|
|
 ساعدونا ياجمـــاعة,,,,خوتكم ما تبقى خوة نت
|
اخى الصغير عاوز يشتغل فى مرفق قومى
قالو ليه تجيب واسطة,,هو كان شغال فى نفس المرفق دا موقت لمدة 4 سنوات
اها استغنو عن الموقتين قام اشتغل مع ناس كنار لمدة سنتين,,كنار استغنت عن بعض موظفيها لاسباب مالية
اسى قالو ليه فى وظيفة شاغرة فى ذاك المرفق على حسب كلام زملاءه القدام ..المسئول عنها عقيد امن قومى
يعنى لو فيكم زول اخوه او قريبو او صديقو عقيد امن ما فوووووووق ممكن يساعدنا
ولو مافى الله كريم,,,
اخوى دا لا معارضة ولا كوز,,,لكن كبر وهلل وشذب وندب لما حسو انقرش ضد المحكمة الجنائية
وااااااااقف مع البشير الف احمر,,يعنى عااااااادى يبقى كوووووووز ما فارقه معاه
لكن الشغلة بقت اكبر من انك تبقى كوز...الشغلة فيها جهوية,,والا اخوى دا مافيه عيب
وجهيه ولبيس وراقى ومهذب يشهد بذلك زملائه,,اضف لذلك بعرف طبيعة تلك الوظيفة
اها ايدكم معانا يا جماعة الخير ,,,خوتكم ما تبقى خوة قر قر ساى او خوة نت,,,متى ما انقطع النت
انقطعت خوتكم,,,اها راجيكم بالاخص مؤييييييييييدين النظام
فتكم عافية
(عدل بواسطة abuguta on 04-13-2009, 01:30 PM)
|
|
 
|
|
|
|
|
|
|
 Re: ساعدونا ياجمـــاعة,,,,خوتكم ما تبقى خوة نت (Re: abuguta)
|
العم ابقوتة
والله نفس القصة مع اخوي مع اختلاف بسيط انه اخوي ما كان شغال قبل كده في مرفق حكومي او شركات شبه حكومية والغريبة انه مؤيد للانقاذ على عكسي بس مشكلته انه ما "جهوي".
لا احب التشاؤم لكن حسب معرفتي بناس الانقاذ لا اظن اخوك ولا اخوي اشتغلوا ووالله لو ما خايف البيت هناك يبقي خلا اكان ارسل له عقد واشغله هنا لكن حكم القوي.
ليك ولينا الله.
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: Alshafea Ibrahim)
|
Quote: تصدق ما عندنا ولا في القبيلة عريف أمن ..... لكن كل مره برفع ليك البوست ... أنا قايلك عاوز ليك فدانين في المشروع ولا المطري ... تقول فوق عقيد وكمان أمن ....
|
عمنا الشفيع الشئ حته بوت وكاب مافي ياكافي البلاء
ابقوته اديك الكلام الدووووغري ياهو اخوك التما سنتو في الضل
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: ود الباوقة)
|
| Quote: نسال الله ان تكون الوظيفة من نصيبه . وان لم تكن ففي السماء رزقكم وما توعدون .... |
ياود الباوقة,,,كدى حرك لينا الجماعة,,,لو داير اسم المرفق بديك ليه واسم الشخص المسئول
دحين اخوى دا كادر كويس وممكن يخدم الانقاذ فى اشياء كتيرة
دحين ركز معاى,,,
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: Alshafea Ibrahim)
|
| Quote: تصدق ما عندنا ولا في القبيلة عريف أمن ..... |
الشفيع,,كدى تذكر لى زملاءك الكانو فى جزيرة بورت,,,بكونواولادهم كبرو وتكوزنو,,واسى ليهم عشرين سنة
بكون منهم نائب رئيس الامن
تحاتى
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: محمد عمر الفكي)
|
| Quote: احب التشاؤم لكن حسب معرفتي بناس الانقاذ لا اظن اخوك ولا اخوي اشتغلوا ووالله لو ما خايف البيت هناك يبقي خلا اكان ارسل له عقد واشغله هنا لكن |
محمد عمر المكى,,,لكن عمك دى مش كتيرة,,انا يادوب بنتى الكبيرة بتعرف بتغنى مع طيور الجنة مين بتحبى اكتر( ماما وبابا)
لكن عمك عمك ما مشكلة
نفس مشكلتك لو جبتو باقامة ما عندى زول هناك يحاحى الطير ,,وحكمة الله زولى مروق ساكن الكلاكلة وعندو سيارة الاقامة بتفسد عليه
روقتو دى,,وبينى وبينك ما عاوز ادخلو فى قصص الكفائل دى
تسلم
(عدل بواسطة abuguta on 04-14-2009, 06:23 AM)
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: عابدون محمد عابدون)
|
الاخ اب قوتة
يا زول ها انا البتاع دا كتبته الساعة خمسة مواعيد المرقة من الشغل وبالي مشغول وعلي الطلاق بكتب فيه وقايلك عمنا ابوجهينة فلك المعذرة .
الامين
اول حاجة انا ما قلت عندي عقد لكن لو دايره بلقاه، والاخ ابقوتة يامر بس ونقدم له كل يد عون ممكن.
وبعدين يا الامين كدي خلنا انا وابقوتة دا نقع فوقك ونلهمك النفرين دا وبدل البشتنة والغربة حقتنا دي والعقاب يبقي هامل انت شوف لينا ليهم واسطة تشغلهم في السودان.
تحياتي
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: elameen)
|
Quote: ود الفكي كيفنك عساك بخير.. طيب انت وقت عندك
عقد رسلوا لي اخو ابقوته ده ونبقى حلينا مشكلة
واحد فيفضل لينا مشكلة اخوك ... اظن ابقوته
ما عنده مشكلة ان اخوه يسافر اصلو ما فارقة
معاهو... قلت شنو يا اخوي |
الامين اقتراحك جميل,,,لكن انا اخوى محتاج ليه هناك
عشان عندنا بعض الرعايا والطلاب هو مسئول منهم
لو جاء هنا,,,ما بحل مشكلة
لكن الوظيفة دى معاه ظبط
بتكون حلت لى كم مشكلة
تسلم
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: abuguta)
|
Quote: كدى اول حاجة يا ابقوتة قول لى خوة النت مالها؟؟
وبعدين كسير التلج مابينفع... |
خوة النت ,,يعنى زى خوة صلاح غريبة وود الباوقة
ومويدين الانقاذ عموما,,,لو ما خدمونى فى مشكلتى دى
فائدة خوتهم شنو,,,الم تكن المعرفة سايبرية
تحياتى
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: الطيب العامرى)
|
| Quote: لو عندو فيها قسمة مافى زول بقيف قدامو دعواتنا معاه |
الطيب العامرى يدعو مع ود الباوقة ونحن جميعا ندعو ان يوفق الله اخوى فى تلك الوظيفة
المجنونة,,التى ربما لو عرفنا طريق لذلك المسئول لادخرنا دعواتنا لمصائب اكبر
لكن لا نستنكف ان ندعو الله ل كل شىء,,,وفقنا يارب
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: المر)
|
Quote: اكلم ليك علاء الدين(فداسى)؟؟
رد لى سريع |
يامر علاء الدين بكون بعرف الوالى ظاتو خلى العقيد دا,,,
هو لسع واصل,,,ولا ناس الجزيرة ملصوهم
قول ليه لبقوتة عاوزك فى فزعة
تحاتى له
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: abuguta)
|
يامر علاء الدين بكون بعرف الوالى ظاتو خلى العقيد دا,,,
هو لسع واصل,,,ولا ناس الجزيرة ملصوهم
قول ليه لبقوتة عاوزك فى فزعة
تحاتى له
والوالى لمن يجى دبى بلاقيهو
اسى بكلمو نحنا نخدم وبس العمولة بتاعتى كم؟
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: المر)
|
| Quote: اسى بكلمو نحنا نخدم وبس العمولة بتاعتى كم؟ |
تذكر جلساتنا فى مقاهى نيشا, المدينة, ماجستك ,كونارك,ومحمد الايرانى
ومقاهى السودنة,,شيوعية كيزان اتحادية..بحثية ابقوتية,,
وقول لفداسى اعمل اللازم وانا انت نتفاهم
ليك راتب 4 شهور,,مش فى شركات خدمات بالشكل دا
تفتش ليك الشغل وتاخد نسبة من الراتب,,
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: abuguta)
|
اخونا ابوقوتة نسال الله انو يوفق اخوك ويلقى شغل فى مكان احسن من كنار ووظيفة افضل .
اما بخصوص خوة ناس المنبر فى دى خليها بالنية انا لى زمن بردح ومنزل لى بوست ارقت فيهو ماء وجهى عشان القى زول يساعدنى فى ايجاد وظيفة لكن المحصلة انى قبضت الريح عشان كدى ما تتكل على خوة المنبر .
يعن الحال من بعضو ,غايتو انا كل البقدر عليهو انى ممكن اساعدك باماكن معلنة عن وظائف والباقى على ربنا
ده ايميلى [email protected]
لو اخوك بتاع كهرباء واو كيمياء ولا ميكانيك فى وظائف الايام دى فى بترودار ووظائف لناس الاتصالات قى شركة هواوى الصينية وخليهو يفتح الصفحة بتاعت شركة نوكيا سيمنس فيها وظائف غلوبال يمكن يكون عندو فيها قسمة
وبالتوفيق ان شاءالله
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: حمزاوي)
|
| Quote: وبعدين يا الامين كدي خلنا انا وابقوتة دا نقع فوقك ونلهمك النفرين دا وبدل البشتنة والغربة حقتنا دي والعقاب يبقي هامل انت شوف لينا ليهم واسطة تشغلهم في السودان. |
يا ريت يا ود الفكي اكون في السودان واشوف ليهم واسطة
لكن اخوك نفس البشتنة والتشريد الواقع فيكم واقع فينى ....
عشان كده الا نرفع ليكم البوسط ده لي ناس علاء الدين يوسف
ديل في السودان بعرفوا المخارج دي.
ولكم منى خالص التحايا
الامين
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: حمزاوي)
|
Quote: أخوك مؤهلاته ضعيفة
ما اظن يحصل بمؤهلاته دا شغل |
حمزاوى عاوز تقول لى شهادات,,,فى كم دكتور قاعد يسىء لسمعتنا
فى الكلام والهندام والتصرف والذوق والمعاملة وزلات اللسان
الوظيفة دى عاوزة زول مهندم وبتكلم وما بالضروى يكون خالص متعلم
يكون بعرف يمسك القلم وشوية فهم,,اخوى كان شغال فيها 4 سنوات
عشان كدا بنفتش للمؤهل المهم الواسسسسسسسسسسسطة
عندك ولا نشوف غيرك,,,ولا ندفع للمر دا راتب الشهر الاول
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: abuguta)
|
اصعب حاجة عندي ان ما اقدر امد يد للمساعدة لكن والله اخوك الرطاني دة ليهو 32 سنة مهاجر في بلاد الله بيلقط رزقو وليهو اكتر من 15 سنة ما سافر الي الخرتوم يعني انا ذاتي عايز واسطة بس يعرفوني وبعدين ما يقولو وافد او لاجئ... معليش لتقاعسنا عن تلبية النداء . فبالله ما تحسب خوتنا اسفيرية ساااي
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: عبدالله الامين صالح)
|
| Quote: اخوك بتاع كهرباء واو كيمياء ولا ميكانيك فى وظائف الايام دى فى بترودار ووظائف لناس الاتصالات قى شركة هواوى الصينية وخليهو يفتح الصفحة بتاعت شركة نوكيا سيمنس فيها وظائف غلوبال يمكن يكون عندو فيها قسمة |
شكرا عبد الله الامين,,,
هو مندرع فى المرفق دا عشان برستيتش كل زول رائح وجائى بمر بجنبو وممكن يساعد ناس البلد المسافرين
داخلا وخارجا,,وقال الشغل ورديات ,,وله فيه ذكريات,,,عموما ساوصل له وصيتك
تشكر
| |
|
|
|
|
|
|
|
|
|
Re: ساعدونا ياجمـــاعة,,,,خوتكم ما تبقى خوة نت (Re: abuguta)
|
Quote: واسطة بس يعرفوني وبعدين ما يقولو وافد او لاجئ... معليش لتقاعسنا عن تلبية النداء . فبالله ما تحسب خوتنا اسفيرية ساااي[/
QUOTE]
مهندس ابوبكر الرطانى صاحب الطيب شيقوق العربى,,والله مشتاق لسجالاتكم
والله زارتنا البركة ,,لى زمن بفتش ليك عشان اسمع خبر عنك
والله انت كايس العرفة بس,,,والله زولى دا لو اشتغل فى المكان دا
ينزلك من سلم الطيارة,,وياجر ليك تاكسى ويصيح فى الناس
ياجماعة دحين فيكم زول بعرف ابوبكر الرطانى
دا زول معجون بحب الوطن ,منحدر عكس النيل,,عشان يرجع التيار
ويحبس الطى ما يغادر جروفنا,,,
تسلم ياطيب,,
(عدل بواسطة abuguta on 04-14-2009, 09:46 AM)
| |
|
|
|
|
|
|
|
| |
abuguta
محمد عبد الماجد الصايم
محمد عمر الفكي
شمهروش
SHIBKA
عابدون محمد عابدون
الطيب العامرى
عبدالله الامين صالح
amar adam
abubakr
احمد التجانى احمد
فيس بوك
تويتر
انستقرام
يوتيوب
بنتيريست