|
|
 كل عام...ومريم محمد الطيب ..هنا..
|
اول مخرجة تلفزيون سودانيه...
مثلت ضمن جماعة فرقة السديم...
وللمسرح التجريبى ..بالدراسات الاضافيه جامعة الخرطوم
مثلت للاذاعه والتلفزيون والمسرح...
انتجت افلام سينمائيه صغيره ضمن برامج اليونيسيف وحقوق الطفل فى السودان
عرضتها فى جامعة جنوب كليفورنيا...
ومعظم المناسبات السودانيه..بامريكا..ولمركز الدراسات السودانيه
اشهرها فيلم " احلام صغيره"
قياديه نشطة فى الجاليه السودانيه بفيلادلفيا...
وجبانه...ظللت احنسهاوبكرى لشهور طويله..للانضمام..احتفظت بكلمة السر فى مطبقتها وظلت توعدنا..بانها ستنشط حينما تكون على استعداد...
واخيرا ...وعدت وعدا قاطعا بان هذا اليوم سيكون اليوم الاول من العام الجديد
........
وهاهو اليوم
الوعد قد جاء
وهاهى مريم...
والكثيرون يعرفون انها زوجة ..عبد اللطيف على الفكى..فى المنتدى
وانها ام سالى وعزه خطاب حسن احمد...
وانها جميله ومصادمه...ولماحه ...مجلسها طيب...وروحها..ضحوكه...وبت خالتى امنه..
هل يمكن لهذا العام ان يكون اكثر كرما...
فبعد المقداد...هاهى مريم...
اهلا..بالغاليين...
|
|
 
|
|
|
|
|
|
|
|
Re: كل عام...ومريم محمد الطيب ..هنا.. (Re: Tumadir)
|
فخر ان اكون اول المرحبات بمريم الغالية
اضافة جندرية، يالفرحنا ياالجندرية
كل المدى مفروش بالياسمين
وكل صباحات العام الجديد تغنى وستغنى لاجلك
يالله طلى ذى نداوة الحنين
شكرا ياتماضر ياجميلة
دائما طالعة من عمق الجمال
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Tumadir)
|
العزيزة تماضر
لك تحيات الورد
شكراً وانت تصافحينا بمريم محمد الطيب
بتنا " بت بري " وغاليتنا
لي شوق عظيم لهذه السيدة الفاضلة التي كانت سندي يوما
وانا في اشد حالات ضعفي
حين شدت من ازري
وخلتني اشوف الدرب صاح
تحياتي لي عبد اللطيف
خالد العبيد
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Nasr)
|
الشكر للاخت تماضر في هذا التقديم الضافي..واهنئ الجميع بهذا العام الجديد...
اشراقة... القلوب شواهد اتابعك بتقدير وشوق واهنئك على النجاحات والسلام لرفيقك الجميل..
بشير الطيب... احيي مجهودك واشكرك على الترحيب فنحن زملاء مهنة ورفقاء عمل ..لك مني التحايا.
عادل عثمان... يسعد ايامك وانا سعيدة بالانضمام اليكم ولك الشكر.
منى عبيد... اشتاقك جدا واشكر هذه الساعة التي تجمعني باصدقاء واعزاء طالما افتقدتهم.
خالد عبيد... سعيدة بلقياك هنا ..فانت في مقام الاخ طالما تذكرت تلك الايام حيث كنا وكان السودان..
مايا... شكرا عى الترحيب وحنتعرف على بعض اكثر..
امبدويات... لك التقدير في هذه الثقة واتمنى ان اكون عند حسن الظن.
زمراوي... لك الشكر ايها الاصيل.. ولي قدام.
خاد الايوبي... شكرا يا بشير الطيب على توصيل هذا الكائن القضارفي الاصيل.. فيا الله ياخالد وانت تحدثني عن امي وامك وتحكي عنها بكل هذا الاعزاز والتقدير ..اين نحن من تلك المدينة ذات العبق الخريفي الريان نرحل بعيدا ويبقى في الوجدان كلما ماهو جميل..احيي من خلالك امي وكل الامهات بالعام الجديد.
راوية...اشكرك ..هذا النداء له وقع خاص جدا .
الفاتح يسن... ازيك ..العرض حيبدأ يوم السبت 3\1 نوجه لك الدعوة.
بدرالدين... وانا فخورة باخوتك يابدرالدين وهذا مكان جميل يجتمع فيه شمل الاصدقاء.
بكري ... لك بقدير خاص وشكرا على اغنية هاجر كباشي ومن هذا المنبر احيي فنانات السودان اللائي حملن شعلة غناء البنات مضيئة وصدحن عاليا ودائما لهن حبي واعجابي.
نصر ...هكذا ايام الشتات..تحياتي لك ولناس لوس انجلوس..
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Tumadir)
|
مرحب بالصديقة مريم,
وكل عام وكلنا بخير, وشكراً لبت خالتك التى حاصرتك, هى وبكرى, حتى تلتقى بأصدقائك الكثر, والذين يحبونك بحق.
سلامى للطيف, سالى, وعزة, وعلاوى, وأسامة.
ويالطيف, سلامة معانى, ولها عاجل الشفاء. حاولت مهاتفتكم فى ذلك, ولم أوفق. سأحاول.مقالك الشيّق قد أرسلته فى حينه, للأصدقاء بولا وخلف, وكم هم سعداء بذلك.
ويبدو يامريم أن خروجنا كان نهائى. والا لماذا لا نلتقى؟
مرحب بمريم, وشكراً لتماضر.
عثمان
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Abomihyar)
|
تماضر
الساعة الان الرابعة صباحا و صباح هاملتون ممطر وساراهن جدا علي صباح تصادفني فيه مريم محمد الطيب في حوشنا الالكتروني فشكرا لمنحي هذا الرهان الجميل
مريوما هوي
ايتها الحميمة والنديانة دائما
مرحب بيك واحلم بتدفق من الفة وابداع
تحياتي لسالي و عزة و علاوي و عبد اللطيف
وكل عام وانتم بخير
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: mohamed elshiekh)
|
الشريف... شكرا على الترحيب
معاويه الزبير تحياتك وصلت لعبد اللطيف والاتنين بنشكرك
ايمان حصل لينا الشرف بوجودنا معكم...اتابعك باعجاب .. مع خالص الود
بشير اسماعيل ..ماهذا الجمال...يا سلكيمه..وعبد اللطيف بسلم عليك وده ايميلو
[email protected]
تحياتى لبشاير والعيال..والله يتم الشوفه...
عشه بت فاطنه..انتى من الاسباب القويه الخلتنى اخش البورد وما اجمل المساحات التى تجمعنا باعز الناس
عثمان حامد..اتمنى الا يكون خروجنا نهائي وان نلتقى فى ارحب الساحات..سلام عبد اللطيف..وعليك بالايميل اعلاه..وكيف اخبار مازن ومنال ولك الود.
ابو مهيار حبابك..وحباب الدرب الجابك..والجابك يجيب عقابك (جندريه مثلا)...وبرضو ليك تحيات عبد اللطيف...(الراجل ده كترو)
عوض هارون وينك ووين اراضيك؟؟؟ الف سلام يا ناس برى
محمد الشيخ..الدار عامره بى ناسا...فلك الثناء والتحيه
يحي فضل الله العوض...الغريبه كنا فى سيرتك العطره ..ومعانا خالده (واخواتها) وتماضر (واولادها) فى راس سنه حافل...وما اجمل السكك التى تتقاطع فيها دروبنا معكم...تحياتى لحسون..داليا.. مصطفى..وهاديه
وللجميع السلام
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Tumadir)
|
بالله يا بكرى البورد ده سجلو لى تماضر واهلا كل يوم جايه كاره لينا زول/ه ,ده ود خالتى ودى بت حبوبت خالة عمة جد ابوى, ويا كافى البلا مافيهن زولا و لا زولة بتهبش ,اشى رسام..اشى مخرجه و سنو وسنو
غايتو يا ابومراويد ما قصرت معانا وتتجازى دنيا واخره ...لكن بدل قراية الفقر دى اكان تدخلنى نصايب ناس تماضر وجنون حلتا ديل...افو على الجداد...
انا انمشي انعصر على حبيبي سجيمان بتكون النفسيات قايمه على زيى كده وعينو للمندعين والمندعات يتطاقشو كش ككش فى الحوش...ابشروا بالخير..واكان درتولكم زولآ "يقشر" الخروف كوركولنا
مريم.....سلام....زيدى وهج الساحه...
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: أبو ساندرا)
|
إنجازات بالجد شحمانة يا تماضر
مريم والمقداد والله تستاهلى كل الخير
مريم الشجاعة، الحقانية وصوت العدل
أزيك يمة، وازى عبداللطيف والوليدات
سعيد بوجودكم بيننا على الخشبة السايبر
هل يا ترى شاهدت صورة الذين يمثلون المؤسسة
فى عرض نبض نبض للفاتح المبارك
كانت هنا فى مكان ما مجاور العام الماضى
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Tumadir)
|
الاخت العزيزة مريم
حبابك عشرة والف في هذا الحوش الجميل واقعدي عافية
هل تذكرين مسرحية سكان المستنقع للكاتب النيجيري ويلي سوينكا
اشتركنا بها عن مدرسة بحري الحكومية في الدورة المدرسية وقد ساعدتي في اخراجها وتشجعينا لتقديمها بصورة افضل.... انا كنت امثل فيها دور الكادي ...
تحياتي مرة اخرى وحبابك مرة اخرى
| |
|
|
|
|
|
|
|
|
 Re: كل عام...ومريم محمد الطيب ..هنا.. (Re: Tumadir)
|
تماضر أيتها الفنانة والانسانةالمرهفة..
لك أسلوبك الأنيق في "جرجرة" من تحبين الى داخل الساحة. هل وصلك ردي على تحيتك التي أخجلت تواضعي؟ قولي لمريم وعبداللطيف علي الفكي أن محبتهما عندي باقية أبدا. رددت تحية مريم بمثلها، فهل وصلتها؟
فضيلي جماع
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: haneena)
|
اقسم بالله انني انزلت بوست للترحيب بك ولكني لم أجده . ولكني مستعد لأن افعل ذلك مئات المرات ، وهل لدينامريم محمد الطيب غيرك .
كم نحن سعداء بوجودك معنا في هذا الوطن الأثيري . ليتنا نلتقي كما كنا نفعل ، عينك عينك ، نتقاسم طاولة واحدة ومعنا العزيز عبد اللطيف . نشرب قهوة أو شاياً ، وليتنا نلتقي كما التقيتا يوماً في منزلنا القديم في العرضة ، ونجلس وبيننا امي . رحمها الله , ونستلذ بالمفروكة .
ياحليلكم يامريم وياحليل زمانا .
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Tumadir)
|
الاخت /مريم
كويس انو البوست لسع منتظر وكنت قد رأيته من قبل (على السريع )والآن استطيع ان اتوقف فيه لتحيتك والترحيب بمقدمك الى البورد لتساهمى مع بقية العقد الفريد لشلة المسرح والمعهد هناما شاء لكى ان تضيفى .. مع تحياتى لعبداللطيف.
| |
|
|
|
|
|
|
|
|
|
Re: كل عام...ومريم محمد الطيب ..هنا.. (Re: Tumadir)
|
احييييك تماضر الراقية
واحيييييييي اختك الفنانة مريم بنت آمنة .
واحييييييييي كل اهل القضارف فى الغربة وخاصة بابوظبى ناس القضارف
فى ابوظبى ارقى واجمل والطف من عرفت مع احترامى لكل حبايبى فى
الامــــــــارات .
امال
ام وضاح
| |
|
|
|
|
|
|
| |
Tumadir
Ishraga Mustafa
الطيب بشير
Adil Osman
خالد العبيد
امبدويات
Rawia
الفاتح يسن
بدرالدين شنا
بكرى ابوبكر
Nasr
مريم الطيب
wadabdean
elsharief
معاوية الزبير
إيمان أحمد
bashir kurdufan
عشة بت فاطنة
Osman Hamid
Abomihyar
Yahya Fadlalla
awadharoun
mohamed elshiekh
الجندرية
أبو ساندرا
Raja
منعمشوف
عبد المنعم سيد احمد
garjah
farda
فضيلي جماع
haneena
تراث
حسن الجزولي
essam&amal
فيس بوك
تويتر
انستقرام
يوتيوب
بنتيريست