نعى اليم الزميل عبدالوهاب علي الحاج...المستنير وهبة فى رحمه الله
|
|
 الـرســم علــى الريـــش
|
مواصلة لرحلة البحث عن الابداع
وللمساهمة فى الترويح عن النفس وللتأمل
اواصل ايراد مايصلنى من مساهمات عبر الايميل
ومنكم نتوقع المزيد خاصة قريبى الســـنى
|
|
 
|
|
|
|
|
|
|
|
Re: الـرســم علــى الريـــش (Re: فيصل محمد خليل)
|
زميلى فيصل.....
حقيقي...ابداع منقطع النظير.....شغل الالوان واضح انو من بيئه غنيه وجميله....
دى فنون ابداعيه خاصه بالسكان الأصليين لأمريكا الشماليهindogenous population
......فعلا رائعه.....
والحس الابداعى المستوحى من الطبيعه ده عندنا زيو فى أقاصي جنوب السودان وجبال النوبه.....
شكرا لهذه الاستراحه التى تضج بالالوان والاصوات.......
.....هل من مزيد؟؟!!
| |
|
|
|
|
|
|
|
|
|
Re: الـرســم علــى الريـــش (Re: فيصل محمد خليل)
|
أي لوحه ابداعيه فيها وجوه بشريه أو ظلال وتعبيرات انسانيه من أى نوع
بتسترعى انتباهى أكتر من غيرها.....يعنى شوف ألوان الخصوبه رغم قهر النساء فى اللوحه !!!!
وعشان نفس السبب انا اسرتني دي:-
بالذات وجه المرأه الجده الملئ بالقوه ومحفور فيهو تاريخ طويل!!
و
| |
|
|
|
|
|
|
|
|
|
Re: الـرســم علــى الريـــش (Re: فيصل محمد خليل)
|
يا فيصل .. مسكاقمي
حكاية الريشة والرسم والفنون دي انا برجع ليها وقت تاني ...
لكن عندي سؤال محرقني شديد .. انت في قاليري فتح جمبكم ولا شنو ..
مرة سلفادور دالي .. ومرة فان جوخ ومرة .. وهسي ريش وتلوين مجنون ..
الحكاية شنو يا ود بلدي .. ؟؟
ما تكون وقعت فوقك علبة الوان ولا شنو ؟؟
| |
|
|
|
|
|
|
|
|
|
ريش (Re: فيصل محمد خليل)
|
Quote: يا فيصل .. مسكاقمي
حكاية الريشة والرسم والفنون دي انا برجع ليها وقت تاني ...
لكن عندي سؤال محرقني شديد .. انت في قاليري فتح جمبكم ولا شنو ..
مرة سلفادور دالي .. ومرة فان جوخ ومرة .. وهسي ريش وتلوين مجنون ..
الحكاية شنو يا ود بلدي .. ؟؟
ما تكون وقعت فوقك علبة الوان ولا شنو ؟؟ |
يا سمرية .. ديل ناس الريش بتاعهم هامل ساكت ما عندو (أبو)
لكن بنسحب إحتجاجنا عشان خاطر الإبداع.
واصل يا حبيب
| |
|
|
|
|
|
|
|
|
|
Re: ريش (Re: فيصل محمد خليل)
|
الاخوات
شيراز
سمرية
Quote: لكن عندي سؤال محرقني شديد .. انت في قاليري فتح جمبكم ولا شنو ..
مرة سلفادور دالي .. ومرة فان جوخ ومرة .. وهسي ريش وتلوين مجنون .. |
تخيلوا رغم الابداع ده كلو يجيهو واحد يقول ليهو انت ما عندك موضوع
| |
|
|
|
|
|
|
|
|
|
Re: ريش (Re: فيصل محمد خليل)
|
فيصل محمد خليل..
لك كل الشكر..
بوست مريح..وشفل جميل..
وهو بحق واحه وسط هجير البوست..واحه وبرغم(الريش).
وكل ريشه و ليها...الوان..
و(ريشه وعــــــــــــــــاجباني...!!)
لك الشكر
| |
|
|
|
|
|
|
|
|
|
Re: ريش (Re: Hawari Nimir)
|
سلام
فيصل يا رائع..
جبت الأشياء السمحة دي من وين.. ما فلقتنا عديل كده..
الأستايل يشبه فنون جنوب آسيا.. يبدو كان في تواصل معاهم أو توارد ما يحدث هنا وهناك..
شكرا لك لامتاعنا الكبير..
عبدالعزيز
| |
|
|
|
|
|
|
|
|
|
Re: ريش (Re: فيصل محمد خليل)
|
يا فيصل.....واصل بالله الابداع.....
ده شغل فعلا رائع ....وفيهو خلطه بين الاقعيه والسرياليه..........
...مريح للعين وآسر لأبعد حد.....
يا عبد العزيز ده ما جنوب آسيا....
ده شغل السكان الأصليين لأمريكا الشماليه....
الهنود الحمر....!!.
............كلما اقتربنا من الطبيعه...
بتعمق الاحساس بنبض الطبيعه المحيطه...وبنتج فن جميل......
لكن حياة المدينه والحضر...................
بتنتف الريش!!!!!!!!
بالله يا فيصل..مزيد من الريش........
| |
|
|
|
|
|
|
|
|
|
Re: ريش (Re: Shiraz Abdelhai)
|
Quote: ............كلما اقتربنا من الطبيعه...
بتعمق الاحساس بنبض الطبيعه المحيطه...وبنتج فن جميل......
لكن حياة المدينه والحضر...................
بتنتف الريش!!!!!!!!
بالله يا فيصل..مزيد من الريش........ |
الزميل فيصل ياخ واصل....
عذرا عجبني الكلام الفوق دا لشيراز عبدالحي لذا ضمنته في مداخلتي......
.. شكرا شيراز
شكرا فيصل..
| |
|
|
|
|
|
|
|
|
|
Re: ريش (Re: ibrahim kojan)
|
عزيزتنا شيراز
شكرا على اثراء هذا البوست بالمعلومة وبالطلة
الرقيق ابراهيم كوجان
مرورك يثلج الصدور
ولكما معا هذة اللوحة
تحياتى
| |
|
|
|
|
|
|
|
|
 فيصل خليل... (Re: فيصل محمد خليل)
|
ســـلام أخي فيصل...
لايعرف الإبداع إلا المبدعين .ولا يتفاعل معه وينقله للأخرين
إلا المبدعـون .فيصل يامبدع ..شــكرا..
وشــكرا تاني ليك وأنت ترحب بي في المنبر...
المناطق التي خرج منها هذا الإبداع قضيت فيها قرابة الـ6 سنوات
تعلمت فيها الكثير عن هذه القبائل المتعددة...
مسألة الريش وتعلقهم به مسالة روحانية وهم في نحت الحجر وإستخراج
الشوك من السمك لايقلون إبداعا منهم في الريش ..تصدق يافيصل ممكن
الوآحد منهم يستخرج الشوك من السمكة وإنت تراها كانها مالمستها يدإنسان...
كما ذكرت هم قبائل متعددة يطول الحديث عنها.قضيت معهم ليالي
الشتاء شهرين ماتشوف الشمش ونهار الصيف شهرين الشمس فاقعة فوق
راسـك ...
فيصل يامبدع ...أشكرك مرة أخري علي ترحآبك بي...
| |
|
|
|
|
|
|
|
|
|
Re: فيصل خليل... (Re: معاوية المدير)
|
الاح الاستاذ فيصل خليل عمل جميل جدا ومن خلال ذالك العمل كانت هنالك دعوة لى بان اضيف الى هذا العمل تجـربتى مع الريش و تجربتى مع الريش هى تجربة طويلة جات فى وقت كنت ابحث فية عن مادة موجودة ورخيصة لانى لا استطيع فى ذالك الوقت حتى من شراء صباع لون
والفرق إنى ما بلون الريش بحاول اتعامل مع الر يشة وجزيئاتة لعمل لوحة وهو ما يسمى Feather collage
وعملت عدة معارض وورش عمل فى مختلف العالم , يعنى حديثى وتجربتى مع الريش طويلة وهنا بعض من اعمالى
ومتوقع إكون عندى معرض قريب حيكون فية بعض من اعمالى بالريش
وشكرا لانك خليتنى أجى طالعةمن قوقعى
IMG]http://www.###################/u1/hostat1.gif[/IMG]
 
| |
|
|
|
|
|
|
|
|
|
Re: فيصل خليل... (Re: محاسن أحمد محمد)
|
الاخ العزيز معاوية المدير
شكرا ليك وانت تشرفنا بالكلمة والمعلومة
نتوقعك ومعاك الصور المرة الجاية
مرة تانية وتالتة والف مرحب
الاستاذة محاسن محمد احمد
اذا كنا نبحث عن الابداع فقد وصل لينا بمداخلتك والتى تحمل
ابداعاتك الخلاقة والتى تدل على الحس الفنى الرفيع
هل نطمع فى المزيد
شكرا شكرا شكرا جزيلا
| |
|
|
|
|
|
|
|
|
|
Re: فيصل خليل... (Re: فيصل محمد خليل)
|
يا فيصل البوست جذب ابداع رهيب.....وخلق ضل نيمه ومزيره فى الدرب الطويل....
فعلا يا معاويه ...القبائل دى بتعتمد تماما على البيئه المحيطه فى فنها البشكل بالنسبه ليهم طقوس ومعان ثقافيه وتقليد قبلى.....حتى الوانهم من الطبيعه....بيستخرجوها من الصخور والكتل الرمليه والطينيه ولحى واوراق الاشجار ودماء الحيوانات.......
ما اعمق هذه الطبيعه....وما اكرمها....!!
الاستاذه محاسن..........
لك كل الاحترام.........شغلك مميز ...unique...ورقيق....
بالله يكون عندنا فنانين زى ديل واحنا ما عارفين؟؟
اتحفينا بالمزيد....ويا ريت تنزلى معرضك القادم كلو فى البورد....
| |
|
|
|
|
|
|
|
|
|
Re: فيصل خليل... (Re: Shiraz Abdelhai)
|
شكـرا ليك يا استاذ فيصل لانك إنت جبتنى للبوست دة واكيد حيكون هنالك المذيد المذيد بس لأنو باقى اعمال الريش مامصورة وفى الايام الجاية أوعد بألكثير الكثير
| |
|
|
|
|
|
|
|
|
|
Re: فيصل خليل... (Re: Shiraz Abdelhai)
|
الاختShiraz Abdelhai
شكرا لتقيمك لاعمالى وأكيد ياستى حنصور المعرض وياريت تكونى معانا وتشرفينا
وانا سعيدة بى اضافتك لى من لهم الفدرة على قراءة اعمالى
| |
|
|
|
|
|
|
|
|
|
Re: فيصل خليل... (Re: فيصل محمد خليل)
|
شكرا فيصل .... شكرا سونا
شكرا فيصل .... شكرا سونا
شكرا فيصل .... شكرا سونا
ضل رايق وجميل زى أيام زمان ...
شكرا ليكم ....تعبا من ( منو قال لى منو شنو ومنو الضرب منو فى الأول:)
| |
|
|
|
|
|
|
|
|
|
Re: فيصل خليل... (Re: Mohamed Moatasim)
|
ألاخ ألعذيذ Mohamed Moatasim
و الاخ العذيذ فيصل شكــرا ليكم كتيـر و شكــر للأهداء الجميل وتعرفو انا عندى عالم مع الريش من خلال تجربتى الطويلة وطبعا دائما بعتمد على الريش المتساقط وطبعا الريش سطحو اقوى من Canvas يعنى ما بحصل لية اى تغير فى العمل مهما طال الزمن
وطبعا كنت دائما فى حالة بحث عن الريش المتساقط محلقة مع اسراب الطيور لعلها تسقط لى بعض من ريشها من موسم الى موسم و كمان عارفة انواع الريش وين القى الريش
وفى مرة عجبنى ريش غمرية وقع من شجرة واتلفتة يمين وشمال مافى زول بعاين لى اتوكلتة وشلتة الفطيسة فى شنطتى وعملتة بيها لوحة جميلة شاركتة بيهافى معرض بعنوان ريش فى معرضى فى الهلتون و إشترتها الاستاذة التشكيلية زوجة الاديب المرحوم عبداللةالطيب قرازلدا الطيب وكانت موجودة فى مجمع الغةالعربية
قصصى طويلة مع الريش وحنتكلم عنها كتير مرة تانية
| |
|
|
|
|
|
|
|
|
|
Re: فيصل خليل... (Re: فيصل محمد خليل)
|
بريطاني يرسم على الريش
بات رسام بريطاني هاو يحظى بشهرة واسعة النطاق وذلك بفضل مهارته الفائقة في الرسم على الريش.
الرسام الهاوي الذي يدعى ايان ديفي (44 عاما) قال انه بدأ في ممارسة تلك الهواية في العام 2004 وانه
يفضل دائما استخدام ريش طيور الأوز نظرا إلى ما تميز به من نعومة ومتانة فائقة.
وعلى الرغم من حداثة عهده بفن الرسم، فان ديفي بات الان يحتل مكانة مرموقة بين هواة ذلك الفن في
بريطانيا، واصبحت لوحاته المرسومة على ريش الأوز تحظى برواج كبير إلى درجة ان سعر اللوحة الواحدة وصل
إلى ما يوازي اكثر من الف دولار اميركي.
«ديفي» الذي يقيم في بلدة «سنودونيا» الويلزية، أشار إلى انه كان يقوم بزيارة إلى نيوزيلندا قبل نحو
خمس سنوات عندما شاهد ابناء شعب الماوري وهم يزاولون فن الرسم على الريش فقرر منذ ذلك الحين ان يتعلم
ذلك الفن الذي يتطلب قدرا كبيرا من الدقة، والقدرة على رصد التفاصيل في مساحة صغيرة جدا.
| |
|
|
|
|
|
|
|
|
|
Re: فيصل خليل... (Re: فيصل محمد خليل)
|
الاستاذة الفنانة محاسن
موتينا من الضحك بحكاية القمرية المسكينة دى
وعلى اى حال هاك الطيور دى للمعرض الجاى
وخلى القمارى تبنى عشها قشة قشة
لك الود والتقدير
| |
|
|
|
|
|
|
|
|
|
Re: فيصل خليل... (Re: محمد أبوالعزائم أبوالريش)
|
الديك
ريــكــو
هوشخصيتي التي كتبت منها خمسة حكايات للأطفال
يأسرني الديك بألوانه البديعة
منعني منك من الأسباب 2 وانت عارفهم
دايما ناشرا للجمال
يا قريبي
وفاتح صفحة تدخل الفرح لي قلوب الحلوين مع البوستات الهم والنكد
مودتي وتحياتي
| |
|
|
|
|
|
|
| |
فيصل محمد خليل
Shiraz Abdelhai
rani
سمرية
محمد أبوالعزائم أبوالريش
الطيب شيقوق
Hawari Nimir
Abdlaziz Eisa
ibrahim kojan
معاوية المدير
محاسن أحمد محمد
هند محمد
Mohamed Abdelgaleel
Mohamed Moatasim
ALazhary2
محمد سنى دفع الله
قلقو
فيس بوك
تويتر
انستقرام
يوتيوب
بنتيريست