|
|
 اكرمتنا تماضر في عقر دارنا
|
الابداع النغم الطرب لمة السودانيين في المنفي كان يوما رائع اكرمتنا فيه تماضر حضر الناس بهمية من مناطق متفرقة ليشاهدوا الاعمال المسرحية لتماضر شيخ الدين
كان حقا يوما رائعا نظمته مجموعة سودانيز اون لاين
بالمملكة المتحدة بقيادة حنينة وانتهازي وعادل عثمان واحمد امين ومشاركتي
ولقد قدمت تماضر اعمالا ومنها عملا بمشاركة الاستاذ محمد المهدي عبدالوهاب نالت اعجاب الحضور.
بينما اكرمت تماضر لندن باعمالها احتفي بها البورداب
بمشاركة المبدعين
مصطفي السني
معاوية الوكيل
وقدمت مجموعة سودانيز اون لاين هدية رمزية للاستاذة تماضر وقدمت لها الدعوة لتكرير الزيارة
|
|
 
|
|
|
|
|
|
|
|
Re: اكرمتنا تماضر في عقر دارنا (Re: abdelrahim abayazid)
|
تماضر تستاهل كل خير ، ويا حظكم بزيارة تماضر ويا حظ تماصر تلتقي بالأعزاء بورداب لندن وياحظ لندن كلها بتماضر
برضو الخليج يا تماضر يدعوك لزيارته وتقديم بعض أعمالك لعشاق تماضر هنا ، وستجدين كل ترحاب
آمل ان تفكري مليا في هذه الدعوة
| |
|
|
|
|
|
|
|
|
|
Re: اكرمتنا تماضر في عقر دارنا (Re: oudenoord)
|
دعونى احدثكم عن زخم الحب فى لندن
فى لندن مشيت على اهداب الترحاب
فرشوا لى رملا من القلوب
توجونى ملكة على الضيافة
صفقوا لى ... واستمعوا لما اقول
احبنى اطفالهم كما احببتهم
وقالت دينا ذات الست سنوات
i can't wait that long.
عندما اخبرتها انى سأعود غدا الى بيتها
وقال آدم ذو الثمانية
we need u here, right now.
عندما حادثته بالتليفون بعد مغادرتى منزل امه الرحب
قال لى دكتور حسن ابوزيد انه كان يراقب تصفيق واهتمام صنفين من الناس عندما كنت اقدم اعمالى المسرحية : الكيزان و الاطفال
استمع الوزير جمال الى برنامج الراديو فأتى ليحضر الاحتفال التشريفى الذى اقامه اعضاء سودانيز اون لاين بالنادى السودانى
بكت زوجته متأثرة بالعرض ...
ماذا نقول لقد بكت؟؟؟
قالت ودموعها فى عينيها : ما قلتى الا الحق
؟؟؟؟؟؟؟؟؟؟
قال لى نقيب الاطباء الدكتور عمر عباس بعد العرض: لو كنت اعرف انك ستأخذين لب الجمهور هكذا ، لعدلت جلسات لمؤتمر كلها وجعلتها عرض مسرحى
متصل
اصحابى اتشاكلوا فينى
رجعت وانا مغسولة الروح بالحب الشفيف
تعرفت على اصدقاء جدد قابلت اصدقاء قدامى
مثل معى ود المهدى ، خال موديك
مقطع من مسرحية الجرح والغرنوق
اهدونى مجلة النفاج ومسرحية محمود ، لاستاذى عثمان النصيرى
قدم لى اعضاء المنتدى هدية قيمة
اقيمها الاعمال الكاملة للطيب صالح
استضافتنى اذاعة اسبكترم بترتيب من حنينة البوردابية ، ساعة كاملة على الهواء ، فتح فى الجزء الاخير منها الخط لاسئلة الجمهور
صور العرض الاول سامى المك المصور بتلفزيون السودان
وصور العرض الثانى حافظ خير صديقى القديم وود بيتنا ، وهو يمتلك شركة صغيرة للانتاج السينمائى
حاورنى ود المهدى للشرق الاوسط
التقيت بالصحفى حسن ساتى
والقى قصيدة ترحيب فى حضرتى
التقيت عبد العظيم بيرم ، الكاريكاتيرى المعروف والقى قصيدة جميلة فى حضرتى
غنى لى مصطفى السنى وعباس حمزة الملحن ومعاوية الوكيل ، البوردابى ، وهو الذى قام بعمل حفل وداع جميل وودود ، حفل لاينسى فى منزله العامر ، انتهى الصباح
قابلت عبد الملك العبيد وسنقوم بترتيب اعمال مشتركة
اجرى حافظ الخير مقابلتين معى واحدة لفيلم يقوم بتصويره عن رشا
the colours of rasha
والثانية مقدمة لشريط الفيديو الذى يعتزم انتاجه ليضم الاعمال التى قدمتها هناك
جاء الخاتم عدلان وحضر العرض وادفأنى باشاداته العميقة
قابلت عبد الباقى الريح المحامى الذى عذبهالنظام والذى على اثره نشطت جمعية حايا التعذيب فى انجلترا
وكان من بين الحضور
قابلت عبد السلام سيد احمد وهو ايضا نشط فى القضية ضمن منظمة حقوق الانسان
وكان من بين الحضور
قابلت زميلتى آسيا ربيع الممثلة السودانية المعروفة ، وهى تسوق بص الانجليز الاحمر ذو الطابقين وتضحك
قابلت حنينة
انتهازى
عبدالرحيم ابايزيد
احمد امين
وعادل عثمان
وآخرين
شالونى فى عيونهم
عدت لامريكا وانا ممتلئة بالحب حتى غازلنى الناس فى الشوارع
احببتكم يا هؤلاء
شكرا، هكذا، هذه الكلمة التى تصطدم بالنهايات ولا تثقب حواجز الدفء والصيرورة
شكرا ، هكذا ، كلمة صامتة لاتسمح للشلال بالانهمار ولا للهيب بالاندلاع
واحبك لاتكفى وغير احبك لا املك
شكرا لندن
| |
|
|
|
|
|
|
|
|
|
Re: اكرمتنا تماضر في عقر دارنا (Re: Tumadir)
|
الغالية تماضر، تسشبثي بهذا الفرح الذي تستحقينه لأنك معطيته أيضا، احضني وسادة أحلامه الهانئة ونامي قريرة العين يا صديقتي، ولكن...نحن كنا ننتظر عودتك بفارغ صبر فما العمل؟ هل ستأتين سريعا؟اذن فلتنامي.
| |
|
|
|
|
|
|
|
|
|
Re: اكرمتنا تماضر في عقر دارنا (Re: dalihabboub)
|
رقية يا رقية
لم اقرا مساهمتك الا بعد ان اخدت نومة فرق الزمن
عذرى
يامفرحة
ورسالتك الصزتية سمعتها وانا بكمل استعداداتى الاخيرة للسفر ، فعذرى يا جميلة
ارجو الا اكثرمن المعاذير فانا هنالنكون معا، نكمل مشوار الوهم الجميل والكتابة سويا
لك الحب يا ندية
دالى
هذا حسد حلال
واتمنى ان استمتع بلقائكم يوما ما فى "بلدكم" بلا اسف
| |
|
|
|
|
|
|
|
|
|
Re: اكرمتنا تماضر في عقر دارنا (Re: Tumadir)
|
العزيزي تماضر ليتني كنت بين من الهبتي اياديهم بالتصفيق .. ولكن عوضاً عن ذلك صفق قلبي وانتي تنقلي لنا هذا الحب الكبير من اناس عرفوا حق قدرك وقدروك كما نقدرك ايتها العزيزه
وفي انتظار الصور بعد تحميلها علي السيرفر ثم نقلها هنا
دمتي يا جوهرة الوطن النفيسه
| |
|
|
|
|
|
|
|
|
 Re: اكرمتنا تماضر في عقر دارنا (Re: HOPELESS)
|
شكرا لكم جميعا
واتمني ان تستطيع تماضر الوصول اليكم جميعا لتروا بام عينكم حب الوطن وحلاوة الانتماء الي هذا الشعب
تماضر لك كل التحايا منا جميعا اخبرك بان معاوية الوكيل الرجل الكريم افاق اليوم من نومه ليتسال هل اكرمنا وقام بالواجب؟ انه رائع وننتظر عودتك
لتعطينا امة
| |
|
|
|
|
|
|
|
|
|
Re: اكرمتنا تماضر في عقر دارنا (Re: Yasir Elsharif)
|
الأخ أبايزيد
تحياتي العميقة
تماضر
شفتي كيف؟
طلعت أنا بحلم
بحلم إني كنت في لندن
لكن صحيت ولقيتني آتاري أنا بجاي
جنب جبال الروكي
لكن لقيت لي أغنية كدة كدة إسمها أونا أونا البيض سنونا
قعدت أتصبر بيها
واحد صاحبي من الصديقين؛ ظهر لي في الماسينجر وقال لي "لندن كيف؟"؛
قلت ليهو منو القال ليك أنا في لندن
قال لي: إنت!!؛
قلت ليهو متين؟
قال لي: في البورد بتاع سودانلايص، أيوة، سودان لايص، مش سودانيز أونلاين!!؛
قلت ليهو أوكي يا صحابي يا القاعد في سودان هايص
دي كانت كذبة أبريل، وزدته بالقول: أصلي في أبريل نسيت أكذب، ولا ما قدرت ماعارف، يمكن عشان فيني صورة حبيبة جميلة كدة إسمها ستة أبريل، ولا شنو ما عارف
ولا احتمال يكون قبضوني في الحلم داك ودخلوني السجن ياربي؟
خلاص، مفيش مشكلة
من جوة السجن وأنا لسة بحلم إني بشاهد في مسرحية إسمها
دنيا بلا صياد!!؛
بعدين يا تماضر اليومين ديل صورتي مختفية من البورد! ليه ما عارف؟؟
يا ربي يكون دخلوها معاي السجن؟؟
| |
|
|
|
|
|
|
|
|
|
Re: اكرمتنا تماضر في عقر دارنا (Re: اسامة الخاتم)
|
hopless:
انا ما نفيسة انا تماضر
هاهاها
شكرا للطفك
ياسر الشريف
التحية لابنك الغالى فى مشوار المسرح الصعب ، هل كنت فخور به ؟؟؟ اكيد وتحياتى للمدام
ادم ابكر اسماعيل
جبال الروكى؟؟ وانا اشيل واترقب ظهورك؟؟ كذبة حنينة وحلم اخضر
جبال الروكى دى وين لجبل البركل؟؟ جبل البركل ياها... هاها البركه الياها
نخطرف معاكم زى ما بتخطرفوا
والود ممتد على امتداد سلسلة جبال الهملايا، وهملايا دى جاية من همله
وفى هملة اكتر من كدة؟؟
زمراوى
واسامة الخاتم
لكم الياسمين من الاتجاهات الاربعة ، يا احبة
| |
|
|
|
|
|
|
|
|
|
Re: اكرمتنا تماضر في عقر دارنا (Re: Tumadir)
|
الاخ والزميل رفيق الدرب عبدو
هذا ما وجدناهوا فيك من زمان وانت فخر لنا
شكرا لكم علي هذه السانحة الجميلة التي جمعتكم بقانة جميلة وثروة سودانية اتمني ان يحفظها الله للوطن والاجيال القادمة
الاستاذة الف مرحب بيك في البيت وكلنا شوق الي شخصك وقلمك الجميل
| |
|
|
|
|
|
|
|
|
|
Re: اكرمتنا تماضر في عقر دارنا (Re: abdelrahim abayazid)
|
الاخت تماضر لك التحية استطلعت الموضوع بتاع اعمالك وزيارتك الى لندن ومدح الاخوان الى عملك وكفائتك ومن ذلك استنتجت انك بارعة كل البراعة فلا احب ان ابخل في كلمة تعطيك حقك في هذا المجال فهنئا لكى يا اختي واتمنى لك المذيد من التقدم والابداع
امين
| |
|
|
|
|
|
|
|
|
|
Re: اكرمتنا تماضر في عقر دارنا (Re: omergoda)
|
مهاجر
اشكر عطفك ولطفك
امين
براعة متواضعة، اتمنى اكون على حسن الظن
احمد امين برجع ليك
يجب ان اذكر ان نقيب الاطباء هو احمد عباس حسين وليس عمر عباس كما ذكرت
وتحية خاصة للطبيبة نهلة
وهيام
سهير الشوية
ماجدة محمد على
طبيبات يتختوا على الجرح ، يبرا
اسعدنى الحظ بلقائهن
| |
|
|
|
|
|
|
|
|
|
Re: اكرمتنا تماضر في عقر دارنا (Re: Tumadir)
|
الأخ عبدالرحيم
شكرآ للسبق و للتعريف بما دار في يوم الاحتفال بتماضر والعرض المسرحي في النادي السوداني
الحبيبة تماضر
يعجز قلمي عن إيفائك حقك
لا أعرف لماذا
خانتني الكلمات
وتخنقني العبرات
إنه الفراق
الكثير الكثير يستحق السرد
من معين تماضر الذي لا ينضب
إعذروني الآن
سأوافيكم لاحقآ بالتفاصيل
تحياتي
حنينة
| |
|
|
|
|
|
|
|
|
|
Re: اكرمتنا تماضر في عقر دارنا (Re: Haydar Badawi Sadig)
|
حنينة الحنينة
لولاك لما حدث اللى حدث
فانت المشكورة على "ركوب راسك" وعل المستحيل ممكنا
وشكرا يا استاذ حيدر وانت تمنحنى هذا الشرف الكبير وحاعمل على نشر رسالتى المسرحية كل ما تبدت لى سانحة
احمد امين
انا مثلت كتير قدامجمهور خواجة بالانجليزية ونال ادائى الرضا
تتذكر المصور السينمائى الصور العرض؟؟؟ دة جانى بعد العرض وقالى برغم حاجز اللغه لكن بعتبر ادائك مؤثر ومميز
افتكر التمثيل دة بقول الكتير غير اللغة وانا عملت تجربة مشابهة مثلت بالعربى لجمهور" خواجى" وسمعت رد الفعل ايجابى
اشراك الجمهور حصل عملت الحرفة دى فى واشنطن واثرها طبعا اعمق
حنجى لعرض تانى فى لندن ، حسب حنينة، المرأة الارادة، فى الكريسماس ، حيكون فيه رشا وفرقتى عرايس النيل
حاعمل فيكم تجارب جديدة ، ايه رأيك
شكرا لكرمك
| |
|
|
|
|
|
|
|
|
|
Re: اكرمتنا تماضر في عقر دارنا (Re: abdelrahim abayazid)
|
شكرا ليييك يا ابا يزيييد على تغطيتك الجميلة
و الشكر ثم الشكر للاستاذة تماضر على اللحظات الجميلة القدمتا لينا
و انشاء الله الصور قريب قريب
بس و الله مشغووول الايام دي شديد
و حنينة تلكم العظيمة سهرت الليالي حتى اتت لنا بتماضر الغالية
و ظلت من خلف الكواليس تنظم و تنسق حتى رأى الاحتفال النور لها
و كانت في تواضع العظماء ترفض ان يذكر اسمها
و اخوتي عادل عثمان و ابايزيد و احمد امين و معاوية الوكيل و مصطفي السني ما قصروا تب
و بالمناسبة الفكرة اصبحت نشاط ثقافي ثابت في النادي السوداني كل اسبوعين انشاء الله
و سيكون باسم الراحل عبد الله الطيب نستضيف فيه احد مبدعينا سواء اكان متواجدا في لندن او مارا بها كتماضر الغالية
و محاولاتنا جادة في النشاط القادم انشاء الله لاستضافة الاستاذ الفنان الكابلي انشاء الله خلال زيارته لمدينة الضباب
و سنوافيكم كل مرة بالجديد و انشاء الله بالصور
فات على عبدالرحيم
ان يشير الى مشاركة الاستاذ معاوية التوم الذي شارك بقصيدة جميلة جدا
هي قصيدة شعبية عبارة عن رسالة من الجيل القديم للجيل الجديد
طلبت منه كتابتها لانزلها لكم هنا فترقبوها
كما شارك معنا الاستاذ التشكيلي المبدع عبد العظيم بيرم
بقطعة نثرية كان قد شارك بها من قبل في جريدة الحرية و تسببت في مصادرة الصحيفة
تتحدث عن مواطن سوداني انتبه متأخرا الى انه سيدخل بلده حاملا جوازا احمرا اجنبيا
سماها وثيقة ادانة رقم واحد
اوعدكم بانزالها ايضا متى ما توافرت لي
كما وعدنا بان يشاركنا في المرات القادمة بمعرض تشكيلي و رسوووم كاركاتيييير فله التحية
كما و شاركنا الاخ الكريم عثمان بابو باغنية تحية للاستاذة تماضر
و كان على آلتي الاورغن الشباب عمار سراج و محمد بلال فالتحية لهم
و التحية للاستاذ فلاح هاشم و الذي استضاف الاستاذة تماضر في الاذاعة العربية على مدار ساعتين
كانت عبارة عن حوار جميل أسرت فيه تماضر بكلامها المتمكن و عفويتها الجميلة آذاننا و اولنا الاستاذ فلاح نفسه
كما امتعنا سودانيي لندن بمدارخلاتهم التلفونية الجميلة و ردوود تماضر الاجمل
و اذيع لكم سرا ان فلاح اصر على تماضر ان تغني و تعذرت هي بان صوتها محبوس لكنها غنت في النهاية و كان صوتها دافئا جميلا من غير مجاملة
كما عبر عن استعداده لاستضافة اي مبدع سوداني عبر الاذاعة فله التقدير الشديد
و الشكر ايضا للاستاذ محمد المهدي عبدالوهاب على نشره دعوة للمناسبة في صحيفة الشرق الاوسط
كما انه اشار الى المنبر الحر و ان الدعوة مقدمة من اعضاء سودانيز اون لاين بالمملكة المتحدة و ايرلندا
باختصار كان اليوم في غاية التميز بمشاركة كل الاحباب و الاخت حنينة بالذات
و طبعا بحضور المتألقة تماضر
و الدعوة لكل مبدعينا بالحضور الى لندن و نحنا جاهزيييييين ليييييكم
لا يفوتني ان اشكر اسرة الجالية السودانية بلندن على تعاونها الرائع معنا و خاصة استاذ الفاضل شبيكة رئيس الجالية
فلهو منا عاطر الود و التقدير
شكرا ليييك كلكم
و للامام
| |
|
|
|
|
|
|
|
|
|
Re: اكرمتنا تماضر في عقر دارنا (Re: intehazy)
|
انتهازى
شكرا لهذا السرد الفياض
والصور الشينة ما تتنشر
السمحة بس
سامع؟؟؟
جيب اضانك اقرصك فيها
وبالمناسبة يا ناس انتهازى فى عمر سارية او اكبر بى شوية
لما اضطريت اقول ليه
حلاتو يا ناشى
امك وين؟؟
| |
|
|
|
|
|
|
|
|
|
Re: اكرمتنا تماضر في عقر دارنا (Re: Tumadir)
|
يا سلام يا إنتهازي
ما خليت فرضآ ناقص
أولآ مبرووووك
حفل التخرج كان أمبارح-يا دوب اعترفنا بيك اتخرجت
لوووول
أولآ -إنتهازي انت كنت الدينمو المحرك وقد قمت بأغلب الاتصالات
وحجز النادي و و و
لا ننسي أن نشكر المهندس الفني لإذاعة اسبكترم مبارك نور الدائم المتجرد
والمهموم بالفن والفنان السوداني حيث كان يتحدث معي أثناء التسجيل ويبدي إعجابه بما كانت تقدمه تماضر
ويعطي رأيه وملاحظاته الفنية--فله التحية
نشكر من اللجنة التنفيذية لنقابة الاطباء السودانيين بالمملكة المتحدة وايرلندا
النقيب: د-احمد عباس حسين
الدكتور-صالح خلف اللة بابكر
الدكتورة- تيسير بخاري
والدكتورة- هيام عبد السلام
لمساندتهم في حضور تماضر
الاستاذ محمد المهدي عبد الوهاب مشكورآ نشر خبر حفل النقابة وسودانيز اون لاين
في الشرق الاوسط---له تحية خاصة جدآ
د- حسن أبوزيد-مشكورآ- أمدني بصور قيمة من حفل النقابة لتماضر وغيرها
سأنشرها قريبآ-
الشينة والسمحة يا تماضر
لوول
أستاذ عادل عثمان
نشكرك علي الMORAL SUPPORT
مما كان له أثر في نجاح العرض
أواصل
| |
|
|
|
|
|
|
|
|
|
Re: اكرمتنا تماضر في عقر دارنا (Re: haneena)
|
الست الحنينة حنينة
ساضع على عاتقك مسئولية تبليغ تحياتى وتشكراتى لهذا الجمع النادر من الاطباء على حسن استقبالهم وضيافتهم لشخصى العجيب
كما احسنى بالنيابة عنى الثناء للاستاذ فلاح بالاذاعة على جميل الحوار
ولنور الدائم على حماسه لتسجيل الحلقة والاغنيات الجميلة التى اهدانيها اثناء الحوار
تحياتى وتشكراتى الطيباتى
لكل من عمل على انجاح هذه الزيارة
وعمل على اعادتى الى منزلى وانا بهذه الروح العالية
روح تعمل خمسطاشر حلة مخدعة بدون طنطنة ولا احتجاج
وتغسل جبلا من العدة
وتلاتة حبال غسيل
شكرا لكم سادتى على شطف الروح بالوفاء والامل الجميل
ووا ندامتى الما قابلت
الطيب صالح
وفاطمة احمد ابراهيم
فاطمة بابكر
خالد المبارك
عثمان النصيرى
ولم ازر اسرة الدكتور الراحل عبد الله الطيب
كانت الايام معكم جميلة وقصيرة كلمحة
| |
|
|
|
|
|
|
|
|
|
Re: اكرمتنا تماضر في عقر دارنا (Re: tabaldy)
|
ابنوسي
الحاصل شنو-كنت عايز تنزل صورة ولاشنو؟
حاول تاني
العزيزة تماضر
إضافة بسيطة
من الشخصيات التي حاولنا ان نتصل بها ولم نفلح عشان تقابليها
الممثلة القديرة نعمات حماد
خالد المبارك كان خارج انجلترا
الجايات أكتر من الرايحات كان الله هون
ولازم تجينا تاني
حنينة
| |
|
|
|
|
|
|
|
|
|
Re: اكرمتنا تماضر في عقر دارنا (Re: haneena)
|
سلام لكل الناس في البورد.. مشيت اشوف تماضر في لندن فرحت بشوفتها بكيت من عمق الاداء ويا تماضر البت الساكنة الثوره عمل اكثر من ابداع الاداء بهبش النبض الجوه الحنايا والبكاء فيه تعبير عن احساس الالم علي وطن نازف لك الود واستمري وهزي العصب الحي وبى فنك حركي الصامتين .......
غربه............
| |
|
|
|
|
|
|
|
|
|
Re: اكرمتنا تماضر في عقر دارنا (Re: haneena)
|
غربة دى يا حنينة جات من السويد عشان تشوف العرض
وشفت عيوها ملانة دموع
ولو بتسمحى لى يا غربة اذيع سرك الاصلى
ادينى الضوء الاخضر وانا اقول للناس
عنك
يا مبدعة
اشكر كرمك واحاسيسك الصادقة
| |
|
|
|
|
|
|
|
|
|
Re: اكرمتنا تماضر في عقر دارنا (Re: Tumadir)
|
سلام يا غربة
سلام ياتماضر
إذن عرفتها-هي الأخت التي تحضر الدكتوراه في السويد
كنت أشك أنها هي --وهسع إتأكدت خلاص
لك التحايا يا؟؟؟؟؟
عرفنا دربك --تحياتي لصديقتك المناضلة التي كانت ترافقك
بنتلاقي-إنشاء الله
حنينة
| |
|
|
|
|
|
|
|
|
|
Re: اكرمتنا تماضر في عقر دارنا (Re: abdelrahim abayazid)
|
الفاضل الأستاذ حيدر
وفي تصغير بليدنا السودان زيادة اللمة في الحوش الصغير داك , وياريت بيتنا الصغير نرضابو في لمتنا ديك هناك وونسة ومقوقرة وطفيش الهم ,والهمو سعن اليملصو برة لا غادي , هنا النيل سقانا الخوة وعشم لي بكرة يا بكرة , والخيات وكل الاخوات ليهن التحايا
حنينة
مرات بنضطر نكسر الشارات الخضراء حتى لو كنا خايفين من معلم كبير يا معلم
تماضر
قولي هاه
أبونسي
| |
|
|
|
|
|
|
|
|
|
Re: اكرمتنا تماضر في عقر دارنا (Re: haneena)
|
ياتماضر اذنك معاك بصراحه انتي التي جعلتينا نفرح بكاء فرح لان يكون من بين نساء السودان من يحمل همه ويترجم النضال عارفه لوكنا اليوم داك بنشوف في العرض في القاعة الخرطوم كان ممكن خروج الناس في موكب صاخب وكان مكن تكون انتفاضه.... اتمنيت لو كان العرض برضو قدام الانقاذين كانوا حيبكوا معانا ويعتذروا لشعب في اعتزارهم لبت الساكنه الثوره ...
حنينه بصراحه انا كنت موقف من البورداب لانهم مجموعات صغيره داخل حوش بكري ولما تكون براك مافي زول بشتغل بيك عشان كده قلت انا بسكن الحله دي وارمي السلام لكن بكون في حالي لمن سمعت بخبر جيت تماضر قلت لازم اقدم حضوري واشوفها لاني بحبها من زمان ولقيت تماضر كما هي عفويه بسيطه تتحدث السودانيه بطيبه الامهات ومحنتهم.. فعدت لبيت البعيد والمسلسل والعميرع الذي كان يجاورني الحي واعشق كل شي يوديه تماضر ابكتني لاني سافرت الي وطن نفتقد فيه الاحساس بامثالهم ....لك لها الود
| |
|
|
|
|
|
|
|
|
|
Re: اكرمتنا تماضر في عقر دارنا (Re: ghurba)
|
غريبة
غنت لى
باجمل صوت نسائى شايقى ورطانى
موصلى
بصراحة صوت غريبة صوت يستحق الاهتمام
اتكلم لينا معاها
حاولت اقنعها تغنى "تشيل" انشالله مع الفنان ، ابت
بتتستر على موهبتها
والكلام دة ما صاح
غريبة انا فخورة بى جيتك لى وفخورة بى صوتك البشارة
ما اجملك
| |
|
|
|
|
|
|
|
|
|
Re: اكرمتنا تماضر في عقر دارنا (Re: haneena)
|
يا تبلدي الابنوسي
صورة تماضر بتاعة التمثيل مشت وين؟
دي في مشهد من مسرحية الجرح و الغرنوق لعبدالله علي إبراهيم
الحاصل شنو؟
أستاذ حيدر بدوي صادق
شكرآ للتحية
وإنشاء الله نكون قدر المسئولية
تحياتي
| |
|
|
|
|
|
|
|
|
|
Re: اكرمتنا تماضر في عقر دارنا (Re: سلفر)
|
سلفر
التحية لك انت ايضا
والذين يعملون فى صمت هؤلاء اخجلوا تواضعى ، صدقت
د.متوكل
لك التجلة والانخناء
كلماتك المشجعة ستمنحنى قوة الدفع والارادة لان اكون احسن من انا هذه المتواضعة
وستجعلنى انكر ذاتى من اجل هؤلاء الذين يتعشمون فى خيرا
وستجعلنى افخر بكم جميعا يا بنى جلدتى والوطن
فى بلدا كما قال المهندس عن حردلو
جفوه عمدو وابوه نظارو
التحية دبل
double
| |
|
|
|
|
|
|
|
|
|
Re: اكرمتنا تماضر في عقر دارنا (Re: abdelrahim abayazid)
|
تماضر
ياشمس كل الأشرقات المبدعه
واصلي هذا الحلم الجميل...وهذا الترحال المضني ...رحلة الكبرياء والعزة والشموخ هذه أهبطي من قمة الاسبانيارد تلك وتسلقي قمة بكنجهام قصر تاج العرش البريطاني...أنتزعي ذلك التاج وضعيه علي رأس حنينه بعد أن ألبستينا تاج العز ...يا عز العز... أعيدي لأخوات حنينه أمجاد مهيره وردي الصاع صاعين
يابنت ملوك النيل ...
القدله فيك بتخيل ...
ماكان أبوك بخيل
يابت عز الرجال ...
أهل الدروع والخيل
أقدلي في مدينة الضباب ...وسط بنات قريش...الرصاصات الخمائيلية...وأزيحي ضباب الخوف والوهن وقسوة آماس الغربه
بس يوم فرحينا
شيلي دمعات الأسي
وما تودرينا
أنتشلينا من الموقع ال138 في لستةالبائيسين والمضطهدين والمحرومين كما وضعونا رغما عن أنفنا
نعم نحن دولة أستباحوها أقتصاديا وصرنا فقراء
ولكن بمثلكي نحن أغنياء وسوف نرقص معكي رقصة الشموخ والكبرياء هذه ونضع ساريتنا في خصر كل مكابر وأن أهدروا دمك فسوف تلد هذه الأرض المروية بحبك ونضالك ألف مليون طماطم
أما أنت أيها الشافع اليافع بعد والذي لم تدري كنهها بعد وأمرتها بالعودة والحضور فورا أصدقك العهد سوف تعود لكم بالسلك والحرير المقفي ...وبنضال وعرض هو أبسل وأجمل وأنضر
نضر الله وجه ذاك الساقي
تماضر أستمحيك عذرا لأتوسد جنبي الأيسر في شبر الغربةهذه الأكثر ضيقا لأواصل هذا الحلم الجميل ...أنا لاأريدله أن يتوقف أوينقطع
أشواقي والعود أحمد
أخوك د.متوكل
| |
|
|
|
|
|
|
|
|
|
Re: اكرمتنا تماضر في عقر دارنا (Re: Mutwakil Mahmoud)
|
ياتماضر في الحقيقه انا بحب الشوايقه وبعتبرههم بغنوا بصدق هبش الاورده ... دي شهاده ماساهله يديك العافيه يام ساريه وانشاءالله اغني ليك في حنه ساريه لكن كان الحفله فرتكت انا مامسئوله براك خلتيني احلم .لك الفرح
| |
|
|
|
|
|
|
| |
abdelrahim abayazid
Tumadir
Elmosley
يحي ابن عوف
الفاتح يسن
الجندرية
ودقاسم
HAMZA SULIMAN
elsharief
oudenoord
lana mahdi
shiry
أحمد أمين
dalihabboub
Yasir Elsharif
أبكر آدم إسماعيل
اسامة الخاتم
مهاجر
omergoda
haneena
Haydar Badawi Sadig
intehazy
Mutwakil Mahmoud
فيس بوك
تويتر
انستقرام
يوتيوب
بنتيريست