|
|
|
 Re: بتعرفوا الزول العفن ده ؟؟ (Re: صلاح أبودية)
|
تجده فى موت العزيز ..
يحضن واحده ويتمسح فى الأخرى ..
آخذا كل مقاسات بنات أو عزيزات المرحوم ..
ويخطب فى المعزيين معددا محاسن المرحوم كأنه أقرب الناس إليه ..
وفى سرادق العزاء ينبش سرا فى سيرة المرحوم !!
| |
 
|
|
|
|
|
|
|
|
Re: بتعرفوا الزول العفن ده ؟؟ (Re: صلاح أبودية)
|
وفى الأفراح ..
تجده فى أماكن النساء ..
يتلصص ويتربص متخذا الذرائع للدخول عليهن فى خلوتهن ..
حجته دائما عاوز كباية شاى أو قهوة ..
أو يدعى فى منتصف النهار أنه لم يفطر حتى الآن ..
آملا أن يجد إحداهن تبدل فى ملابسها ..
أو أخرى فى وضع راحة لا يخطر ببالها أن يدخل لهذا المكان ..
رجل أو حتى ولد صغير !!
وفوزه الكبير حين يدلف إلى مكان حفرة الدخان ..
مدعيا أنه يبحث عن حبل ليربط به الخروف أو العجل الذى أطلقه هو عمدا ..
ولو لم يجد لذلك سبيل ..
يدعّى أن الأكل لن يكفى المعزومين !
ويخلق ربكة كبيرة .. يا أخوانا العيش ده شوية ما بكفى !
التلج ما جابوه والناس ديل ما شربوا حاجة باردة !
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: صلاح أبودية)
|
أبو دية
السلام عليكم
ياخي زولك دا متوفر بكثرة
يمكن أن تراه في القرية الصغيرة
أو في حي في مدينة كبيرة
أو مرات مرات في الغربة
المصنع الذي أنتج مثل هذا الزول هو غياب سلطة المجتمع
تلك السلطة التي تضع المعايير الأخلاقية لأي مجتمع
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: صلاح أبودية)
|
| Quote: تلقيهو وين يا رحاب عشان تكفتيهو !!! |
عارفه يا سوسن البغيظ اكتر من الزول ده، الما يستحو علي دمهم و يسمحو ليهو يعمل كده،
خصوصا في حته تلقي الحجج عشان يدخل مجتمع نساء بصوره غير مقبوله
ولمن تستغربي، تكون الاجابه: ياخ ده ما فلان، ما غريب، قولي بسم الله
او، ياخي انتي مالك ظنانه كده، ان بعض الظن اثم، استغفري يا زوله
او، ياخي ده ما الطباخ، زاتو ما بكون فارز رقبته مننا
اما النسخ الاسفيريه، تتكفت بالكلام
بالوضوح، الحقيقه و المجابهه
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: Rihab Khalifa)
|
Quote: اما النسخ الاسفيريه، تتكفت بالكلام
بالوضوح، الحقيقه و المجابهه |
والله يارحاب النسخ الإسفيرية ديل ما مشكلة ..
بشوفوا صورة البروفايل بس !
لكن النسخ الحية بشوفوا صورة الأشعة زاتها!!
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: الطيب رحمه قريمان)
|
Quote: بتعرفوا الزول العفن ده ؟؟
طعّان ..
لعّان ..
مشّاء بنميم ..
حاسد ..
حاقد ..
سمج ..
لزج ..
إنتهازى ..
إستغلالى ! |
اطلب له من المولي عز وجل المغفرة والهدايا
كل انسان في هذة الدنيا فيه الخير وفيه الشر , بس دائما الخير يتغلب علي الشر
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: الطيب رحمه قريمان)
|
Quote: مثل زول ده موجود هذه الايام و بكثرة و فى كل مكان
لكن لا مكان له على الاطلاق فى البيوت التى يقف علي رأسها رجال بحق |
الأخ الطيب !
والله المشكلة إنو الرجال ديل زاتو ما بصدقوا لو قالوا ليهم فلان ده كده !
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: صلاح أبودية)
|
غايتو في المناسبات زمان كنا بنمسك الشاي
لأن البنيات العليهن دلال ومابغسلن العدة ولا
بقشن الواطة بدوهن الشاي،،
كنت تجدهن متأنقات بشكل مقصود ولا تفارق الإبتسامة
محياهن بغض النظر عن المناسبة ، زول شمبت ولا زول دبسوه!!
المهم ما كانت النظرة لينا كدا ، بالعكس ، كان لما يجي
زول دا يقول داير يشيل الشاي بقولوا ليهو في ناس عارفين
الناس الشربو والناس اللسسة،،
قبيح انت دا،،
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: Rihab Khalifa)
|
Quote: عارفه يا سوسن البغيظ اكتر من الزول ده، الما يستحو علي دمهم و يسمحو ليهو يعمل كده،
خصوصا في حته تلقي الحجج عشان يدخل مجتمع نساء بصوره غير مقبوله
ولمن تستغربي، تكون الاجابه: ياخ ده ما فلان، ما غريب، قولي بسم الله
او، ياخي انتي مالك ظنانه كده، ان بعض الظن اثم، استغفري يا زوله
او، ياخي ده ما الطباخ، زاتو ما بكون فارز رقبته مننا
|
تحية خاصة يارحاب !!
من البوليس (المدام)!
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: صلاح أبودية)
|
ابوالصلح سلامات
ياخ الزول ده ماخليت ليه جنبه يرقد عليها
لكن مااظن في زول تتوفر فيه المواصفات دي كلها
بعيدا عن احتمال حدوث خلاف او مشابكه بينك وبين واحد
توفرت فيه بعض من هذه المواصفات
هدي العب شويه يابن عمي شكلك طالع من معمعه
مع واحد خلاك تفكر في البوست ده
والاجمل تناولك للفكره من جميع نواحيها
رحاب
| Quote: ياخي ده ما الطباخ، زاتو ما بكون فارز رقبته مننا |
؟؟؟؟؟؟؟
ياريت لو شرحتي لينا الحته دي
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: محمد الطيب حسن)
|
Quote: بعيدا عن احتمال حدوث خلاف او مشابكه بينك وبين واحد
توفرت فيه بعض من هذه المواصفات
هدي العب شويه يابن عمي شكلك طالع من معمعه |
الأخ محمد الطيب !!
والله خلاص وصلت الحد معاو ...
وبعد ده حا أديهو فى حنانو زاتو !!
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: Rihab Khalifa)
|
Quote:
--------------
رحاب
Quote: ياخي ده ما الطباخ، زاتو ما بكون فارز رقبته مننا
--------------
؟؟؟؟؟؟؟
ياريت لو شرحتي لينا الحته دي |
بعدين يا محمد يا اخوي
طريقه الاقتباس مهمه
شكل الاقتباس العامله انت،
كاني انا القلت الكلام ده، في
حين انا جايباهو علي لسان
مجموعه معينه من الناس استدل
بيه، لحاجه استهجنتها
مالكم دايرين تجيبو لينا ناس الجندره المضاده 
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: صلاح أبودية)
|
نقدر نقول عليها (( حاله ))
- بتكون فى شكل مرضى للشخص المعنى
- او طيبه اوانها قد مضى لأناس كانوا اكثر منا نقاء و نظافه
- او حاله اجتماعيه تنبئ بالترهل و عد الانضباط السودانى الموروث
- احيانآ متعمده و لا ندرى ما بقلب يعقوب حينها حتى وقوع فأس ما على رأس ما
.................
مثلآ
| |
|
|
|
|
|
|
|
|
|
Re: بتعرفوا الزول العفن ده ؟؟ (Re: ابراهيم سائحون)
|
Quote: نقدر نقول عليها (( حاله ))
- بتكون فى شكل مرضى للشخص المعنى
- او طيبه اوانها قد مضى لأناس كانوا اكثر منا نقاء و نظافه
- او حاله اجتماعيه تنبئ بالترهل و عد الانضباط السودانى الموروث
- احيانآ متعمده و لا ندرى ما بقلب يعقوب حينها حتى وقوع فأس ما على رأس ما |
إبراهيم سائحون !
كلامك كلام زول بالو طويل !
لكنه عين الصواب !
شكرا للإفادة الرائعة !
تحياتى.
| |
|
|
|
|
|
|
|
|
|
كتير النوع دا (Re: صلاح أبودية)
|
الاسم دا ما غيروه يا الحبيب ..
بقوه شاي الناقتين أوالبعيرين ..
النوع دا كتير .. وبحتك معاهم كتير .. خاصة قاموا ليها الصير الجديد الله لا وراك .. لا بندقوا لا بنهدوا ..
تحياتي،،
جاد
| |
|
|
|
|
|
|
|
|
|
Re: كتير النوع دا (Re: JAD)
|
Quote: النوع دا كتير .. وبحتك معاهم كتير ..
خاصة قاموا ليها الصير الجديد الله لا وراك .. لا بندقوا لا بنهدوا .. |
جاد !
والله الصير هينين الكلام فى الجلاكين الما محترمين نفسهم ديل !!
| |
|
|
|
|
|
|
|
|
 Re: كتير النوع دا (Re: صلاح أبودية)
|
أبوصلاح,,سلامات يا حبيب,,| Quote: ورينى الزول ده أعمل فيهو شنو ؟ |
الزول دا تعمل فيهو الفى مزاجك وتدينا معاك فرقة كمان لو أمكن,,,,,عشان نشلّت شوية
ما تصرف معاهو عربى كتير!!شلتو بس!!!وما تسمع كلام الناس
القالو ليك كفتو!!! ما توسخ يدينك يا زول,,, شلت بس شلّت ياخ,,
تحياتى وما تنسانا,,,
| |
|
|
|
|
|
|
|
|
|
Re: كتير النوع دا (Re: أيمن الطيب)
|
ياصلاح ياأأخي زولي دا ما كتلته ..
والله ماغص مصاريني ..
المشكلة هسي ظهر من شاكلته بموضة جديدة ..
ياأخي ديل الحريم الما بيظهرو على الرجال ما نجو منه ..
وزي قول رحاب ..معليش دا ما فلان ..وما تظنه ساي احسنو الظن..دي روشتات نافعاه خالص وماخد راحته ..
البيغيظ كل الناس مغيوظة ..بس ساكته ..
| |
|
|
|
|
|
|
|
|
|
Re: كتير النوع دا (Re: أيمن الطيب)
|
Quote: ما تصرف معاهو عربى كتير!!شلتو بس!!!وما تسمع كلام الناس
القالو ليك كفتو!!! ما توسخ يدينك يا زول,,, شلت بس شلّت ياخ,, |
أيمن الطيب والله ريحتنى !!
حا أشلتو ومحل رهيفة تنقد !!
وبعدها حا أمشى أرقص عند راية الكورنر!!
| |
|
|
|
|
|
|
|
|
|
Re: كتير النوع دا (Re: صلاح أبودية)
|
Quote:
طعّان ..
لعّان ..
مشّاء بنميم ..
حاسد ..
حاقد ..
سمج ..
لزج ..
إنتهازى ..
إستغلالى ! .. |
المواصفات دي كلها في زول واحد ياخي دي في BMW الفئة السابعة مافي بعدين الناس البتحاومو حول النسوان ديل ماتخاف منهم خاف من الناس الفي الصيوان لووول يكه
لا نملك الا ان ندعو الله ان يهديه ويهدينا جميعا
اها يازول مرة مشينا عرس في الرياض العريس عندنا معاهو علاقة نسب اها في واحد اظنو زولك ده ذاتو بتحاوم حول الحريم وقاعد في نصهم اها معاي واحد مولانا زوجتو وبناتو من ضمن النساء اها قال الزول ده امشي اديهو كف ولا شنو المهم مشى ليهو قال ليهو ياخي نحن عندنا بنات جوه هنا لو عندك حاجة رسل بت خليها تعملها ليك او تنادي ليك الزول العاوزو بره اها صاحبك قال ليهو انا قريب العروس وديل كلهم قرايبي اها المولانا قال ليهو ياخي انت لو بترضى لي اهلك نحن مابنرضى المهم مولانا عصب قال ليهو والله ماتطلع انا امشي اقلع جلابيتي دي واقعد ام فكو في نص قريباتك ديل لووووووووووووووول يكه اها الراجل قام فصل شوية وابو العريس جه ساقو بره .
ومولانا قال لي ديل جماعة يناسبوهم ديل لووووووووول يكه
عشان كد يا الجماعة البتتحاومو نص الحريم ادو الجكس الخصوصية بتاعتو ولمن يطلعوا محل الحفلة بعد داك تكون دي قضية تانية
تحياتي
زاتوووو
| |
|
|
|
|
|
|
|
|
 Re: كتير النوع دا (Re: ALZOLZATOO)
|
Quote: اها يازول مرة مشينا عرس في الرياض العريس عندنا معاهو علاقة نسب اها في واحد اظنو زولك ده ذاتو بتحاوم حول الحريم وقاعد في نصهم اها معاي واحد مولانا زوجتو وبناتو من ضمن النساء اها قال الزول ده امشي اديهو كف ولا شنو المهم مشى ليهو قال ليهو ياخي نحن عندنا بنات جوه هنا لو عندك حاجة رسل بت خليها تعملها ليك او تنادي ليك الزول العاوزو بره اها صاحبك قال ليهو انا قريب العروس وديل كلهم قرايبي اها المولانا قال ليهو ياخي انت لو بترضى لي اهلك نحن مابنرضى المهم مولانا عصب قال ليهو والله ماتطلع انا امشي اقلع جلابيتي دي واقعد ام فكو في نص قريباتك ديل لووووووووووووووول يكه اها الراجل قام فصل شوية وابو العريس جه ساقو بره .
ومولانا قال لي ديل جماعة يناسبوهم ديل لووووووووول يكه |
قرقرقرقرقرقرقرقرقر
والله يا الزول زاااتو مولانا طلع زول ظريف وصعب فى نفس الوكت بس ده الصاح بالجد هههههههههههههههههههه
ابودية يا صلاح احوالك ياخ
شفت زولك ده اصلو يتدقه بس ما اكتر من كده عشان تانى يحترم نفسو ويبطل الكلام الفارغ البيعمل فيهو ده
| |
|
|
|
|
|
|
|
|
|
Re: كتير النوع دا (Re: شول اشوانق دينق)
|
| Quote: وبعدها حا أمشى أرقص عند راية الكورنر!! |
ههههههههههههههههههههههههههههههههههههههههههههههههههه
دابو السميناك صلاح ميلا ههههههه
______________________
اصلو دقيتو ولا جبت قون ياخ ههههههههههه
| |
|
|
|
|
|
|
|
|
|
Re: كتير النوع دا (Re: صلاح أبودية)
|
صلاح
يأخر يدو في السلام على المرأة لمسافة أكثر من اللازم حتى يتلذذ بيدها
يستغل طيبة السودانين في السلام بالحضن مع الجنس الآخر
يخلق ونسة مع الحريم ويفتح مواضيع سياسية وينتهي بمواضيع أخرى
يعرض خدمة على إنو يعرف فلان في الجوازات وفلان في الوزارة الفلانية صديقو الروح بالروح
يقول والله عايز زولة تختار لى شيلة من السوق عشان فلانة زوقا تمام.. ويستغل حكاية الشيلة في الونسة دا إذا كان هي مشت معاهو
يقول بمجرد المرأة ترد على السلام. بعد كدة بقدر عليها
يستغل جو الديمقراطية في البيت ويمشي فيهو لمدى مختلف
خاصة إذا ناس البيت بياكلو الوجبات مختلطة مع بعض
زي دا محتاج يعملو ليهو باب حوش خاص بالرجال وباب حوش خاص بالنساء
ومائدة منفصلة
وونسة بعد الغداء مافي
ولايدخل عدة الأكل بعد الغداء المطبخ
ولايمشي يزيد سكر لكابية شايو في المطبخ
وإذا يئس الزول يدق صدرو ويطردوا
لأنو مر يض نفسياً
| |
|
|
|
|
|
|
|
|
|
Re: كتير النوع دا (Re: منصوري)
|
منصورى !
تحياتى وشكرا للتشخيص !
| Quote: ولايمشي يزيد سكر لكابية شايو في المطبخ |
تصدق السكرية بتكون قاعدة فى الصينية!!
| |
|
|
|
|
|
|
|
|
 Re: كتير النوع دا (Re: صلاح أبودية)
|
صـلاح ابـوديـة سـلامـي و إحـتـرامـي
والله كل ما جاء في وصف الزول دا حقيقة و كلنا شايفنه و عارفناه لكن يا جماعة
حكاية حسمه دي بتكون صعبة خلاص لما الزول دا يكون بينكم و بينه علاقة قرابة !!
يجيك داخل جووووة الغرفة فجاءة كدا بدون إحم ولا دستور و البغيظ انك ما تقدر تحتج
ولا تفتح خشمك بحكم القرابة و صلة الدم .
و كلو كوم و طريقة السلام الممكن يسلم بيها عليك أحيييي انا مااااافي حل غير يتكفت
علي قول الواعية رحاب .
تحياتي ليك و لكل زوار البوست الموفق .
مـرفـق ودي
| |
|
|
|
|
|
|
|
|
|
Re: كتير النوع دا (Re: منصوري)
|
سلامات يا صلاح .
الغريبة أنو الزول العفن ده موجود فى كل الأوساط , مثقفين , بلطجية , بتاعين
حقوق انسان , بتاعين سياسة , بتاعين دين ...الخ , واضح انو التربية السيئة
هى التى تفرز هذه النماذج المشوهة من البشر , الحذر واجب فى التعامل مع هذه
النوعية ولا بأس من مد اليد ان لم تكن هناك وسيلة أخرى , أحد هذه النماذج كان
يتردد على البلاد التى نقيم فيها بزعم نشاطه فى مجال حقوق الانسان الشىء الذى وفر
له قدر من الاحترام لا يستحقه , وقد وجد طريقه لبعض الأسر التى أكرمته ووفرت
له المأوى والمأكل , وعند مغادرته حيث كان فى وداعه بعض الشباب انتحى بأحدهم
جانبا ودس فى يده باقى محتويات صندوق الكوندوم مع قوله مهمته انتهت وأنت شاب
قد تحتاجه , وان كان ذلك العفن يقصد أم لا فقد فسر البعض ذلك المسلك بأن لدى العفن
علاقة برية الأسرة التى استضافته , وقد تبين لاحقا أن هذه هى طريقة العفن فى التعامل
مع الآخرين , يسعى لتشويه صورة كل من أحسن اليه وتبين أيضا أن للعفن سجل حافل فى
التحرش الجنسى فى البلاد التى يقيم فيها .
| |
|
|
|
|
|
|
|
|
 Re: كتير النوع دا (Re: فيصل عثمان الحسن)
|
أبوصلاح ياخ معقولة بسQuote: أيمن الطيب والله ريحتنى !!
حا أشلتو ومحل رهيفة تنقد !!
وبعدها حا أمشى أرقص عند راية الكورنر!! |
طيب ما تريحنى وتشلّت وتدينا العقاب!!!
الزول دا لو ما عارفنّو زولك كان بدينا ليك حفلة الشلاليت لكن الزول زولك إنت ليك شرف ضربة
البداية,,
كترت الكلام وحرّقت روحنا ونحن برانا كرعينا ماكلاتننا
عليك النبى خلونا من تحليل الشخصية ودارسة آثارها الإجتماعية وسبل مكافحة الظاهرة!!!!الفيهو شينة والشينة منكورة وكلام ما بحلها,,,,
شلّت ياخ شلّت وكان ما داير تشلّت خلى الدايرين يشلتو يشوفو شغلم
| |
|
|
|
|
|
|
|
|
|
Re: كتير النوع دا (Re: أيمن الطيب)
|
Quote: عليك النبى خلونا من تحليل الشخصية ودارسة آثارها الإجتماعية وسبل مكافحة الظاهرة!!!!الفيهو شينة والشينة منكورة وكلام ما بحلها,,,,
شلّت ياخ شلّت وكان ما داير تشلّت خلى الدايرين يشلتو يشوفو شغلم |
أقول ليك حاجة يا أيمن !
شلت شلاليت !
| |
|
|
|
|
|
|
|
|
|
Re: كتير النوع دا (Re: فيصل عثمان الحسن)
|
Quote: وعند مغادرته حيث كان فى وداعه بعض الشباب انتحى بأحدهم
جانبا ودس فى يده باقى محتويات صندوق الكوندوم مع قوله مهمته انتهت وأنت شاب
قد تحتاجه , وان كان ذلك العفن يقصد أم لا فقد فسر البعض ذلك المسلك بأن لدى العفن
علاقة برية الأسرة التى استضافته , |
الأخ فيصل !
ما دى العفانة زاتها ..
وده أخطر العفنين لأنه يتمتع بالجراءة !
والتباهى بعفانته فى المجتمع !
| |
|
|
|
|
|
|
|
|
|
Re: كتير النوع دا (Re: منصوري)
|
Quote:
اقتباس من رد منصوري :
زي دا صعبة منو الفكة.عشان القرابة
لكن القرابة هو ضرب بيها عرض الحائط
وما عندو قشة مرة
أطردوهو.. طردة ظريفة كدة
أو طردة بقوة وقتما يستعصي الأمر |
يامنصوري.. الزول دا الطردة الظريفة ما بتنفع معاه ..
دا مستغل طيبة السودانين ..
شوف العالم دي كلها محروقة من زول صلاح العفن دا وساكته ..
لازم نفتش ليه حل جذري ..
اكيد عالم تانية ماقادرة تخش هنا مازية خالص منه ..
| |
|
|
|
|
|
|
|
|
|
Re: كتير النوع دا (Re: منصوري)
|
منصورى !!
لك التحية والود على المشاركة القيمة !
Quote: حتى الأطفال لم يسلموا من هذا الزول
حتى حديثه معهم مخلوط بجنس |
أها الزول ده بطريقتو دى حا يجيب لينا رقبة!
| |
|
|
|
|
|
|
|
|
|
Re: كتير النوع دا (Re: heba Elmahi)
|
Quote: والله كل ما جاء في وصف الزول دا حقيقة و كلنا شايفنه و عارفناه لكن يا جماعة
حكاية حسمه دي بتكون صعبة خلاص لما الزول دا يكون بينكم و بينه علاقة قرابة !!
يجيك داخل جووووة الغرفة فجاءة كدا بدون إحم ولا دستور و البغيظ انك ما تقدر تحتج
ولا تفتح خشمك بحكم القرابة و صلة الدم .
و كلو كوم و طريقة السلام الممكن يسلم بيها عليك أحيييي انا مااااافي حل غير يتكفت
علي قول الواعية رحاب . |
هبة !!
الجمرة دى حارقة الناس كلهم !
أبدو لينا بالكف الأول ..
الباقى بنتموا شلالايت !!
| |
|
|
|
|
|
|
|
|
|
Re: كتير النوع دا (Re: ALZOLZATOO)
|
Quote: عشان كد يا الجماعة البتتحاومو نص الحريم ادو الجكس الخصوصية بتاعتو
ولمن يطلعوا محل الحفلة بعد داك تكون دي قضية تانية |
الزول زاتو !
لك التحية .. المشكلة الجماعة ديل ما بصبروا..
لغاية ما الجكس يجيهم برّه !!
شفقانين شفقة الحرامى السرق التلفزيون ..
والمسلسل شغّال !
| |
|
|
|
|
|
|
|
|
|
Re: كتير النوع دا (Re: مبارك محمد عثمان)
|
| Quote: اها اكان خلصت من زولك ياعمك وفترت من ( الشليت) ادينا فرصة معاك |
مبارك !
تحياتى قلنا ندى ناس أيمن ديل فرصة ..
أصلهم حاجزين طوالى بعد كف رحاب !
| |
|
|
|
|
|
|
|
|
|
Re: كتير النوع دا (Re: مبارك محمد عثمان)
|
Quote: ياصلاح
ياخى روحى حرقتنى وانا منتظر دورى ... اسع ايدى ( اقصد كرعى) بدو ياكلونى |
مبارك !
باركوها ياجماعة نحن دايرين نعرف الزول بعمل كده ليه؟؟
والحل شنو ؟؟؟
تحياتى !
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
يا ابودية سلامات
والله بوست مبالغة
واما النوع البتحشر فى الحفلات لم تكون خاصة بالنساء يعمل فيها
بوصل كهرباء ولا شايل الساوند ، حكايتو حكاية ، والغريبة مرتو تكون
قاعدة والنسوان بقولو ليها اسمعى راجلك ده داخل هنا ليه ما رجالنا
كلهم قاعدين بره ولا وصلونا ورجعوا
ده بنسميهو
* حشــرونا
* غـزونة ( الزول البتغز فى كل شي )
| |
|
|
|
|
|
|
|
|
|
Re: كتير النوع ده شدييييد (Re: عبد الدائم سيد أحمد)
|
عبد الدائم !
ربنا يحفظ الأمورة !
Quote: والغريبة مرتو تكون
قاعدة والنسوان بقولو ليها اسمعى راجلك ده داخل هنا ليه ما رجالنا
كلهم قاعدين بره ولا وصلونا ورجعوا
|
قاعدين برة والله ما رجعنا ولا حاجة !!
لكن نسوى شنو؟؟
محترمين نفسنا لأننا ضيوف !
لكن بعد الحفلة فى كلام تانى !!
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
الأوصاف مجتمعة عشان لمن تلاقوا تعرفوا !!!
طعّان ..
لعّان ..
مشّاء بنميم ..
حاسد ..
حاقد ..
سمج ..
لزج ..
إنتهازى ..
إستغلالى !
عبيط ..
خشموا عريض ..
بسف صعوط !
قبيح ..
سنيح ..
خفيف ..
لفيف ..
وعامل فيها ظريف !
لا يعجب إلا بما يعيب الناس ..
ولا يعيب إلا ما يعجب الناس !
يأخر يدو في السلام على المرأة لمسافة أكثر من اللازم حتى يتلذذ بيدها
يستغل طيبة السودانين في السلام بالحضن مع الجنس الآخر
يخلق ونسة مع الحريم ويفتح مواضيع سياسية وينتهي بمواضيع أخرى
يعرض خدمة على إنو يعرف فلان في الجوازات وفلان في الوزارة الفلانية صديقو الروح بالروح
يقول والله عايز زولة تختار لى شيلة من السوق عشان فلانة زوقا تمام.. ويستغل حكاية الشيلة في الونسة دا إذا كان هي مشت معاهو
يقول بمجرد المرأة ترد على السلام. بعد كدة بقدر عليها
يستغل جو الديمقراطية في البيت ويمشي فيهو لمدى مختلف
خاصة إذا ناس البيت بياكلو الوجبات مختلطة مع بعض
عفن !
| |
|
|
|
|
|
|
|
|
|
Re: كتير النوع ده شدييييد (Re: مبارك محمد عثمان)
|
Quote: والله يا صلاح جننتنا جن ... ياخى ماقلنا
ليك كده من البداية .. اسع كان فشينا غبينتنا |
مبارك !!
إنت والله متسبب ساكت !
كان فى زول محرق روحك أمش شلتو !!
وبعد داك أطلع فى العرّاضة !
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
أبودية ...
سلام ..
فعلا شر البلية ما يضحك ..
عارف زولك دة ذكرني قصيدة زايلة خربانة أم بناين كوم يبكنوا البنات في جامعة الخرطوم وعلى ماأذكر منها
بعض الأبيات اللي بتقول :
في بصات الرحل أول الناطين
وإنت جات سيرة السكر تلقاه زي الطين ..
غايتو زي ديل بالكوم ولو عايز تعمل مجلد أنا مستعدة أساهم معاك ..
شكرا على هذا الموضوع الجميل...
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
(الأوصاف مجتمعة عشان لمن تلاقوا تعرفوا !!!
طعّان ..
لعّان ..
مشّاء بنميم ..
حاسد ..
حاقد ..
سمج ..
لزج ..
إنتهازى ..
إستغلالى !
عبيط ..
خشموا عريض ..
بسف صعوط !
قبيح ..
سنيح ..
خفيف ..
لفيف ..
وعامل فيها ظريف !
لا يعجب إلا بما يعيب الناس ..
ولا يعيب إلا ما يعجب الناس !
يأخر يدو في السلام على المرأة لمسافة أكثر من اللازم حتى يتلذذ بيدها
يستغل طيبة السودانين في السلام بالحضن مع الجنس الآخر
يخلق ونسة مع الحريم ويفتح مواضيع سياسية وينتهي بمواضيع أخرى
يعرض خدمة على إنو يعرف فلان)
بالاضافة للصفات أعلاه , العفن بتاع حقوق الانسان , مدعى وعامل فيها عارف
كل شىء , ومستعد يكذب فى سبيل اثبات أنو ملم , ويسعى على الدوام للفت أنظار
الغير خصوصا لو كان فى المجلس بعض النسوة فالعفن فى هذه الحالة يتجلى وتبان
مواهبه العجيبة فى مجال الخفة والرشاقة ,العفن بتاع حقوق الانسان مصاب بالنرجسية
ولديه اعتقاد بأنه أفضل من مشى على كوكب الأرض , فى واحد علق عليهو وقال الزول
ده بعتقد أنو لو ما هو هر على الأرض لفقدت خصوبتها .
| |
|
|
|
|
|
|
|
|
|
Re: كتير النوع ده شدييييد (Re: فيصل عثمان الحسن)
|
Quote: الزول العفن
ده بعتقد أنو لو ما هو هر على الأرض لفقدت خصوبتها . |
الأخ فيصل !!
لا حول ولا قوة إلا بالله !!
عليك الله أبعد لينا الزول ده من النيل !!
عشان ما نفكر فى العزوبة دى جاية من وين؟؟
| |
|
|
|
|
|
|
|
|
|
Re: كتير النوع ده شدييييد (Re: مجدي كنة)
|
الأخ مجدى كنّة
تحياتى وسلامى !!
Quote: في الشعبية انا بعرف تلاتة انت بتعرفهم برضو... وضاير اولادك
|
ناس الشعبية ديل يا مجدى أنا ما برضى فيهم !!
والكلام ده بجيب ليك هواء ... ضاير رقبتك !
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
آخر إبتكارات الزول العفن :
تدور إبتكاراته حول الموبايل !!
تلقاهو شايل الشاحن بتاع الموبايل ولافى من أوضة لـ أوضة !!
يا أخوانا البلك ده ما شغّال ؟
ولّ تلقاهو شايل الموبايل زاتو ولافى ..
يا جماعة ما عندكم شاحن نوكيا مشط ؟؟
ول تلقاهو بسأل من فلانة فى البكاء بعد ما إجتهد وجاب ليها ..
إبنها المتواجد بالعاصمة الغربية عشان يعزيها بالتلفون فى خالو !!
| |
|
|
|
|
|
|
|
|
|
Re: كتير النوع ده شدييييد (Re: jini)
|
jini
كيف حالك ؟
| Quote: أمَينا وإخلافا وغدرا وخسّة .. وجُبنا أشخصا لُحتَ لي أم مخازيا |
الزول العفن ده مابعرف بيوت الشعر ..
بعرف بيوت المناسبات وبس !!
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
كتب السليمانى :
Quote: بالمناسبه انا عرفتو....
ده فلان داك كلكم بتعرفوا
كدى فكروا شويه...؟
|
أظن كلنـا عرفناهو !
منتشر فى كل ربوع البلد ووديانها..
حضرها وبواديها !!
فى الأسرة وفى الحلة وفى مكان العمل !
بس أقول ليكم حاجة ؟
طولوا بالكم !!
| |
|
|
|
|
|
|
|
|
|
Re: كتير النوع ده شدييييد (Re: صلاح أبودية)
|
(أمَينا وإخلافا وغدرا وخسّة .. وجُبنا أشخصا لُحتَ لي أم مخازيا
المتنبى )
أبو الزفت , ياجنى بيت الشعر بتاع المتنبى ده حرم صالح لكل زمان ومكان .
وهذا يؤكد أنو الزول العفن موجود فى كل الأزمنة , ونحن قاعدين نكورك وقايلين
المسألة حكاية ظاهرة عابرة , لكن الزول العفن فى زماننا هذا ( فات الكبار والقدرو )
واستطاع أن يطور نفسه وفقا للعولمة وما هو متاح من وسائل المعرفة ويرتاد آفاق
أخرى كالعمل العام ومنظمات حقوق الانسان وغيرها , عشان كدة الناس لازم نطور
أدوات مكافحة الزول العفن عبر المساككة فى الأزقة والملفات والمنتديات , ولا بأس من
استعمال كل أدوات الردع الكفيلة بتأديب وتحييد الزول العفن , ضرب بالأيدى بالدراب
الملاحقة فى المنتديات ان كان الزول العفن يعد فى زمرة المثقفين .
| |
|
|
|
|
|
|
|
|
|
Re: كتير النوع ده شدييييد (Re: فيصل عثمان الحسن)
|
فيصل عثمان !
كيف حالك ؟
Quote: عشان كدة الناس لازم نطور
أدوات مكافحة الزول العفن عبر المساككة فى الأزقة والملفات والمنتديات , ولا بأس من
استعمال كل أدوات الردع الكفيلة بتأديب وتحييد الزول العفن , ضرب بالأيدى بالدراب
الملاحقة فى المنتديات ان كان الزول العفن يعد فى زمرة المثقفين . |
والله ما قصرت تب !
| |
|
|
|
|
|
|
| |
صلاح أبودية
عبدالوهاب علي الحاج
الطيب عثمان يوسف
جعفر محي الدين
طارق جبريل
Rihab Khalifa
الطيب رحمه قريمان
بدرالدين يعقوب
محمد الطيب حسن
Hassan Makkawi
عادل عوض بلال
طلال جبير جابر
Bakhaf
ابراهيم سائحون
الرشيد ابراهيم احمد
مبارك محمد عثمان
JAD
أيمن الطيب
Mohammed Ibrahim Othman
ALZOLZATOO
شول اشوانق دينق
منصوري
محمد السليمانى
heba Elmahi
محمد عبد الماجد الصايم
عبد الدائم سيد أحمد
عواطف ادريس اسماعيل
مجدي كنة
jini
فيس بوك
تويتر
انستقرام
يوتيوب
بنتيريست