|
|
 بركة يتهيأ للتعدد ... الجندريات يمتنعن
|
كان المدعو بركات ، المدلع من امه واصحابه ب بركة
يؤمن ، وإلى وقت قريب ، بأن الأسرة تتكون من زوج و زوجة وابنائهما
وإذا مد الزوج بصره وزاغت عيونه إلى أخرى فإن ذلك يعد تجاوزآ يستاهل الردع
|
|
 
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: doma)
|
| Quote: مش الراجل محلللات لنو اربعه ؟؟؟!!! |
دومة الكلام دا بتابيه...
طبعا رشيدة بتكون نائمةقفا انه الموضوع دا موش حيحصل
الضرة ولا عيوناتها
غير انها ذا دقست مرة واحدة ما اظن تدقس مرة تاني
ولا "يشلع" البرق مرتين في نفس الحتة
عماد قلت كل خميس بيعمل مشكلة كلام يا عوض دكام؟؟!!
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: doma)
|
{ الأخت } رشيدة ،،، هداها الله
تغيبت عن منزل الزوجية منذ 10/2 /2009
ومازالت
حيث سافرت إلى ماليزيا لتدعم ابنتنا ساندرا
وساندرا على وشك التخرج والحصول على ماجستير في علم النفس
سافرت امها لها بزعم مساندتها وتهيئة الجو لها لتحقق حلمها بالتفوق
وزعمت انها سوف تفعل ذلك في غضون شهر وترجع
سالتها ، هذا الصباح : اها بكرة بتتمي شهر ح تصلي الدوحة الساعة كم؟
قالت : اناح اجي متأبطة ساندرا معاي وده ح يكون يوم 16/5 / 2009
يعني القصة راحت على 3 شهور وستة ايام
وانا زولآ صبري شوية
وقليبي ضعيف
ومابقدر على الهبباي في عز الصيف
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
الزولة دي
على حسب وعدها
والعقد المبرم معها
والبرنامج المتفق عليه من كافة الأطراف
مفروض ترجع يوم 10/ 3/ 2009
وما فعلت
فمددنا لها حبال الصبر
والمدة
عشان ترجع 10/4/2009
ولن تفعل
وركبت راسها وقالت مش ح ترجع إلا بصحبة ساندرا يوم 16/5
هسع طوفت
و ح تاكل نيم
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
اضربي يا بيان الدناقر الما كبر عناقر...
قال شنو...قال يتهيا للتعداد...
حرم احنا جموع رابطة رشيدة في الدوحة مش تعداد زواج بس
حرم تعداد سكاني ما نخليك تجر فيهو كدنكة.....
غايتو يا عمدة
اكعب شي في الدنيا دي هو (الجاكات) بتاعة الجلاكين
ومتين..؟؟ يوم الخميس
احلام سراب بقيعية زي الورد قال ليك...
معا من اجل الحجر التعدادي علي العجوز الشهير ببركوتة
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: محمد أبوالعزائم أبوالريش)
|
Quote: هووووي .. يعرس ركبيك ..
قول آمين .
لازم كل خميس تبهل لينا نصيبة يعني ؟
|
يا عمدة باللاهي ما تتسلبط فينا
هسع انا جبت سيرة عرس هنا ؟
وبعدين انت زول قراي ولماح
ما ممكن تكون ما إنتبهت ان البوست ماعنده علاقة بحالة الخميس بالليل
ولا ، ب سقراط
أي بالصقرطة في اطار الأرشفة
دي كده زي الوحدة في اطار التعدد
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: معتصم الطاهر)
|
الشتارة بتتداوى
كعب الفوجييج (قوية و ممتازة الكلمة دى)
انت ما تحمد الله انو رشيدة اصلا قبلت تعرسك و قبلت تقعد معاك للان , جاى كمان تتفوجج و تتراشق ....
و على شنو يا حسرة
و لى معلوميتك: الرجال البعملوها ما بنضمو كتير ..... بيسووها بس
ذكرتنى واحد صاحبنا كده مرة جا هنا عمل لينا غاغا زى حقتك دى , قال عاوز يبقي غنياااان
في زول منعكم؟ داك الدرب ..... لو بتقدرو
بس ارحمونا من الغاغه و الكوارييييك
ملحوظة: رشيدة مفروض في الاخرة يدخلوها الجنة لوج و يعوضوها ما ضاع منها في الحياة ...... و يعتذرو ليها كمان
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: عماد الشبلي)
|
كتبت الخالة العزيزة دومة
Quote: هووووي يا نجاه وعماد مالكم علي ولدي بركه
مش الراجل محلللات لنو اربعه ؟؟؟!!! |
بيعجبني فيك الإنصاف يا زينب
ورزانة عقلك ، وإنحيازك لمطالبنا المشروعة ومبررة
مش زي ناس فلانة وفلان
الأولى ما عندها سكة
والتاني يكاد يموت من الرعب لو جابو ليهو السيرة ساي
بتنا ضافراهو ضفرة العدو
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
فوق من اجل التعدد
سير ونحن من خلفك يا ابو ساندرا
بعدين ياخ اصلا الراجل مالازم المرة تبعد منو تلاتة خمايس ورا بعض ( خمايس دى حلوة مش)
خليك من تلاتة شهور
بس فى استفسار بسيط يا ابو ساندرا خاص بالنقطة بتاعة عماد عبدالله
Quote: منو ده البيجيب عيال تاني ؟
عيال بتاع حنانك !!
عامل فيها قادر و نظام ما داير ؟
يا ود لأ . |
النقطة دى إذا ثبتت ، اخير تنتظر ام العيال ترجع حتى لو بعد سنة
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: عماد الشبلي)
|
منو ده البيجيب عيال تاني ؟
عيال بتاع حنانك !!
عامل فيها قادر و نظام ما داير ؟
يا ود لأ .
حدثني العالمون ببواطن الطاحون قالوا :
صاحبك رقد حُمبُك .. بقي بُففف بُففف بُففف . هوا ساكت ..
( فأخدت قمزة لورا .. و تهيأت للأسوأ )
ثم قالوا : فقلنا : و اللاهي أخٌ كريم و عزيز قومٍ جلّ .. فما لنا لا نتخير له النهايات السواطع ؟
- هوووي .. إكرام الميت دفنو : قال مصطفي صاموطي مقاطعاً -
قالوا : صدقت . فقرروا أن يشغلوك : منفاخ هوووفر .
هنيئاً يا ابن خالتي .
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
يسقط الفكر الرجعي، القلب لا يتجزأ يا عمك ، تعيش رشيدة مع انها غلطانة (هي الخلاها توافق انه يمشي يحضر المؤتمر الخامس شنو؟) وبعدين للناس المابعرفوا ابو ساندرا دا :
اول حاجة العيون مفتوح ليهن بوست قريب السنة ما خلينا دكتور في الشرق او الغرب وما صدقنا انهن بقن كويسات.
الركب حاتات بلالي (اجعص مكانيكي باكستاني ما يقدر يسوي فيهن حاجة)
الراس : تكون معجزة لو اتلقت فيها شعرة سوداء واحدة.
وبعد دا مرة ضارب لي مكالمة فيديو (قلت ليه يا ابوساندرا من سماحتك يعني، لكن رده ما بقدر اقوله ليكم هنا)
انا زمان وصيت كيكي وناس الدوحة وقلت ليهم خلوا بالكم من الزول دا لكن الظاهر هملوا ودي النتيجة ما عارفين يا جن يا خرف.
اسمع دي يا ابوساندرا
واحدة عندها اولادها بيسكروا ويوم ود اخوها جا سكران سكرة كافرة وعمل جوطة فمرقت تشوف الحاصل شنو فقالوا ليها دا فلان سكران فلما شافته قالت لهم لا لا لا دا ما سكر انا السكر بعرفه دا جن راسه عديل.
حبيبنا
ياخي الباقي كله شهر وشوية اصبر وزي ما قالوا الجعلي بيعدي يومو خنق وربنا يرجع لك ام البنات بالسلامة ويرجع ساندرا وهي تحمل شهادتها في يدها ويديم عليك الصحة والعافية ويديكم الفي مرادكم ويا رب نشوفكم تاني ونسعد بلقائكم.
اجازتي بعداسبوعين كان هفت لي بنط عندك في الدوحة.
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: Emad Abdulla)
|
| Quote: ذكرتنى واحد صاحبنا كده مرة جا هنا عمل لينا غاغا زى حقتك دى , قال عاوز يبقي غنياااان |
إنت أقعد إتفاصح كده لما تاكل نيم .
رايك شنو ( الخمار ) العملتو ماشي كويس شديد ..
خريف خريفين .. و ظاط ظيط اخوك بوووو : ترطيبات .
.....
بطل أحقاد يا إنسان ..
خليك إنت في العشا باللبن الداير يعدد ده ..
قربنا نفارق خلقكم إنتو الجوز .
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: خضر حسين خليل)
|
الزول ده عندو (فرية) مررها علينا كلنا، لمن كلام محمد عمر عن المؤتمر الخامس ذكرني.
بركة قال بعلتو غايبة من تلاتة شهور. الكلام ده ما صاح .... كيف؟
لما قال (غايبة) بيقصد إنها بعيدة عن بعلها، ولكن التلاتة شهور دي عندها إمتداد قبل كدة، لأنو بركة قعد في السودان شهرين، (ووزن) جيتو من السودان قبل ساعات من سفر رشيدة إلى ماليزيا ... يعني المحصّلة خمسة شهور في عين العدو ....
ما تدقّسنا يا جُلُك
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: ناجية مصطفى)
|
| Quote: والعرس تشمو قدحة. وليك على ياخضر نحن نقوم بكل المراسم |
ناجية ازيك
مراسمي ولا مراسم الزول العجيب دة ياخ افرزي
ـــــــــــــــــــــ
ود المكي
تحياتي وشوق الشوف
Quote: يا رشيده مشوارك طويل
دربك على الارشيف عديل |
دي بالغت فيها رسمي وكورالي وشعبي
وعليه
وأهلا أهلا بالأعراس
مرحب مرحب ياإنسان
لا تبعية لعبدالرحمن
لا استقرار مع (التانيات)
لا استقرار مع بركات
رشيدة واقفة بالمرصاد
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: Emad Abdulla)
|
ركبي والحمد لله الدور التالت ما بوقفها ولا العاشر، الحمد لله ما زلنا نتمتع بالصحة النفسية والجسدية (خط خطين تحت الجسدية دي) الكلام الناس اليا الله ويامين ركبهم بتقطعهم الشارع!!! وبعد دا يقول ليك داير اعرس. عليك اله ما تزعل اكان ذكرتني عمك الكنكوش المكركب الفي فيلم اسماعيل ياسين القال هاتوا لي الماذون اسماعيل ياسين قال له قصدك هاتوا لي الحانوتي؟
وضب الاوضة بتاعة الضيوف يا عمك
عماد
عليك الله خلوه (الحلمة دي ايمكن تريحوا شوية)
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: محمد عمر الفكي)
|
عندنا قندران منفس بي جاى .... تنفخو لينا؟
| Quote: قربنا نفارق خلقكم إنتو الجوز . |
سلم لى عا المشمش .... الفقر عمرو فقر و لو ترك النبيح
يا كبير و الله تبارى دوما دى ما يلمو فيك يوم المنادى ينادى
اختا درب الزولة دى و نصائحها كان عاوز تعيش بسلام , بتخرب عدايلك كان فضل منهن شئ
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: معتز القريش)
|
Quote: يا كبير و الله تبارى دوما دى ما يلمو فيك يوم المنادى ينادى
اختا درب الزولة دى و نصائحها كان عاوز تعيش بسلام , بتخرب عدايلك كان فضل منهن شئ |
ياهو الفضل يا عصام دي اشانه سمعه يا ارلو
لووووووووول اكون خربت عدايلك انت يا ربي ؟؟؟!!
لوووووووووووووووووول اتكيفت من روحي شديد
مع اني ما عارفه معني العدايل لكين قطع شك شئ يعد خرابه كارثه
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: محمد عبد الماجد الصايم)
|
كتب الصاوي:
Quote: يا اخوانا الدنيا خميس ولا جمعة؟
جهجهتو ركبنا ذاتا!!! |
الخميس والجمعة عندنا حاجة واحدة
يعني الإتنين خمايس
ما السبت برضو عندنا عطلة رسمية
فممكن خميس قبل الجمعة وممكن خميس قبل السبت
والخميس التانني ده بيناسبني
عشان ما بتعقبو صلاة جمعة وكل واحد داخل في نفسك
ونجيب الريحاني وحمد الريح تجيب الرايح
أي سؤال يا بلد ؟
| |
|
|
|
|
|
|
|
|
 Re: بركة يتهيأ للتعدد ... الجندريات يمتنعن (Re: أبو ساندرا)
|
تجلّى عماد عبدالله مناكفا صنو روحه (نيران صديقة يعنى)Quote: منو ده البيجيب عيال تاني ؟
عيال بتاع حنانك !!
عامل فيها قادر و نظام ما داير ؟
يا ود لأ .
حدثني العالمون ببواطن الطاحون قالوا :
صاحبك رقد حُمبُك .. بقي بُففف بُففف بُففف . هوا ساكت ..
( فأخدت قمزة لورا .. و تهيأت للأسوأ )
ثم قالوا : فقلنا : و اللاهي أخٌ كريم و عزيز قومٍ جلّ .. فما لنا لا نتخير له النهايات السواطع ؟
- هوووي .. إكرام الميت دفنو : قال مصطفي صاموطي مقاطعاً -
قالوا : صدقت . فقرروا أن يشغلوك : منفاخ هوووفر .
هنيئاً يا ابن خالتي . |
وفى ظنّى أنه لم يترك لصاحبه مخرجا سوى أن يثبت أن كلام العمدة
لايعدو كونه أضغاث أحلام !!و هذه الطرفة لأبوساندرا حتى لا يقع فى نفس الفخ التاريخى,,
THE OLD MOTOR
The marriage of an 80 year old man and a 30 year old woman was the talk of the town. After being married a year, the couple went to the hospital for the birth of their first child.
The attending nurse came out of the delivery room to congratulate the old gentleman and said, 'This is amazing. How do you do it at your age?'
The old man grinned and said, 'You got to keep the old motor running.'
The following year, the couple returned to the hospital for the birth of their second child.
The same nurse was attending the delivery and again went out to congratulate the old gentleman. She said, 'Sir, you are something! How do you manage it?'
The old man grinned and said, 'You gotta keep the old motor running.'
A year later, the couple returned to the hospital for the birth of their third child.
The same nurse was there for this birth also and, after the delivery, she once again approached the old gentleman, smiled, and said, 'Well, you surely are something awesome!
How do you do it?'
The old man replied, 'It's like I've told you before, you gotta keep the old motor running.'
The nurse, still smiling, patted him on the back and said:
Well, I guess it's time to change the oil. This one is black!
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
كتب عبدالغني كرم الله :
Quote: رشيدة = تساوي أربعة،
وخايف أقول أكتر، خوفا (من فقهاء شرع الله)،
يقولو ليك تجاوزت الحد، ويكون مصيرك، زي ود الهميم.. |
يعني خلاص الكوتة بتاعتي كملت تب ؟
ومن متين انت بتفتي ؟
ومن متين بتخاف من فقهاء شرع الله ؟
غايتو ، خسارة تعب الشهيد محمود محمد طه فيك
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
ههههه...
الله يضحكك يارائع، والله بحبك، لم؟ لست ادري؟
عاين، انا قاصد من فقهاء الشرع (القلب الإنساني)، ومش بتاع التعدد، بل
الوحدة
أعظم فقيه هو القلب الإنساني..
وهو بيت الله الحقيقي..
وهو، ينفر من أي تعدد، في المشاعر، تجاه كعبات أربع، بل كعبة واحدة، هي رشيدة..
لكن فقهاء الشرع...
وربي، لم أرى أجهل منهم، في الدنى..
ورشيدة، هي امك، واختك، زوجتك، وسرب من صفات حسان....
وهي معاك معاك، مش هنا، حتى بعد برزخ القبر
سيك سيك معلق فيك..
تسلم..
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: عثمان دغيس)
|
كتب محمد ابوالعزائم :
| Quote: صراحة محتاجين ليهو يقش لينا الدرب |
خايف يبقى ليك حامض بعدين
كما ان بنت الشاعر الفحل مرسي صالح سراج
مابنقبل تمسها خيانة واحدة منك
وانت لو ما الغية بومة كنت بتطول زي ابتهال دي وين
احمد ربك
وارعى بقيدك
قال يقش لينا الدرب !
هاك الأقاشي ده
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: محمد فضل الله المكى)
|
Quote: حقيقه الحسنه في المنعول زي الشرا في القندول
نسيت أيام التشرد لما كانت بترسل ليك حق الفول
والصعوط !
يا زول إنقرع.... يمين الشافك واقف في ناصية
( الأمريكين) ما كضًب !! |
يامحمد سلام وشوق كتير
وانا شاهد علي الكلام ده
لكن ده حال اولاد الديم
بناتهم ارجل منهم
مع الاعتذار لاولاد عبدالله (عماد وصلاح) وديل فيهم دم حي الزهور
عشان كده الاتنين حلوين وطاعمين
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: عصام علي أحمد)
|
Quote: نتحداك تلقى ليك واحدة تعرسك
ينكح الرجل لماله ووسامته
وانت من الاثنين معلم الله..
قادر الله سمحة المقدرة والفوجيج في بركات |
يادكتوره العصمة في يد رشيدة
ويتحرك الجلك بالريموت كنترول
من ماليزيا
يسمح له فقط بالدفاع عن الحزب الشيوعي لانه رشيده تعلم جيدا
انه حزب جربان
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
Quote: يا سعادتك بطل اللولوة
ومعتدل مارش امشي نحو العبارة الصحيحة
وهي :
{ غابت أم صلب ولعب ابوشنب } |
هرون دياب ...
ووروروووووووووووووك ....!
ألحق زولك ده ...
يمين ده طلقان رسميييييييييييي ...!
الراجل لحق الصح ...( بكسر الصاد ) ...
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: عثمان دغيس)
|
يا عثمان دغيس زولك جنً
و عشان نلقي ليهو مخارجه سألت شيخ
أحمد حسن بالتلفون لأنو قبل كده عمل
تخريج لحكاية آيسكريم ناس الأهليه!!
قال الراجل دا بقى يهضرب بالأحكام الشرعية
عشان كِده تُعامل بفتح الصاد وتسكين اللام
و هكذا:( أُم صَلْب).
دا ما بحلّك..أرجى الراجيك..أنا خايف يكون
الشنق مع الصَلْب.
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: Muna Khugali)
|
تعرّس يا أبوساندرا !
تاااااني !
عشان تسوي شنو ؟
يا أخي ما تعقل شوية ، وبلاش فضايح !
إنت ما سمعت الراجل البيلبس طاقية الأنصاء الطويلة ديك ؟
قال داير بعرس ، أولادو ما راضين ، بس مرتو ما شغالة بالموضوع .
سألوها الأولاد :
يمة إنتي راضية أبونا ده يعرس فوقك ، نحن شايفنك ساكتة ما بتنضمي !
ردت : خلوهو يعرس ، إن شاء الله يعرس اتنين ! هو عندو حاجة بتقوم لي فوق غير طاقيتو دي !
خليها مستورة يا صاحبي !
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: خدر)
|
ـــــــــــــ إهداءـــــــــــــــــ
إلى صاحبة السمو الملكي الأميرة رشيدة, حفيدة ملوك مملكة
مروي العظية:
يا رشيده
من زمان عارفِك عنيده
بركه كضاب عارفو بجفِل
لو الهوا كشكش جريده
في جبره لاوز ليهو أرنب
لقوهو في الحله الجديده
(مثنى)قال في غيبه مِنّك
عارفِك إنتي هناك بعيده
مرّه بس أديهو نهره
في شِبشِبك ينظم قصيده
أسأل التاريخ وراجِع
مملكة مروي التليده
تلقى في الملكات أُخُتنا
مافي ليها أبد نديده
آل تعدُد آل..... واصل يا هارون دياب
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: ضحيه ابراهيم)
|
| Quote: والله لياقتك دى تانى (بلى)ماتلعبك قال تعدد قال؟ |
تجرب يا ضاحي
أبو ساندرا بيفك في أخر ورقو
لزوم الإقلاع
وبهذه المناسبة نشكر
سعادة اللواء محمد فضل الله المكي
والمبجلة منى عوض خوجلي والمشمش بتاعها
والمتحرش خدر ، البيغني للبنات الحردانات والعرسان المفلسين
و ودالصائم العايز يرجعنا نقد تاني ، نقد دين ، نقد منقد
وعصام جبر الله العجبتني فيهو سوات عمر بوب
وعمر بوب العجبني تعدده المخالف
وعصام علي العجبتني فيهو بولندا بتاعت الشافع
والسيدة المحترمة ناجية مصطفى أم طارق التي لم تغطي غياب رشود بحلة ملاح واحدة
ولم تجيه العسكري الحراق ودالمكي فطفق ينظم القصائد
والسيدة خالتنا العزيزة دومة التي وقفت بجانبنا وزينت لنا التعدد
والشيخة ام كبك التي صارت تنجر الأحاديث والمقولات المأثورة عن وسامة الرجل وجيبو متناسية عطائه
وسعادة اللواء عماد عبدالله الذي ناوشنا وما راعى فينا عشرة ولا ديم ولا ساندوتشات بت ام ارضة
والأحمر الوهاج هارون دياب الذي أخشى عليه ان يرفع علم الحزب الشيوعي يومآ ما
والفنان محمد ابوالعزائم وهو يفلق وهو يداوي
وضحية ابراهيم الجة في الأخير ووقف في بداية الصف وكل الامة من خلفه تشد من إزره
والمواطن خضر حسين المابيعرف خرم الإبرة بي وين وعايز يعرس
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
كما نشكر :
الحبيب عاطف عمر ، الوضع لينا حبل نطاط وقال نط
الزميل الصاوي ، اب ركبآ سايحة
عبدالغني كرم الله ، الذي قفل أي سكة للتعداد بزعمه ان رشيدة = 4 ، فورويل درايف ؟
عبدالكريم الأمين ، و الفوجيج الوجيج المري
معتصم الطاهر ، وتعديلاته وتعدياته
عصام جبر الله ، الحداث وما سواي ، شقلبة
منتصر الأمين ، ياخ الرجالة الكتيرة بتهد الحيل
العزيز ابو مهيار ، تجيي نعمل ليك فك تسجيلات ؟
عماد الشبلي ، زي الشاعر بي حاجة
هيثم درار ، داقس وقسمت فيهو مكنة اللواء عماد عبدالله
محمد عمر الفكي ، العيز يجي ناطي فينا
محمد مكي محمد ، بالطريقة دي ممكن تعمل كورال العيد الأربعين ل رشيدة
ايمن الطيب ، فتح فين عماد نيران صديقة وفيني معركة فشنك
محمد خليل ساني ، تسلم روحك يا معلم
عثمان دغيس ، انت وين داغس والغبراء بتاعتك ؟
تيسير نوراني ، اينما تحل تحمل معها الحكمة والجمال
اشرف طه ، قاصد تعدي
ومسك الختام ، ودقاسم ، تفاحة البورد سابقآ والمعشعش في روحي برغم غيابه الطويل
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
شكر عمك أبوساندرا المقلع - راعي للتشكيل باللاي - متداخلي البوست
وذكر فيمن ذكرQuote: وبهذه المناسبة نشكر
سعادة اللواء محمد فضل الله المكي
والمبجلة منى عوض خوجلي والمشمش بتاعها
والمتحرش خدر ، البيغني للبنات الحردانات والعرسان المفلسين
و ودالصائم العايز يرجعنا نقد تاني ، نقد دين ، نقد منقد
وعصام جبر الله العجبتني فيهو سوات عمر بوب
وعمر بوب العجبني تعدده المخالف
وعصام علي العجبتني فيهو بولندا بتاعت الشافع
والسيدة المحترمة ناجية مصطفى أم طارق التي لم تغطي غياب رشود بحلة ملاح واحدة
ولم تجيه العسكري الحراق ودالمكي فطفق ينظم القصائد
والسيدة خالتنا العزيزة دومة التي وقفت بجانبنا وزينت لنا التعدد
والشيخة ام كبك التي صارت تنجر الأحاديث والمقولات المأثورة عن وسامة الرجل وجيبو متناسية عطائه
وسعادة اللواء عماد عبدالله الذي ناوشنا وما راعى فينا عشرة ولا ديم ولا ساندوتشات بت ام ارضة
والأحمر الوهاج هارون دياب الذي أخشى عليه ان يرفع علم الحزب الشيوعي يومآ ما
والفنان محمد ابوالعزائم وهو يفلق وهو يداوي
وضحية ابراهيم الجة في الأخير ووقف في بداية الصف وكل الامة من خلفه تشد من إزره
والمواطن خضر حسين المابيعرف خرم الإبرة بي وين وعايز يعرس |
ونسى
أبو حتوت الماسك خشمو بي الله ويامين
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: lana mahdi)
|
كتبت الأميرة لنا مهدي :
| Quote: دايرة أسألك يا حبيبة:هل في البيت عندك الأكياس السودا البلاستيك الكبيرة؟؟ |
ماعندها
وكمان ماعندها سكين وساطور
و صاحب
ومافيها عرق حلبستان ولا ريحة حلبة
عاملة صورتك الغجرية دي
بعدين عرفتي ان اصولها احباب كيف ؟
بيكون ده فائز ابوالبشر وشى وقال ليك اهلها أنصار
أيوة أنصار ، لكن جناح الأمام أحمد المهدي
بس كية فيك
بالمناسبة انا ذكرتك بالخير لدى الزميلة دكتورة مريم المهدي
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: أبو ساندرا)
|
الزعيم ابوساندرا
قرأت " تعدديتك" البركاتاوية فتذكرت :
سهر الشوق فى العيون الجميلة !!
" قش" الدرب و ستعرف حينها من هو من مشجعيك و من هو فى الخط المعاكس جندريون كانوا ام جندريات
على المستوى الشخصى اقول ليك : سير .. سير يا بركونه
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: haroon diyab)
|
الرسالة رقم (2)
إلى بت ملوك النيل الأميرة رشيده
تاني ريده..وكمان جديده
(بركه) زول خشّامي ساكِت
ما عِندو قُدره على الشديده
عروس بتقبل بيهو مافي
يبهدِلا ويمُص وريدا
معقول تِجازِف بي شبابه
وتشقى هي الكانت سعيده؟
المُروّه زمانها ولّى
والأماني بِقت بعيده
لا دِرِب لا باسطه نافعه
لا فياغرا بِتستعيده
رشيده سافري واطمئنِّي
الفشنك ما كتلُّو صيده
ألْمى حار ولا لِعِب قعونج
| |
|
|
|
|
|
|
|
|
|
Re: بركة يتهيأ للتعدد ... الجندريات يمتنعن (Re: فاروق حامد محمد)
|
| Quote: هيثم درار ، داقس وقسمت فيهو مكنة اللواء عماد عبدالله |
يا بركوتة ، ياخ شنو داقس ، ومكنة، ولواء!!!
انت ما قريت المداخلة كلها مالك ؟؟؟
ما قلنا ليك سير ونحن من خلفك
بعدين ياخ انا ما داير اقول المثل داك بتاع الهناى لمن يعًجِز،
يظهر كلام اللواء ح ينطبق عليك
| |
|
|
|
|
|
|
| |
أبو ساندرا
عاطف عمر
Emad Abdulla
doma
elsawi
عبدالغني كرم الله
محمد أبوالعزائم أبوالريش
عبدالكريم الامين احمد
معتصم الطاهر
منتصر الامين
خضر حسين خليل
Abomihyar
عماد الشبلي
هيثم درار
محمد عمر الفكي
محمد مكى محمد
معتز القريش
haroon diyab
محمد عبد الماجد الصايم
أيمن الطيب
عصام علي أحمد
محمد خليل ساني
محمد فضل الله المكى
Omar Bob
Muna Khugali
ودقاسم
ASHRAF TAHA
خدر
ضحيه ابراهيم
محمد البشرى الخضر
lana mahdi
KOSTA
فاروق حامد محمد
فيس بوك
تويتر
انستقرام
يوتيوب
بنتيريست