في حدث غريب نهض رجل اثناء صلاة الفجر عليه فجر اليوم في الحرم المكي الشريف، فبعد ان كبر الامام تكبيرة صلاة الجنازة الاولى تحرك الميت (المفترض) مما اثار هلع بعض المصلين وتوقف الامام عن الصلاة ثم تم نقل الرجل الى المستشفي للتاكد من موته من عدمه. الحادثة ذكرتني نكتة الجعليين العندهم ابوهم مات واتلموا الناس للدفن واثناء الدفن قال الولد لخاله يا خال ابوي دا اتحرك، الخال قال له والناس الاتلمت دي نقول لهم شنو؟ اردم الزول.
تم التعديل نزولا على رغبة اخينا بشير حسن بشير (عشان مريخابي بس) نتمنى له الليلة ينوم متأهل لدور 16
دا مؤكد يا صالح، لكن الميت دا فعلا ما عنده دم، هسي في داعي لاحراج الامام؟ ما كان يخلي يكمل الصلاة ويقوم في حتة تانية، لكن بيني وبينك كان قدر لمن وصل مقابر مكة الكلها حجر دي لومك على لو كان شمشون تاني ما بقوم.
04-02-2009, 08:58 AM
أبو الحسين أبو الحسين
تاريخ التسجيل: 11-07-2006
مجموع المشاركات: 7948
الحبيب ابو الحسين كيفك وكيف اخبارك وكيف الاولاد، والله واحشنا ووعدتني انه اول الاولاد ما يجوا تجوا مكة، ولكن شكلها مواعيد عرقوب اخاه بيثرب. انا يا اخوي الشهر الجاي دا اجازة وما نازل السودان وقاعد حوامة في مكة بس ما تبقي جاي اديني تلفون. التلفون مفتوح يا اخي وبلاش اشاعات هسي الناس يقولوا الزول دا جوكي.
04-02-2009, 10:50 AM
بشير حسـن بشـير بشير حسـن بشـير
تاريخ التسجيل: 11-26-2004
مجموع المشاركات: 3420
الأخ محمد عمر تحياتي أنا لا أستبعد هذه القصة إطلاقاً، عندنا في البلد زمان واحد بعد ما صلوا عليه وودوه المقابر قبل ما يدفنوه بلحظات عطس، ورجعوه البيت تاني.حسع أولاده وأحفاده بعد العطسة دي براهم يسوا بلد.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عمر الفكي
صالح عبده
أبو الحسين
بشير حسـن بشـير
الطيب رحمه قريمان
عثمان رضوان
فيس بوك
تويتر
انستقرام
يوتيوب
بنتيريست