بيهم بالصور ولم اشاهدهم.
    طلبوا مني اقناع المتهم حسن بالاعتراف بارتكاب الجريمة.. عوض وسعيد عملوا لينا اجتماع وقالوا الكلام ده كلوا مسلسل اقنعت حسن يشارك في المسلسل على شرط يفكوا زوجته الكانت مقبوضة.
    وحضر العقيد عوض وقال لي تدخل لينا محمد برقد في المسلسل.. محمد برقد قال ما دام مسلسل بدخل معاكم ، والعقيد عوض احضر ليه موس وملابس ، العقيد عوض طلب مني اقناع المتهم عبد المجيد للمشاركة في المسلسل وانا قلت ليهم انا ما بقدر وعين برقد رئيسا لاقناع عبد المجيد ، احضروا عبد المجيد وسألوه منا قال ما بعرفنا لكنه شبهبني بشقيقي.. وقال بعرفني.. وسألته عن كيفية معرفتو.. وقال عرفني في مشكلة فحم.. وقلت ليه ده شقيقي ، طلبوا مننا اقناع شيخ جمال بالمشاركة في المسلسل ورفض اخيراً اقتنع شيخ جمال للمشاركة في المسلسل بعد اخبرته بان اولادو مقبوضين وانا اقنعت بعض المتهمين والماقدرت اقنع هم مبارك وحمدي ورابح وسعيد ابوكرنك وعلي الطاهر وعلي سابا.

    ((الافراج عن صحافي سوداني بعد توقيفه اسبوعين))
    الخرطوم (اف ب)- افادت صحيفة الرأي العام السودانية انه افرج عن احد صحافييها ابو عبيدة عبد الله بعد توقيفه اسبوعين.

    سودانيون يقرأون صحفا على جانب الطريق (© ارشيف اف ب - صلاح عمر )
    واكدت الصحيفة ان ابو عبيدة عبد الله اوقف في 29 ايلول/سبتمبر بناء على تصريح ادلى به مشتبه في تورطه في اغتيال الصحافي الاسلامي محمد طه محمد احمد رئيس تحرير صحيفة الوفاق.

    واعلن المشتبه فيه لاجهزة الامن انه تلقى مكالمة هاتفية من الصحافي ابو عبيدة عبد الله ابلغه فيها بان محمد طه محمد احمد سيقتل وذلك نفس اليوم الذي اغتيل فيه.

    واكد ابو عبيدة الذي اقر بانه عومل جيدا خلال توقيفه واستجوابه انه انكر هذه الاتهامات مضيفا انه "تم طي القضية". وتصدر صحيفة الرأي العام عن شركة ذات رأسمال خاص.

    واعلنت السلطات السودانية في 24 ايلول/سبتمبر انها اعتقلت 16 شخصا يشتبه في تورطهم في اغتيال رئيس تحرير صحيفة الوفاق مطلع ايلول/سبتمبر.

    وعثر في السادس من ايلول/سبتمبر على جثة محمد طه محمد احمد مقطوعة الرأس في احد احياء الخرطوم غداة خطفه من منزله.

    وكانت علاقة الصحافي الذي يعتبر مقربا من الاخوان المسلمين بنظام الرئيس عمر البشير مشوبة بالتوتر.

    وقد اعلن انه تعرض لمحاولة اغتيال عام 2000 بعد نشره مقالا انتقد فيه الحزب الحاكم المؤتمر الوطني.

    واعتقل الصحافي السنة الماضية بعد اتهامه بنشر مقال يناقش فيه الاصول العائلية للنبي محمد وعلقت صحيفته حينها.

    كذلك تعرض محمد طه محمد احمد لانتقادات متمردي دارفور (غرب السودان) بسبب مقالات عنيفة هجامهم فيها.


    نشر يوم: 16/10/2006 à 08:16:10 GMTالمصدر : اف ب




    (عدل بواسطة عبدالوهاب همت on 04-15-2009, 08:19 AM)
    (عدل بواسطة عبدالوهاب همت on 04-15-2009, 08:19 AM)
                  

04-14-2009, 11:57 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    فجأة انقطع الاتصال بيني وبين محدثي من الخرطوم
                  

04-14-2009, 12:12 PM

عصام دهب
<aعصام دهب
تاريخ التسجيل: 06-18-2004
مجموع المشاركات: 10401

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    Quote: فجأة انقطع الاتصال بيني وبين محدثي من الخرطوم


    تشوقاً نحن في الإنتظار يا همت ..

    يا بورداب الخرطوم أفيدونا ماذا يحدث الآن ؟؟ هل هناك أي جديد ؟؟

    لهفي على أولئك المتظاهرين الكادحين !!

    الخزي و العار لي حكومة الفقر الدمار ..

    ــ

    بالله شغل لينا نشيد ( أصبح الصبحو) لأبو عركي ياخي ..
                  

04-14-2009, 12:28 PM

بشير أحمد
<aبشير أحمد
تاريخ التسجيل: 03-21-2008
مجموع المشاركات: 10017

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    قصة لايصدقها حتي إبني أحمد.




    ________________

    مسلسل قال.
                  

04-14-2009, 12:33 PM

حواء سليمان ابراهيم
<aحواء سليمان ابراهيم
تاريخ التسجيل: 02-13-2007
مجموع المشاركات: 2898

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: بشير أحمد)

    Quote: لهفي على أولئك المتظاهرين الكادحين !!

    الخزي و العار لي حكومة الفقر الدمار
                  

04-14-2009, 12:41 PM

عصام دهب
<aعصام دهب
تاريخ التسجيل: 06-18-2004
مجموع المشاركات: 10401

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: حواء سليمان ابراهيم)

    حواء ..


    إزيك ..

    Quote: لهفي على أولئك المتظاهرين الكادحين !!

    الخزي و العار لي حكومة الفقر الدمار


    ياخي أنا ( بهظر ) ساكت ..

    طوالي عايزة ( تطلعي ) مظاهرة ؟؟
                  

04-14-2009, 01:48 PM

Abdel Aati
<aAbdel Aati
تاريخ التسجيل: 06-13-2002
مجموع المشاركات: 33072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عصام دهب)

    هؤلاء القتلى هم ضحايا للنظام وقد قُتلوا ابرياء وهم شهداء ...
    القاتل الحقيقي لمحمد طه محمد احمد هو النظام ...
                  

04-15-2009, 00:42 AM

Hisham Amin
<aHisham Amin
تاريخ التسجيل: 12-08-2003
مجموع المشاركات: 6069

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: Abdel Aati)

    Quote:
    هؤلاء القتلى هم ضحايا للنظام وقد قُتلوا ابرياء وهم شهداء ...
    القاتل الحقيقي لمحمد طه محمد احمد هو النظام ...



    النظام ؟؟؟؟


    وهل للنظام اى كان فى اى دولة كانت ان لا يعاقب القاتل ؟؟؟


    وان عاقبتة المحاكم والقانون تدان الدولة بكل هياكلها ؟؟؟


    لم اتوقع هكذا رد منك اخى


    تحياتى
                  

04-14-2009, 02:18 PM

ضياء الدين ميرغني
<aضياء الدين ميرغني
تاريخ التسجيل: 01-29-2009
مجموع المشاركات: 1431

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عصام دهب)

    دا كلام خطير ومتماسك جدا يا عبد الوهاب اخوى

    عرفنا انو القاضى الذى سجل الاعترافات متورط فى القضية

    طيب لماذا لم يستدعى القاضى الثانى من ذُكرت اسمائهم؟
                  

04-14-2009, 03:48 PM

Ahmed Mohamedain
<aAhmed Mohamedain
تاريخ التسجيل: 07-19-2005
مجموع المشاركات: 1477

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: ضياء الدين ميرغني)

    They were unjustly executed.


    The real killers of mohamed Taha is the fugitive al-bashir and his gangs


    Hell to al-Bashir and his gangs.
                  

04-14-2009, 04:10 PM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: Ahmed Mohamedain)

    الاخ عصام دهب
    نشيد أصبح الصبح الذي امتلكه يخص الفنانه عائشه الفلاتيه هل تريد سماعه؟
                  

04-14-2009, 08:22 PM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    بشير احمد أو من يريد ان يغطي قرص الشمس بكف يده.
    نعم ابنك احمد لن يستوعب هذه القصه والسبب ان من شابه أباه ما ظلم.
                  

04-14-2009, 09:10 PM

الطيب رحمه قريمان
<aالطيب رحمه قريمان
تاريخ التسجيل: 03-21-2008
مجموع المشاركات: 12377

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)
                  

04-15-2009, 07:39 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: الطيب رحمه قريمان)
                  

04-15-2009, 07:45 AM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)




    أكثر من 5000 حضروا الجنازة
    إحراق متاجر بالخرطوم بعد إعدام دارفوريين أدينوا بقطع رأس صحفي







    بعض المشاركين في الحشد رددوا شعارات تأييد لحركة تحرير السودان

    الخرطوم - رويترز

    قال مقيمون في العاصمة السودانية الثلاثاء 14-4-2009 ان حشداً من المتظاهرين الغاضبين أضرم النار في متاجر وسيارات في سوق محلية في جنوب الخرطوم بعد يوم واحد من اعدام 9 من أبناء دارفور أدينوا بقطع رأس صحفي.

    وخرج زهاء 5000 شخص في ظل وجود كثيف للشرطة لحضور جنازات الرجال التسعة الذين ادينوا بقتل رئيس تحرير صحيفة عام 2006.


    وقال شهود عيان ان عدداً صغيراً من المتظاهرين ألحقوا اضراراً ببعض الممتلكات في طريقهم لحضور الجنازات ودمر ما لا يقل عن 3 متاجر و10 سيارات ولحقت اضرار باخرى.

    وردد بعض المشاركين في الحشد شعارات تأييد لحركة تحرير السودان وهي احدى جماعات المتمردين التي تحارب الحكومة في دارفور.

    واتسم حادث اغتيال محمد طه محمد احمد رئيس تحرير صحيفة الوفاق والمحاكمة التالية بالحساسية بالنسبة للحكومة التي حظرت على وسائل الاعلام غير الحكومية تناول الموضوع في بادئ الامر.

    وكانت صحيفة الوفاق نشرت مقالات تهون من شأن التقارير التي تحدثت عن وقوع حوادث اغتصاب في دارفور واستخدمت لهجة تتسم بالانتقاد لنساء دارفور.

    كما اغضبت الصحيفة الاسلاميين بمقالات عن النبي محمد صلى الله عليه وسلم فضلاً عن انتقادها لحزب المؤتمر الوطني الحاكم الذي ينتمي اليه الرئيس عمر حسن البشير.
                  

04-15-2009, 09:05 AM

عصام دهب
<aعصام دهب
تاريخ التسجيل: 06-18-2004
مجموع المشاركات: 10401

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    Quote: نشيد أصبح الصبح الذي امتلكه يخص الفنانه عائشه الفلاتيه هل تريد سماعه؟


    شكراً يا همت عشة الفلاتية دي سمع راقي شديد ، شوف لينا ( نفيسة هوا ) يمكن تنفع مع جو المظاهرات دي .
                  

04-15-2009, 09:16 AM

مجدي كنة
<aمجدي كنة
تاريخ التسجيل: 01-24-2009
مجموع المشاركات: 423

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عصام دهب)

    Quote: نشيد أصبح الصبح الذي امتلكه يخص الفنانه عائشه الفلاتيه هل تريد سماعه؟ .


    وهاب ...تحياتي هل تتفق معي ان بعض المداخلات اصبحت مجرد افلاس وخواء عقلي

    ولك ودي....
                  

04-15-2009, 09:17 PM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: مجدي كنة)

    دهب سلامات
    ((شكراً يا همت عشة الفلاتية دي سمع راقي شديد ، شوف لينا ( نفيسة هوا ) يمكن تنفع مع جو المظاهرات دي ))
    أحسن ليك القيقم وشنان.
                  

04-16-2009, 07:24 PM

عبدالوهاب همت
<aعبدالوهاب همت
تاريخ التسجيل: 12-27-2002
مجموع المشاركات: 851

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مظاهرات وأعمال عنف أثناء تشييع قتلة الصحفي محمد طه محمد أحمد (Re: عبدالوهاب همت)

    من جانبه قال محامي المتهمين الذين أعدموا كمال عمر، الذي أطلق سراحه أمس بعد إدانته في محكمة حول قضية نشر، إن محاكمة موكليه طغى عليها الظرف السياسي في أزمة دارفور بحكم أن المتهمين من أبناء قبيلة الفور. وأضاف أن المحكومين قدموا خلال إجراءات المحكمة أكثر من 27 شاهد دفاع سردوا وقائع التعذيب لانتزاع اعترافات منهم والمحكمة لم تعطي اعتباراً لتلك الشهادات، وأضاف «نعرف أن القضاء السوداني لا يملك قراره والتأثير المباشر يأتي من الحاكم». وقال «قبل يوم من خروجي تم التصديق بإعدامهم حتى لا نتقدم بطلب لوقف التنفيذ ومتابعة الإجراءات القضائية»
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de