|
|
|
 Re: يللا خلونى احكى ليكم عن عرض امبارح (Re: ابو مهند)
|
شكرا قبل الحكى
انتو قايلنى ما مشتاقة ليكم بلاكتر؟؟؟
العرض دة كان فى حتة اسمها كمنتجتون...
والناس المنظمين اسمهم
oneworld fair
عندهم ويبسايت بلاسم دة زاتو
شلة منظمات وافراد ورسامين وشعرا وكتاب ومقدمى برامج اذاعية ممكن نسميهم التقدميين
جنهم وجن سياسة بوش تجاه العالم الثالث...والرعونة الامبريالية
فى السياسة الخارجية والاسباب الواهية البتقوم من اجلها الخصومات العالمية والحروب
حلقومهم دة اتسل بسبب توعية الناس لكل كبيرة وصغيرة برتكبها النظام فى حق الاجانب والمهاجرين
المساحة الاحتلتها المناسبة هى مساحة ضخمة جدا وانتشرت فيها الخيم...ناس كتب وناس رسم وناس عروض وناس منظمات وناس روادى وناس افلام وناس تلفزيون...وخيمة للاطفال او ما يسمى بالعائلات
عرايس النيل ، النسخة المصغرة ، كانوا ضمن برنامج الاطفال، لانو البنات الكبار كلهم كانوا مرتبطات سلفا، اخترنا انو نقدم شغل الاطفال
انبهروا بعرضنا، وانبهرنا بعروضهم
انا بطلب منكم تمشوا الويب سايت وتشوفوا المساهمات الكانمت، والامتداد ليها وتوجهاتها حتكون كيف؟؟؟
WWW.ONEWROLDFAIR.COM
المهم آخر المتحدثين كانت ايمى قودمان مقدمة البرنامج النيويوركى الشهير
DEMOCRACY NOW
عندها ويب سايت ممكن من خلاله تسمعوا آراءها وافكارها وليه المثقفين والفنانين الامريكان بحبوها
DECMOCRACYNOW.ORG
المهم انا قدرت اقول لجمهور بتاع ثلاثة الف مثقف وفنان امريكى...انه يسكت دقيقة احتراما لارواح ابناء الجنوب السودانى المشوا ضحية الحرب
قلت ليهم ضحاياكم ما راحوا سدى لانكم بتتذكروهم وبتحزنوا عليهم
نحن ضحايانا
...لسه الناس ما قادرين يتفقوا انهم بشر ولا مخلوقات اقل من بشر
اها نحن عملنا شنو؟؟؟
اتمنيت لو فنانينا ومثقفينا بقدروا يتلاقوا بالحرية دى وبالحب دة وبالجرأة دى ويقولوا ويغنوا ويرسموا ويتناقشوا بالحب دة وبالحرية دى وبالجرأة دى
حتى لو اتلاقوا فى الاحزان برضو يتلاقوا
واكيد بقدروا يصنعوا الافراح
لكم بضع قلبى والسلام
| |
 
|
|
|
|
|
|
|
|
Re: يللا خلونى احكى ليكم عن عرض امبارح (Re: Rawia)
|
سلامات يا بت الشيخ
Quote:
المهم انا قدرت اقول لجمهور بتاع ثلاثة الف مثقف وفنان امريكى...انه يسكت دقيقة احتراما لارواح ابناء الجنوب السودانى المشوا ضحية الحرب
|
بس حبيت اذكرك انه ما بس ابناء الجنوب هم اللي فقدناهم في هذه الحرب ويا ليتك ما حددتي فئة معينة... فقدنا اصدقاء واقارب ينتمون الي قبائل في اقصي الشمال ايضا
ربنا يوقف الحرب ويحفظ كل السودانيين في امن وسلام .... قولي امين
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: Tumadir)
|
تماضر حقيقى العرض الحكيتيه رائع ، ما اجمل هؤلاء الناس الذين يغنون للانسان يصوت الصدق ولو كانو امريكان ، وما اجملك تماضر يا بهية تحملين جرح الوطن اينما كنت تحية ليك ولكل من اشترك في هذا العرض وتحية لمجموعة عروس النيل
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: عشة بت فاطنة)
|
مايا
اسماعيل وراق
دوما
هالة قوتى...بت امى
فتحى البحيرى
الشريف
رجا...بت كبدى...
اشراقة حبيبتى
بلدى يا حبوب
ملكة سبأ الحنينة
حنوف ولا حنوف معليش
ابو مهند
راوية العزيزة
مارد
ابا
عبدو
عشة بت فاطمة بت كلاى
شكرا على تشجيعكم واهتمامكم
وشكرا ابا على التكنولوجيا
وعبدو كلامك صاح...بس انا واجعنى الجنوبيين الما فى زول داير يديهم حق فى الحياة ولا الموت
عشة حبابك
محل ما اتلقيتى
وحبابكم الف...فى كل ملف
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: bushra suleiman)
|
Hi Tamador I salute your involvement with these American progressive people, but I went to the correct link provided by
aba. Does the following relate to your contribution or was I looking at the wrong list:
"Umoja 2 Dance Company - Umoja 2 African dance troupe is a spirit-inspired, heart-opening, multi-racial-cultural childrens dance group based in Amherst, Massachusetts. Come prepared to be filled with joy from the enthusiasm and vitality that this wonderful group gives out!"
If this is right what is Umoja?
Sorry if I am 'scratching' it too much!!
(I am becoming very aggressive on Mondays!)
bear with me a little bit!
Regards to the girl the garden!
mustafa
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: mustafa mudathir)
|
مصطفى مدثر
نسبة لحالات الاثنين التى تناوبك
تعمدت ان ارد لك يوم الثلاثاء
اليوم المفضل للغنماية
ولك نص التعريف الذى يقوله ناس اموجا عن انفسهم
African dance troupe is a spirit inspired, heart opening, multiracial-cultural childrens dance group based in Amherst, Masschusetts.
هم بستمدوا تعاليم الرقص فى عروضهم على الرقص السنغالى زى ما معظم فرق الرقص الافريقى فى امريكا مستمدة من الرقص السنغالى
اسمهم اموجا...ما مفسرين ليه
نحن فى ماسيتشوستس لكن فى هوليوك
هم فى امهرست
نحن فرقة رقص لكن بنسمى روحنا سودانيين ، ما افريقيين للاسباب سالفة الذكر
هم سنغاليين ، طبعا
اقصد مدربتهم سنغالية لكن هم اطفال امريكان
نحن يا دوب بدينا نقبل امريكان فى فرقتنا ...اولهم لورا
الغريبة عدد من الامهات شالوا عنواننا على اساس انه ندرس اطفالهم رقص سودانى
ارخوا اضانكم
شكرا يا مصطفى مدثر
وعملت لى شنو فى الموضوع؟؟؟؟
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: Ala Asanhory)
|
علاء سنهورى
يسعدنى ان اعطيك مختصر عن نشاطنا-نشاطى فى امريكا
فرقة عرائس النيل وهى فرقة تستمد عروضها من الرقص السودانى المعروف للقبائل المختلفة ورقصة العروس
ندعو من خلال عروضنا للسلام والحب فى السودان والعالم
نشارك فى عروض لها صفة ثقافية او اكاديمية فمعظم عروضنا للجمهور الامريكى ارتبطت بالايام الثقاتفية للجامعات والكليات
كما قمنا بتقديم عروضنا لمناسبات ثقافية ومؤسسات فنية متباينة
عروضنا للجمهور السودانى موسمية ، وتقوم على الاتصال الشخصى والمعرفة الشفاهية المتداولة بين افراد الجاليات السودانية فى امريكا
خارج امريكا عرضنا بكندا واسبانيا
اما العروض المسرحية فتقوم على مسرح المرأة الواحدة التى اقوم بتأليفها واخراجها، معظمها للجالية السودانية فى معظم ولايات امريكا
ومؤتمر الدراسات السودانية السنوى
ومؤخرا انجلترا
وبعض العروض المؤمل قيامها فى دول اوروبية اخرى
من بعض المناشط التى اقوم بها، تتم دعوتى لتنظيم بعض الانشطة للجاليات السودانية حيث اساعد فى التدريب والاخراج ووضع اللمسات الاخيرة للعروض الشبابية
فى البال اخراج عمل كبير يضم كل الممثلين والمخرجين فى المنافى
وهناك مشاريع اخرى ...سيكشف النقاب عن هويتها فى الوقت المناسب
شكرا للسؤال واتمنى ان تكون الاجابة شافية
ولك الاحترام
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: Tumadir)
|
ياتماضر....
Quote: المهم انا قدرت اقول لجمهور بتاع ثلاثة الف مثقف وفنان امريكى...انه يسكت دقيقة احتراما لارواح ابناء الجنوب السودانى المشوا ضحية الحرب
قلت ليهم ضحاياكم ما راحوا سدى لانكم بتتذكروهم وبتحزنوا عليهم
نحن ضحايانا
...لسه الناس ما قادرين يتفقوا انهم بشر ولا مخلوقات اقل من بشر |
ياتماضر انت اجمل من جميله.
علي صوتك خلي يملا ..كل فراغ جوانا طلا...
قولي ليهم بكره اجمل.. ونحن ارفع من هتاركم..
ونحن ارفع من مشاريع وهم الحضاره...
بكره اجمل فيه مسرح واستباليه...
وفي البريد تصل الرسائل .... شايله في مخطوطه فكره...تحكي عن القريه الجديده....
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: Tumadir)
|
يا حميمه
كلما هاجت شواغل ما نشدت بدل قصيدك
إنها نسمة من تلك الرقة لهذا الجميل الراحل في دمنا جميعا
العميري
يا حميمه
أشكرك علي فيض المعلومات
وكم سعدت بهذا
أفرح حين أجدنا في المنافي قادرين على العمل والنجاح وإيصال صوتنا رغم أنف سلطة القمع
وأشكرك كوني ( تسنى ) لي التعرف عليك عن قرب
وسأمدك بنص أعتقد أنه يمكن أن يتمسرح لتأديته كعمل لمسرح المرأة الواحدة
يا ميمه
معاك ببقى الزمن حاضر
ابدا
علاء
| |
|
|
|
|
|
|
|
|
|
Re: يللا خلونى احكى ليكم عن عرض امبارح (Re: Tumadir)
|
tamadore ( sounds like comodore, trobadore assir gadore etc)
:اذا كنت تقصدين الاتي
عندنا نشكلة تسجيل الجالية (آثار 9/11) وبالتالي مناشطنا العايزة قروش
.مؤجلة
اذا قصدت حاجة تانية انا ناسيها والله نعملو ليك
طوالي انت
just snap your fingers!
مصطفى مدثر
note: avoid Mondays!
| |
|
|
|
|
|
|
| |
Tumadir
إسماعيل وراق
doma
فتحي البحيري
elsharief
Raja
Ishraga Mustafa
بلدى يا حبوب
ملكة سبأ
hanouf56
Nasr
Rawia
aba
عشة بت فاطنة
bushra suleiman
mustafa mudathir
Ala Asanhory
اسامة الخاتم
فيس بوك
تويتر
انستقرام
يوتيوب
بنتيريست