|
|
 اغنية للمريخ
|
نحنا نغنى للمريخ عشان وطنا عظيم ممتد
ونحن نغنى للروعة وكت الحاره ساعة الجد
وكت الناس تضيق بالحيل تشوف اولادنا تتمرد
تعيد البسمة للجمهور تحقق نصر توفى الوعد
××××××××××
جموع تتوالى كلامواج
وكلو ولاها للوهاج
حلاتها النجمة فى هاماتنا زى التاج
ندهت شيوخى فى كسلا وديوم ود حاج
××××××
نحنا نغنى للمريخ ومابنفتر
نحنا ولانا للنجمة زى انفسنا بل اكتر
كاسنا يجينا محمول جو ومرة يجينا محمول بر
ويا عاذلنا يامسكين نقولك ولى جدادك كر
×××××××××
نحنا نغنى لى افريقيا للمريخ
شوفو شبابو كيفن باقى ما بيشيخ
نحنا حلاوة زى منقة وحمار بطيخ
بنانا اسمنت والخرصانة واجود سيخ
|
|
 
|
|
|
|
|
|
|
|
Re: اغنية للمريخ (Re: amar adam)
|
نحنا ولانا للمريخ حضارة ثقافة ذوق وفهم
نحنا نهوش فداء المريخ وخلو الكورة تتكلم
وكيف اولادنا فى التشجيع وكت لاعبنا يتقدم
ويلاَ نغنى للمريخ وخلو الدنيا تتعلم
×××××××××××××
شوفو ولادنا فى الميدان وكت تنشر
مخلوقات من المريخ وماها بشر
نحنا ولانا للمريخ وشوقنا بحر
يحبو النجمة فى كسلا ويحبو النجمة ناس بربر
×××××××××××××
وديل اولاد رياضة تمام
ذوق واخلاق كمال اجسام
مبانى ادارة لعب واعلام
نجيب النصر للسودان وبكرة نحقق الاحلام
××××××××××××××
| |
|
|
|
|
|
|
| |
amar adam
محمد البشرى الخضر
ashraf mukhtar
فيس بوك
تويتر
انستقرام
يوتيوب
بنتيريست