حكومة الخرطوم تأجل الانتخابات الرئاسية والتشريعية معا !!!!.

Quote: الزميل خضر : تحياتي فبراير 2010 وليس 2011 لان في هذا التاريخ يقرر شعب جنوب السودان مصيره قبل نهاية العام 2011 ويختار ما بين الوحدة أو الانفصال . Faisal Al Zubeir

Quote: تعليق : وقع الشريكان في مخالفة المادة (216) من الدستور نصت اتفاقية السلام الشامل في 9 يناير 2005 بين الحكومة والحركة الشعبية لتحرير السودان ، على إجراء انتخابات رئاسية وتشريعية قبل نهاية السنة الرابعة من الفترة الانتقالية ، أي في موعد أقصاه 9 يوليو 2009، وهذا ما أقرته المادة (216) من الدستور الانتقالي الذي أجيز في 6 يوليو 2005. اعتقد ان التأجيل تلبية لرغبة الحركة واهل دارفور وله صلة بزيارة مبعوث اوباما .

Quote: اليوم تاجيل و بكر الغاء ما هى مواقف الاخرين من هذا التأجيل ؟ الطيب رحمه قريمان

Quote: الاخ خضر سلام نعم التاجيل خرق للدستور عموما الدستور من كتر الخروقات اصبح جلابية شحات القوانين المقيدة للحريات ماذالت تحكمنا وعند ضغط الاحزاب بان لا تقوم انتخابات فى ظل القوانين التى نص على تغييرها جاءت فكرة ان تغير باخرى شبيهة تغيير شكلى مثال قانون الصاحفة المطروح حاليا وطبعا ال 52جاهزين للتمرير وفى النهاية اسمهم غيروها دى الاولى الثانية وين الاحصاء السكانى والاصلا الانتخابات مبنية عليهو كيف يتم توزيع الدوائر وبناء على شنو انا اصلا مقتنعة انو مافى اى احصاء سكانى لانوا التم دا احصاء عينات لا اكثر ولا اقل لكين برضو وين مشى والناس تتساال هل اكلوا قروش الاحصاء وسكتو طيب دايرين احصاء بى مزاجهم وما قادرين ارسموه واللة ديل مش حيرونا ديل الشيطان هسى محير منو الاتفوقو عليهو ديل صاح هم ممكن اعملوا انتخابات وازوروها بكل الطرق وزى ما قاعدين اقولوا اكتساح الانتخابات مع اعطاء بصيص للاحزاب الاخرى(شوف بصيص دى سمحة كيف) لكين هم عارفين حتى المزورة دى حتخلق حركة جماهيرية وتحرك الركود وطبعا فى حملات انتخابية حيتقال فيها كل حاجة ويا خوفهم من الحملات دى غايتو اودوها كدى ما جاية اودوها كدى ما جاية

Quote: ناس كثيرين هنا كان زعلانين إننا ما مهتمين بعرسهم الجاي دا (الإنتخابات) أها العريس قام أجل العرس، قال أخير ليه يقعد معاها بالحرام كدا بدل العرس، الصيوانات والميكرفونات و(اللمة) وأم العروس ما خاصيها، كايسه ليها عريس لرقبتها وأبو العريس هسع كان في السجن (السبب شكلته مع العريس ولده) ولسه فترة حسن السير والسلوك ما إنتهت وهو ذاتو كبر وما بقدر علي الضبائح والعوازيم وأخوان العروس كلو واحد في بلد لا دايرين يحضروا ولا دايرين يرسلوا عشان يصلحوا البيت والخطّاب الكتار ديك المات مات والبقي شمات بقي شمات Nasr