|
|
 الشاي الحبيتوه اسمو غيروه
|
والله ياجماعة الدعايات بقت مسخرة وسرقة عينك ياتاجر
شاهدت في التلفزيون دعاية شاي الزرافتين وبتقول الشاي الحبيتوه اسمو غيروه ده جزء منهاجاء في بالي طوال انو شاي الغزالتين غيروه للزرافتين
اها وبعد يومين شفت دعاية بتاعة شاي الغزالتين قلت يا اخوانا معقولة بس في ناس كده ويكون ناس الغزالتين ماعملو الدعاية دي الا ليثبتوا انو الدعاية الاولى نصابة لووول يكه
اسع ياناس الاعلام ده مش بيعتبر سرقة عينك ياتاجر ومفروض دعاية زي دي مفروض مايقدموها في التلفزيون
وناس الغزالتين مش ممكن يبرفعو قضية في ناس الزرافتين ، ياكمان ناس الزرافتين يثبتوا لينا قبل الزرافتين كان اسمو شنو
غايتو
تحياتي
زاتوووو
|
|
 
|
|
|
|
|
|
|
|
Re: الشاي الحبيتوه اسمو غيروه (Re: ALZOLZATOO)
|
| Quote: وناس الغزالتين مش ممكن يبرفعو قضية في ناس الزرافتين ، ياكمان ناس الزرافتين يثبتوا لينا قبل الزرافتين كان اسمو شنو |
ديل زراف وغزلان..وبيتشاكلوا علي شاي..
ايه دخل الانسان بينهم؟؟
يللا خليهم يقعوا في بعض مشاكل..
غير كده..
انت مواضيعك الدمها خفيف دي بتلقاها كيف؟؟
كل شم نسيم وانت طيب..
| |
|
|
|
|
|
|
|
|
|
Re: الشاي الحبيتوه اسمو غيروه (Re: Muna Khugali)
|
Quote:
ديل زراف وغزلان..وبيتشاكلوا علي شاي..
ايه دخل الانسان بينهم؟؟
يللا خليهم يقعوا في بعض مشاكل..
غير كده..
انت مواضيعك الدمها خفيف دي بتلقاها كيف؟؟
كل شم نسيم وانت طيب.... |
يابت الشيخ ،
البني ادم يدخل اي حته يعمل فيها مشاكل
بعدين عايزه مواضيع دمها خفيف تابعي الفضائيات السودانية لووول والله كل يوم تعملي بوست
وانتي طيبة هو بالله عيد شم النسيم جاء ذكرتيني زمان مشينا الغابة اربعة انفار على ما اعتقد كان شم النسيم
اها وحاتك غاطسين في الموية نشوف ليك طيارة ماشه على مستوى واطي ونسمع ليك بم بم وحاتك لي اسع ماعارف انا طلعت من الموية كيف طيارة رمت ليها قنبلة جنب الاذاعة
اها من ديك انقطع عهدي مع شم النسيم
بعدين شايف بوست لي نادية بتاع سكر وكده قلنا المابيشرب هناك يجي يشرب معانا شاي هنا حلو وحلال لووول يكه
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: ALZOLZATOO)
|
زاتووووووووووووووو
والله القصة دى غايظانى شديد
بس من الأول انتبهت انو ما الغزالتين لوووووووووووووول مش بقول انسى الاسم القديم
هههههههههههههه
على قولك سرقة عينى عينك
وتانى حاجة
شوق بالكوم
| |
|
|
|
|
|
|
|
|
|
Re: الشاي الحبيتوه اسمو غيروه (Re: sama7)
|
Quote: زاتووووووووووووووو
والله القصة دى غايظانى شديد
بس من الأول انتبهت انو ما الغزالتين لوووووووووووووول مش بقول انسى الاسم القديم
هههههههههههههه
على قولك سرقة عينى عينك
وتانى حاجة
شوق بالكوم |
اختنا سماح
نحن لو عارفين الشاي بيجيبك كنا عملنا معاه شربات ليمون وعملنا رابط اغنية يوم زيارتك بيتنا نور يازينة
اخبارك مقطوعة شكلك مدروشة شديد
تاني حاجة
انا غايتو لمن امشي السودان اصلو الطويل ابو رقبة ده ما ح اشتريهو عشان نفاقهم ده لووول
تحياتي وداومي المواصلة
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: ALZOLZATOO)
|
| Quote: شاهدت في التلفزيون دعاية شاي الزرافتين وبتقول الشاي الحبيتوه اسمو غيروه ده جزء منهاجاء في بالي طوال انو شاي الغزالتين غيروه للزرافتين |
سلامات ...يا زول
والله ضحكتني الله يدك العافية
اهاا انا الكان ما البوست ده ما كنت عرفت
والله شفت الدعاية وقلت في نفسي الناس ديل جنو
هسي اسمح ياتا الزرافة ام رقبة طويلة واضنينا الصغار وراسا الصغيروني
واللا الغزالة القدالة البتسابق الريح ام عيونا مكحلا المضمرة ...
والله دي دعاية قلع عديل وعملوا فيها اذكياء لكن ومافي زول يشوف الغزالة ويخليها
يجي للزرافة عشان كدة قالوا احسن يعملوا كده.....
جد ده خبث اعلامي تنفاسي غير شريف .....
المفروض يكون فيهو قضاء !!! لكن في سودانا الحبيب منو البقول البقلة في الابريق
| |
|
|
|
|
|
|
|
|
|
Re: الشاي الحبيتوه اسمو غيروه (Re: منى على الحسن)
|
دكتور زاتو
مشتاقين وكدة...
زي ماقالت استاذة مني ديل زراف وغزال
نحن مالنا...
برضو بوستيك ده فيه حاجة تانية
شايف سماح ظهرت
والله دكتور لوووول يكة ماك ساهل
سماح ازيك ياخي...انتي بتشربي شاي اصلا؟؟ مالك ومالهم؟؟
الشاي ده لناس ذاتو وباقي الناس
| |
|
|
|
|
|
|
|
|
|
Re: الشاي الحبيتوه اسمو غيروه (Re: GamarBoBa)
|
الزول زاتو
مشتاقين
سنييييييييييييين و كده
زكرتني بي نكته بتاعت واحد ما بيعرف يشبه نهائي
مشى القهوه طلب شاي
جابوا ليه شاب تقييييييييييل
شرب جغمه كده و بي زعل رزع الكبايه وقال
ده شاي ولا حمار
لوووووووووووووول يكه
-------------------------
وين يازول يازول؟
| |
|
|
|
|
|
|
|
|
|
Re: الشاي الحبيتوه اسمو غيروه (Re: سوسن عبد الله)
|
Quote: الزول زاتو سلام...
بالجد الإعلان دة يغيظ.. (كويس لقيت لي ناس مغيوظين معاي)
لأنه يندرج تحت المنافسة غير المشروعة
ودة لو حصل في بلد غير السودان كان بقى فيها قضايا.. |
العزيزة سوسن
مغيوظ وبس كمان الدعاية مصروف عليها وكده والرمية بتاعة الدعاية بتقول انسى الاسم القديم
يعني الناس ديل ما احترموا حقوق الزرافة الفكرية حيوان انيق وعالي بعيد عن الصغاير يجو يدخلوها في تزوير
مفروض في السودان يكون في نفس الشئ ، بس الحاجة الكويسة فينا انو نحن قضاة برانا يعني شغل اللولوة ده مابنشتريهو فطريا كده
تحياتي
زاتووووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: BitAlhana)
|
Quote: الزول زاتو
مشتاقين
سنييييييييييييين و كده
زكرتني بي نكته بتاعت واحد ما بيعرف يشبه نهائي
مشى القهوه طلب شاي
جابوا ليه شاب تقييييييييييل
شرب جغمه كده و بي زعل رزع الكبايه وقال
ده شاي ولا حمار
|
بت الهنا لا حوله
بركه بالشوفه والله طولنا منك جنس طول ، انشاء الله الفترة الماقبلناك فيها تكوني على احسن مايرام
اها انا مرة مشيت مطعم سوداني وانا من النوع البيدخل المطعم ومابيعرف ياكل شنو لي درجة انو مرات بدخل وبطلع تاني
اها الجو كان بارد شوية قلت اطلب قراصة طبعا غدا اها جابو لي القراصة اثنا ماباكل فيها لقيت فيها ضفر عديل كده بتاع بني ادم اها ناديت صاحبنا قلت ليهو ده شنو يامعلم قال لي ده من العجن العجين لووول المهم طبعا وقفت الاكل بعد ماقال لي نغيرو ليك رفضت الفكرة
اها قمت جبت لي شاي وبشرب فيهو كده وبعاين للتلفزيون جاني صاحبنا ومسح الطربيزة تفتكري قال لي شنو ؟
قال لي الشاي مالقيت فوقو ههههههههههههه والله ماعرفت اضحك ولا ابكي
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: GamarBoBa)
|
حبيبنا قمر بوبا
كيف ياخي مالنا ومالهم
مانشوف الغلطان منو ونقيف مع الحق حتى لو باضعف الايمان
سماح ظهرت وبعدين البوست معظمو من الجنس اللطيف ماعارف انت جيت بي وين لووول
خلاص نديك سر اصلو انت راجل حبيبنا ، تاني لمن تعمل بسوت اعمل - فاصل زي دي وقول يوجد شاي هههههه يكه
طوالي الجنس اللطيف بيجي داخل
الحمد لله الطلعتني بشرب شاي
تخريمة يوم داك ماسك ليك البوست بتاعك شرب موية وجيت لقيتو راح شمار في مرقة اسف للتفريط
تحياتي
زاتووووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: منى على الحسن)
|
العزيزة منى على الحسن
شكرا لي اول مداخلة
تقولي شنو بس حتى الاسم يبين انو العملية فيها ريحة
يعني من غزال لي زراف ماممكن وكل الشعراء غنو للغزال ماسمعت شخصيا اغنية للزرافة سمعت مثل بيقول الزراف ركوب الجن لووول
انا سعيد انو البوست اضحكك جعل الله ايامك كلها سعادة
تحياتي الحارة
زاتوووو
| |
|
|
|
|
|
|
|
|
 Re: الشاي الحبيتوه اسمو غيروه (Re: ناصر النعمان البدوي)
|
الزوول زاتو
عارف يازول يااخوى الدعاية دى دخلتنى فى جدل مع الحاجة بقيت اقول ليها شااى الزرافتين ده مش شاااى الاسد زمان الكانت فى بكت اصفر تقول لى لا ماكان فى شاى علبتو بالاصفر وانا اقول ليها ياهو يااخ مابقولو اسمو غيرووه و بس وخالتك مصر ماهو 
الدعاية معاااك لخبطت بين شااى الغزالتين والزافتين بس شاى الغزالتين شاااى جيد ويعدل الدماغ ونفضلو اكتر من الليبتون الزرافتين ده ماجربتو
انت جربتووو لو بعد المزاج خبرنى
| |
|
|
|
|
|
|
|
|
|
Re: الشاي الحبيتوه اسمو غيروه (Re: najma)
|
ذاتووو
اي والله لاحظت انو بوستيك ده كلو جكس..
انا دخلتني العشرة القديمة ...
أها انا متفكفك وكدة...خليك قاعد وسط الكبابي كدة زي الترمسة انت
__
ياخي بوست غريبة اديني شماره في الايميل لو ممكن
| |
|
|
|
|
|
|
|
|
|
Re: الشاي الحبيتوه اسمو غيروه (Re: GamarBoBa)
|
الزول زاااااااااااتو سلامات
سمعت الدعاية في الإذاعة وإستغربت فيها وقلت لروحي الشركات دي جنت ولا شنو؟؟
| Quote: وبعدين البوست معظمو من الجنس اللطيف ماعارف انت جيت بي وين لووول |
| Quote: أها انا متفكفك وكدة...خليك قاعد وسط الكبابي كدة زي الترمسة انت |
هههههههههه قمر بوبا أعصابك ما تتضايق ياخ
| Quote: ياخي بوست غريبة اديني شماره في الايميل لو ممكن |
ممكن تعملوا لي CC
قمر بوبا أمس القرييييبة دي مش سألتك منو
| |
|
|
|
|
|
|
|
|
|
Re: الشاي الحبيتوه اسمو غيروه (Re: انعام عبد الحفيظ)
|
العزيزة انعام
قمر بوبا ده حبيبنا من زمن الزمن جميل مابضايق مننا
بعدين البوستات الطالب صورة منها كلها مشت الخور بعدين انتي عارفة نار الشوق غرامي والبحوم في الخور حرامي عشان كده خليهو يمشي الخور براهو بعدين الايميل بتاعو زاتوووو فاقدو نديك ليهو ولي قمر يراسلنا فيهو
[email protected]
عشان تاني نعمل ليك bcc مش cc بس
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: ناصر النعمان البدوي)
|
الزول أخوى..
سلامات
الموضوع الذى أثرته كان حديث المجتمع فى الفترة الأخيرة.."
ورغم أن الموضوع فى جانبه الآخر يشكل تعدياً قانونياً
على حقوق أصحاب العلامة التجارية(الغزالتين)..
إلا أن الناس ما كانت محتاجة لإلمام بقوانين الملكية الفكرية
لتبدى إستيائها وإشمئزازها من الطريقة التى حاول بها
أصحاب الزرافتين تسويق منتجهم الجديد
محاولين إستغلال مجهود أصحاب الغزالتين..
ما من شك فى أن ما قام به أصحاب الزرافتين يشكل
مخالفة صريحة وتعدياً على حقوق أصحاب الغزالتين..
صحيح أنه لا يؤجد لدينا قانوناًمنفصلاً لمنع المنافسة المجحفة أو غير المشروعة
مثل ما فعلت مؤخراًكثير من الدول إلا أن ذلك الفعل
وفى ابسط صوره يشكل ضرباً من المنافسة غير المشروعة
المنهى عنها وفقاًلإتفاقية باريس لحماية الملكية الصناعية
والتى صادق عليها السودان وأصبحت جزءاً من تشريعه الداخلى..
من جهة أخرى فإن هذا التصرف يشكل إنتهاكاً لحقوق المستهلكين وذلك
عن طريق تضليلهم لشراء
منتج ما كانوا سيشرونه لو علموا حقيقته..
نرجوا أن يكون هذا البوست بداية لصحوة منظمات المجتمع المدنى
المعنية بحماية حقوق المسنهلك..
مع محبتى لك
أزهرى
..
| |
|
|
|
|
|
|
|
|
|
Re: الشاي الحبيتوه اسمو غيروه (Re: azhary awad elkareem)
|
انعام ازييك ياخي
ياخي انشاء الله الحجة وصلت مقصدها بالسلام....
غايتو انا زولتي لحدي هسة ما ضربت قالت وصلت عندها كم كنكشن فما عارفين..
لقيت شمار من البوست داك بضرب ليك عديل...CC هؤووو
انتو الا يطلعوا ليكم المطار حتي يلاقوكم؟؟
| |
|
|
|
|
|
|
|
|
|
Re: الشاي الحبيتوه اسمو غيروه (Re: GamarBoBa)
|
قمر بوبا
بركة الفي شمار البوست الح يخلينا نسمع منك ههههههههه
الحاجة اتصلت قالت وصلت بالسلامة الحمد لله عقبال ناسكم
المطار براهو البشركو فيهو لذيذ زاتو شرك نسيتو ولا شنو؟ هههههههههه
| |
|
|
|
|
|
|
|
|
|
Re: الشاي الحبيتوه اسمو غيروه (Re: azhary awad elkareem)
|
الاخ ازهري
اذا لم يكن هنالك تغيير اسم بالصورة القانونية ولم تكن هنالك ماركة او اسم تجاري قبل الاسم الجديد يكون الاعلان تدليس وتضليل للمستهلك ويجب مقاضاته .
في امدرمان توجد اجزخانة باسم ابو نخلة اها واحد في الثورة بالنص استخدم نفس الاسم وبعد فترة شفنا بتاع الثورة قلب الاجزخانة لي ابو نجلة لووول .
بس هنا الموضوع بيختلف شوية لانو الاسم التجاري بيختلف والمشكلة كلها في الدعاية والترويج
بعدين نحن السودانيون ناس بتاعين تقليد شديد يعني لو واحد جاب ليهو امجاد السوق كلو تلاقيهو امجاد واحد جاب رقشة السوق كلو يقلب رقشة واحد عمل طربيزة فول بكره تلاقى عشرة طرابيز فول حولو واحدة قالت بتركب عطور السوق كلو تلاقيهو بعد يومين عامل فيها جابر بن حيان وبيركبو عطور
واحد قلب الماكينة من بنزين لي ديزل المواصلات كلها تقلب دي مشكلة حقيقية الناس مفروض تنظر ليها
كمان لو لاحظت دقاش الدلال ودندش ودلش الحكاية شنو ماممكن واحد يكون عبدالسلام الدلال هي الحكاية اسم ولا عمل
نتمنى انو يكون في قانون صارم لي ناس الجاهزة ديل
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: ناصر النعمان البدوي)
|
Quote: الزوووووووووول زاتو أها شفت بوستيك الظريف ده جاب ليك الجكس جاري جري
الحكاية شنو... آزول الكترابه.... |
حبيبنا ناصر
هو الجكس ده جابتو الزرافة ولا الظرافة جهجهتونا لوووول
ياخي نحن الجنس اللطيف ده مابنشوفوا الا لمن ننزل اجازة حاسدني عليهو في البورد لوووول
ديل طبعا شافوا الدعاية في التلفزيون وختوا شئ في نفسهم اي لمن البوست اتفتح طوالي من غير مايشعروا عبروا عن شعورهم بتاع الدعاية دي فلسفة مني طبعا
وكمان ماتنسى انو البوست جابك لينا في اول مشاركة يعني العيد عندنا عيدين عيد كمية نسوان والعيد التاني ناصر النعمان لوووووووول يكه
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: سارة علي)
|
Quote: هههههههههههههههههههههههههههههههههههه
ضحكتني يا الزول من العنوان..
زاااااااتو |
ياسارة ماكل الناس عايشين سوا
اضحك الله سنك والجواب باين من عنوانو
خلاص عشان الضحكة تشربي معانا شاي بس ورينا بتحبي ياتو شاي عشان مايتلخبط علينا الاختصاص
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: أيمن دياب)
|
Quote: حبابك يا دكتور..
ياخي غزالتين وزرافتين
قريبين من بعض..
نحنا كده بنفقد التركيز..
أقول ليك حاجة..
ياخي نحنا عايزين شاي وخلاص..
زرافتين.. غزالتين.. حمامتين..
بس شاي.. |
حبيبنا ايمن دياب
اكيد قريبين من بعض ماسمعت عمك محجوب شريف قال تسرح الغزالة جنبها الزرافة
المشكلة في السرحان ده ذاتو لمن الزرافة تتعدى على الغزالة يكون ماليها حق
في النهاية الشغلانة شاي لكن يفرق كتير طعم الحلو لو يبقى مر وكلمني ياحلو العيون
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: ALZOLZATOO)
|
نفس الزول:
انا اكككككككتر شي غايظني في دعايات السودان إنو كلللللها في اغاني..
يعني اسة عليك الله دعاية بتاعت دكان اسبيرات عربات الاغنية ليهو شنو ..
الاورغن تررم ترررم ترررم يعزف والاغنية تجيك :
اسبيرك الدفرينش انا ووب علي ..
والفرملة الكاوتش انا وووب علي..
بالنسبة للشاي ما اظن يقدروا يقاضوهو لانو اتوقع هم فعلاً كانوا تحت مسمى شاي تاني وغيروهو ..
يعني لو شاييهم كان اسمو شاي الفجلة واسة غيروهو للزرافتين وفي زول قاضاهم يقولوا ليهم والله يا جماعة شاي الفجلة ده كان محبووووب .
ناس الغزالتين يبدو انهم لاحظوا للحركة وطواااالي رجعوا دعايتهم ..
انا لو محل ناس الغزالتين اعمل دعاية اقول ليهم فيها:
شاي الزرافتين يا طوييييييييييل يا ملووولووو بالليل ده ماشي وين
| |
|
|
|
|
|
|
|
|
|
Re: الشاي الحبيتوه اسمو غيروه (Re: Sara Mahgoub)
|
| Quote: كان في شاي اسمو ابو اسد بي سبعة قروش ونص لووول ربع رطل على ما اعتقد وكمان يوغندي |
تنزاني وإسمو سيمبا يا زاتوووو ...
ولونو بني وشكلو أقرب لنشارة الخشب لكن طعمو يجنن .. خصوصاً لمن السكر يكون زيادة ..
وقدر ما تتحرفن الحاجة وللا البت عشان تصفيهو تلقاهو نزل ناااااعم بخروم المُصفى في قعر الكباية ..
وهو السبب الرئيسي الخلاني أدمن الشاي وأحب الكبابي لووول يكه...
| |
|
|
|
|
|
|
|
|
|
Re: الشاي الحبيتوه اسمو غيروه (Re: dardiri satti)
|
Quote: والشاي إنتاج كيني ،
وبتاع الدعاية مصري ،
والشرِّيبة سودانيين ّّ !!
وحدة شعوب وادي النيل!!!
|
اخونا الدرديري
مش زمان كان بيقولوا
مصر تكتب
ولبنان تطبع
والسودان يقرا
يعني في النهاية نحن مستهلكين بعدين ياحليل القراية والكتب والمجلات بالمناسبة المجلات الكتيرة ديك بتجي السودان لسع ولا وقفت مجلة حواء والشبكة والصقر وهو وهي وماجد وكابتن سمير وميكي والشياطين 13 والمغامرون الخمسة عيييك .
كدي خلينا في الشاي قالوا الواحد لو ماعدل مزاجو قراية ذاتو مابيعرف بيقرا لكن وحدة شعوب النيل دي حلوة وملعوبة .
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: الصادق صديق سلمان)
|
Quote: تنزاني وإسمو سيمبا يا زاتوووو ...
ولونو بني وشكلو أقرب لنشارة الخشب لكن طعمو يجنن .. خصوصاً لمن السكر يكون زيادة ..
وقدر ما تتحرفن الحاجة وللا البت عشان تصفيهو تلقاهو نزل ناااااعم بخروم المُصفى في قعر الكباية ..
وهو السبب الرئيسي الخلاني أدمن الشاي وأحب الكبابي لووول يكه...... |
حبيبنا الصادق ،
كلامك سليم تنزاني
والله انت زول مزاجك راقي ، وياحبذا كمان لو رفعت الكباية كمان لي فوق ح تلاقي الشفق الاحمر يغمر جنبات السماء
من لون الشاي الماخمج بعدين ح تلاقي حاجات لافه كده زي قش التمباك اها ده تمباك الشاي ذاتو .
الحمد لله يازول الادمنت الشاي والكبابي لانو الشغلانة لو كانت ليمون كنت ادمنت الليمون وحاجات تانية حامياني لووول يكه
بالمناسبة انت الشاي ده اسع ماموجود في السوق اذا ماموجود يكون الناس البشربو شاي نص عمرهم ضايع
شكرا لي مرورك الجميل
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: Sara Mahgoub)
|
Quote:
لا للــتقــليــــد .. .. ..
وســــــرقــــــة نـــجـــــاح الـــغيــر .. ..
|
العزيزة سارة
هي ياريته لو سرقة السرقة دائما بتكون فيها الخفة والسترة احيانا لكن ده قلع عديل كده ونص نهار وعلى عين الملا
تخريمة : تلصصت على البروفايل بتاعك بس طلعتي يخلف من الشبه 38
تحياتي
زاتوووو
| |
|
|
|
|
|
|
|
|
|
Re: الشاي الحبيتوه اسمو غيروه (Re: عمر الفاروق)
|
يا الفاروق
ملاحظتك في محلها كل الدعايات العندنا ينجروا ليها اغنية
كدي خلينا من مقاضاتهم هو لو شاي نحن حبيناه مغيرين اسمو لي شنو مش ده بيقع ضمن احترام المستهلك وخدمات مابعد البيع لووووول يكه
انا بقترح لي ناس الغزالتين يمشوا لي اولاد بمبا ديل ذاتهم العملوا الدعاية لي ناس الزرافتين ويقولوا ليهم عايزين نعمل دعاية بتقول الشاي الحبيتوهو ابدا مابغيروه لوول وكده يكون يتسدو ويكون باب الريده وانسده ونقعد نحسب في العده
تحياتي
زاتووووو
| |
|
|
|
|
|
|
| |
ALZOLZATOO
Muna Khugali
sama7
GamarBoBa
انعام عبد الحفيظ
سارة علي
عمر الفاروق
الصادق صديق سلمان
HAIDER ALZAIN
Rihab Khalifa
محمد فرح
فيس بوك
تويتر
انستقرام
يوتيوب
بنتيريست