|
|
 قول كلمة حلوة...... لتلك المرأة الحلوة
|
عيد الام
يوم حداشر مايو
الاحد
عبر لهذه المرأة الجميلة عن تقديرك
للبن ثديها
وحضنها الدفىء،
ومهدها المريح،
شيل حجرها،
الاسم الذى نادتك به
واطعام الفم
،وقبلة الصباح
وعين العجب
والمناغاة ،
وحق الفطور،
وبسمة اللقاء
،ودمعة الفراق،
ودعوة القلب،
والتمنيات الصادقة
، والدفاع المستميت،
والحب ، التلقائى ، كضوء
وانها لم تقبل بك غير غزالة فى عينها
وغرة فى راسها ، وفلذة فى كبدها
تامل فكرتها البسيطة العميقة ، تأمل شقاءها من اجلك
فهى تحبك ان فعلت وان لم تفعل
اعطها وردة، او قبلة ، او كلمة طيبة
فانها تقبلك بها او بدونها
اعطها عرفانا او دعوة
فهى تدعو لك ان فعلت ام لم تفعل
ترحم على قبرها ، او على روحها الطاهرة
ان كانت قد رحلت
فهى راضية عنك ان فعلت او لم تفعل
اصغى لصوتها لحظة واحدة ، فهى محبة لك سوى ان فعلت ام لم تفعل
بادلها جزءا يسيرا من حبها لك
فانك لن تستطع ان تبادلها كل الحب
على اى حال
قول كلمة حلوة ، لتلك المرأة الحلوة
فهى تحبك ان قلتها ام لم تقلها
|
|
 
|
|
|
|
|
|
|
|
Re: قول كلمة حلوة...... لتلك المرأة الحلوة (Re: HOPELESS)
|
كل سنة وانت طيبة يا أمي
امي صديقتي وحبيبتي وكل دنياي
وكل سنة وانت طيبة
ياكل ام سودانية وعربية
الى الامهات العراقيات الائي مر عليهن العيد وهن يعانون ويلات الحرب
كل عام وانتم بخير وفي اليد زهرة
وفي الفم بسمة
وفي الجبين قبلة
وانتي كمان يا تماضر كل سنة وانتي طيبة
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: Tumadir)
|
بسم الله الرحمن الرحيم
الغالية الأم تماضر
سلام وإحترام
هذه بعض الأبيات كتبتها قبل سنة تقريباً أتمنى أن تفي بعض من حقوق الأم
أمــي
***********
إمرأة رحلة
إمرأة قِبلة
سيدة فضلى
هي أمي
(عائشة) حمداً لله
جاءت في إستحياء خجلا
مثقلة بالخوف لإول وهلة
وحين أكتشفت أنها حبلى
بدت الرحلة
تسعة أشهر أو إلاّ
جاء المخاض يعلن طفلا
وكنت أنا ذاك الطفلا
وكنت الأحلى
حيث البكر هو الأحلى
وتمضي الرحلة
وفصالي في أكثر من عامين
وحبوت أكثر من عامين
خطواتي كانت وحلا
وأمي تنظر تتأمل
ترسم خطوات المستقبل
تغوص في أحلام عجلا
تحلم بي رجلا
كم عانت من أجلي
كم سهرت ليلا
كم أعطتني من قبلة
فرشت أحضانها لي ظلا
كنت ممراضاً أشكو العلة
أملك جسداً متهالك نحلا
وتمضي الرحلة
لكي ولأمي ولجميع الأمهات أطيب المنى وأرق التحيات
| |
|
|
|
|
|
|
|
|
 Re: قول كلمة حلوة...... لتلك المرأة الحلوة (Re: بدرالدين شنا)
|
أخي بدر الدين
كلمات رائعة وجميلة وأبداً ما بتشبهك والله يا بدر الدين لو عصرت على نفسك شوية كان بقيت زي جرير ولا الحطيئة وكلماتك دي بينها وبين الشعر الجاهلي شارعين بس ، والقصيدة دي لو وقعت في يد حرمكم المصون أكيد حا تشلخك عشان تزيد عطشك على عطش وبعدين إن شاء الله تشرب سفن أب.
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: almulaomar)
|
بسم الله الرحمن الرحيم
الملا عمر الرجل الثروة
سلام وإحترام يا حبيب
أشكرك على الكلمات الطيبات بحق القصيدة ولا أخفي عليك أن لدي ما لايقل عن 30 قصيدة لم تر النور
المدام ما بتشلخني لسببين
الأول : هي يتيمة وبتحب أمي لدرجة الجنون
الثاني
هي برضو ختينا ليها حروفها في كيس وأديناها ليها
لك حبي وتقديري أيها الرائع دوماً
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: Tumadir)
|
وحاتك ما بخت عنوان
وما بكتب اسم إنسان
ما برمي الجواب في بريد
ومابديهو .. لي زولا كمان في الأيد
كفاية أقيف
وأنقش في جناح الريح
كلامي الدايرو يوصل ليك
يخلي الريح تترتر
في المسافة عروس
تحيل كل الصحارى بروش
مضفرة بي سعف بلدي
مرسلة ليك .. يا أمي
| |
|
|
|
|
|
|
|
|
 Re: قول كلمة حلوة...... لتلك المرأة الحلوة (Re: جبران)
|
فتحت البريد
لقيته
صاحبي المرهف محمد الرشيد
يشاركني حتي حب أمي
ست الحبايب
يسالنى عنك الاحساس
وافتش ديمه بين الناس
اقول يمكن اشوف شبهك
يمين بالله ما لاقيت
شبيهك يمه بين الناس
شبيهك فى البشر معدوم
جمالك انتى مخلوق خاص
شبيهك لسه ما خلقوه
شبيهك انتى عندى الماس
افضل اقارن الاتنين
بينك وبين جميع الناس
اقارن بالشكل مره
ومره اقارن الاحساس
الاقى الفرق جد شاسع
لانك يمه انتى اساس
واحسن ربى فى التعظيم
جعل من رضاك اساس
ويزيد من حبه ليك سيدنا
الخله الجنه ليكى مداس
كتير من القصص امثال
تمجد فيك باخلاص
بقولو الجنه من حظه
ده بس لو كان يقبل راس
متين القاك يايمه
عشان ما اطرد الوسواس
واقبل فبك من قدمك
لقايت اعلى هامت الراس
اقبل فيك من غير عد
الا ان افقد الاحساس
اكون جد فزت بالاتنين
رضاك وحب جميع الناس
اخوك / محمد الرشيد
احبك ..يا أمي
تماضر
شكرن للحب ده
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: جبران)
|
لها كل التقديس وخلاصة الحب
لها العشق الطاهر النبيل
الذي لا ينقضي بالتقادم
لها اصدق الدعوات من القلب
حيثما كانت
ولنا منها ضوءا لا ينطفي
وكل سنه وانت كما عرفتك
انقي واطهر من عرفت
مثلا فوق الثريا قدوة
توزعين علينا رعاية الله دعاء
من فوق سجادتك الخضراء
عند السحر واطراف الليل
تغطين ابنتك البكر وحفيدتك بغطاء من رحمة وشفقة
التحية لك لا تنقطع والتسبيح والدعاء لك ولكل ام
عبرك
حفظك الله
دعاءا يمتد اليك واليهن في مقامك
| |
|
|
|
|
|
|
|
|
 Re: قول كلمة حلوة...... لتلك المرأة الحلوة (Re: Tumadir)
|
الاخت العزيزة تماضر
سلمت يا ست الواجب وانت تذكرينا بالواجب في زمنا الزحمة دا
استعير هذه الابيات لشاعرنا الكبير حميد
ضراعك يرمي ما يدمي
تقيفي بعيد عن الشمات
تكوني اقربي لي من اسمي
واضمك بارتياح يا أمي
واحبك صاح
وصاح حلمي
ولاكي سعية للضباح
ولا شمس الصباح حزمي
ولا كتف الصباح سواح
ولا نزف الجراح ألمي
لها التحية تلك الغالية امي ،،، ولك الشكر والتقدير تماضرنا
شرووم
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: Tumadir)
|
قال فنان النوبة مخاطبا امه
يوينا فددو سيمى
صراحة قيقو تيمى
ايقا جللى كو
جللى ايقانى
وهى
امى الحنينة
اقول لك الصراحة
انا مشتاق اليك
فهل انت مشتاقة لى
او كماافهمها انا فالترجمة ليست حرفية وبالطنبور
تقطر الكلمات عذوبة فى وصف الام وبيان حبها
ومن هنا وبتنبيه تماضر اقول
انين ويافينا ممباسي دسن جللو كو
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: abuguta)
|
قصيدتك جميلة و معبرة يا ابو قوتا ما عدا الجملة التالية: الهنود أصل الجمود، و لا ادرى لما تعتقد ذلك؟ ام هى ضرورات القافية؟
كما تلاحظ هذه الجملة فيها تعميم و فيها اتهام بالجمود، و فيما اعلم التعميم وو صف شعب كامل بصفة سالبة امران لا يتفقان مع المنطق و الواقع
ارجو ان نسمع توضيح منك فى اقرب فرصة ممكنة حتى لا نظلم شعبآ قدّم الكثير للحضارة البشرية منذ فجر التاريخ
مع فائق تقديرى و احترامى
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: almulaomar)
|
تماضر
انتو عيد الام عندكم مالو متاخر
نحن احتلفنا 21 مارس
بس ليت الايام كلها عيد ام
لنحاول ( وعبثاً نحاول ) ان نرد لها قليلاً من دينها في رقابنا
امي لو القاها
اتنعم برضها
دي بالمناسبة غنية في اسبتيتون قناة الاطفال
كل ما اسمعها ابكي
تسلمي يا ستي لي اولادك
وتسلم كل ام يارب
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: Tumadir)
|
بسم الله الرحمن الرحيم
من البورد الجميل اهدي امي هذه الرساله
احبك جدا يا امي والكلمات تعجز عن مدى حبي لك والعرفان بجميلك ولا كل الحب الموجود في الدنيا لا يساوي قطره من شلال حبي لك والان يا امي ماذا افعل لكي ارضيك فرضاك عني يساوي عندي كل شي في الدنيا
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: noha_g)
|
تعالوا شوفوا اولادى عملوا لى شنو؟؟؟
بسمع فى الوسوسة من امبارح
يسرى جابت لى زرعة ووردة
والكلام دة مكتوب فى ورقة انيقة وملون
My Mom is special because:
she is always there for me in performances and at school. She even makes homework easy.
I like it when my Mom makes lots of jokes and makes me laugh a lot.
My Mom can do many things! I think she's best at drawing, she drew me once.
My mom has a pretty smile! I like to make her smile by being Student of th Month and Student of the Week Twice.
My Mom is as pretty as a blooming flower in May.
My Mom is smart! She even knows 4 numbered multipication
محمد طبعا دة ولدى الرسام
عمل لى كرت جميل فيه شخصية كاريكاتير بتقول لى
Happy Mother's Day.
وسيرين بتى الهميمة
جابت لى شنطةوجزمة طقم يا بت قضيم ، مزاجك الاول والاخير
وسارية ولدى الفالح
ضرب لى تلفون من الداخلية ، قشة عينومن النوم
عشان يقول لى بحبك يا ما ما
اشكر كل المشاركين فى هذا البوست على الحتة من قلبهم الهودها لاماتهم
واكتر بشكر الرسلوا لى اهداءاتهم واتذكروا فيها امومتى انا
ادام الله الحب فى قلوبنا
والرافة والوفاق
وكل عام وكل الامهات بخير
وكل امهات العالم ، والسودان وكما دعا عادل عثمان
قريرات الاعين
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: Tumadir)
|
رسالة الى مريم محمود
ياوالدة يا مريم ... يا عامرة حنية
أنا عندي زيك كم ... يا طيبة النية
بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق
والعسكري الفراق ... بين قلبك الساساق
وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني
دايماً تقيليني وفى العين تشيليني
ألقاه عز الليل قلبك يدفيني
ضلك عليَّ مشرور قيلت فى سنيني
أنا لو تعرفيني لو تعرفي الفيني
أنا كم بحبك كم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
طول النهار والليل فى عيني شايلك شيل
لكني شادّي الحيل لا خوف عليَّ لا هم
هاك قلبي ليك منديل الدمعة لما تسيل
قشيها يا مريم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
كم من حبيباً ليَّ كان مالي بينا دروب
ما ودع الحبان ما وسدوه الطوب
حي قولي ما حي ووب
حي قولي ما حي ووب
ما خلى ساعة الموت يمه السرج مقلوب
اتشتت الرصاص فى جسمو واتقسم
لاقاهو يتبسم والحولو حيله وكان
ريحة صباه تتشم
زي التقول يومداك يوم العرس يادوب
قال أنا ما بجيب الشين أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
يمه السجن مليان رجالة ما بتنداس
الختو قبلي الساس والشالو هم الناس
والفات وليدن ليهو ما مسكو الكراس
ما سمعو يتكلم ما نحن عود الفاس
فرسان حمى وحراس فى الحارة نتحزم
عشم القدر ما كاس ما لاقى بيت يتلم
عشم الطواه الجوع المتعب المعدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما تقولي شن سويت ما تبكي شن سويت
غير البطمن ناس بى همهم ساويت
فارس مع الفرسان حارس بلدنا البيت
أخواني علو السور أنا طوبة ما ختيت
ديل من زمن تاتيت لامن كتبتَّ قريت
عرقنا ياما يدر يمه اللبن والزيت
الكسرة والكراس لى قشة الكبريت
تقولي جيداً جيت راجع مع الفرسان
فايت الحدود واسيت
وتغني يا مريم لينا وتجري النم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: Tumadir)
|
رسالة الى مريم محمود
ياوالدة يا مريم ... يا عامرة حنية
أنا عندي زيك كم ... يا طيبة النية
بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق
والعسكري الفراق ... بين قلبك الساساق
وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني
دايماً تقيليني وفى العين تشيليني
ألقاه عز الليل قلبك يدفيني
ضلك عليَّ مشرور قيلت فى سنيني
أنا لو تعرفيني لو تعرفي الفيني
أنا كم بحبك كم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
طول النهار والليل فى عيني شايلك شيل
لكني شادّي الحيل لا خوف عليَّ لا هم
هاك قلبي ليك منديل الدمعة لما تسيل
قشيها يا مريم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
كم من حبيباً ليَّ كان مالي بينا دروب
ما ودع الحبان ما وسدوه الطوب
حي قولي ما حي ووب
حي قولي ما حي ووب
ما خلى ساعة الموت يمه السرج مقلوب
اتشتت الرصاص فى جسمو واتقسم
لاقاهو يتبسم والحولو حيله وكان
ريحة صباه تتشم
زي التقول يومداك يوم العرس يادوب
قال أنا ما بجيب الشين أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
يمه السجن مليان رجالة ما بتنداس
الختو قبلي الساس والشالو هم الناس
والفات وليدن ليهو ما مسكو الكراس
ما سمعو يتكلم ما نحن عود الفاس
فرسان حمى وحراس فى الحارة نتحزم
عشم القدر ما كاس ما لاقى بيت يتلم
عشم الطواه الجوع المتعب المعدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما تقولي شن سويت ما تبكي شن سويت
غير البطمن ناس بى همهم ساويت
فارس مع الفرسان حارس بلدنا البيت
أخواني علو السور أنا طوبة ما ختيت
ديل من زمن تاتيت لامن كتبتَّ قريت
عرقنا ياما يدر يمه اللبن والزيت
الكسرة والكراس لى قشة الكبريت
تقولي جيداً جيت راجع مع الفرسان
فايت الحدود واسيت
وتغني يا مريم لينا وتجري النم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
| |
|
|
|
|
|
|
|
|
|
Re: قول كلمة حلوة...... لتلك المرأة الحلوة (Re: شرير والبرتقاله)
|
التحية والحب والتجلة ل
1- اسماء
يومه بت السرة الحنونة الولود الودود ،اشتاق لحضنك الملاذ ،اشتهي ايدك الطاعمه ، لاناملك المخضوبة دومآ وهي تداعب فروة راسي وشعري الكثيف حتى انوم مطمئنآ وحالمآ ،واصحى بالضحكات المجلجلة فاذا بي محلوق ،اشتاق لسماع دعواتك في الهزيع الآخير من الليل والى ان تشرق شمس يوم جديد،وصلاتك وابتهالاتك
،،حتى وانت زعلانة تدعيني ب العافية التملاء جوفك ، ويطمن قلبك
يومه اسومه ،اقسم انها اجمل واروع أم في الوجود
2- أم الثورة السودانية
المناضلة فاطمة احمد ابراهيم،منها تعلمنا الكثير،الوضوح والنقاء الثوري ،الانضباط الاصلي وطبيعي بغيرما ادعاء او مداهنة ،،الصلبة من اجل الشعب وقضايا المرأة السودانية ولاتعرف المهادنة
3- أمهات الشهداء
مع صادق الدعاء ان تبرد احزانهن ،وينجبر كسرهن ،وتبرأ جراح فقدهن ،الماتو عشان الشعب
4- رشيدة
أم البنات ،صمدت وتصدت لتربية بناتنا الخمس ،اوصلت ساندرا الى الجامعة ،وهاهي بالامس تهدينا تفوقها ونجاحها الناجز ،،وكذلك فعلت معي ماهيتاب ،،والآن تبذل الجهد مع سارا وسولارا ودينا لاعدادهن للامتحانات القادمة ،،واعرف انها سوف تقودهن للنجاح
المجد لهن
والشكر لك تماضر
| |
|
|
|
|
|
|
| |
Tumadir
ELTOM
Elmosley
بدرالدين شنا
almulaomar
tmbis
nazar hussien
اسامة الخاتم
elsharief
شرووم
alsngaq
waleed500
Adil Osman
abuguta
الجندرية
Halema2
ebrahim_ali
noha_g
أبو ساندرا
فيس بوك
تويتر
انستقرام
يوتيوب
بنتيريست