|
|
 كرهتــــونا المنبر
|
بقدرة قادر من امس البورد بقي كله شفع ابتدائي ومرشحين رئاسة
الواحد شغال بربع مكنة من امس مع المنبر ده
فلان جاب كدة وفلان جاب كدة
ياخي كامل تضامني مع الناس اولادهم سقطوا مع انو اشك انو في تلميذ بسقط لو لقي حق الفطور والمدرسة في الزمن ده
وانا رئيس جمهورية نفسي
لي بعد الصلاة
|
|
 
|
|
|
|
|
|
|
|
Re: كرهتــــونا المنبر (Re: GamarBoBa)
|
يا ملكة
انا طبعا حسمع كلامك لانو بالجد ما هنيتهم
والف مبروك للناس العيالهم نجحوا ومزيد من التقدم
امس حاولت لكن غلبني ...كتار ياخ
تحياتي استاذة مني
| |
|
|
|
|
|
|
|
|
 Re: كرهتــــونا المنبر (Re: GamarBoBa)
|
الله يباركك يا موسى
لكل اهل الناجحين فرصة سانجة انه اهنيكم واهنيء أبنائكم جميعا بالنجاح بمن فيهم ابن فيصل نوبي "عجبتني مباركة بكري ابوبكر الراسه دايش ديك كيف"
المهم عجبنا النجاح وسر بالنا، لكن وحات ربي انا زيرو في الإجتماعيات اقبلوها مني كلكم بلا فرز.
من الاول لو الناس فتحت بوست واحد كانوا ريحونا...انشاء الله كلكم ناجحين..
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
يانوبي
انت سبب الاحولال الحاصل ده
يعني عبودي ده ضحكني لامن بهناك...سيد الفنايل ذاتو جاك شايل عدته
غايتو انا لو في محله بحذف البوست وبلحقك امات طه
لكن هو ما بقرا
ام ودالصائم ده انا مقاطع حملته الانتخابية ولو جا مؤتمر الاعلاميين انا برسل ليه انتحاريين
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
Quote: بالله عليك دي يا اميرة كلام مرشحة للرئاسة
|
ايوة دا كلامى كمرشحة عجبك ولا عجبك
ولحدى اسى انا ما قلت كلامى كمرشحة
| Quote: يعني لو الله هون ليك الشعب المسكين كلو يقع البحر |
المحيرنى هو الشعب دا قاعد لحدى اسى لشنو زاتو
| |
|
|
|
|
|
|
|
|
|
Re: كرهتــــونا المنبر (Re: ناذر محمد الخليفة)
|
| Quote: منتظرنك انتي وود الصايم تجيبوا ليهم سندوتشات سمك وحجار شيشة |
حجار الشيشة ما بعرفها لكن الشعب دا يلقى سندوشات السمك دى بس
والله ما يشتغل باالماشى لاهاى ولا الجاى من امريكا
انت بطل غيرة وتعال ادعم الحملة بتاعتى وان كان عندى تحفظات على وجود الرجال بعددية
كبيرة فى الحملة الانتخابية
| |
|
|
|
|
|
|
|
|
|
Re: كرهتــــونا المنبر (Re: Amira Elsheikh)
|
يا ناذر
كيفنك ياخ
البوست شايفه الا مسكتني منو حاجة
الزول مزمل ما بعرفني لكن انابعرفه زولي واشتغل لي كم اعلان قبل كدة والبعرفه انو اتعين جديد في زين...لو شديت معاه خفت ناس زين يركبوا التونسية
هسة انا اعمل شنو
الكلام محرقني وخايف علي الزول
محك ضيق
لكن بجي عليه ونشوف البحصل
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
Quote: الواحد شغال بربع مكنة من امس مع المنبر ده
فلان جاب كدة وفلان جاب كدة
ياخي كامل تضامني مع الناس اولادهم سقطوا مع انو اشك انو في تلميذ بسقط لو لقي حق الفطور والمدرسة في الزمن ده |
قمر بوبا
سلامات
كل التهاني والتبريكات للجميع بمناسبة النجاح والزواج والختان وخلافه، والتعازي الحارة لكل من له فقيد.
ألاحظ في المنتديات الأخرى، التهاني والتعازي وكل "الاجتماعيات" توجد في المنتدى الاجتماعي فقط.
في الآونة الأخيرة كثرة التهاني وكل ما يتعلق بالاجتماعيات في المنبر وبطريقة ملفتة للنظر؟!
المنبر مخصص لمواضيع أخرى، وأتمنى من الأخ بكري تفعيل "المنتدى الاجتماعيّ".
هل تصديق يا قمرنا، أحدهم كرهنا المنبر على قولك، لا يستحي اطلاقا، يتصل بالـ"ستات" ويسأل عن الأخبار، ويأتي ببوستات على شاكلة: فلانة ولدت، وأخرى دافقت، وثالثةفي انتظارها جراحة!!!!!!!!!!! تخيل؟
كل الشكر ياقمرنا وانت تلفت النظر لهذه النقطة وهي بطبيعة الحال جديرة بالانتباه.
تحياتي،،،،
| |
|
|
|
|
|
|
|
|
|
Re: كرهتــــونا المنبر (Re: الشيخ صالح محمد)
|
قمربوبا
شكلك كدا مدمن زيى..
عشان كدا بتزعل من العرقى المطنبج موية دا..
ياخوى ياحليل أيام النبيذ الصافى عندما كنا نجد سلوى وإبريقا ودنا فى هذا المنبر..
فهل نقوى على مصارعة هذا الإدمان ونكسر الإبريق والدن ونسكب على الثرى كأسنا?
| |
|
|
|
|
|
|
|
|
|
Re: كرهتــــونا المنبر (Re: Balla Musa)
|
بوبا المسنوح
انا في العزاءات بخمش لي اى تعية وبمشي سريع لصقها والطابق مستور . الليلة عملت لي مصيبة
اول مشيت بوست عزاء خمشت تعزية كاربة وطوالي نزلتها لال المرحوم ونسيتها كوبي ( يعني مخموشة) اها قمت مشيت لبوست تهنئة لطالبة شاطرة وانا افتكرت برضي خامش لي (كوبي) تهنئة كاربة . اتاري المحمول عبارات التعزية . اخوك راح فاتح التهنئة وكابي ليك التعزية كلها في التهنئة وما راجعتها وعملت (رد) اها جونى ضيوف شغلوني وطلعت معاهم . بعد دقائق جاني اتصال من عمك كمال وراني الحاصل . وحياة ديني الغداء قدام الجماعة خليتو ولحقت الشغلانية .
لقيتني كيف؟
| |
|
|
|
|
|
|
|
|
|
Re: كرهتــــونا المنبر (Re: الطيب شيقوق)
|
وين يا قمر بوبا
طولنا الشوفه
هي يا ود امي لكن ما جابو نمر تستحق المباركه ... و انت شكلك كده
لما كنت في مرحلتهم قبال مئات السنوات الاسفيريه و الضوئيه ... شكلك
كده قديت ... و الحكايه دي مغلطه عليك لي أسي
خليك فرييييييييييييييييييييييييييييييييي
لكن والله تعبنا .. بس الله يزود الافراح
ود شيقوق ما بالغ في الخمشه؟؟؟
| |
|
|
|
|
|
|
|
|
|
Re: كرهتــــونا المنبر (Re: الطيب شيقوق)
|
انا فتحت تهنئة للتومات
حيفرحن جدا جدا بعد ابوهن ابو صلعة يوريهن البوست
ويقول كدي يطبع منه نسختين واحد لارشيف التومة احسان واحد لايمان
بعد خرطومية سنة لما ينسو امتحنو سنة كم ذاتو
يجو يفتحو الارشيف يلقو داك يا البوست..
شوفتا كيف؟
اي طفل عنده بوست يخصو.
حبة "سغالة" البوستات بتتفتح بالاختبار
بس عديها ولا اخد اجازة ذي الباخدها انا لما يكون الهلال ولا المريخ لاعب..
مبروك النجاح للجميع..
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
Quote: كل التهاني والتبريكات للجميع بمناسبة النجاح والزواج والختان وخلافه، والتعازي الحارة لكل من له فقيد.
ألاحظ في المنتديات الأخرى، التهاني والتعازي وكل "الاجتماعيات" توجد في المنتدى الاجتماعي فقط.
في الآونة الأخيرة كثرة التهاني وكل ما يتعلق بالاجتماعيات في المنبر وبطريقة ملفتة للنظر؟!
المنبر مخصص لمواضيع أخرى، وأتمنى من الأخ بكري تفعيل "المنتدى الاجتماعيّ".
هل تصديق يا قمرنا، أحدهم كرهنا المنبر على قولك، لا يستحي اطلاقا، يتصل بالـ"ستات" ويسأل عن الأخبار، ويأتي ببوستات على شاكلة: فلانة ولدت، وأخرى دافقت، وثالثةفي انتظارها جراحة!!!!!!!!!!! تخيل؟
كل الشكر ياقمرنا وانت تلفت النظر لهذه النقطة وهي بطبيعة الحال جديرة بالانتباه.
تحياتي،،،، |
يا صالح بكري ده جرب كل الحلول وقفل علي شكل المنبر الحالي
في المنتديات التانية التقسيم ليه مبررات هنا لا اعتقد ..وثم هو مرتاح كدة والموضوع ماشي معاه باسطة
بس الناس كمان تتعاون لفكرة البورد انو ما يغرقوه بخبر واحد
تسلم صالح للمرور والمداخلة وكن بخير
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
يا بلة
صدق الرقم جلاّ
مالك قلبت البوست بار بار كدة
وشنو الدن والثري ديل
غايتو كرطاني اطلب حماية من المرشح كاروشة في مداخلتك دي
انتو وين خضر حسين
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
شيقا
شيقاااااا
يالعريريب بقيت تجاوك ردود التعازي والمسرات كوبي بيست
ياخي ما تتصلح مع الناس دي وتدي كل ذي حق حقه
البركة في عمنا غايتو مكتفك بالحياة
تحياتي للعم كمال لينا زمن منو
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
بت الهنا
وجودك هنا يا بت السرور ليه طعم ايام زمان
تعرفي يابت يا هنا
انا جبت المجموع الكامل الا درجتين ولذلك مستغرب شوية لفرحة البورد بشفع الابتدائي ديل ..الوالد الله يسلمه قال لي فقدت الدرجتين ديل في شنو وما اداني احساس بالفرحة قال لي خش نضف الدكان ده ورتب المخزن، وده كان جزا وعذاب الله اكبر، مع انو عارف تحت تحت انو متكيف من نتيجتي
هسة نتيجة زي دي شي هدايا لابتوبات وشي اجهزة موبايل ومؤتمرات صحفية وصور جرايد وتبريكات منابر زي دي.
هيييييي...دي بقت مدارس يا جدعان
غايتو الله يغفر ويسامح
بت الهنا ما تغيبي وعليك الله جيبي معاك ناس شيري وبت قضيم وود عزة ومريود وكوستا وبقية العقد الفريد من (العجايز)
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
دكتورة بيان
كيفنك
انا معاك قد يكون الارشيف فرحة لجيل قادم
لكن تقولي شنو في المعقدين الزينا
كل الناجحين ليهم تهانينا...والسقطوا ياخ هارد لكم ماهو منكم من العليكم
والهلال والمريخ ديل زااااتهم انا بأجز ليهم زيّي زيك لكن الجمهور مشاغب
لو فتحنا ليهم بوست صدقيني بردمونا حجر ودراب
كوني بخير دكتورة
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
غايتو انا اصلو ماخدة عهد على نفسي .. اصلي ما ببارك .. و ما بعزي الا فى الشديد القوي ....
ياخي ماتوا لي كم زول و اتزوجت وولدت ... ومشيت للموت و جيت كم مرة ,, يوم لا حكيت و لا بكيت فى البورد دة :-)
لكن نحن السودانيين مفهوم ال boundaries عندنا ما موجود.... و العام و الخاص كله صايطنه في بعض ....
| |
|
|
|
|
|
|
|
|
|
Re: كرهتــــونا المنبر (Re: Outcast)
|
الله يخليك يا outcast
يا جماعة براحة فكروا في كلام outcast
و من غير زعل
البورد دا بورد عام 90% من الناس هنا لا شافت بعض
يعنى مواضيع الاسر دي خلوها بعيد شوية
| |
|
|
|
|
|
|
|
|
|
Re: كرهتــــونا المنبر (Re: Outcast)
|
Outcast
تحياتي
| Quote: لكن نحن السودانيين مفهوم ال boundaries عندنا ما موجود.... و العام و الخاص كله صايطنه في بعض .... |
خلينانتفق انوالتعاطي مع المنبر بختلف من شخص لآخر
البعض يعتقد انو منبر بوصل من خلاله رسالة سياسية
والبعض اجتماعية
ورياضية
ووغيرهم
لكن
شخصيا في التعازي لو وجدت تعزية امامي بعزي وزي ما قلتي انتي يوم من الايام ما بشر لي شي خاص هنا وكثير من الاعضاء كذلك
وبعض الاعضاء الذين يتميزون في مجال عملهم يجب ان نهنئهم وهم مفخرة لنا مثل حسين نوباتيا وعاصم الطيب
يبقي تعاطي الشخص مع المنبر علي اي اساس هو ما يجب احترامه
وضد الاغراق وزي ما قلت حنين للبلد يلموهم في بوست واحد
تحياتي Outcast
| |
|
|
|
|
|
|
|
|
|
Re: كرهتــــونا المنبر (Re: الطيب شيقوق)
|
لقاك نيلة في نيلة .. ات يا عرريب السجم بكان ما اقبل القاك لابد .. دة بوست بتاع واحد رطاني قريبي وبحكم العنصريةوالجهوية والهامشية (ما ليها دعوة باية حاجة تانية ) والسن بقي بتاعي يعني انا بقول ليك فز ولملم مخلايتك وبراطيشك ووريني قفاك .. عرريب بكان ما نمشي ياااخ ؟؟... انا ماشي ايسلندا في الحر دة واوع القاك او اي عرريب تاني هناك ..كرهتونا العالم ذاتووو ...
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
| Quote: وانا رئيس جمهورية نفسي |
ياقريبي
حد يقدر يقول حاجة ؟؟؟ انت خلاس امنع الامتحانات والانتخابات وخلي شراب زيت الخروع الزامي بشان مافي زولا يهوب ناحية البنبر وانت ما تزعل وتكتب وتقرا برااااك ....انا باعمل لاولادي زي ما عملو اهلي يمتحنو وينجحو ويشتغلو بطريقتم ..لي هسع مافي زولا قالي ياباشمهندس من كل عموم الرطانة والبرابرة ..دة كلام .. وتقولي رئيس جمهورية يعني الواحد يبقي خورباتشوف ...ولايهمك
| |
|
|
|
|
|
|
|
|
|
Re: كرهتــــونا المنبر (Re: ود الباوقة)
|
Quote:
غايتو انا اصلو ماخدة عهد على نفسي .. اصلي ما ببارك .. و ما بعزي الا فى الشديد القوي ....
ياخي ماتوا لي كم زول و اتزوجت وولدت ... ومشيت للموت و جيت كم مرة ,, يوم لا حكيت و لا بكيت فى البورد دة :-)
لكن نحن السودانيين مفهوم ال boundaries عندنا ما موجود.... و العام و الخاص كله صايطنه في بعض .... |
لو عملوا منبر خاص بالاجتماعيات بكون احسن من تحول المنبر لجمعية تعاونية!ما فضل لينا الا الختة عشان تتشاكلوا فى الصرفة الاولى والخيرة!
آوت كاست مبروك وكفارة وحمدالله على السلامة والبركة فيكم باثر رجعى وانشاء الله ايامك الجاية كلها أفراح
جنى
| |
|
|
|
|
|
|
|
|
|
Re: كرهتــــونا المنبر (Re: Outcast)
|
آووووووووووووووت كاست
يا يمة اليوم السعيد الليلي جابك
كاتبتي المفضلة لغاية ما دخلتي البوست دا(وش مادي لسانو)
بعد عرفت انك ما عزيتني في الوالد رحمه الله...
انا بفتكر البورد دا ذي قرية اسفيرية
تتواصل الناس انسانيا فيه في كل المسارات
واقول ليك انا حسيت بفخر وسلوان شديد جدا لما الناس كولها باختلاف
اتجاهاتها وشكلاتها عزونا في ابونا رحمة الله عليه
وحسيت اني عندي مئات الاخوان والاخوات
كما ان البورد بقى يلعب دور الاعلان ذي الصايح
في القرى وهو زول يسير بحماره في القرية والقرى المجاورة يعلن عن الموت
اورورووك الحي الله والدايم الله فلان الفلاني راح في حق الله
فيتقاطر الناس للمشاركة في شيل الاسية...
ولذلك المآتم والافراح تكون عامة ولا دخل للخاص والعام هنا
بخصوص المرضى نحن اتربينا على ان الدعوة افضل بلسم
ودي برضو مافيها خصوصية لو دعينا جماعيا لزول بالشفاء..
ولكم جميعا المودة..
| |
|
|
|
|
|
|
|
|
|
Re: كرهتــــونا المنبر (Re: د.نجاة محمود)
|
الاخوان ناجي وجني شكرا للمرور والاتفاق علي جزئية الاخت اوت كاست وهي جزئية صريحة وتعبر عن قطاع عريض للبورداب هو النأي عن الخاص في منبر عام
لكم تحياتي
الاخت اوت كاست مرة اخري بالعكس ليس هنالك watering down أو (تمييع) كما تعتقدين أنا فقط شرحت وجهة نظر الاخرين في تعاملهم مع البورد واتفق معك في جزئيا ان الخاص يجب ان يكون خاصا الا اذا كان الخاص يمس العام كتفوق بعض الاعضاء الذين بيننا والذين يستحقون الاشادة اما التعازي فالرحمة للراحل وسودانيتنا توجب علينا ان نعزي ...مثلك تماما مرت علي اتراح وافراح وكنت حريصا ان تظل هذه الاشياء خاصة بي.
شكرا لوضوح فكرتك ورفضك الخاص في منبر عام.
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
عمنا المهندس
صباح الخيرات ياخ
| Quote: حد يقدر يقول حاجة ؟؟؟ انت خلاس امنع الامتحانات والانتخابات وخلي شراب زيت الخروع الزامي بشان مافي زولا يهوب ناحية البنبر وانت ما تزعل وتكتب وتقرا برااااك .... |
الاصل في التعامل مع البورد عندي القراءة وليس المساهمة بالشكل الكبير...لكن لما تجي تلقي الدنيا مقلوبة فوق تحت والاخبار تتطاقش في حدث واحد ما عندك حل غير تعلق علي الحدث وتشوف رأي الاخوان والاخوات
تحياتي
هدونقا تيق..
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
Quote:
قمر بوبا.
اها الكهرباء ان شاء الله انتظمت .. |
ود الباوقة
ياخي مرحبتين والله
واليهلي مايولي
الكهربا منتظمة يا عمك
قف
تهانينا لولاة امرنا وهم يمدوننا بالكهربا الدافعين حقها مقدما
تهانينا يا ود الباوقة وانت تطمئن علي اوغاد الشعب مثلي من انتظام التيار لديهم
انت يا ود الباوقة؟؟
شايفك في بوست سد الشريك قلت ليهم منتظر معاكم الاخبار
يعني انت ما عارف الحاصل يا باوقة
ياخي انا قايلك في المجلس العشريني بتاع ولاية نهر النيل تقوم ترجي التقارير زيك وزي مولانا خدر المعارض؟؟
نصيحة اخوية...زحوا من البشريات والمواطنين وخليكم في السياسة...الموطنين ديل بمسكوا البوست بمطوا عشرة صفحات ودونك بوست الكهربابتاع محمد فرح والاتصالات بتاع ناذر الخليفة
ابقي طيب
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
دكتورة
تحياتي وشكرا للمرور وتوضيح مفهم التعاطي الاجتماعي مع البورد مرة اخري وهذا رأيك ايضا وانتي واضحه فيه
صورة بروفايلك كبيرة يمكنك استخدامها مصغرة اذا رغبتي بذلك
تحياتي
| |
|
|
|
|
|
|
|
|
|
Re: كرهتــــونا المنبر (Re: Outcast)
|
أميرة الشيخ هووي
البرش بوبا القمر بي اللبن بنرشو بي .......
وينك أميرة مختفية
بس عشرة ريالك دي .. ودسعرا ماعندنا ليهو رقبة
بوبا شنو الجفا
منتظرين ولا كترة الطلة بتمسخ خلق الله
تيحاتي لكما يا رائعة ورائع
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
Quote: أميرة الشيخ هووي
البرش بوبا القمر بي اللبن بنرشو بي .......
|
هلـا هـلـا يا الكلس
والله كمان لو جاني ناذر الخليفة اداني بيت من بتاع ناس تمساح العشاري والبحر البشربوه والسما نقدها علي الايمان تب بكون ضمنت معاك مساندة دار جعل في صفي
البورد ده الا اخليه ليكم هبوت
ابو احمد
والله متلوم معاك
لكن والله دي دخلتي البيت مورم من السخانة والشغل الميداني الايام دي
حجيك والله يا ابواحمد
معزتي وودي
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
قمر بوبا
والله غبت لي كم يوم كدا من المنبر جيت لقيت ليك الحكاية هايصة
ماعرفت أعمل شنو وما قادرة أعمل حكاية المغتربين الأول ما يجوا
من السفر يمشوا المناسبات سواء فرح او حزن لقيتها صعبة علي
اها في النهاية غايتو قررت ما أعمل أي شئ وأعمل رايحة شديد
ــــــــ
بيني وبينك أصلها الروحة حاصلة هههههههههههه
| |
|
|
|
|
|
|
|
|
|
Re: كرهتــــونا المنبر (Re: انعام عبد الحفيظ)
|
يا انعام مساء الخير
Quote: والله غبت لي كم يوم كدا من المنبر جيت لقيت ليك الحكاية هايصة
ماعرفت أعمل شنو وما قادرة أعمل حكاية المغتربين الأول ما يجوا
من السفر يمشوا المناسبات سواء فرح او حزن لقيتها صعبة علي
اها في النهاية غايتو قررت ما أعمل أي شئ وأعمل رايحة شديد
|
ارفعي بوست معناه هنا اهنئ الجميع واعزي الجميع
ولا تقري كتير ولا ترهقي روحك
بعد عشرة سنة خدمة هنا اكتشفت انو اسهل شي انو الزول يرفع بوست
الموضوع شنو ما مهم
بعالج شنو برضو ما مهم
المهم ترفعي بوست والسلام
تحياتي لانعام المرشحة برضو
| |
|
|
|
|
|
|
|
|
|
Re: كرهتــــونا المنبر (Re: GamarBoBa)
|
في غرض البوست
شفع الابتدائي والحمد لله ناموا
مرشحين الرئاسة فكل من استيقظ مبكرا رشح نفسه
ديل موضوعهم بقي مكشوف
الكرهونا البورد المنبر ناس الكهربا
بلا خجلة تاني فتحوا بوستات طويلة عريضة
حنجيكم بالتفصيل
لبكرة بس
| |
|
|
|
|
|
|
|
|
 Re: كرهتــــونا المنبر (Re: GamarBoBa)
|
هوي يا قمر بوبا أوعى كمان ببوستيك دا تفشّل لي حملتي الإنتخابية ديك؟؟؟
ــــــــــ
بجيك بكره بالسكة أتفاهم معاك بس انشاء الله كهربتكم تكون ما قاطعة هههههههه
| |
|
|
|
|
|
|
| |
GamarBoBa
محمد عبد الماجد الصايم
Muna Khugali
فيصل نوبي
الطاهر ساتي
ناذر محمد الخليفة
الشيخ صالح محمد
Balla Musa
الطيب شيقوق
Outcast
abubakr
jini
خالد علي محجوب المنسي
انعام عبد الحفيظ
فيس بوك
تويتر
انستقرام
يوتيوب
بنتيريست