|
|
 البورد بقى زى الحركة فى المملكة المتحدة
|
لا يا بكرى انا كدة بطقش
اجى قاطعة لى بوست بدا الف يمين الف شمال
المداخلات حتتلخبط
الشيوعيين يبقوا يمينيين والكيزان يبقوا يساريين
ونعرف بعضنا كيف؟؟؟
كدى فكر فى سلامة المشاة ورجع لينا بوردنا القديم
انا راسى داش
|
|
 
|
|
|
|
|
|
|
|
Re: البورد بقى زى الحركة فى المملكة المتحدة (Re: Tumadir)
|
سلامات
الحلوة تماضر
والله صدقتى ....انا عيونى زغللن.....اجى افتح موضوع القى نفسى خشيت فى ملف زول......وبكرى يلولى فينا ذى الشفع يودينا جاى وجيبنا جاى
وانا مع تماضر ....عاوزين بورتنا القديم.....او بالاصح النظام القديم....وهو نحنا بلا كدا عويناتنا يوم يشوفن ويوم يجلن
| |
|
|
|
|
|
|
|
|
|
Re: البورد بقى زى الحركة فى المملكة المتحدة (Re: Tumadir)
|
بالله اللدي لا غيرو قررربت أضرب الدلجة .. الزهللة كعبة ، والراس وكيلك الله بقى زي طاحونة ود الكريل رحيمو الله .. أها ، بكري دا حا يوقف عربيتو دي متين ؟ الظاهر عندو حركة (بالترقيق) تعريب ، الزول مو هيّن الله يديهو العافية .. بس شيشك علينا يا ود حبيب نحن ناس قاعدين على الهبشة ، التقنية والتكنولوجيا دي جديدة علينا .
| |
|
|
|
|
|
|
|
|
|
Re: البورد بقى زى الحركة فى المملكة المتحدة (Re: mustadam)
|
اهلا تماضر وعموم البورداب
بالنسبه لي مسأله يمين شمال اتحلت..ياخ كنت جايط شديد فيما يخص الشكل الجد جدبس عشان اودي الكتابه باليمين..و بفشل برضو..بالرغم من انو قاعد ادوس كنترول شفت..
اها دحين بكوس في زولا نجيض يوريني كيف اتعامل مع الخطوط اشكالها..سمكها..الوانها
لاني محتااااااااااار شديد معاها
وزي ما بقولو مصائب قوم عند قوم فوائد
غايتو محن
وسلام الي مطلع الامر
| |
|
|
|
|
|
|
|
|
|
Re: البورد بقى زى الحركة فى المملكة المتحدة (Re: عاصم الحزين)
|
ياشباب
بشكلة بافى
انا حاشتغل ليكم بوليس حركة
من الليلة المداخلات اسمها مخارجات
وسيد البوست....يقيف فى آخر الصف لمن المساهمين يخلصوا
وصف الرغيف يمشى الطرمبة صف البنزين يمشى الطابونة
الناس البكتبوا انجليزى يكتبوا عربى والبكتبوا عربى يكتبوا بالافغانى
مفهوم؟؟؟؟
العسكرية تصرف
| |
|
|
|
|
|
|
|
|
|
Re: البورد بقى زى الحركة فى المملكة المتحدة (Re: Tumadir)
|
الأخ بكري
بعد السلام
مادام البورد بقى زي الحركة في بريطانيا العظمى وبما اننا من سكان المملكة المتحدة فخليهو كدا عشان الناس المابعرفوا الحركة في بلاط صاحبة الجلالة كوين اليزابيث خليهم يقعوا ويتصادموا وإلا يجوا يطلعوا رخص من عندنا
ويا ست تماضر دي صورة بتك الحلوة دي ... بالله لو ما مخطوبة اخطبيها لي لصلاح ولدي والمهر بالجنية الاسترليني البساوي اليوم 1,7 دولارا
ألمي البارد بقد الدلو
| |
|
|
|
|
|
|
|
|
|
Re: البورد بقى زى الحركة فى المملكة المتحدة (Re: Tumadir)
|
تماضر العزيزة
عارفه نكتة الاعور فى المطعم الطلب فول وجارو طلب كباب ثم مد يدو ياكل فى صحن جارو ؟! .. أها ده أنا برضو لمن خشيت للبورد ولقيتو يمين شمال ومن ديك وعيك عيونى زغللت .. غايتو حاندى بكرى يوم يومين زى ماقال .. ولو الشغلانا دى ما ظبطط , تالله , تالله كلنا لها وانا لها واليه راجعون! , ولتبقى ميتة وخراب ديار .. فما قولكم ياحادينا بكرى ؟! ة
| |
|
|
|
|
|
|
|
|
|
Re: البورد بقى زى الحركة فى المملكة المتحدة (Re: Tumadir)
|
1- هوزي ،،،مشكورة جدآ ، لكن كل محاولاتي باءت بالفشل الذريع ، المختصين {ناس الكمبيوتر } قالوا الخطأ من المصدر في تصميم الصفحة ، ولكن كون انتو ما عندكم مشكلة وهذه إفادة عدد من زملاء البورد ، يبقىالمشكلة عندي انا ، وربك يحلها ، حاولت وفقآ لنصيحتك والنتيجة ما زالت سلبية
2- تماضر ،،، في السوق لغة ،منها طقه بي طقه ، ما عندي مانع في موضوع ساريه ، والكرة الآن في ملعبك { هذه بلغة الكورة } يعني قبولك { هذه بلغة القانون والويست في الكتشينه }
| |
|
|
|
|
|
|
|
|
|
Re: البورد بقى زى الحركة فى المملكة المتحدة (Re: AlRa7mabi)
|
تلامذة ثالثة إبتدائى كلهم محوصين، والمشكلة الكبيرة التى تواجه المدرسة تماضر إنو الأولاد كل واحد فيهم بكتب الدرس فى كراس جارو بدل مايكتبو فى كراسو، مرت نص السنة ولا حل للمشكلة.
فى واحد من الصباحات أعلنت المدرسة تماضر جائزة مالية قيِّمة للذى يجتهد ويكتب الواجب فى كراسو، إجتهد الود منعمشوف طيلة الحصة وحقق نجاح غير مسبوق وكتب كل الدرس فى كراسو، أعلنت المدرسة الخبر وسلمته الجائزة وسط تصفيق أحوص حار. إستلم منعمشوف الجائزة المالية القيِّمة ودسها فى جيب جاره فى الكنبة.
| |
|
|
|
|
|
|
| |
Tumadir
بكرى ابوبكر
haneena
منعمشوف
Ahlalawad
doma
أبو ساندرا
tmbis
mustadam
عاصم الحزين
Raja
cantona_1
حسن الجزولي
اسامة الخاتم
أبنوسة
ملكة سبأ
الزنجي
AlRa7mabi
منذر نقدالله
فيس بوك
تويتر
انستقرام
يوتيوب
بنتيريست