|
|
 بوست ...الغلط...لاهل العوض ، الرحمابى.. بدر الين شناه ..ومن لف لفهم
|
من لف لفكم ديل ناس الملاعمر وبت قضيم ودافى وتمبس وملكة اللف لفكم شيرى
ويا اهل العوض
من ما كتبت ليك غنمى طرعى
فى بوست حصة المحفوظات
وانت كتبت لى : دجاجى يالغيتول حبة
وانا بقرقر
المهم لقيت فى يالغيتول حبات زى دى كتيرة جدا
فى سغافتنا السودانية
وما تخلوا عجب الفيا يتدخل فى الموضوع دة، دة موضوع خاص بى سغافتنا السودانية
يعنى فى ولد بتعلم فى الغنا وبدا يكتب غنا فى نوتته عشان يحفظو،
فكتب اغنية مرت الايام وعمل فيها غلطتين "خالدتين" الاولى
كتب
ما بينها رغوة دموع
قاصد ما بين ارق ودموع
وكتب سميرى يابقلبين
قاصد سميرى يبقى البين
اما عاشق الفنان محمد الامين فكان بغنى فى فى الاغنية البقول فيها " فى انتظارك ياحبيبى"
فلما جة للمقطع : القى فى قربك سعادتى
بدا يأشر والبنات قاعدات فى الصف الاول،
برشاقة شديدة جدا ، يدردم يده فى الهوا ، ويركز على واحدة من البنات ويقول ليها: القفى ....قربك سعادتى
هههههههههههههههههه
القفى... قربك سعادتى
ولا الفنان الحلفاوى البغنى اغنية محمد وردى،
لو بهمسة
وكل ما يقول همسة ، يفرد اصابع يدو الخمسة ، ويرفعهم بمعنى انه عارف الرقم كم؟؟
لو بهمسة
لأ و ايه؟؟؟ يا قول المصريين
لما تكون كلمة اعلان مكتوبة غلط فى محل ، وانت مضطر تقراها طول اليوم او الشهر ، او العمر
الناس لازم تعمل ثورة ضد السغالات دى،
يعنى لزومو شنو فى بص بمشى من الخرطوم لغاية القضارف ، تكون حبيبة السواق ولا المساعد ما عارفه ، اسمها بثينة ، ويكون كاتبها بالسين
بــــــــــــــــــــــــــسينة
وانت تقراها لمن تصل القضارف، زى ما حصل لمريم محمد الطيب ، يعنى دى امكن يشيلوها بى نقالة لمن تصل القضارف ،
لزومو شنو الولد المساعد بتاع اللورى دة ، يكتب فى حيط الموقف كلها
مفى دعى، مفى دعى
، مفى دعى؟؟؟
قاصدا مافى داعى
اخخخخخخ
وسواق التاكسى دة ، ليه يكتب ، فى المرايا
كلمينى ....يا
وواحد يكتب اغنية محمد الامين ، سارحة مالك؟؟؟
وتحتها طوالى يرسم غنماية؟؟؟
ليه كدة ؟؟؟ ليه كدة؟؟؟
ممنوع وقوف على سلم
من الخرطوم لى كسلا؟؟؟ على سلم؟؟؟
انا البوست دة حيعمل لى هبوط
|
|
 
|
|
|
|
|
|
|
|
بوست الغلط00 (Re: Tumadir)
|
العزيزة تماضر لك الود
احد المعارف كتب لولده مذكرة كالتالي
ارجوا الذهاب الي (السوق الماركت) طبعا المقصود
super market
| |
|
|
|
|
|
|
|
|
|
Re: بوست الغلط00 (Re: Abd-Elrhman sorkati)
|
نحن معانا بت هندية فى الشغل
كنا فى الفطور بنتونس عن الحرب وامريكا والعالم الآخر دة
فسالتنى ببراءة هندية رائعة عن الشخصية المحيراها دى وهل هو ول كويس ولا كعب فى نظرى
وكانت بتقول لى
صدامه بن لادن
sadama ben laden
السوق الماركت؟؟؟
انت زاتك يا سوركتى مفروض تكتبها
السوقل ماركت
على وزن الجردل سنوى
قاصدا الجرد السنوى
والايامو بينما..... شكرا على الطلة
الايام بينما ، دى ما غلطة كيبوردى ، دة زول عديل كدة فى نص النقاشات يقول ليك والايامو بينما
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
يا سلام عليك يا أهل العوض
ذكرتني من الأسكلا لو حلا وقام من البلد ولى ودمعي لي التياب بله
خطير دي نكتها من وين دي؟؟؟
وكب يا دمعي لا تكون جاف يا قلبي البقيت رجاف
دمعي لي التياب بلى
ييييييييه
أيام
معليش يا جماعة دخلت ليكم في الموضوع شمال سويت ذي السكران يدنقر في العروس في نص الحفلة يقول ليها بسماجة
الأخت مختوبة؟؟
سوري لهذا الفاصل الإعلاني الغنائي نعود للتفاصيل
| |
|
|
|
|
|
|
|
|
 Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
الأخت تماضر
نسأل الله لنا ولكم العافية في الحقيقة ودي لازمة لكل من تمترس خلف مايكرفون للكلام على الهواء مباشرة أو حتى عند إعادة البرنامج في الحقيقة وليس هناك حقيقة غير أننا أحق بأن يكون بثنا الفضائي أرض أرض لا يراه إلا السودانيون بالداخل ولا شأن للمهاجرين والمغتربين به وكفانا الله شر عرب سات ، يقول الرشيد بدوي عبيد في تعليقه على مباراة في كرة القدم قونننننننننننننننن ونطق حرف النون عنده غالباً ما يشبه صينية من الحجم المتوسط تقع فجأة على أرضيه بلاط فيبقى صدى صوتها يلف المكان لفترة وينخفض رويداً رويداً إلى أن يتلاشي وذلك عندما يحرز فريقنا هدف أما عندما يدخل في مرمانا هدف وعادة ما يحدث ذلك يقول معلقاً على الهواء مباشرة يا ساتر يا ساتر قون حكم غريب جداً والله حكم غريب جداً ما طبيعي ، كتب أحد اصحاب المهن الحرة جداً على باب محله التجاري الفخم بالعاصمة طع 100 وبي كده خلاص أتى بما لم تستطعه الأوائل والأمر أولاً وأخيراً لا يتعدى شوية حمص وبصل وعيش يابس وزيت يتم إستخدامه أكثر من مرة وبالهناء والشفاء ومحل ما يسري يهري.
من أجمل ما جاء في الشأن الغنائي كسرت أبريق والدنا ولا أدري لماذا العقوق من هذا الإبن الضال الذي حطم إبريق والده لا لسبب إلا لأنه طلب منه أن يملأ الإبريق بالماء فسكب على الثري ماء الماسورة فصبت عليه الإدارة المركزية جام غضبها فقطعت إمداد الماء عن منزلهم وتبعتها الكهرباء والتحية لسوداتيل لأنها لم تفعل.
أما حاجه اليمن بعد أن أصابتها حمى شديدة أخذتها إبنتها إلى الطبيب فسألها عن مرضها فأجابت ، عندي وردي ، بكسر جميع حروف العلة إلى أن تزهج ، فلم يفهم ذلكم الطبيب المتفلقص فأبتسم إلى إبنتها فنظرت إليه في إستحياء وتبسمت وتكشمت وتعطلت لغة الكلام فخاطبها الطبيب ما خطب أمك يا فتاة ، فردت وليتها لم تفعل ، قالتلك قعوورد
| |
|
|
|
|
|
|
|
|
|
بوست الغلط00لاهل العوض (Re: Tumadir)
|
تماضر عن اذنك شوية كدة عاوز الملا عمر
عزيزي الملا لك الود
بمناسبة قعووورد امسك دي
احدي الحبوبات خاطبت حفيدها قائلة:
يا ولد في الكيم هو في جر جاو انتقوا ارموا(والله ما رطانة)
مع الود
| |
|
|
|
|
|
|
|
|
|
Re: بوست الغلط00لاهل العوض (Re: Abd-Elrhman sorkati)
|
والله يا عبد الرحمن سوركتي يا أخوي آخر حبوبة عندي إنتقلت إلى رحمة الله قبل سنتين تقريباً يعني بقيت بلا أى حبوبة ولما كان مثل كلامك هذا غير موجود حتى في أدب المدايح أسألك بالله أن توضح وتفصح وتفسر لأنو أنا حتى لم أستطع قراءتها فما بالك بفهمها.
لك الود وباقة ورد
| |
|
|
|
|
|
|
|
|
|
Re: بوست الغلط00لاهل العوض (Re: Abd-Elrhman sorkati)
|
أخي ود سوركتي
ماذا تعني سكورتي وما الذي أوصلكم إلى أندونيسيا أيها الإرهابيون بالمناسبة هل لكم علاقة بتور مروي. قلت لي يا أخي
الكيم = الركن او الزاوية
والزاوية دي قائمة ولا منفرجة والركن ده يماني والله كلامك ده ما سمعت بيهو قبل كده دي بي يا تو لهجة يا عبد الرحمن
هو= دة (معروفة سمعتها دي)
جر= برمة اوزير أو تيبار والأخيرة من عندي
جاو= نوع من التمر بعرف جاوا جزيرة وسمعت بالقنديلة والبركاوي
انتقه= انزعه اوجروا دي برضو سهلة
ارموا = ارميهوا دي وضحت بعد تفسيرك لها.
لك التقدير ولك الإحترام على هذه الإضاءة الرائعة
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
الناس ديل بغلتو في الحروف ، لكن والله حبوبتي مريم بت دفع الله جابتو ليكم كُتر ( بضم الكاف )
بعد تعب شديد أقنعناها تمشي فصول محو الأمية / تعليم الكبار ، وكانت شاطرة جدا .. مرة الأستاذة قالت ليهن كلو واحدة تقول اسم ملاح / طبيخ يبدأ بحرف الباء ، يعني عاملة فيها تفتيحة جابت ليهن الواجب من نفس ( الحقل ) أها الخالات كلهن قامن ليك بامية – بطاطس – بامبني - .. الخ ، طوالي امي مريم دخلت في الخط وقالت ليها ( قرع ) أى والله قرع عديل كده ، المدرسة قالت ليها يا حجة مريم لكن القرع دا ببدأ بي حرف القاف .. أها كييييف تقول ليها كده ،
قالت ليها هوي يا البنية والله الملحات اياهن الملاحات ، لكن البدورو بتعدلو ليهو ساكت ..
قامت المدرسة شافت مافي طريقة غير تعمل امتحان تحديد المستوى ، وطبعا حبوبتي المسكينة كانت مستوى تاني ، خلوها قبلها في صفها حولو معظم ( الطالبات ) لي صف آخر ..
والله يا جماعة حاجة مريم زعلت زعل .. قالت ليها منعول أبوي أكان أقعد معاكن تاني ، الحقارة لزوما شنو ، ما جينا في يوم وااااحد أنا وبســــينة دي ، .. وكان ذلك آخر عهدها بفصول محو الأمية
مجرد سؤال ، بالله عليكم منو الكان بحتاج لحمو أمية ، أمي مريم ولا المدرسة دي ؟؟؟
زمان في اغنية لعبدالقادر سالم ..
جات وارده رهيدا .. كيفن ما بريدا
والله أنا كنت بسمعها بطريقة لو قلتها هنا ، أسى الناس تلفح عكاكيزا وتجي كاسرة .
وتسلموا
رحمابي
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
لا يمكن بالطبع مجاراة شيري ولا أهل العوض ولا بت قضيم ولا كل من ساهم هنا بهذه الإبداعات الجميلة ، ودخولي كان من باب الاستمتاع والبحث عن ضحكة في هذا اليوم الكئيب .. ولكن الشيء بالشيء يذكر بعد إشادتي بالأخت/ تماضر وإبتداعها لهذا البوست الفلتة.
جاء إبن شقيقتي الأصغر يجري منطط عيونه ويتكلم عن شكلة كبيرة جداً بي جاي والزول طلع السكينة وما عارف شنو ... سألناه باستعجال وين الكلام ده ؟؟؟ قال جنب ناس (زينب عابدين) ويقصد زين العابدين .. كما أن أحدهم وهو قدم حديثاً من البلد ولفت نظره الباعة المتجولين في سوق أم درمان ،، وياخد لفة طويلة كل يوم في السوق ويرجع منهك ويستلقي على السرير ويبدأ في التسميع : مويه .. مويه .. برد .. برد .. بي عشرة ريال كتر الغيار .. والخ .. ويوم من الأيام جاء ممتلئاً دموعاً .. لكن من الضحك .. مالك يا فلان ؟؟ قال لقيت لي واحد سايق ليه عربية كركعوبة وكاتب عليها بي ورا (بس تشيل فوقي وتودي) في تقديره انه الزول قانع بأن العربة برغم سجمها ورمادها إلا إنها بس توديه وتجيبه ولم يكن يسمع بأن هنالك أغنية فيها هذه العبارة .
ده (شيرنج) بس عشان الواحد تاني يقدر يجي وعينه قوية .. سلمتم
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: nazar hussien)
|
ملحوظه
" غشارة إلي "
معناته شنو ؟؟؟؟
ليها علاقة بالطحنية والمربعة
والا انا مالي
المطرة تكون شايلة يقولوا ليك ..يا ولد اطلع افتح السباليق
حبوبتك المخستكه تقول ليك
يا ولد انزل من راس البيت
يا ولد انزل من راس البيت
بس كان ورتني راس البيت ده شنو ؟؟
بتعرفي راس البيت ياتماضر ؟؟؟
جارتنا نخناخه
وعلي العليها كركاره وروحه محرقاها الوقت كلو
كانت بترش بي خرتوووووووش الموية
قوم يا الخرتوش اتلفا ويا الختوش انفصل من الماسورة والموية اتدفقت
قالت :
يا الله خلاص الخرتوش إتلفا في ميتينو ؟؟
ولده الصغير شايف المنظر قال ليها يا ماما قولي استغفر الله العظيم ياخ
| |
|
|
|
|
|
|
|
|
 Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
تماضر والأحباب
الجروح استدعت الأربطة- على قول إحدى نساء أسرتنا وهي تحكي عن حادثة عظيمة.. لأن هذا البوست قد استدعى التوجه سريعا نحو صندوق مناديل الورق.. ما كانت الزولة قايلة في ضحك الأيام دي يكبكب الدموع زى دة!
وطبعا لا يمكن مجاراة خفة الدم هذه ولكني أضيف بعض الحكاوي حتى تكون في مخزونكم وذلك من باب: من جهز غازيا فقد غزا!
إحدى أخواتي تقول أنها كانت تظن أغنية الشفيع
قولوا ليه حبيبك أمسك المجنون (والقصد أمسى كالمجنون).. الجنى شرطة!
وبعدين قولة لو بهمسة بتاعة وردي دي التي أشير لها في البوست، تقول الرواية أن إحدى مسنات أخواننا البرابرة في الشمال كانت مستاءة من أن الفنان وردي يبدأ بغناناس الخرطوم ثم يختم في أعراسهم بألأغاني النوبية، وكان يغني في تلك الأغنية فقالت ضجرة:
لو بهمسة لو بستة ياهي غني رٌتانة وهلّسنا!
بعدين مسألة الغلط دي عندها رواد من أبواب أخرى زلها فرسان مشهود لهم بذلك بين أسرهم وأصدقائهم..
مثلا عندنا واحدة -شيل الحس ما فيه لزوم- بطلة في مثل ما أرمي إليه وهاكم من ذلك:
شعرة موسى (الشعرة عن معاوية وموسى عنده عصا!)
الجردل فاضي لنج (خلطت مع جديد لنج!)
قايلة البير تحته فكي (القبة تحتها...)
والزولة دي عندها مدونات لكن أنا ما مستحضرة التفاصيل.. حبذا لو سمعنا منكم هذا الجنس أيضا من الغلطات
ودمتم
رباح
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: رباح الصادق)
|
العجب العجيب لما تسمع مذيع رياضي (في الحقيقة مذيع ومعد ومقدم ومخرج ومنتج كل البرامج الرياضية في الفضائية السودانية)يقول ليك :وارى اللعيبة على الخط يلتهمون الماء التهاما(سمع اضاني دي)شفتو جنس الفلسفة العورا دي ...وللا تجيك مذيعة رياضية تقول ليك وكان اللعيبة الاحتياطي يجلسون على (ركة)الاحتياطي تقصد(دكة).....
وللا تلقى ليك يافطة كبيييرة(في الحقيقة كم يافطة) مكتوب فيها الشهداء تاج(في)هامة الامة اول مرة نعرف انو التاج بدخلو جوة الهامة...
وما دايرين نتكلم عن جر الفاعل ورفع المجرور ..ايييييييييييك نكمل الباندوث (واللي هو ما عارفو شنو) بتاع بكري كله وما نخلص...
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
لوووووووووول والله ضحكتوني في هذاالصباح المكفهر لووووووووووول اها كان في زول مكسر فيني وانا كنت بالحيل مكجناهو اها جات حبوبتي من البلد وهو طبعا ما قصر معاهاتب يشيل ويخمخم في الفواكه والبن والشواهي ويجي يساعلهااها يا حبوبه كيف اصبحتي ؟ وكيف امسيتي المهم وقع ليها في مزاجها تب اها يوم حبوبه اتنحنحت وصنقرت علي حيلها وقالت دايره تشكروا بلا فتحت خشمها تقول ليهو والله يا سلام عليك يا فلان انت راجل نفسك واطيه خلاس الراجل اتخلع ونحن قر قرررررررررررررررر.لكين صدقوني انازاتي ما بتكلم عربي الا في الفصل مالنا مضيقنهاعلي روحنا
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
هاهاهاااااااااااااههههههاا .. الكلكي. علي الطلاق ضحكت ضحك حسيت بيه طالع من أعماق كياني الصهيوني زاتو
محمد ود حمودة .. متخصص سرحة بقر و بس .. ما عندو تاني في الدنيا دي اي شيء. شفع الابتدائية بيجوا بالليل يذاكروا الحساب في الديوان الببيت فيه محمد ود حمودة. الشفع يقعدوا يجضّوا: واحد معاك الاتنين .. اتنين معاك الاربعة .. خمسة معاك الواحد .. سبعة معاك التلاتة. هم بيتمرّنوا على عملية الجمع
ود حمودة كل ليلة يرخي اضانو للشفع ديل و محتار بيقولوا في شنو. يوم اتوكل على الله و سالهم قال ليهم: إتو آ عيال كل يوم شغالين واحد (معك الاتنين) و سبعة (معكت تلاتة) و اتنين (معك الواحد) .. اها أكان العشرة معكت ليها خمصطاشر بتبقى شنو؟
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
قال الشاعر المهبوش .. مضوي ود فشق عرديب .. في إحدى رسائله النثرية
قمت عوعاية النجمة و طلعة الديك .. شديت ولدي و ركّبت حمارتي وراي .. ختّيت عمتي في جيبي و اتحزّمت بطاقيتي .. مرقت لي بكديساً الدريب ما يمرقو .. نبحتني النمرة الاسمها كلبة .. قلت ليها: جر، نفسة نمرت؟ .. عاين مشاهيبها التقول عينين .. و الله تطعنيني كان أعضيك
و الله أعلم
المشاهيب دي اسعلوا منها أهل العوض
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
بصفتي..واحد ..من ناس..لف لفهم..عايز الف ليكم الموضوع شويه
حاجاتكم الزي دي ..عندي منها اكوام..اكوام..
لكن الدنيا رعد..ومطر شديد..واحساس رايح...رايح روحه ما حصلت قبل كده
بخش البورطي بتاعكم ده في الغالب الاعم وفي يدي..سندوتش مربي ولا طحنيه..وباكل بكل تبلد..واجغم في الصودا بكل بلاهه
لكن قبيل وانا في ملف من ملفات لف لفهم دي
لقيت حاجه لطيفه كده..قعدت اضحك..ولي هسه بضحك..علي قول سعدية مرة سعد جارتنا..بتحكي لي الحاجه قالت ليها..جيت قاطعه الخور والمويه دافره ..كان شفتي يا بت امي سفجنتي الساعه الاتملصت وفوووووو انجرفت مع المويه
وحاتك لي هسه ما لاقياها!!!!
اللقطه عملها اخونا في البورد السنجك..في بوست لي انسانه اسمو..الزوله دي هل اتصرفت صاح؟؟
Quote:
الحكاية بتاعت ظروفي تصلح شوية دى عبارة بصراحة نيه شديد
زي ما بوقلو حبوباتنا ما في كلام زي ده ابدا |
انا لي هسه بضحك
وزي ما بقولوا حبوباتنا
دي بالغت فيها يا السنجك
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
في المرحله المتوسطه..قالوا لينا اكتبوا موضوع انشاء عن ..رحله قمت بها
في واحد كتب الاتي
جاءتني فكره في نهاية العام الماضي في القيام برحله الي السواقي الجنوبيه..وظلت الفكره.تحلق فوق راسي..كعصفوره تحلق فوق نافوره!!!!!فاخبرت الاستاذ فوافق..
فذهبنا الي السواقي الجنوبيه...0وهبطنا فوق الاشجار
ولعبنا كرة قدم مع اولاد السواقي الجنوبيه وقلبونا..اربعه صفر..ومع ذلك رجعنا فرحانين نغني..سالمه يا سلامه!!!!!!!
تتخيلوا!!!!؟؟؟؟
| |
|
|
|
|
|
|
|
|
|
بوست الغلط00 (Re: Tumadir)
|
الاحباء بعد الودوالحب هاكم دي
سمع أضاني وما قول زول في بداية عهد الانقاذ المظلم كان العقيد يوسف عبد الفتاح ويتحدث قائلا(هؤلا من يدعون الديمقراطية اشاعوا الفوضي وتركوا الحبل علي القارب00يقصد الغارب000حتي ساقت الامواج القارب الي منتصف البحر
تصوروا000000000!!!!!!!!!!!!!
| |
|
|
|
|
|
|
|
|
|
Re: بوست الغلط00 (Re: Tumadir)
|
والله يا جماعة ده ازرف بوست من كم شهر كدة ، لمن نسينا الضحك زادو
اها بالخسوس ده واحد صاحبنا جاهو جواب من امو وكاتبا ليهو
اخوك دخل الجامعة وبقرأ في كلية علومي دارية
نكتل
شذيت يا بدر الدين
سيرو ونحن من خلفكم نشد من ازاركم ( عديل كده ) ..سمع اضاني دي واحد خليجي
غايتو
الله يبارك فيكم لأبو اهلكم ذاتم
علي عملات حبوبتا لدومة
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
يا هاله
في واحده جارتنا كانت بتقول علي الموجات الصوتيه دي..الاصوات الجوطيه..لوووووووووول
عندنا زميلنا مشاتر كده..بعدين جنو يطلع في حصة الانشاء الشفهيه ويتكلم
مره قالوا لينا اتكلموا عن الام..اظنو كان عيد الام ولا حاجه كده
المهم صاحبنا ده طلع وقف قدام الفصل ..وبدا
الام..نبع الحنان الصافي
وواهبة الحياه
نحن شعر راسنا وقف من الدهشه ..معقول..!!!!؟
وصاحبنا يلفخ
هي من حملتنا في بطنها تسعة اشهر..تسقينا من دمها..ومشيمتها
...يا سلااااااام..الدهشه متواصله
قام طبزها
قال
وعندما انجبتنا
سقتنا حولين كاملين من حليبها الطازج!!!!!!
معقوله بس..!!!؟ الطازج!!!!؟؟؟؟
وعندو كان واحده ظريفه كده في الكومبوزيشن
قال
when it rains, it gets muddy
and if it gets muddy, a car driver can't get it out of the mud
he gives it One, it does not get out
he gives it two, it does not get out
then he looks carefully and gives it three, it will get out swiftly like sweetقصدو تطلع زي الحلاوه لما يديها تلاته
| |
|
|
|
|
|
|
|
|
 Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
تماضر القديرة
صاحبة القلم الرشيق
موضوعك عسل شديد والله
وتعليقات أكتر من جميلة عجبتني شديييد حبوبة رحمابي في محو الامية
والاجمل بصراحة صورة العسل بنته الله يخليها
والله الغلتات الكتيرة دي
اعتقد كان ماكانت لاقت الانتقاد من المجتمع الخارجي
ماكانوا قدروا شوية يغيروها
بس برضو لسه في مذيعين مصريين بيصرو ينطقوا الجيم غين في برامج
حيوية جدا
فالحمد لله ما برانا
تحياتي
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
يوسف عبد الفتاح بخاطب فى ناس الفريغ الغومى ماشين مباره فى الخارج"انحنا املنا فى الله كبير ..و فيكم اكبر!!!!!"
ولد من الاتربو مع اخواجات بنبذ فى الجماعه"يا شينين يا عواليقين يا اولاد الكلبين"
بنتونس مع حبوبتى الله يرحما:اها يا حبوبه انتو كان عندكم حب زمان؟ برى يا يمه..قلة الادب ماعندنا,بس كان عندنا الغى!!!
واحد صاحبنا من المتحدثين في الاركان جنو يلخبط الامثال, عاوز يقول مظاهرة الجماعه التانيين كانت قصيره"مظاهره زى ضنب الككو..ويقصد العتوت"..الناس فى شنو و البقاره فى شنو!!!!!
عويناتك زرع لولى...
الترجمه من واحد اخونا
i sent you a beatiful letter
but your answer letter did not arrive
are you angry or what is the matter
اها البعرف الاغنيه دي منو؟؟؟
يا جماعه بتاع الساونا ما جا لسه(soundsystem)
زولا شرد شرده خت الجبال غرده..بريد زولى
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: Tumadir)
|
يا جماعة نضحك شوية في ناس حصان طروادة (حزب الأمة)
الجماعة وهم بكتبو في برنامجهم للمؤتمر العام عندهم باب عن القوات النظامية- واحد من الشباب بعلق على الباب بخط يده كتب: حرص السيد
عرفتو المقصود؟
بعدين واحدة من الحبيبات مزرورة شديد عندها خطاب والزولة البتطبع ما موجودة: قعدت على الكمبيوتر طق طق حرف حرف- لما جات زولتها قالت ليها: أها يا عزة شفتي أنا بس ما بعرف الكي بورد كتبت ليك الجواب كلو ما عليك إلا تنقطي..!!
بعدين وليد صغيرون اسمو الصادق.. الأطفال سامعين الأغنية غلط بكاووه يقولوا ليه
الصادق البوخة!
واصلوا يا شباب
رباح
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: بدرالدين شنا)
|
الولد داير يعرس خواجية
وامو بتعرف شوية انجليزى
ودايرة تستجوب اهل العروس
عشان العادات السودانية " السمحة" وكدة
do u know how to hit the perfume??
يعنى بتعرفو دق الريحة؟؟
have u ever hit the lip???
حصل عملتو دق شلوفة؟؟
do u know how to cut the skirt???
بتعرفوا قطع الرحط؟
do u smoke??
يعنى بتتدخنوا؟؟
do u know how to flip the message???
ودى ما بترجمها الا تترجموها انتو، عشان اشوفكم بتعرفوا عاداتنا السودانية "السمحة" ولا ما بتعرفوها؟؟؟
| |
|
|
|
|
|
|
|
|
|
Re: بوست ...الغلط...لاهل العوض ، الرحمابى.. بدر الين شناه ..ومن لف لفهم (Re: اسامة الخاتم)
|
يا تماضر
طبعا تماضر دي نحن بنقولها بضم الميم وشايفك كاتباها بكسر الدال
بالانجليزي
هسي الواحد لو عاوز يكورك ليك ويكورك دي بتكوني ليك مدة ما سمعتيها
يقول ليك يا تماضييييييييييييير واللا يا تماضوووووووووووور
البارح اديت اختي الاصغر من الاصغر مني وهي ذات ثقافة مدارس انجليزية
لكنها تعرف العربي مخاطبة وكتابة ركيكةوفي الثانوي العالي
اديتها ديكشنري وورقة وقلم ونص فعلا كنت عايز اترجمو الي العربي
وقلت اطلع منها بي فلتة
النص طويل وترجمتها بقت لي زي تمثيل الفاضل سعيد
النص الانجليزي
OUR REPORT CONTAINS OLD PROPERTIES IN NEWZEALAND
يحتوي تقريرنا علي عقاقير مسنة بارض
الحماسة الجديدة
والباقي اسكتو خلوه ساكت
فحملت والدنا المسئولية وطلبت منه ان يدخلها
الخلوة
| |
|
|
|
|
|
|
| |
Tumadir
Abd-Elrhman sorkati
shiry
بت قضيم
Ahlalawad
almulaomar
AlRa7mabi
garjah
tmbis
falcon
جدو
doma
ودرملية
بدرالدين شنا
Shinteer
اسامة الخاتم
Dafi
أبو ساندرا
معاوية الزبير
safrajat
ايهاب
bushramk
عشة بت فاطنة
فيس بوك
تويتر
انستقرام
يوتيوب
بنتيريست