|
|
 بتحبيه؟؟ صارحيه...
|
بتحبيه؟؟...طيب ليه ما تصارحيه؟؟...خايفة؟؟...من شنو طيب؟؟..منه؟؟..ولا من كلام الناس؟؟..خايفة يفتكرك متعودة؟؟..أو عينك قوية؟؟...طيب ليه يفكر كده؟؟
|
|
 
|
|
|
|
|
|
|
 Re: بتحبيه؟؟ صارحيه... (Re: nasmah1981)
|
لسة مصرة ما تصارحي؟؟...ليه؟؟...لازم هو اليبدا؟..أفرضي ما بدا؟؟...حتستني؟؟...مش يمكن يشوف غيرك؟؟...حتستسلمي؟؟..إنت خايفة على كرامتك صح؟؟...الكرامة دخلها شنو هنا؟؟..ده إحساس؟؟..لو صارحتيه باحساسك ده حيهز صورتك وينزل من كرامتك؟؟..ليه؟؟
| |
|
|
|
|
|
|
|
|
|
Re: بتحبيه؟؟ صارحيه... (Re: Galaleldin Abdalla)
|
أنا فاهمة خوفك..ما كل الرجال بيقبلوا...وما كلهم بيتفهموا..يبقى أحسن حل تلمحي...وما تظهري تلميحك شديد..لأنه احتمال كبير يفتكر إنك جريئة...أو احتمال صفيقة...لو كمان خفت تلمحي يبقى استنيه يجيك براه...ولو ما جا أنسي واستني زول يجيك...
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
الشي الوحيد المتفقين فيه الرجال من غرب وشرق العالم.. المرأة التي تبوح، هي التي لا نريدها.. ممكن يطلع ود حلال ويجاملها شويه.. ويمشي معاها .. لكن بعد فترة حيملها.. حيطغى عليه شعوره الغريزي.. المرأة التي أريد هي المرأة التي أتعب حتى اتحصّل عليها.. والغريبه انهم "معظمهم" ما أن يطال التي لا يقدرون على الوصول إليها، تصبح عادية.. العجب كان اتزوجها... تبقى ام العيال.. واشنى مرا في الدنيا .. ونقاقه.. ووونستها ممله.. وتلقيه منشرح في الونسه مع الأخريات.. بس اهم شي انهن يكن صعبات المنال... وفي الحته دي برضه، ممكن يكون عينه فارغه خالص، يفتش يتزوج أخرى صعبة المنال.. او يفضل يحلم بصعبة المنال الأخرى..
عشان كده انا بقول ليها.. ما تصارحيه.. ما تكشفي ورقك... التلميح زاااتو ما حل.. في اسلحه سريه (من النوع البتفشوا ليه ناس مجلس الامن داك).. بتخلي البت تشعر الولد بقبولها ليه.. وبعداك هو (الفالح) بفتكر انه هو البدأ الموضوع.. لكن عمليا بتكون هي البدت الموضوع... مع الاعتذار للجنس الخشن كله..
اسمعي كلامي اخير ليك ما تسمعي كلام nasmah1981 دي بتغتس حجرك.. انا اكبر منها بسنة لو هي موالد 81
بنت الحسين
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
حيقول علي زوله خفيفه
ليييه يقول ؟؟ لانو ده تفكير الرجال ونظرة لمجتمع اللي صارت جزء من نمط التفكير السائد حتقولي لي وليييه ارضى بنظرة المجتمع وما اغير من تفكيرو و.. ,...و... و.... لا ده مافي زمنا ده واقعنا كده
| |
|
|
|
|
|
|
|
|
|
Re: بتحبيه؟؟ صارحيه... (Re: Napta king)
|
ياخ انتا مالكـ شخصيتك كده ؟
عشان صارحتكـ تطلعا خفيفه ووزن الريشه ؟ ياخ مااحتمال اكون عايزه الستره وهى الافضل !!!
ياعمكـ اختار العايزكـ وسيب الانتو عايز !!!
العايزكـ بضحى عشان اسعدكـ واسهر على تعبكـ ومع الايام ح تحبوا ....
العايزو انتا ح اتعبكـ واسهركـ واطلع عينكـ واحميكـ النوم والتفكير !!!
ياخ انتا قائل اى راجل بحترم البت البتبادر بالجواها ؟؟؟
لا لا !!!
مرات شخصيتكـ بتدفعا تعمل كده ...
ــــــــــــــــــــــــــــــــــــــ
دائما هكذا !!!
لدى الانثى طريقه خاصه واسلوب غريزى معين يجعلها تأسر الرجل ...
ويمكنها جعله يبادر ويقول مابداخله ...
هو انزيم ربانى وهبه له الاله ... فقط كى تتمكن من جعل المبادره تكون من الرجل ...
| |
|
|
|
|
|
|
|
|
|
Re: بتحبيه؟؟ صارحيه... (Re: najma)
|
| Quote: لسة مصرة ما تصارحي؟؟...ليه؟؟...لازم هو اليبدا؟..أفرضي ما بدا؟؟...حتستني؟؟...مش يمكن يشوف غيرك؟؟...حتستسلمي؟؟..إنت خايفة على كرامتك صح؟؟...الكرامة دخلها شنو هنا؟؟..ده إحساس؟؟..لو صارحتيه باحساسك ده حيهز صورتك وينزل من كرامتك؟؟..ليه؟؟ |
تحياتي لست الدار
هو بالله مع العولمة و الجوطة و الكترابة دي كلها الشغلة دي لسة في ؟
| Quote: الشي الوحيد المتفقين فيه الرجال من غرب وشرق العالم.. المرأة التي تبوح، هي التي لا نريدها.. |
رايك شنو في واحد قال :
اريد امرأة تقول هذا حبيبي فانصروني يا نساء الارض
و الله الزول دا في و اكبر من مواليد 80 بكتير و سوداني كمان بس
.
.
.
شاعر
| |
|
|
|
|
|
|
|
|
|
Re: بتحبيه؟؟ صارحيه... (Re: najma)
|
Quote:
عشان كده انا بقول ليها.. ما تصارحيه.. ما تكشفي ورقك... التلميح زاااتو ما حل.. في اسلحه سريه (من النوع البتفشوا ليه ناس مجلس الامن داك).. بتخلي البت تشعر الولد بقبولها ليه.. وبعداك هو (الفالح) بفتكر انه هو البدأ الموضوع.. لكن عمليا بتكون هي البدت الموضوع... مع الاعتذار للجنس الخشن كله..
اسمعي كلامي اخير ليك ما تسمعي كلام nasmah1981 دي بتغتس حجرك.. انا اكبر منها بسنة لو هي موالد 81 |
ده كلام شنو يا مريومة؟!!
| Quote: بتحبيه؟؟ صارحيه... |
صاح مائة المائة
| |
|
|
|
|
|
|
|
|
|
Re: بتحبيه؟؟ صارحيه... (Re: Ishraga Mustafa)
|
والله يا د.اشراقه دي الحقيقة... والمشكله انه الماشه عكس التيار في الموضوع ده بالذات هي الخسرانه.. ده موضوع مافيه حقوق مرأة ولا حقوق رجل... بالمناسبة انا بتكلم عن ضربة البداية.. الصفارة الاولى... ما بتكلم عما بعدها..
قيقراوي... مقولة صديقك الاكبر مننا ده.. ما بتعني انه متخلي عن السبق في الموضوع.. بتعني انه عايز إمراة تبوح بمشاعرها... والتانيه دي ما مختلفين فيها.. لكن الاولى، انا مُصرّه على انها صعبه شويه... والراجل مهما بقى متفتح .. دي ما بنساها للمرأة...
معليش يا نسمه...منتظرين تعليقك
| |
|
|
|
|
|
|
|
|
|
Re: بتحبيه؟؟ صارحيه... (Re: محمد الجيلى)
|
حتسمعي كلام مريم بت الحسين؟؟...كلامها عاقل...ورزين...واحتمال يكون واقعي...لكن إحساسك تعملي فيه شنو؟؟...قالت في أسلحة سرية...بتعرفيها؟؟...عارفاك ما بتعرفيها وما جربتيها... هي الدنيا معقدة كده ليه؟؟..وله ديل الرجال؟؟..ولا يمكن إحنا؟؟
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
شوفي يا صاحبة نسمه.. النقول ليك عن الاسلحه دي.. الاسلحه دي نابعه من جواك، مافي زول بعلمك كيف تستخدميها.. ولا في manual بجي معاها... هي نابعه من احساسك البحرّكك ده... وهي تعبيرك البتمليه عليك غريزتك... ممكن يترجّم انك بتكوني "اجمل" لما تكون بتحبي... او لما يجي ماري... لا شعوريا.. تكوني عايزه تشوفي ليك مرايه تتأكدي انه كل شي تمام... طريقة لبسك تتغير... وفي عز الحر، بتكون الطرحة بتاعتك بتهب مع الرياح.. والصور كلها تتحرك بالبطيء، لما هو يجي ماري.. واقل حركة منه انت بتكوني راصداها.. منو العلمني! والله مافي زول علمني. هل استعملتها.. ! ما حصلش... بنظّر.. ايوه.. لكن كتير صاحباتي عملوها.. لانها نابعه من جوه...
نظريتي في الحياة كالآتي.. الما ملاحظ لوجودك.. ما يستاهل وقتك وتفكيرك...
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
| Quote: قيقراوي... مقولة صديقك الاكبر مننا ده.. ما بتعني انه متخلي عن السبق في الموضوع.. بتعني انه عايز إمراة تبوح بمشاعرها... والتانيه دي ما مختلفين فيها.. لكن الاولى، انا مُصرّه على انها صعبه شويه... والراجل مهما بقى متفتح .. دي ما بنساها للمرأة... |
حتى لو عرفتي انو ( شاعر ) دي كانت مفخخة ؟
القال الكلام دا " خالد فالكاو " . . . و هو شاعر
ما قصدت انو شاعر في الكلام دا بالتحديد . . .
للامانة كتار العايشين باحساس شاعر لكن ربة الشعر ما زارتم يوم . . . امكن ما عندها عناوينم
في مداخلتك الاولى في كم حتة استوقفتني لكن خشيت فتل البوست . . .
اتذكر زمان قرينا حاجة عن " ندم الشاري " و هي انو لما تشوف الحاجة تقوم تمخمخ في دماغك و تطلق فيك نارية ، تسعى للحصول عليها بتوفير المقابل الموضوعي العادل للحصول عليها لكن بمجرد " الامتلاك " او بمجرد " الاحساس بالامتلاك " بتراجع تيرموميتر حراة الرغبة دي . . . و دا في سوق الله اكبر داك
لو امكن اسقاط القياس دا على الكيس هنا و دي قادني ليها قاسم لغوي مشترك اعظم " الشراء " و " الامتلاك " في الحالتين . . .
يا استاذتي لسه مجتمعنا بتعامل مع فكرة الزواج - خلونانصعد الحاجات - بفكرة بيع و شراء . . .
في البلد عندنا بقول ليك دا " ماخد" بت فلان
و حتى الحب بدلعوه بانو فلان " شاريك " لما يجوا يحنكوا البت . . .
المغالاة في المهور و التعسف في الشروط ذاتا بتدفعك للتفكير في المسألة كأنها بيعة الرضوان عديل . . .
اها مع الشراء و الامتلاك ديل ما بصح يكون في خلاصة زي " ندم الشاري "
و للموضوعية هل في ضمانات لمعكوس الكلام دا لو افترضنا جدلاً انقلاب الحال بمبادرة المرأة
في اعتقادي انو الخلل مفاهيمي شامل . . . ما مجرد الببدأ منو ؟
زي ما قالت الابروتش هو المهم
ما مهم جندر المبتدئ بالكلام . . . . . . لو الناس دخلت بباب الدخول لكن الباب الغلط . . . او طلع اصلاً ما باب و طلع دي الحيطة مرسوم فيها شكل باب بس . . . كارثة ماحقة في الطريق
لو الناس ما دخلت من باب الخروج الباقي تفصيلة ما مهمة و ما اعتقد ح تكون حتة يتذكروها
باقي لي حتة عاوز اتكلم عنها في مداخلتك لكن طولت و خستكت ليكم بالبوست و اذا كان دا خروج عن النص يبقى العاوز اقوله عن " خدمات ما بعد البيع " خارج ملة النص دغري
يا نسمة جاتك كتاحة
اعتذاري لست الدار عن الخستكة
| |
|
|
|
|
|
|
|
|
|
Re: بتحبيه؟؟ صارحيه... (Re: Napta king)
|
خفت من كلام نبتة؟؟ حيقولوا خفيفة ووزن الريشة..والبت الخفيفة يا حليلها ما بتطول شي..مع إنها صريحة وبسيطة...ما تخافي إنت ما حتتخاففي على أي زول!!!..ده الزول الانت دايراه وقلبك رايده...وين العيب؟؟...وين الخفة؟؟
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
قيقراوي انت براك قلت.. البوست حينفتل كده... جدلية العلاقة دي انا ما مختلفة معاك فيها.. وفي كتير من الاحيان.. الناس بطلبوا المهر عشان يغلّوا السلعه..والواحد يفكر بدل المرّه الف قبل ما يبدلها... والمشكله انه الموضوع ببقى عكسي.. الغلاوه دي زاتها بتبقى سبب الاستغناء... اعتقد انه نسمه هنا بتتكلم عن مجرد علاقة .. تحسس طريق ما اكتر.. لسه الوصول داك شي تاني.. ولما الموضوع يبقى ترجمه لإنه الناس تمشي للأهل.. ويبقى الموضوع رسمي، الامور بتختلف كتير...
معاك في انه الموضوع بيع وشرا.. ويمكن in their defence يكونوا الاهل عايزين دليل ملموس على غلاوة الزوله دي عند الزول ده.. ما تفكير سليم.. لكن تفكير protective.. محاولة للحماية يتم ترجمتها بصورة مختلفة.. زي صك امانه كده... تعرف.. العلاقة قبل الزواج اصلها ما هي المقياس.. وبعد السنة الاولى زواج.. البحصل واحد من تلاته.. إما الاتنين يتعدوا مرحلة المشاكل.. ويعيشوا بسلام متحابين.. وتقول ليه كل الكلام الحلو العايزه الشاعر بتاعك ده، مقابل كلامه هو نفسه.. ويكون في احترام جميل كده.. وحياة فيها الكثير من لمسات العلاقة قبل الزواج.. أو يبقى كل زول عنده برنامجه.. وبنتقد التاني على برنامجه.. وعايش دنيا براه، والجامع العيال...ودي مرحلة واصل ليها غالبية المتزوجين... او انهم يكرهوا بعض.. ويتأكدوا انهم غلطوا غلطه كبيرة.. وينفصلوا... يعني الضمانات القبيل ديك ممكن تأجل حببببه كده.. لكن في النهاية السيناريو بيطبّق...
صاحبة نسمه... اسمعي كلامي اخير ليك
| |
|
|
|
|
|
|
|
|
|
Re: بتحبيه؟؟ صارحيه... (Re: مريم بنت الحسين)
|
| Quote: لكن إحساسك تعملي فيه شنو؟؟... |
ايوة بس دايما اتذكري انو احساسك امانة في عنقك تكبتيه وتغطغطي عليه بيشوهك والحياة لا تحتمل نساء مشوهات جدد .. صارحيه وقول ليه اني وصلت درجة الوعي الخلتني اصارحك انت زاتك بالله اصل معاي درجة الوعي التخليك تصارحني برفضك او قبولك لي ..
يا جماعة الرجال ليسو الوكلاء الحصريون للمبادرة ..
| |
|
|
|
|
|
|
|
|
|
Re: بتحبيه؟؟ صارحيه... (Re: ريهان الريح الشاذلي)
|
Quote: ايوة بس دايما اتذكري انو احساسك امانة في عنقك تكبتيه وتغطغطي عليه بيشوهك والحياة لا تحتمل نساء مشوهات جدد ..
صارحيه وقول ليه اني وصلت درجة الوعي الخلتني اصارحك انت زاتك بالله اصل معاي درجة الوعي التخليك تصارحني برفضك او قبولك لي ..
يا جماعة الرجال ليسو الوكلاء الحصريون للمبادرة .. |
جيل جديد لوعى جديد....
وهكذا يكتمل مشروع الحياة الانسانى.....
-------------
صارحت {حبيبى} ذات جنون بانى احبه
كان ذلك والدنيا دبابة
لا زلت اذكر عيونه التى تحورت بالدهشة ولذعة جنونى..
احساس مازال يملؤنى رغم مايفصلنى عن تلك السنين
من خسارات وهزيمة - الاّ ان الانتصار الكبير كان لانسانيتى
كان لانوثتى ولقلبى... حين قلت له بحبك!!
قلتها ولن اخسر ان قال لاّ..
سوف احزن قليلا او ربما كثيرا ولكنى ازهو بانتصارى لروحى...
تعلمت ان لا اكون سالبه..
موجبه فى شدو الروح والجسد.... هو العمر ده كم مره؟!!
| |
|
|
|
|
|
|
|
|
 Re: بتحبيه؟؟ صارحيه... (Re: Ishraga Mustafa)
|
تعرفي يا بتي
الرجل السوداني لا زالت به غريزة الصياد
ما تشوفي الكرفتات و البدل و الببيونات
طبعاً دة ما على إطلاق رجالنا
لكن طالما القصة قصة حظ قطعي الموضوع في قلبك
بعدين الأحاسيس دي ما محتاجة ترجمة
لو سلفاً يحبك فستعرفين
وعندها لو سمحتي أعملي ما عارفة
| |
|
|
|
|
|
|
|
|
|
Re: بتحبيه؟؟ صارحيه... (Re: lana mahdi)
|
Quote: لكن طالما القصة قصة حظ قطعي الموضوع في قلبك
بعدين الأحاسيس دي ما محتاجة ترجمة |
لنا ياحبيبة...
استغربت لرؤيتك والعزيزة مريم
ربما أتفق معكن فيما يخص عقلية الرجل السودانى - ليس على اطلاقها- ولكن...
الى متى تظل المرأة سلبية؟
التعبير عن هذه المشاعر مختلف ومابالضرورة يكون بالكلام- فالمشاعر بتصل بتصل
والروح {بتنسرب} مهما وقفت قدامها من متاريس منطقية- انحاز لمنطقيتها ولقلبى ايضا..
دعوة قطعيهو فى حنانك دى يالنا مابنتفصل عن فكرة انو نقطع حقوقنا ومطالبنا المشروعة فى الحياة !!
الحق فى التعبير بيبدأ من هنا- اللحظة التى تملك فيها المرأة حق التعبير عن مشاعرها وروحها
عشان يجىء جيل جديد من البنات يقدرن يقولن عن حبهن..
عقلية الرجل {الغريبة} - يشتاق لتعبيرها عن نفسها ومن جانب تانى تتنازعه عقلية جده
المهم فى القصة دى كلها انو المرأة ماتفقد روحها... الروح اللى بتهمد لمن تكتم مشاعرها فى حنانها
والقصة دى ليها خلفياتها الثقافية/السياسية/الاقتصادية/الاجتماعية...
قطيع الحنان ده بيستمر لحدى لمن تعرس..
وتعلن عن رغباتها بحفرة دخان ولا ريحة خمرة ولا دلكة تفوح فى البيت..
هى وسيلة ساحرة فى طقسها لكن ده مابيمنع انو المرأة - تقلع- حقها عديل كدى...
يعنى الراجل فى اى لحظة داير حقو..
المرأة تعبانة , مفطسة, عينها طالعة مامهم, المهم تقوم بالواجب ده..
والحاجة مما تبقى واجب بينطفىء لهيها...
وبتولع تانى لمن تقدر المرأة تعبر عن حاجاتها..
تقول لاّ لمن ينبغى انو يكون لاّ
وتقول نعم لمن تكون فى نعيم شوقها لرفقة سفر الورح...
يالنا ومريم القصة بتبدأ من هنا..
من التعبير الاول ومرورا بالزواج ومابعد الزواج,
الموضوع ده ماهو مجرد تعبير بين اتنين تقوم فيه المرأة بدور المبادرة
الموضوع اكبر من كدى, موضوع مشروع حياة اكثر انسانية ونبلا...
وبرجع كان الله هون...
لكن نصيحتى للبنات, اوعكن تقطعنو فى حنانكن,
صرحن بالطرق التى تحسنها..
ماتكتمن مشاعركن, لانو فى مشاعر مابتكرر هى ذاتها...
وكان استنيتى لمن يجيك ويقول ليك حاتكونى دائما مستنية
يجيك ويقول ليك, حتى لمن يعرسك...
ماتكونن سالبات...
فهذا لاينفصل عن ممارسة حقكن السياسى؟!!
----------
لو تعرف ياحبيبى كيف بحبك,
اموت ركن ياخ!!
| |
|
|
|
|
|
|
|
|
|
Re: بتحبيه؟؟ صارحيه... (Re: Ishraga Mustafa)
|
| Quote: بالمناسبة انا بتكلم عن ضربة البداية.. الصفارة الاولى... ما بتكلم عما بعدها |
سلام لصاحبة البوست
وسلام واستغراب لمريم فى الاقتباس اعلاه ..كدة انتى حصرتى الموضوع خالص ودة سهل جدا
تحياتى
| |
|
|
|
|
|
|
|
|
|
Re: بتحبيه؟؟ صارحيه... (Re: Ishraga Mustafa)
|
| Quote: المرأة تعبانة , مفطسة, عينها طالعة مامهم, المهم تقوم بالواجب ده.. |
ياخ ده كلام ارشيفى منكـ
انتى من زمن المراه المفطسه وتعبانه وعينا طالعه
الواجب فى الجيل الحديث مع تاثيرات الحقوق الانثويه المنادى بيها بقى ذكورى بحت
الليله فى الجيل الجديد بقى ماف فرق بين المبتدى فى العلاقات او المواضيع الحياتيه عموما
اى طرف متساوى مع الآخر فى المبادره ...
ممكن تلقى عصبه لسه شغاله بمكنة اجيال سابقه !!!
طيب حقوق وواجبات المرأه ومساوه مع الرجل ... ليه ماتكون مكتمله فى اى شئ ؟؟؟
| |
|
|
|
|
|
|
|
|
|
Re: بتحبيه؟؟ صارحيه... (Re: محمد الجيلى)
|
Quote: ياخ ده كلام ارشيفى منكـ
انتى من زمن المراه المفطسه وتعبانه وعينا طالعه |
سلام يا محمد الجيلى..
على ماذا اعتمدت فى وجهة نظرك اعلاها؟
انتظر ردك وبعدين افندّ وجهة نظرى..
ارجو قراءة رؤيتى مرة ثانية لو تكرمت قبل الشروع فى الرد..
| Quote: طيب حقوق وواجبات المرأه ومساوه مع الرجل ... ليه ماتكون مكتمله فى اى شئ ؟؟؟ |
اعادتك لقراءة وجهة نظرى ستدلك على نقاط مشتركة فى الرؤية حول مبدئية الحقوق والواجبات
تحياتى
| |
|
|
|
|
|
|
|
|
|
Re: بتحبيه؟؟ صارحيه... (Re: Ishraga Mustafa)
|
اشراقه سلامات
لو راجعتى اول رد لى فى الموضوع بتعرفى شكل الفهم العايز اوصلو ؟
استدليت فى مداخلتى بمرجعية مخاطبتكـ لى لنا ومريم
ماقصدت اخاطب مباشره فاقتبست من ردكـ الجمله دى ...
عقلية الرجل السودانى الزمان اتغيرت فى الجيل الحديث
فقط كنت اود توصيل المعلومه لهم ...
ت :
مداخلتك قريتا كويس ولقيتا نفس المعلومه العايز اوصلا
فاب سورى انى وصلت ليك فهم خاطئ عن قصدى
| |
|
|
|
|
|
|
|
|
|
Re: بتحبيه؟؟ صارحيه... (Re: Ishraga Mustafa)
|
نسمة
و المتداخلات و المتداخلون
هل يكفي حبها وحده لتصارحه ؟ أم أن هناك إشارات و لغة عيون و إهتمامات تجدها الفتاة مواتية لتعلن له عن حبها ؟
أعتقد غير جازم بأن إحجام الفتاة عن الإفصاح عن حبها هو خوفها من الفهم المغلوط لدى معظم الشباب بأن التي تبدأ بالمصارحة هي فتاة ( مندلقة ) و جريئة و منها خوف ... و هو بالطبع تفسير خاطيء.
معظم الفتيات يحْجِمْن حتى من كتابة رسالة ( أيا كان نوعها ) للإفصاح عن الحب ..
و أنا لا ألوم هذا النوع ، لأنه للأسف في زماننا الأغبر هذا الشاب يمكنه أن يجلس متونسا و يدعو الفتاة لكافيتيريا أو في حفل أو على الهاتف ، و لكنه يميل إلى التي تكون بعيدة عن كل ما يمت إلى علاقات مع شبان آخرين بأي شكل من الأشكال.
دمتم
| |
|
|
|
|
|
|
|
|
|
Re: بتحبيه؟؟ صارحيه... (Re: ابو جهينة)
|
نسمة..وكل الجميلين المروا من هنا.......
لكم التحية.....
| Quote: لأنه احتمال كبير يفتكر إنك جريئة |
وهل فى ذلك عيب.......؟؟
التربية عندنا شكلت فينا الخوف فى كل شىء...
الأسرة الصغيرة..المجتمع..نظرة الناس لك..كلها لابد فى النظر إليها حتى حينما تريد ان تصدر أمر شخصى مباح..
كلمة ..احبك....
مفقودة فى بعض أسرنا السودانية بين الزوج وزجته.ما بالك لناس جداد لنج..وإن كانت شىء مشروع وجميل ويجدد الروح..
سمعت نكته. فى احد البرامج التلفزيونة بتتحدث عن عدم البوح بالكلام الجميل للزوجة وتقديم الهدايا لها فى المناسبات..
وأحد المشاركين ذكر...بأن زوج حضر مثل هذه الحلقة وهيأ شعوره على ان يطبق هذا فى أرض الواقع..وعمره لم يقل كلمة احبك لزوجته..اليوم داك مشى وإشترى ليهو زهور وجا داخل :وقال للمراة:
أحبك..
المراة قالت ليهو:ما تبطل العوارة دى...
نحن نريد الكثير ولكن يجب ان نحاول معالجة هذه ألأمور من ألأن لننشىء جيل جميل ومعافه....
مودتى..بوست جميل وموفق........إسماعيل محمد احمد عباس....
| |
|
|
|
|
|
|
|
|
|
Re: بتحبيه؟؟ صارحيه... (Re: ابو جهينة)
|
يا اخوان كان انضبطت في النص يتخلوني ارجع ؟
اها خلينا السوق
Quote: ايوة بس دايما اتذكري انو احساسك امانة في عنقك تكبتيه وتغطغطي عليه بيشوهك والحياة لا تحتمل نساء مشوهات جدد .. صارحيه وقول ليه اني وصلت درجة الوعي الخلتني اصارحك انت زاتك بالله اصل معاي درجة الوعي التخليك تصارحني برفضك او قبولك لي ..
يا جماعة الرجال ليسو الوكلاء الحصريون للمبادرة .. |
ايوة دا الكلام يا ريهان يا خترية
يا شباب فكرة البادئ اظلم دي ما ظالمة شوية ؟
ارجع و اكرر الابروتش هو المهم
البسعى لتسليع نفسو بأي طريقة هو الخسران في السوق دا
و حردان السوق من برضيه غير يلقالو دبيبأً يعضيه
اطرحي نفسك كأنسان لأنسان يستحق . . . و بس
و ما اتخيل لي في انسان بزيد او ينقص عن انسان
| |
|
|
|
|
|
|
|
|
|
Re: بتحبيه؟؟ صارحيه... (Re: ابو جهينة)
|
يا بتى اسمعى كلام لنا و مريم ده سممممممممح
اصلا حب ما ح يؤدى لزواج ....ما فى منو داعى.....
و تصريح بالحب قبل الزواج ...برضوا ما فى منو داعى...ما تصرحى.....لمحى..Just show him that you care
________________________________________________________________
بعد العرس ....كل يوم نقى فيه بانك بتحبيه و هو ما بيحبك...(ابتزاز عاطفى ..وكده )
| |
|
|
|
|
|
|
|
|
|
Re: بتحبيه؟؟ صارحيه... (Re: Hussein Mallasi)
|
تصارحيه لي شنو...هو براهو ما بحس؟
والله كان حسّيتي بيه حسّ بيكون خايف يصارحك؟
الخايف دا ما بينفع؟؟ انت مش عايزة رجل جريء...اها لما يبقي جريء حا يصارحك
مع تقديري لرأي دكتورة اشراقة الا انه رأي مستنير حبتين
لسة ما وصلنا الحتة دي يا دكتورة..نحن لا هسي في محطة
امشي شوفي ليه بت ناس فلان ديك ...والله قالوا سمحة ورزينة
وعاقلة...وقالوا ما مخطوبة...
| |
|
|
|
|
|
|
|
|
|
Re: بتحبيه؟؟ صارحيه... (Re: nazar hussien)
|
| Quote: .. وفي كتير من الاحيان.. الناس بطلبوا المهر عشان يغلّوا السلعه..والواحد يفكر بدل المرّه الف قبل ما يبدلها... والمشكله انه الموضوع ببقى عكسي.. الغلاوه دي زاتها بتبقى سبب الاستغناء... |
| |
|
|
|
|
|
|
|
|
|
Re: بتحبيه؟؟ صارحيه... (Re: ALazhary2)
|
ياسلام،، البوست ده فيه تلاقح جميل،،
ورأي أن المشاعر الجميلة شئ متبادل وتكون هناك مؤشرات ودلالات لا ولم ولن تخفى على الطرفين
فمتى توفرت كل هذه الشروط الموضوعوعية فلا بأس أو من الافضل أن تبادر الفتاة لخطوة أكثر بعداً وتطورا كما قالت الراقية دكتورة اشراقة..
بس أهم شئ الشروط الموضوعية..
بعدين منو القال ليك في رجال بخجلو وبسبب ذلك بصروه في حنانهم ويفوتوا فرص لن تتكرر رغم توفر الشروط الموضوعية القلتها فوق دي..
وأسألوني أنا!!!!
| |
|
|
|
|
|
|
|
|
|
Re: بتحبيه؟؟ صارحيه... (Re: ALMURADABI)
|
الأخ الموردابي ..| Quote: فلا بأس أو من الافضل أن تبادر الفتاة لخطوة أكثر بعداً وتطورا |
أراك ذكرتها خجلاً هذه الخطوة الأكثر بعداً وتطوراً
فمبادرة الفتاة الذي نعرفه يكون فقط إعطاء الضوء الأخضر
وعلى الشاب أن يقوم بالباقي ..
ولا عيب من أن يكون الضوء الأخضر أكثر إخضراراً لغاية ما يحس الفتى وينطق ..
لكن .. عزيزي الموردابي ..
السؤال بتاع ست البوست كان واضح ومباشر
صارحييييييييه !!
يعني (((يا ولد الناس أنا بحبك .. رايك شنو..)))
فيا الموردابي ما تلفلف وتدور ..
قول لينا أنت مع ولا ضد ..
وزي ما قلته نسألك انت..
| |
|
|
|
|
|
|
|
|
|
Re: بتحبيه؟؟ صارحيه... (Re: ضياء الدين ميرغني)
|
العزيز محمد الجيلي تحية واحترام...نعم ما كل الرجال بيحترموا البت البتادر واحتمال كبير كمان إنه حتى لو كان معجب بيها أول ما هي تتقدم خطوة هو حيرجع 10. أما بالنسبة للاحساس الأنثوي الممكن بيه تخلي الرجل يبادر فده ما عند الكل..
تحياتي
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
العزيز قيقراوي...هلا ومرحبا...العولمة ما غيرت في الموروثات..والمفاهيم هي هي ما اتغيرت...ولسة الرجل بيقول هذه المرأة أحبها وهذه أتزوجها...تحياتي
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
شوف يا ليون مع إنو كلامي بس
مع الليديس وكان داير تعال لي مكان أوكامبو بهناك..
وردي على قولك التحت ده تلقاه تحت ليه:
Quote: فمبادرة الفتاة الذي نعرفه يكون فقط إعطاء الضوء الأخضر
وعلى الشاب أن يقوم بالباقي ..
|
ملخص فكرتي يا نسمة (في تجاهل واضح لليون) إنه متى ما توفرت علاقة مؤطرة بي الطرفين (قول زملاء عمل أو دراسةأو حي واحد أو أي علاقة تتيح للطرفين معرفة الخطوط الرئيسية عن بعضهما البعض) وهنا لا نوصي بعلاقة المواصلات والبارتيات..، فإن الأمور تكون واضحة في العيون والكبكبة وغيرها من العلامات التي لا تخفى على السناير والبرالمة... فحينها يمكن للفتاة أن تمارس البوح الصراح ولن يصيبها أذى في الحالين.. ودي علي ضمانتي..
وين انتو يا ناس
ياخي والله في ناس فاتتهم فرص
وآخخخخ أنننا..
وأسألني أنا..
| |
|
|
|
|
|
|
|
|
|
Re: بتحبيه؟؟ صارحيه... (Re: ALMURADABI)
|
والله لو الريد وصل أكان تقعو تِحتيهو خليهو تصارحو ولا ما تصارحو
هو بِدس ... ما بِفضحنو العُيون
الريد بِالقُلب لمان يِدُق ناكِر عوايدو ...
لامن يِجيك دايِر رُسومو ويخلص عوايدو ...
لامن يِعود شبابك القبيل الراحَن فوايدو ...
أصارحو ما أصارحو ده (إعجاب)
ألمِح ليهو/ليها ده كايِس (عِرِس)
الريد وردُلُب بِجيك ... مِتل الموت ... لا ايدك ولا كوراعك ... وما بِهِم أكان حصل توافُق
أو ما حصل تقنِب تحِب وتحِب وتحِب حتى تُصبِح (حاب) ويِقولو الناس (خاب) ... تلقاك تناضِم
براك وبلا سبب ومرات تضحك ومرات تبكي ومرات تنسى إسمك زاتو ... وأصحابك يِقولو ليك
يا زول أعقل الطيش ده حق الوِليدات الصُفار ... هيا ناس ... هيا عالم أنا شِن ذنبي
أنا يا صاحبـي الإنبـهـل طيشو
مع الفجرِية فيـا إندرش ديشو
قُواتو السماحة والأدب عيشو
| |
|
|
|
|
|
|
|
|
|
Re: بتحبيه؟؟ صارحيه... (Re: ALMURADABI)
|
الموردابي المتاخخ الماً
انا عارف انو الموضوع ده حسسسساسسسسس
وكونك تجاهلتني فليست مشكلة واصل ..
بعد كلامك عن توفر العلاقة ومعطياتها الايجابية وبعد أن خلصت انت إلى منطقة البوح الصراح..
اسمح لي اخد كلامك بالبلدي كده يعني انت مع انو الفتاة تقول - تصارح - تبادر - تنطق
خلاص يا الحبيب ريحتو الأجيال القادمة من أصعب اللحظات
فيا بنات حواء استعدن جيدا وانكربن فوالله ليس هو بسهل
خلو اعصابكم حديد..
ودماء باردة ..
وانتظروا لما الولد يقول ..
(( لا انا بعتبرك زي اختي))
| |
|
|
|
|
|
|
|
|
 Re: بتحبيه؟؟ صارحيه... (Re: ALMURADABI)
|
صاحبت البوست ومتداخليها الاكارم
------------
ضربات البداية ( المبادرة ) رجالية بحته لرجال عرفت كيف توصلهم نساؤهم لتلك اللحظة
ليبوحوا بما كن اردنه لكنهم تمنعن ... لا يوجد رجل ذكي يمكن ان يبادر إن لم يجد ألف
إشارة إيجابية ومطمئنة وقبول مبدئي على ما سوف ( يقول ) ...
الذين يبادرون بغير دراسة للوضع وضمان للنتيجة مغامرون وليس كل المغامرات يمكن ان تصل
لنتائج إيجابية ... في بالى في السنين البعيدة إنسانة رائعة جدا لم يضرها شي مع صاحبي غير ( مبادرتها )
وعلم الجميع أنها تحبه ولسنوات أجتهدت فيها إيما أجتهاد ولم توفق ؟؟؟
رأي الشخصي لو وجدت في المبادرة إنسانة مناسبة ... لما ( لا ) !!!
فلا أتصور أن الانسان في علاقته بمن يحب سيكون لديه مرجعية في القوانين الاجتماعية والحالات المشابهة والسوابق
فكل اثنين هم حالة خاصة تصاغ أشياؤها حسبما ما تتفق قناعاتهم وأشياؤهم
*وفي كل الاحوال أصبحت مثل تلك الامور لعجوز مثلي ...
شي من الماضي ...
بمقام التذكر والتنظير ليس ألا ...
تحوطا إن مرت ( ماما ) من هنا
تقديري
| |
|
|
|
|
|
|
|
|
|
Re: بتحبيه؟؟ صارحيه... (Re: عبد الناصر الخطيب)
|
وين نسمة ودز إشراقة
...
شوف يا ليون:
عندي صاحبي في الجامعة ربطته علاقة مميزة مع
مجموعة من الطالبات فأحب إحداهن وكان ظاهر الحال يقول أنها تكسرت فيه تعزمه جلسات استماع وشئ كازينو النيل الأزرق وشئ جلسات في نجيلة معمار وشئ ضهر تور وتأتي جهاراً نهاراً لكليتة للسؤال عنه، أها ماسابت شئ...
وصلته الرسالة فكان يتمزق بين المستقبل البعيد وحبه العذري ،، وضاعت العمر ياصديقي..
يعني باختصار لو بدأت لصار خير..
اتخيل بعد 15 سنة لا قى صاحبتها في الواق الواق فاناحا فنقلت له حب تلك الحبيبة ومجاهرتها لصديقاتها بذلك على رؤوس الاشهاد..
فانقبض وبقت في القلب حسرة وأمنيات ..
ولكن هل يعود التاريخ..
هناك حواشي للقصة ولكن لم لتكن تجعل الأمر مستحيلاً
وأه أنا
ألحقيني يا دكتورة
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
اجمل ما قرأت هنا ما كتبته ريهان الشاذلى ان المبادرة ليست وكالة حصرية للرجال
فعلا انها ليست كذلك و الحقيقة انه لا يوجد شئ قيما يخص المشاعر والبوح بها او كتمانها حصرى على اى من الجنسين
هناك عرف وضعه الرجل حينما حينما افضى تطور البشرية الى مرحلة السيطرة الذكورية هذه
قبلها كانت المرأة اصل الاسرة وهى التى تختار الرجال
و بالمناسبة مرحلة سيطرة الذكر ليست قاصرة فقط على محيطنا الاقليمى ولكنها تتبدى بكل سطوتها فيه
فى العالم المتقدم و رغم حصول المرأة على كامل حريتها فى هذا المجال الا ان العقل الذكورى ما يزال مسيطرا نسبيا
قرأت فى بعض المقالات ان الاستقلال الاقتصادى و نجاح المرأة فى مجال الاعمال فى بعض الدول الغربية جعلها فى مكان يمكن ان تنتقى فيه ما تريد من الرجال بل تنفق عليهم ثم تتخلص من احدهم متى ارادت و تأتى بآخر وهكذا سلوك كان حصرا على رجال الاعمال فقط.
الآن مع انتشار الوسائط و فى مقدمتهاال sms و غرف الدردشة و البلوتووث صار الحديث مختلفا. لو كان بيننا مراهقون هنا لضحكوا من حديثنا هذا حول من المبادر لان الجيل الحالى تجاوز هذه المنطقة و ربما ينظرون الينا وكأننا كائنات من العصور الوسطى.
الحياة تغيرت و تبدلت بشدة وبسرعة جدا ولكن نحن نحيا فى زمن سابق زمن اصارحو و لا لأ و ربما يكون هذا الزمن ممتعا لنا ولكنه ولى ولن يعود.
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
غايته انا ما بعرف.. لكن البتبادر بتفوت على نفسها لحظة انتصار كبيرة.. .. وبتفوت على الولد لحظة انتصاره هو برضه... وما بشوف الموضوع في تقليل من حقوق المرأة ولا انتقاص من قيمتها فيما بعد الزواج (لو حصل) زي ما بتقولي يا د.إشراقة.. ولا بتتبني عليه طبيعة العلاقة.. لكن زي ما اتفضلوا الاخوان هنا، مافي راجل ببادر لو ما حس بقبول.. والقبول ده هي طريقة المرأة في التعبير عن نفسها.. ماكبت ولا قهر.. دي اسمها تقله..hard to get... اسمها رزانه.. وعقل.. خليه هو اليتبهدل ويفرك يدينه.. ويعرق من فوق لتحت.. انت بتكوني مكركبه بي جوه.. لكن اعملي فيها ولا خطر على بالك... وبرضه مصرّه انه ده دور مافي جندره..
ولا شنو يا د.إشراقة
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
العزيز محمد الجيلي...الجيل الجديد محتار ما بين أفكاره الجديدة وموروثاته القديمة...أما قصة المساواة المطلقة بين الرجل والمرأة فليس لها وجود...والمبادرة النسائية نوع من أنواع الحرية الغير متوفر للمرأة في ظل التناقضات العايشينها حسة..تحياتي
| |
|
|
|
|
|
|
|
|
|
Re: بتحبيه؟؟ صارحيه... (Re: nasmah1981)
|
| Quote: بتحبيه؟؟ صارحيه... |
انت عارفه ... اولا انت وين ... لو عايشه في الغرب يعني في بريطانيا... امريكا... لو كنتي في الفجتين ديل... اووعك ... امريكا ما عارف بحس بيها لحم راس وعالم تالت كده ... ممكن تصاريحوه عادي يعني ... لكن قبال تقول ليهو ولا تصارحيهو ادرسيهو هو من ياتو صنف في الرجال .. وكن ولد ساكت دقيهو وصارحيهو...
نجي للجد يا ياصاحبة صاحبتنا...
الحب البيجي بالمصارحه ده دايما بيجي من اتجاه واحد...وده بيترتب عليهو عذاب والم وانين (ووحوحه )في انصاص الليالي وشعر ودموع ويمكن يكون فيها لقيط ورق لاحد الطرفين ...
والحب الزي دا في الغالب بيكون ساير في نفس الاتجاه ...من النهر الي المصب يعني ...
الحب الكامل بيجي براهو هجمه كده زي (الموت) -وصفي شين مش كده- وده نادر وما نادر كان اتوفرت البيئه زي الجامعه والشغل ...
اما لو عايزه تصارحيهو وخلاص واليحصل يحصل كمان بقول ليك ادرسي الجانب النفسي فيهو ... عايني ليهو مما يقعد يعاين في هدومك وطرحتك ... شفت اوعك تقول ليهو انا (بحبك) ... ده تلمحي ليهو بس بيجيك جاري جري ... وتكتري ليهو من (بحلفبك)... اما النوع البيدعي ليك انو بتاع حقوق مراه وبتاع وبنطلونو بتاع جنز وسخان داك ... وكلما تطلع مظاهر بتاعة نساء تلقيهو في نصهن ولا شايل ليهن اللافته داك .. ده عادي تقول ليهو بحبك حيقول ليك بنية الوعي و يشبكك (منضمه) ..لانو بيكون سمعها كتير- عادي يعني- ... وحتاكلوا زلط (اذا) اتزوجتو...
فترت من لقيط الحروف...
| |
|
|
|
|
|
|
| |
مريم بنت الحسين
Napta king
محمد الجيلى
قيقراوي
Ishraga Mustafa
ريهان الريح الشاذلي
lana mahdi
حامد محمد حامد
ابو جهينة
ismeil abbas
Hussein Mallasi
smart_ana2001
أحمد الشايقي
ALazhary2
ALMURADABI
محمد على طه الملك
ضياء الدين ميرغني
عزام حسن فرح
هشام المجمر
Elsanosi Badr
فيس بوك
تويتر
انستقرام
يوتيوب
بنتيريست