|
|
 هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!!
|
الجكرايه هاى من أسرة النظار
أنضربنا بنار لما النهار أندار
++++++
اليوم تاجرنا ليكى تجارة تجارتنا كسرت
رمينا ليكى الودع خطاطيتنا كضبت
ساهرنا ليكى من الليل بطلع طلوع
لما النهار فوقنا شق،
الكايك الوراء بيتكو دا أنا،
أبوكى عنده ورد بنزل فوقه
أخوكى عنده جواد بلعب مع قروه
نحن للخلاء والخلاء لينا نحن
++++++++++++++++
اليوم يا الاجاويد
من الله ما خلنى
ما سلمت عليها الايد باليد
اليوم مرضى فوقى بزيد
+++++++
الابيض الدانتيل خلقها
مديت ايدى ،
ايدى ابت تلحقها
++++++
الفريع الموالى جالك ،
الحريقه المقابله الدفه
البسمع كلام الحكومه درب مننا لفه
|
|
 
|
|
|
|
|
|
|
 Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: عبدالكريم الامين احمد)
|
عبد الكريم أخوى
بروف دى ترها غادى
أنا مانى الدلقاسم ول قور الواحد
بروف دى هن عيال الخراطيم
كلامك صحى
Quote: لو قلتي لي شرق انا بشرق
ولو قلتي لي غرب انا يغرب
ولو قلتي لي صيف مع انانيا انا بصيف |
كن قلتى لى شرق أنا بشرق
كن قلتى لى غرب أنا بغرب
وكن قلتى لى صيف مع جاجا أنا بصيف
+++++++
اليوم أخوانى أم كرباج جاتنى
وقالت لى البنات انتمعن وعقدن الشوره
وحكمت الجلسه كينيا السودا
ورفعن الاقتراح للجنة النصوص
لجنة النصوص أجتمعت قالت دا كلام مليان
وزعت المقارنه وقسمت الالوان
كن للجمال والضمار فازت فوكن فاطمه كبو
أخوى أد الكريم
نيفاشا دى شنيه
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: Abuelgassim Gor)
|
الاخ ابوالقاسم قور كيف حالك يااخوي علك والاهل بخير
والله ياودابا اليوم
رجعتنا
ام قدار زاته كلامك الكتبته
لينا زمن طويل ماسمعنا فياحبذا لوسمعتنا الكتير . وانا عندي مقطوعه مامتاكد مكمله لي حقتك دي ولا في غنيه تانيه بتقول; الجكرايه من قبيلة براهيم موسي الجكرايه عدوكي دايرين نشوفا الجكرايه هاي عزيزه تعالي شوفي الفرجي .ودي ماها الفرجي اليوم امها لبسته وخطت لها في راسه طرقي.
الاخ ابوالقاسم عبرك احي الاخ محمد عبدالله (ودابوك)
مع
تحياتي خالد الساكن بكار
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: Khalad Esmail)
|
ولد أبوك خالد
طيب زين ...
أت دا الدرا الأكلت دى يين ؟
كلامك فوق بكانه
Quote: الجكرايه من قبيلة براهيم موسي،
الجكرايه عدوكي دايرين نشوفا ،
الجكرايه هاي عزيزه تعالي شوفي الفرجي .
ودي ماها الفرجي اليوم ،
امها لبسته وخطت لها في راسه طرقي |
بالفعل من كلمات الهداى ساغه
أنا وهو صحبان شقل كى ما سوينه سوا مافى
وكن لقيت الزمن بعمل دارسِه فوق صاحبى ساغه
قبال الحوادث هنت السبعينيات ساغه جاء الخرطوم
واشتغل فوق مصانع الطلس
قال :
Quote: اليوم فى بورتاريه قعدت تتفيزينى
دول بقولوا زانى
دول بقولو مفتانى
كوأنا مانى زانى
وأنا مانى مفتانى
الكلام دا قصد وتربط معانى |
سيف كلمة (بورتاريه) وكلمة( تتفيزينى)
والكلمتين ديل المعنى ساغه كان نقابى فوق مصنع الطلس
فى الزمن داك الحزب الشيوعى مركز على العمال ( سياسة التعميل) ..
ساغه حسى بالغربه وقبل
خلًًًً دار صباح وجاء منقلب لدار أبوسلمان
عينا ماشافتكى رمدا
دينقا الحديبا!!!
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: mohmed khalail)
|
من قبل الفجر قامت خيولهم كاره...جنيات الدواس اهل الصعب والحاره..قابضين الكلاش ياباغى جاتك تاره..حين هجمت خيولهم خلت فلولهم فاره..عادوا مهللين للاسرى خيلهم جاره×××××حكامه بتغنى للولد البغير مرات ..مرة يجيب كلاش ومرات يجيب هاونات .. من فوق الخيول دوت شديد صيحات .. مابعرفو السواتر خيلهم سريع عاديات.. اما النصر ظاهر واما يكونوا اموات×××× قطعوهو لسان كل البشكك فيهم .. وسط النار عديل خيلهم بترقص بيهم .. قاصدين الدواس وزخيرة كابه عليهم..اخوان البنات رصاص يزغرد ليهم.. ما الموت مرة واحدة ان حان اكيد ياتيهم ×××× اخوان البنات عزموا الدواس ما لانو... وحين لزم الامُرهبوا وسراعا بانو..ولدا كيك اصيل وسلاحو فى ايمانو..ماهيلتو الفراسة من جدو من خلانو..قلقل نوم عدوهو زلاه صغَر شانو ×××الخيل عاديات صبحا تغير مهتاجه..عاليات الصهيل فى الافق لآوى عجاجها .. فرتاكة الجموع اللى الصفوف فجاجة..ليه يركب مصفح ما خيلو سا دى الحاجة ...دا الكاوبوى مسيرى مين قالكم خواجة _____________ عمار محمدادم..غريقة ام الديار1990 الرحمة للهداى على كبكبى والعجوز ام بارات
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: Abuelgassim Gor)
|
سلام عليكو ولض ابا البرفسور قور، بتن جيتكو راجع، اتا ولض ابا بقيتني عالم عدييل كيه؟ خوف قصدك فكي؟ ما يكون الكي بورد عرررررد بيكو؟ الجوع الكافر ولض امي كسر كسرة شينة فوق الفرقان، والبوطات ( جمع بوطة) كان بلاد الترك او اذا كان البلاد البقول ليها بلاد العم سام كلهم جميع الا بيقولو دي ساستا..دي ساستا. وتوااا الالمي كمان دخلم بقيت عليهم جوع وعطش.
ولض ابا الناس هناك حسب الجوابات الرسلوها عيال حماد، اي زول خاتي ليا بندق فوق مخروقا وماااااشي بووووجك وصاااري قدديما مترين، ام الموت كان ما تميس عمك رحيل!! اتا كبر يييينا؟ كبر عرفتا ولض ابا؟ كبر بتاع كندا، اجتماع متل دا ما فوق كبر المحامي ترا بيكون بلا نكهة، كبر كلاما كَُلا الا كبار كبار، وحامد شارف، وول الطالب عب الرزاق، هيل السعودية، وبريمة ول محمد اديم الساكن في واشنطن، وعيال العمار بالسعودية؟ والما جبنا اسما تري بيكون الكَبر.
ولله ولض ابا العصيدة بندورها حااااار مع ملاح الشرموط خسوسا كان كشحو فوقا سمن، جع.. وبعدين الباتيل كان دور وكلام البرامكة الناس قعدوا، خلاس اه الكلام يوما داك ترى كمل طَبَ.
على كل حال الكلام ما كمل كان لقيت وكت بجيك بتن لكلام كبيرنا الشاعر اتور ابحجل ابساغة، سلم على الجميع كلهم بدون فرز، وياريت كان عملت ترجمة اتا او الاخ كبر للقصيدة، عشان ناس الخرتوم ما يقراو الكلام دادا ويعتبرو كلام رطاني وكيه كي!!وتا سيد العارفين .. وبتن سلام عليكو..
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: Kabar)
|
| Quote: والبوطات ( جمع بوطة) |
ول ابا الدقم..حبابك
يسعل منك الخير .. كيف حالك؟..
اتا صحي البرداية لحقت عليك..بوطات دي هنت الخراتيم..نحن بنعرف البواط يا ولد ابوك..
غايتو الدلقاسم.. مدام سوا ضرا.. دايرين الباتيل قبل..
و بالعدم يجب لينا .. غزال الدندانة..و الغرا..
عارف يا ابو القاسم.. عشرين سنة عشان اعرف مفردات ساغة بتاعة الكرملين و البرولتاريا دي جاي من وين..و بعد معلومتك بتاعة انو كان عامل.. اهو الواحد حسم الموضوع تب..
تعجبني في تجربة ساغة المجاوزة بين المدينة و الفريق.. يعني لغة فيهو شوية حداثة و كده..
اما ولد ابا امبارات.. يا زول ده اسكت ساكت..
الصوت يا شباب.. الصوت مهم جدا..
و نشوفكم تاني..
كبر
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: احمد الامين احمد)
|
ولد أبوك الدقم
| Quote: ولض ابا الناس هناك حسب الجوابات الرسلوها عيال حماد، اي زول خاتي ليا بندق فوق مخروقا وماااااشي بووووجك وصاااري قدديما مترين، ام الموت كان ما تميس عمك رحيل!! اتا كبر يييينا؟ كبر عرفتا ولض ابا؟ كبر بتاع كندا، اجتماع متل دا ما فوق كبر المحامي ترا بيكون بلا نكهة، كبر كلاما كَُلا الا كبار كبار، وحامد شارف، وول الطالب عب الرزاق، هيل السعودية، وبريمة ول محمد اديم الساكن في واشنطن، وعيال العمار بالسعودية؟ والما جبنا اسما تري بيكون الكَبر. |
كلام الناس الحنان ..
أخوى الدقم
الشجره الضليله اليوم تحتها برقد و بنجم
كن الناس سوا الشاهى بشرب وباكل لى لحم
أخوى الدقم تعال
خل تراب العجم
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: احمد الامين احمد)
|
ولد ابوك
الدكتور أحمد الامين
الترجمان
الانجليزى الازرق
ماك طيب
هذا بحث قيم ....
أت يا ولد بوك الغربه أكلت
| Quote: إلى بلقا سم ول قور بوستك لقيتا مشى بكان بعيد ودقش الطلح وبشوف زولك حامد شارف ياتوا still ما سجل حضور عسى ما يكون مارود sick ؟؟ والافندى فضيلى ول جماع ذاتا بشوفا ياتوا ما قال عينك في راسك ولا الخواجات خلاس مسكوه؟ وكن لضحية ول إبراهيم كلاما خلى ساكت |
وصاتى ليك قول حلامد شارف
الحكامه قالت:
الساعه سته دقت ليكو
أكل الرغيف اتحالى ليكو
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: Kabar)
|
ولد أبوك كبار
طيب زين
ات الدار الأكلت دى يين ؟
| Quote: غايتو الدلقاسم.. مدام سوا ضرا.. دايرين الباتيل قبل.. |
ها أمسك عندك :
تللللللللل
حليله ما أحله
سندالى ما دقه
قزازى ما وترنه
كضب البقول ضربه
الا العطشجى أبوجزمه
عبد العظيم نبتشى بالغرطاس عمه،
لفه،
عرقى فى قزارز واقف فوق جنبه
راطن الملكه
بايمن تاج وبايسره دبوره
شدوا شاهينا نحن البرامكه
فى أبوكبكه
بابور الكفره
عد بى عطبره ...سنجه عبدالله
محل المهدى غز العصى
البابور عهد المهدى ما فكه
نور كسح وقع بقفه
جابو لى الترمبيل
بجرى بلا سكه
شحن ما شاله
جابو لى عيال البل الاربعه
الواحد يوم اقوم بدق سدره
قلنا ديك الىفه البتشيل الحمله
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: Abuelgassim Gor)
|
البروف ول قور حبابك
عيال البقارة ما سكتو يا ولضمي لكن الغربة لحقت حدنا وشتينا شتت عيال حلف. الهداي راضي النبال بقول:
هاي يا الهدايين إتو قلتو أكبر من الفيل مافي وأبيض من اللبن مافي وأحلى من العسل مافي. يومي دا بفسرا ليكو دي بي دي:
أكبر من الفيل بي عيني ما شفته لكن الكتاب طاري
وأبيض من اللبن قمر السبعات فوق النجوم ضاوي
وأحلى من العسل بنيتاً راسا مرمر
ساقا بي الدهن بتروي
وعوجة بلا عوجة هي بتعدل في
ماني الليل هجع غتها بي توبك
وحبها بي قدومك
في الدنيا حلوه
وفي الأخرة من ديري.
تحياتي
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: Biraima M Adam)
|
ول أبا عمار
Quote: من قبل الفجر قامت خيولهم كاره...
جنيات الدواس اهل الصعب والحاره..
قابضين الكلاش ياباغى جاتك تاره..
حين هجمت خيولهم خلت فلولهم فاره..
عادوا مهللين للاسرى خيلهم جاره
حكامه بتغنى للولد البغير مرات ..
مرة يجيب كلاش ومرات يجيب هاونات ..
من فوق الخيول دوت شديد صيحات ..
مابعرفو السواتر خيلهم سريع عاديات..
اما النصر ظاهر واما يكونوا اموات
قطعوهو لسان كل البشكك فيهم ..
وسط النار عديل خيلهم بترقص بيهم ..
قاصدين الدواس وزخيرة كابه عليهم..
اخوان البنات رصاص يزغرد ليهم..
ما الموت مرة واحدة ان حان اكيد ياتيهم
اخوان البنات عزموا الدواس ما لانو...
وحين لزم الامُرهبوا وسراعا بانو..
ولدا كيك اصيل وسلاحو فى ايمانو..
ماهيلتو الفراسة من جدو من خلانو..
قلقل نوم عدوهو زلاه صغَر شانو
الخيل عاديات صبحا تغير مهتاجه..
عاليات الصهيل فى الافق لآوى عجاجها ..
فرتاكة الجموع اللى الصفوف فجاجة..
ليه يركب مصفح ما خيلو سا دى الحاجة ...
دا الكاوبوى مسيرى مين قالكم خواجة
_____________ عمار محمدادم..غريقة ام الديار1990 الرحمة للهداى على كبكبى والعجوز ام بارات |
تعيش يا حريف ...
إبداع
| |
|
|
|
|
|
|
|
|
|
Re: هاى عيال البقاره سكتوا ساكت كى مالكو؟ ...هاكو الصوت دا من الهداى ساغه شنو ما عافيِه!! (Re: ضحيه ابراهيم)
|
ولد أبوك ضحية
ماك طيب
| Quote: ادلقاسم ول قور ماك طيب ؟انا زاتى ملغبن منك حااااااااااااااااااار وكن ما اللنقى هنى زاتى مابدخل |
ات دا نجاضطك دى شينى يا أخى ...
جا.عج ... ات زقلتينى بايدك العسرا ما البتاكل بيها ...
بتن تنقلب وتقول ملغبن ....
ها أن شدرتى عرشتها
عبد الكريم ، وبريمه ، والدقم ، ومحمد وكل ناس الفريق أجاويد وانا من ايد الاجاويد ما بمرق
لكن ات ترضينى...
أنا حاسب ليك عشره ... بتعد فينى جوووووو لوكات سلام عليك ما قلتها لى
وأنا ما بمسك عليك اللنقى ... لكن هى يا ولضمى
الدلقاسم
| |
|
|
|
|
|
|
| |
Abuelgassim Gor
عبدالكريم الامين احمد
shahto
محمود الدقم
احمد الامين احمد
mohmed khalail
amar adam
Kabar
Mohammed Haroun
مهند عبدالسلام
Biraima M Adam
ضحيه ابراهيم
A.Razek Althalib
فيس بوك
تويتر
انستقرام
يوتيوب
بنتيريست