|
Re: بعدك الفريق اصبح خلا ياتامبا........(توجد معزات) (Re: حيدر حسن ميرغني)
|
Quote: تمبس يستاهل محبتنا
|
حيدرنا ....
ياخ والله تمبس قدر ما الناس تختلف معاهو ويمد لسانو الطويل دا شرق وغرب
تلقى محبتو عند ناس كتار زايدة..وانا واحدة من الناس ديل
بس هنا الناس بتلخبت الكيمان ودى المشكلة...
Quote: غايتو بكري لوما سحب البوست ده يكون عندو فيني رأي |
وبعدين ياحيدر انا معاى ولا مع الخيانة??
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: GamarBoBa)
|
Quote: تمبس ود الحلة اللى بيقعد فى اللستك مكفكف جلابيتو السمنية وخاتى السفة بمزاج ويقوم سدارى لاولاد الحلة البعيدة اللى بيجوا يشاغلوا بنات حلتو تمبس نجار, ينشر احزان الناس ويرميها فى تلج النفس المطمئنة وطلبة بناء, يناول طوبة وراء طوبة ويبنى بيت للسكينة تفقدو بالليل وتلقاهو مافى, تعرف بعدين انو كان بيحفر فى الجابرة لمثوى الحبوبة الاخير تمبس, سواق الحافلة, يشغل ليك الغنا السمح تلقى الحافلة كلها صبحية عرس
تمبس – كمسارى بص ابورجيلة- يضارى فى البنات من الواقف سدارى هناك يشاغل فى الصبية الناهد فيها شوق الحياة تمبس مافارقة معاهو, يودو البص كلو للنقطة, المهم مافى زول يغلط على بنية
تمبس الخدرجى, يفرش خضار روحه ويديها للمساكين ويرجع البيت غابة انسانية,
تمبس سيد الدكان, حلاوة حربة شوق طفولته يديها للصغار, والطحنية للبنيات, والبن للجارات, مافرقت معاهو, كان جردوا الدكان وخسر, المهم تمبس كسب نفسو..
تمبس, طالب فى الجامعة, طالب معرفة وعلم وطريق لبكره قلمو فى جيب جعفر وكراسو فى شنطة البت الحلوة ديك جعفر ده منو مافارقة والا البنية ديك فارقة لانو تمبس بيعملها مع كل الطلبة, وبينحاز بشكل خاص لبنات الضهارى واولاد الريف
تمبس اللى بيسك الحرامى, يقبضو ويجيبو البيت ويقاسموا العصيدة اللعملتها امو فى يوم ماطر يقسم معاهو السفة ويخمس معاهو السيجارة ويقولو ليهو قوم فرتق,
تمبس تلقاهو فى نص المظاهرة.. يهتف عشان الناس الطيبة وفقرانه وعشان تخدر ضرعات البلد ويتملى شطرها حليب عداله
يمشى الجامع يصلى وتلقاهو بالليل فى الحلفة عجاجة فرحو قايمة فى دارة الحلة الحفلة اللى بيرص كراسيها, بيرش ترابها لاقدام الحمام, بيدق الصيوان, ويعرشو بقش روحو للامهات, اللى بيجهزن فى اكل العرس يتفق مع الفنان, ويحاججو بمنطق الفرح, ويشرف شخصيا على عشاء الفنانين تمبس يخلى عرضتو ويقوم بعضلات تبش السماحة يجر الولد اللى جنو يعبى الشكلة فى الحفلات, تمبس يدق فيهو شواطين شرو, يقوموا من الواطة وينطف معاهو بنطلونو ويجى معاهو راجع يشاركو الرقصة والضحكة
تمبس يمشى الحجاز, يشتغل ويرسل القروش عشان البيت والاخوات ويشترى فى الهديمات والتياب لنسوان الحلة وفى قلبو تلمع دبلة الحبيبة, آمانة ماجاك بلد ياحبيتو, بلد ليهو مليون وش اسمو تمبس
يقعد يناقشك, لايوق زى ويكة حقول خريفها تريان بمحبة ناس الريف تزهجو يقوم بكش الولد يكاوش على كوتشينة حراق روحك تلقاهو بيلعب فى {الضمنة} وضمانة حياتو وسط الناس يلعب وخاتى باقى سيجارة وراء اضانو ويصحى فيهو شوق النجار يخمسها مع الوليدات ويخمش سفة ويكفكف جلابيتو السمنية ويغنى ويعبيك فرح
شرامى نحو الحياة ومقرم نحو الناس ودروبهم
مليون وش= مليون ميل مربع
تمبس لاقيتو فى دروب كتيرة مشيتها شفت فيهو اخوى, ود الجيران, النجار, الخدرجى, وبتاع الطبلية الجاى من ضهارى البلد شفت فيها الصديق اللى بتلقاهو وقت الضيق وشفت فيها اخوى ود امى وابوى
تمبس عندو مليون وش.... ليها منحازة, بكل تناقضاتها الجميلة وحية.. |
يخيل لي كلام إشراقة في بوستيها : تمبس عندو مليون وش ياعصام....... ده السبب!! مشى خور بكري .. أو لا يمكن إضافة رد فيهو لأنو موجود في الصفحة الثانية ولا توجد بداخلة أيقونة (رد) ... وسيذهب هذا أيضاً .. وأنا كتبت أربعة بوستات حول ذات الأمر .. المصيبة صاحب الحوش عامل ما شايف وما فاهم ورغم أنف الكل ( تمبس مفقود هنــا للكل ) .. تسلمي يا ستي
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: د.نجاة محمود)
|
Quote: وب على البورد بقى مافيه حنية محبتي يا بنية يا عثل |
انتى الاعثل(ث دى عليها شدة)
والله الحنية فيى يا بت امى الا الغبار العالق دا يسوى ليهو شنو
كل ما تجى مطرة نقول شوية تفرق الكتاحة تانى تقوم من جديد
عشان كدى لمن جيتى هنا بقول ليك
النبى فيك تختى الكورة واطة ... وخلى النسمة الباردة تغشانى
وبعدين عينك ما تشوف الا الحنية..
والله كلنا واحشنا الولد ابو لسان دا
___________________________________ المهم وصلتى كيف ؟وكيف البنيات
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: شول اشوانق دينق)
|
Quote: يضارى فى البنات من الواقف سدارى هناك يشاغل فى الصبية الناهد فيها شوق الحياة تمبس مافارقة معاهو, يودو البص كلو للنقطة, المهم مافى زول يغلط على بنية |
تمبس بعد الكلام دا حقو يحرد عديييييييييل اقول تاني ماني راجع
هييييييييييييييييييع ،،،
________________________________________________________
أميره الشيخ نتمني استمرار هذا البوست الروعه --مع إنو شكلو مفااارق!!!!
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: السيد المسلمي)
|
Quote: بعدك الفريق أصبح خلا يا تمبا.. |
لم أعرف الأخ/ تمبس (علاء الدين) سوى من خلال كتاباته ومداخلاته القوية وهو رجل يجيد فن الكتابة وكنت كلما دخلت على البوست أبحث عن كتابات تمبس وردوده على الآخرين قد نختلف معه ونتفق معه ولكنه يبقى هو فاكهة هذا المنبر.
من خلال هذا المنبر الحر ومن باب العدالة نطالب بفك التسجيلات وعودة السيد/ العملاق - تمبس - نتمنى أن يستجيب الباشمهندس بكري بدون أدنى إنتظار ، وللأخت صاحبة هذا البوست كثير الشكر.
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: ميسرة سيد أحمد)
|
Quote: لم أعرف الأخ/ تمبس (علاء الدين) سوى من خلال كتاباته ومداخلاته القوية وهو رجل يجيد فن الكتابة وكنت كلما دخلت على البوست أبحث عن كتابات تمبس وردوده على الآخرين قد نختلف معه ونتفق معه ولكنه يبقى هو فاكهة هذا المنبر.
من خلال هذا المنبر الحر ومن باب العدالة نطالب بفك التسجيلات وعودة السيد/ العملاق - تمبس - نتمنى أن يستجيب الباشمهندس بكري بدون أدنى إنتظار ، وللأخت صاحبة هذا البوست كثير الشكر. |
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: عمر صديق)
|
أختي الأميرة / أميرة الشيخ ، تحياتي وتقديري،
Quote: ابوى السعدابى وتحتو الشجر كابى....
بسجل معزاتى للولد الموردابى......
اى زول يجى شايل بقج محباتو معاهو ...غير كدا مابنستقبل زوار... |
القومة ليك والتجلة وانتي تنافحين عن سيد الاسم (تمبس) ونسأل الله أن يرد غربة باسوورده ويعود إلينا معافى ويستمر في تألقه عبر حوش بكري الماهل .
ويا أخونا بكري .. العشم فيك تب ما انقطع فلا تكسر بخواطرنا جميعا: (نوبة وزنوج وبجا وحلب) ً
شكراً ليك ويديك العافية ويطول عمرك .
مودتي ،
( ليمو )
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: abdulhalim altilib)
|
أخي ود الصايم تحياتي يا عمكـ ،
Quote: غايتو الواحد كان ما اغتال ليكم تمبس دا ما برتاح! |
قف .. نحن من خلفكم نشد من أزركم .. اغتالوا الخونة بكلاشنكوف من حديد ؟!! والزارعنا غير الله اللجي يقعلنا ؟!!
أخي / ميسرة سيدأحمد:
Quote: لم أعرف الأخ/ تمبس (علاء الدين) سوى من خلال كتاباته ومداخلاته القوية وهو رجل يجيد فن الكتابة وكنت كلما دخلت على البوست أبحث عن كتابات تمبس وردوده على الآخرين قد نختلف معه ونتفق معه ولكنه يبقى هو فاكهة هذا المنبر.
من خلال هذا المنبر الحر ومن باب العدالة نطالب بفك التسجيلات وعودة السيد/ العملاق - تمبس - نتمنى أن يستجيب الباشمهندس بكري بدون أدنى إنتظار ، وللأخت صاحبة هذا البوست كثير الشكر. |
قف .. نحن معكم قلباً وقالباً .. ومن باب العدالة نطالب بمنح ود الصايم الفرصة لتنفيذ مهمة اغتيال علاء ويرتاح عالم بكري الاسفيري من (ود الحلة) تمبس !!
؟؟؟؟؟؟؟؟؟ !!!!!!!!!!!!!!!!!
مودتي ،
( ليمو )
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: abdulhalim altilib)
|
أختي إشراقة ..
اسمحي لي ألقط كلامك الطاعم داك في تمبس وأنزلو تاني هنا .. لأنو زيو أصلو مالاقاني وما حايحصل ! ولن نقول وداعاً لتكسير التلج !! ولكن نقول : يسلم ضراع يراعك وتسلمي إنتي قبليهو .. ويسلم لينا حبيبنا تمبس ويعود لينا بالعديل والزين .
Quote: الى تمبس...... حالة صعبة لمن الاخت تكسر لاخوها التلج....
تمبس ود الحلة اللى بيقعد فى اللستك مكفكف جلابيتو السمنية وخاتى السفة بمزاج ويقوم سدارى لاولاد الحلة البعيدة اللى بيجوا يشاغلوا بنات حلتو تمبس نجار, ينشر احزان الناس ويرميها فى تلج النفس المطمئنة وطلبة بناء, يناول طوبة وراء طوبة ويبنى بيت للسكينة تفقدو بالليل وتلقاهو مافى, تعرف بعدين انو كان بيحفر فى الجابرة لمثوى الحبوبة الاخير تمبس, سواق الحافلة, يشغل ليك الغنا السمح تلقى الحافلة كلها صبحية عرس
تمبس – كمسارى بص ابورجيلة- يضارى فى البنات من الواقف سدارى هناك يشاغل فى الصبية الناهد فيها شوق الحياة تمبس مافارقة معاهو, يودو البص كلو للنقطة, المهم مافى زول يغلط على بنية
تمبس الخدرجى, يفرش خضار روحه ويديها للمساكين ويرجع البيت غابة انسانية,
تمبس سيد الدكان, حلاوة حربة شوق طفولته يديها للصغار, والطحنية للبنيات, والبن للجارات, مافرقت معاهو, كان جردوا الدكان وخسر, المهم تمبس كسب نفسو..
تمبس, طالب فى الجامعة, طالب معرفة وعلم وطريق لبكره قلمو فى جيب جعفر وكراسو فى شنطة البت الحلوة ديك جعفر ده منو مافارقة والا البنية ديك فارقة لانو تمبس بيعملها مع كل الطلبة, وبينحاز بشكل خاص لبنات الضهارى واولاد الريف
تمبس اللى بيسك الحرامى, يقبضو ويجيبو البيت ويقاسموا العصيدة اللعملتها امو فى يوم ماطر يقسم معاهو السفة ويخمس معاهو السيجارة ويقولو ليهو قوم فرتق,
تمبس تلقاهو فى نص المظاهرة.. يهتف عشان الناس الطيبة وفقرانه وعشان تخدر ضرعات البلد ويتملى شطرها حليب عداله
يمشى الجامع يصلى وتلقاهو بالليل فى الحلفة عجاجة فرحو قايمة فى دارة الحلة الحفلة اللى بيرص كراسيها, بيرش ترابها لاقدام الحمام, بيدق الصيوان, ويعرشو بقش روحو للامهات, اللى بيجهزن فى اكل العرس يتفق مع الفنان, ويحاججو بمنطق الفرح, ويشرف شخصيا على عشاء الفنانين تمبس يخلى عرضتو ويقوم بعضلات تبش السماحة يجر الولد اللى جنو يعبى الشكلة فى الحفلات, تمبس يدق فيهو شواطين شرو, يقوموا من الواطة وينطف معاهو بنطلونو ويجى معاهو راجع يشاركو الرقصة والضحكة
تمبس يمشى الحجاز, يشتغل ويرسل القروش عشان البيت والاخوات ويشترى فى الهديمات والتياب لنسوان الحلة وفى قلبو تلمع دبلة الحبيبة, آمانة ماجاك بلد ياحبيتو, بلد ليهو مليون وش اسمو تمبس
يقعد يناقشك, لايوق زى ويكة حقول خريفها تريان بمحبة ناس الريف تزهجو يقوم بكش الولد يكاوش على كوتشينة حراق روحك تلقاهو بيلعب فى {الضمنة} وضمانة حياتو وسط الناس يلعب وخاتى باقى سيجارة وراء اضانو ويصحى فيهو شوق النجار يخمسها مع الوليدات ويخمش سفة ويكفكف جلابيتو السمنية ويغنى ويعبيك فرح
شرامى نحو الحياة ومقرم نحو الناس ودروبهم
مليون وش= مليون ميل مربع
تمبس لاقيتو فى دروب كتيرة مشيتها شفت فيهو اخوى, ود الجيران, النجار, الخدرجى, وبتاع الطبلية الجاى من ضهارى البلد شفت فيها الصديق اللى بتلقاهو وقت الضيق وشفت فيها اخوى ود امى وابوى
تمبس عندو مليون وش.... ليها منحازة, بكل تناقضاتها الجميلة وحية. |
تمبساية صغنونة:
أختي المشرقة دوماً / إشراقة : يطول عمرك مع العافي،
أميرة وإنعام ورجاء وراوية وداليا ود. نجاة و كل شكاراتو سمعن قولك وقالن سي بدن شكرو وقالن ليك يمين كل القلتي في (تمبس) قليل وقليل وما قارب عُشُر عُشرو ..
وعلى قول دكتورنا الشاعر النحرير ود بادي العكودابي :
تمبس .. قالوا أماتو مو دابن .. عقاب التيه ما بهابن .. حناضل المره شرّابن .. وشكاراتو سمعن قولى قالن سى بدن شكرو .. وقالن لى يمين ما قلت فى (وهبه) كلام قدرو.. وكل القلتو فيهو قليل وما قارب عُشر عُشرو.. الصهالة والوقالة والرقالة وام غره هو ركابن .. الجهنية والقطنية والمحوية وام درة الباريها حلابن.. العشاية والشاشاية والسباية وام ضرة لى ضيفانو بسخابن.. المزروعة والمقروعة والمفدوعة لا برة متمسح ديمة قيسابن.. المفزوعة والمقلوعة والممنوعة بالمرة كان من مافى جيابن.. راكب الفصلوا انسابن ودايما قدمو فى ركابن.. اسود الغابة غلابن وبعرف يكسر انيابن.. حلفوا الشافوا قدحو الحار وشافو كتار وماهو كضب .. قالوا وساعو مركب زان يشيل اطنان وخرسو هلب (موردابي).. جفير سكينو دمو ينز .. وداك برادو واسكت كب .. اهل السايحة والمتراوحة خاتمة وعاقبة بى قدامو سوا درب .. ده ماهو كتير على (تمبس) ولداً َمَربَّى على ضفاف النيل.. ويوم ولدوه دفنو ابواتو صرتو فوف مراقد (الاسفير) ..
مودتي ،
( ليمو )
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: Ishraga Mustafa)
|
Quote: والله يا اميرة اللى جابنى حقارة بكرى دى فينى يعنى يخلى بوستيك ده ويجمد حقى ماتامبا ياهو تمبس ولا شنو النبى
|
الليلة ووووب يا شروق مالك يابت امى
الفراش ياهو الفراش كان عندى ولا عندك
وان كان انا زاتى زعلانة عشان البوستات الاتحزفت دى
يعنى مش حقك براهو(انتى اخير تجميد)... قالو اى زول قال تا .. بس... ماخلوها يتمها
كف جف اتناش....
بوستينى دا غايتو الا امشى لى لفكى يحوطو لى .. اى زول بوستيك لسة قاعد..؟
بوستيك دا بكرى ماشافو ...وبوستيك وبوسيتك وبوستيك لما شكيت انا زاتى
لكن يا شروق بوستيك شوف عينى الناس لابساهو تميمة فى رقبتها وحايمة
بيهو ونسمتو جاتنى بااااااااااااااردة يعلم الله ويشهد
وكم زول جا جدع لى اللنك هنا لمن قلت ماشاءالله عينى باردة
غايتو الحاجة البعرفها انى مشتاقة ليك شديد
وطمعانة شديد فى انى الاقيك قريب .. شفتى الرجالة دى كيف ؟؟
__________________________________________________________
لكن مسالة اتوسط ليك لبكرى دى مش عصرتى على فيها شديد
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: abdulhalim altilib)
|
Quote: ويا أخونا بكري .. العشم فيك تب ما انقطع فلا تكسر بخواطرنا جميعا: (نوبة وزنوج وبجا وحلب) ً
شكراً ليك ويديك العافية ويطول عمرك .
|
ليمو سلااااااااام يا اخوى
تعرف كلمة اختى دى عجبتنى ومش عجبتنى وبس كمان حسيتها شديد
اختى ويا ود امى وبت امى ويا صاحبى دى كلمات حنينة ومليانة
وبتهبشك فى قلبك وخاصة لو الزول نشاء وسط جو فيهو ناس كتار اهل واصحاب
وجيران وحبان ..
شكلى بقيت اهضرب لكن الكلام الفوق دا عندو علاقة بالولد الاسمو تمبس
وانشاءالله يكون عندنا خاطر عند بكرى ياليمو
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: ميسرة سيد أحمد)
|
Quote: وكنت كلما دخلت على البوست أبحث عن كتابات تمبس وردوده على الآخرين قد نختلف معه ونتفق معه ولكنه يبقى هو فاكهة هذا المنبر.
|
الاخ ميسرة مرحب بيك
شفت قد نختلف وقد نتفق دى هى المفترض نستوعبها كويس
لكن هى فى ناس مع او ضد .. ودى سبب الازمة ..
Quote: من خلال هذا المنبر الحر ومن باب العدالة نطالب بفك التسجيلات وعودة السيد/ العملاق - تمبس - نتمنى أن يستجيب الباشمهندس بكري بدون أدنى إنتظار |
اها يابكرى كلام ميسرة دا وقع ليك؟
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: Tabaldina)
|
Quote: والله يا اميرة الرقيب* خوفنا عديل ماسح لى 4 بوستات ثلاثة لتامبا وواحد لوهبة ..
|
قبلك ووحدك يا قول حبوبة..
باين عليك سوابق...
والله كان الواحد يعمل اعلان مصاحب للبوست ويقول
اى زول ادين فى بوست يمس قضية تمبس ما يجى داخل هنا
لكن باين البوست اجلو قررررب....
اى زول بقى يجى يتشكى لى فى بوستينى دا
الله بينى وبينكم..
تبلدينا المشاغب كيفك
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: عز الدين بيلو)
|
بت الشيخ ســـلامات ... مشتاقين وكده .... يعني إلا يوقفوا تمبس ده عشان تظهري ولا كيف ؟ لا أحب أن أتكلم عن نفسي ... ولكن فقط أقول بان تمبس علامة فارغة في هذا المنبر ... أتمنى من الريس بكري أن يفك أسر تامبا وحميــده وميادة ووضاحة ... وكل الموقوفين ليكتمل الشمل وتعم الفرحة البورد .. دعمي بلا حدود لتمبس وحميده .... وفي إنتظار تكرمك ياريس ....
شكراً بت الشيخ ... وتمبس يستاهل أن يفتح له ألف وألف بوست ...
| |
|
|
|
|
|
|
Re: بعدك الفريق اصبح خلا ياتامبا........(توجد معزات) (Re: عماد محمود علي)
|
Quote: أتمنى من الريس بكري أن يفك أسر تامبا وحميــده وميادة ووضاحة |
لا حولا ديل كلهم موقوفين .. ما كلمتونى ليه .. هم هببو شنو ؟ .. حميدة آخر ما قريت ليه كان سمح بالحيل ..
سلام يا بت الشيخ ..
غايتو نصيحتى لى بكرى .. المورداب ديل الحبس بزيدم شراسة .. ما بجوا إلا بالتى أحسن ..
تمبس بجيكم بوريه ليكم ..
نختلف ممكن ولكن نتفق ضد التكميم والإقصاء .. نعم لعودة علاء
| |
|
|
|
|
|
|
|