كان طه الضرير والطيب ود ضحوية في طريقهما إلى أبو دليق ، وكان طه يبحث في اللاب توب خاصته في الإنترنيت بال Wireless. وكان يبحث عن رد من محبوبته. فوجد رداً قصيراً. فأنشد قائلاً:
شديت ال Pentium واصبح يبرطع جايط ال Internet دقش قلبتو صايت صايت على ام شعراً حلال ما طولنو وسائط وعطشان الغرام ما برونو 2 K.Bite
فرد عليه الطيب قائلاً: الفيك يا طه Virus والله الكريم الشافي ومفيدك طبيب حتى إنبقيت Mc Kafi غير لخلوخة الهرفة أم قليباً جافي وأركز للتجيك يا طه Options مافي
استسلم طه وأنشد: إيميلك وصل زود علي الهم والفكر انشغل ال Ram عليك وال ROM يالصلاح جميع أنا والحبيب نتلم ويا ساكن الضريح سيدى الحسن Dot Com
الليلة ام شلوخ لاقيتا عند ال Chat و Virus ضرب قلبي ومحى الفايلات يوم شافني الفقير البكتب البخرات Defrag ما بفيد أحسن To Reformat
بعد ما كت فقير بخراتي Word و Excel دقشتني أم رشوم خلت درايفي إختل Mother Board القلب الكان زمان Intel بقى Chipset رخيص كل ما ربطو أنحل
Mother Board القلب الكان زمان Intel بقى Chipset رخيص كل ما ربطو أنحل
الخبر الأكيد اليلة جابو ال Yahoo وقال ست البنات إيميلنا مي طارياهو ست القوام Hardware نظامو براهو غرامك Virus الهجعة البقرض الجاهو
لذلك فهي دعوة للجميع لمجاراة شعر العولمة و ال IT ذلك .. فهل من مشارك ؟؟
أن من يومك الأبيت ترسل لى فيهو الصور إياها فى الإيميل زعلان منك وقلت أصلوا ما بدخل أقول ليهو الحاجات الحلوه دى بتجيبا من وين ؟؟ وإن شاءالله مافى زول إفشش ليك غبينتك عشان أنا لى هسى مغبون
06-08-2009, 07:18 PM
Nasruddin Al Basheer Nasruddin Al Basheer
تاريخ التسجيل: 12-09-2005
مجموع المشاركات: 4083
Quote: أن من يومك الأبيت ترسل لى فيهو الصور إياها فى الإيميل زعلان منك وقلت أصلوا ما بدخل أقول ليهو الحاجات الحلوه دى بتجيبا من وين ؟؟ وإن شاءالله مافى زول إفشش ليك غبينتك عشان أنا لى هسى مغبون
أسامة: أنت كنت عايزني أرسل ليك الصور من غير ما تدفع حق الظرف و الطابعة كمان ؟؟؟!!!
تحية وسلام لك صعب ان تجد من يفيدك وحتى القوقل رغم ان النص موجود في النت وقد كتب هذا النص في عام 2006
لنا منبر خاص في منتدى النافذة لصاحبه عبدالله الاسد مختص بشعر الهمباتة نكتب فيه مساديرنا وهي قصائد مستحدثة وباقلامنا نحن وعلى منوال الرباعيات القديمة للدوبيت
هذا النص كتبة الاخ الدكتور عصام الاسد والذي يكتب باسم krinka وهو مقيم بالامارات العربية وشقيق الااخ الباشمهندس عبدالله الاسد اليك برابط النص وبقية القصائد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ممدوح أبارو
أسامه الكرور
Nasruddin Al Basheer
ياسر بيناوي
فيس بوك
تويتر
انستقرام
يوتيوب
بنتيريست