|
|
|
 Re: خبزتو؟؟؟؟؟؟ (Re: إيمان أحمد)
|
فاضلابى
منى عبيد
ايمان احمد
كل سنه وانتو طيبين وخابزين
انا بس كنت دايرة اوريكم انه السؤال دة "خبيز" جدا جدا
لانو الزول لوالبسال لوخابز....معناها فيها شماته شويه كدة
ولو ما خابز فيها شوية حسادة
فالسؤال فى نظرى "خبيز" فى حد زاتو
وعلينا وعليكم يتبارك
| |
 
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
أم الأولاد في محل و أنا في محل
المهم أقنعتها إنو يوم العيد بالنسبه لينا يوم عادي زي باقي أيام السنه ما عدا أيام رمضان و العيد يوم نتلاقى دايما
كل عام و أنتم بخير و ما في مشكلة من [خبازت سؤالك]
المهمالنوايا الحنينه
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
وينو الدقيق
وينو الفحم
نحن غايتو ناس لقيمات سااااي ،
وحلاوتنا تمر
ندس اللقيمات في جيوب جلاليبنا ويفضحنا زيتها
ونمشي نصلي مع الشيخ دفع الله ود الشيخ حمد النيل ، ونسلم عليهو بعد الصلاة ، وناكل العصيدة في ضل شدرات النيم الكبار ، أصلهن بركة زارعن الشيخ بإيدو
ونرجع نسلم علي أهلنا كلهم نبارك ليهم العيد
العيد مبارك عليكم
علينا وعليك يتبارك
العفو
لله والرسول
عفو العافية
هي ياود حاجة آمنة أمك صلت مع الرجال .
آي
أجي آ بنات أمي حاجة أمنة بقت تصلي مع الرجال
عاد آ بت أمي حاجة آمنة بت الليلة وللا أمس من قمنا لقيناها
هيي يا ود حاجة آمنة ما تكلم أمك بي الكلام ده
والله اكلما
عاد آ يمة جنيات الزمن ده
ثم نجري ونلعب ولا نهتم لشئ
وماسآلين في حد
جلاليبنا جديدة
وحالقين جديد
ومستحمين صباح العيد
وامبارح ماخدين بوخة زيت سمسم
ولقيماتنا في جيوبنا
نديانة لمن زيتها ظاهر في الجلابية
وضاربين عصيدة الشيخ
ومليانين بركة
والعصرية ننقسم فريقين ،
فريق السافل والصعيد ونلعب كورة
وننام مبكرين من التعب
وتأتي أمي فتجدني نمت قبل العشاء فتربت على شعري وتتركني لأواصل نومي , طبعا بكرة أنا وأبوي وأخواني وأخواتي كلنا بنمشي الحواشة .
أصلو عيدنا يوم واااااحد
| |
|
|
|
|
|
|
|
|
|
Re: خبزتو؟؟؟؟؟؟ (Re: ودقاسم)
|
جنس خبيز هو يا تماضر
يستاهلك
بس تعرفى هنا بقت فى ظاهرة جديدة
اى واحدة بتعرف تخبز بقت تبيع للجيران
وفى المكاتب ومحلات الشغل بقى بالاقساط كمان
شفتى كيف
غايتو الناس شغالة تلاوى رقبة الدينا سااااى عشان يعرفو ليها
يديك ويديهم العافية
وكورى قاى نل
فى بنى دنقل لانقوتش = كل سنة وانتى طيبة
تسلمى يارب
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
تصدقى ياتماضر
اسى دى بخبز انا
بعمل ليهم الحاجات الناعمة ناعمة الباقى بطريقتهم
لا بدخل فيهو يدى لا الكهرباء دى بهبشوها
ياريت ياتماضر الواحد يقدر يفرق منو للحبائب
ايييييييييييك كان نخبز ونخبز للصباح وبكرة من الدغش نجيب الورق الملون ونغلفو ونرسلو ليكم
كل سنة وانت طيبة
| |
|
|
|
|
|
|
|
|
|
Re: خبزتو؟؟؟؟؟؟ (Re: ملكة سبأ)
|
اسكتي يا تماضر اولادي مايسمعوكي ، السيرة بتجيب لي خمة نفس وما عارفة اتخارج منها كيف ، طبعا زاريني زرت عدوك والحمد لله انو زينب اختي بعيدة حسي كان جننوني جن ، يا ماما قومي ناس زينب جاب المواد وناس زينب جاب البيض والكاكو وووو عييك النعمنه اختى مدرسة وانت عارفة فلهمة المدرسات اسون اللقيمات بالملعقة يا قول حبوبة ولا يخلن بت فور ولا بت بوش . حسي انا عاملة عيانة حتى توب العيد والبرطوش متنازل منهن اها دا طرفي ما ماشة اي محل ولا سوق ، بس يبروني من الخبيز بكلب شعر جلدي ، اشتروه ولا يعجنو انا عندي عقدة خبيز وخلاس . يا ختي اخبزي براك
| |
|
|
|
|
|
|
|
|
 Re: خبزتو؟؟؟؟؟؟ (Re: Tumadir)
|
سلامات تماضر ... سؤالك خبيز لكن و الماعندو خبيز يشترى حلاوة خربة على قول الخواجة ... نحنا فتشنا الفرن فوق وتحت ما لقيناهو والله يطرد الخواجات .. تسلمى وكل عام وانت تماضر
| |
|
|
|
|
|
|
|
|
|
Re: خبزتو؟؟؟؟؟؟ (Re: alfatih)
|
كيف نخبز عاد يا تماضر اختى،ما لمن يطلعوا لينا السودان دة من الفرن الحامى دة عشان نقدر ندخل صوانى الخبيز.الحلاوة زاتها مسخانة علينا من الحاصل فى دارفور.
كل سنة وانتى طيبة
| |
|
|
|
|
|
|
|
|
|
Re: خبزتو؟؟؟؟؟؟ (Re: مهيرة)
|
اختنا بت الشيخ
كل خبيز والتانى وانتى بصحة وعافية
يا اختى المثل بيقول ادو الخبيز لخبازو
اظن بعد دا احسن نلم دقيقنا
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
انا لي اسبوع مدورة
وجدت فيه فايدة عظيمة للتنفيس
تلتي وتعجني وتخبتي لمن تقوم ليك قطايع
وتمشي تترمي في السرير قاطعة النفس
لا تفكر في التاني لا التالت
**
غايتو يا ملكة سبأ انا خبزت لي وللجيران
نظام البيع دا لس ما وصل عندنا باقي
كل سنة والجميع بالف خير وعافية
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
امانى
ما تجدعينا بصينية
امريكا دى ما جيرانكم
كان ما جيرانكم جيران ابو مهيار
غايتو انا خبيزى بكرة
دة اول خبيز لى براى ودة اول عيد لى فى الغربة ..يا طلع خبيز يا طلع عصيدة غايتو
تماضر يديك العافية ويخلى ليك وليداتك يكملوا ليك خبيزك
وكلكم كل سنة وانتو طيبين
علينا وعليكم يتبارك والسنة الجاية كلكم معيدين مع ناس الملكة ودريمز ديل
قولوا امييييييييين
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
ياخى الناس ما شـافو اللابرى والحلومر بعينـوم طول رمضان، تجى تمغصيهــم زيادة؟
خليهـوم بالله مع الحلال ميت وحلال كوكيــز بتاعوم دا ما تمسخيــه ليهـم.
| |
|
|
|
|
|
|
|
|
 Re: خبزتو؟؟؟؟؟؟ (Re: Tumadir)
|
طبعا ده سؤال فيه خباثه شديده 
اولا عيد سعيد وكل عام وانتى بخير يا تماضر
بعدين ليش بتقلبى المواجع, ما نحنا كنا راضيين بقضاء الله وقدره انو نعيد من غير خبيذ السنه ده!
بعدين تصدقى انا ضغطى ارتفع لما قريت ناس هاله ودريمز وملكه سبابخبذو, عارفه انا حأطالبك بتعويض عن الاضرار الجسيمه التسببتى لى فيها
غايتو ما ينفعكم الخبيذ لو ما اتذكرتونى وانتو بتاكلو فيه
واقول ليكى حاجه تمغصك زى ما مغصتينى 
فى صديقه عذيذه فى البورد حترسلى خبيذ العيد بس بعد العيد, وما حأجيب اسمها عشان ماتنهال الطلبات عليها
يلا فتكم بعافيه
وفى امان الله
لا اله الا الله
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
ازيك يا تماضر
بس لو تشوفي احنا بنخبز في شنو
و دقيقنا شنو
تتحيري
ناس البيت اتصلوا بي و هم في وسط الخبيز
لما حسيت اني بشم في ريحة الخبيز العابر للقارات
اها دي تقولي ليها جرسة و لا شوةق و لا شنو ماعارفة
ان شاء الله السنة الجاية الجميع تامين و لامين و خابزين
و كل سنة و انتو طيبين
سلام
| |
|
|
|
|
|
|
|
|
|
Re: خبزتو؟؟؟؟؟؟ (Re: بلدى يا حبوب)
|
كل ما ادخل هنا واتفقع بالضحك...
بالله سؤال "خبيز" زى دة يعمل ليكم كدة؟؟؟
كدى النسمع البخبزوا يوم الوقفه حيقولوا شنو؟؟؟
انا ماشه اخبز
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
اول حاجه يا تماضر الخبيز طلع فنان
عملت العجنه ام ناهد و دي مصريه من الارياف من المنصوره و الله طلع ناعم و يدوب كدا اول ما تاكليهو
و كمان الحكايه جابت ليها حنه
اتحننت يا تماضر
كانت في واحده باكستانيه بتحنن
حلوه الحنه و انشاء الله يا تماضر كدا نتحنن في الافراح
| |
|
|
|
|
|
|
|
|
|
Re: خبزتو؟؟؟؟؟؟ (Re: Rawia)
|
شميت ريحة الخبيز ... طاقة
تاوقت..
لقيت الجماعة ديل بتحننوا ... عدييييل كدة
اخير انمشي اعلق باقي الستاير ...
الشلاقة شنو لي انا زاتو ما عارف
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
لوول يا راوية
باخستك ساكت سالت حنينة اتحننتى ولا لسة ؟
ما قايلاك انتى بتسويها
باكستانيتكم دى ما بتجى على بيوريا
| |
|
|
|
|
|
|
|
|
 Re: خبزتو؟؟؟؟؟؟ (Re: Rawia)
|
تماضر بت الشيخ .. عيدك سعيد .. وخبيزك جديد .. ربنا يحقق الامانى وتعود الايام يا رب
تحياتى لكل زوار البوست واللذين تذوقوا خبيز تماضر ..
كنت دايره اقشر ليكم بى خبيزى الخبزتو اول مره فى حياتى وينجح ..بعدما شفيت من الورقه ..لكن ........
الرائع جدا ود قاسم ودانى هنااااااااااااااك ليهم .. قاعدين تحت الشدره وفى ضل الضحى .. جلاليب بيضاء وفساتين ملونه .. تياب ناصعة البياض وقلوب انصع .. عامره بالحب والحنيه ..وسبح مطوية زى الليالى الصوفيه دعوات حنينه تدخل جوه الاحشاء .. وتهز المشاعر ..قبلات وحضنات حبوبات تستنشق معها عبير الريده الصادقه ..ريحة جدى المبخر بى بخور اللبان .. وعصيدة الضيفان ..
وملايات السرير وريحة الجير .. وكلام كتير ..كتير .. وناس كتيره زى النفير .. منظر بديع يا ود قاسم . التحيه ليك قدر الطيبه الساكناك يا حنين ..والتحية للجميع .. والعيد مبارك عليكم....
تماضر انتى بيتك دائما عمران بالموده والخير الكتير زى بيت ابوك.. ليك كل الموده يا بت الشيخ الكبير ..كل عام وانتى والوالد وكل الاهل بالف خير وخير .. ربنا يخليه ليكم ان شاء الله ويخليكم ليه ..
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
اختي تماضر
حيييييييييييي على العيد
ام أحمد سافرت الى الخرطوم لزواج شقيقها
وتركتني والبنات
ولكن الجيران ما قصروا
رسلوا لينا الخبيز
بس ما ليهو طعم زي خبيز ( أم أحمد )
ولا لذيذ زي خبيز الوالدة حاجة منيرة ( الله يرحمها )
نتمنى ان نعود للوطن
نقعد هناك
ونشيل الخبيز للفرن
وناكلوا في الطريق
والصباح نعيد على الناس والجيران
وكل سنة وانتوا طيبين
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
تماضر الله يديك العافيه والعيشه الدافيه انتي والبتحبيهوم كلهم ياربــــــــــــــــــــــــــــــــــــــــــــ
وانا شور انه خبيز طاعم ذي سيرتك ...وذي خالاتي كلهم
وتاني الف سنه عيدياربـــــــــــــــــــ
يا خالتو تماضر
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
زمان كنت قايلة نفسى باعرف اخبز كويس لانى كنت دائما اساعد فى نقش الكعك و رصه و "ضخ" البتى فور
و بعدين اكتشفت انو تحضير الكعك و البسكويت و عجنهم الخ الخ الخ حكاية عاوزة خبرة عشان كده احترمت نفسى و ما فكرت اخبز. المهم
لا ما خبزنا
و انتو؟
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
الخبيز ريحتو جميله لكن مشاوير الفرن كانت برنامج ما جميل و لو زغت من البيت ممكن الجيران يرسلوك الفرن برضو يعني سيك سيك.. يا سلام على عيد زمان و خصوصا اللوحه البختوها في شاشة التلفزيون عيد سعيد امضاء ادمون مع مزيكة بشير عباس القمر في كنانه كل عام و انتم بخير
غايتو نعتبر نفسنا أكلناهو في بوستكم ده
| |
|
|
|
|
|
|
|
|
|
Re: خبزتو؟؟؟؟؟؟ (Re: Abureesh)
|
الاغنيه مهداه..الي كل لاتة وعاجنه ..في سوداننا الحبيب..وبورد ود حبيب
والي صلاح غريبه....حدث وسادتي الخاليه عن الوحشه يا صديق
قلت ليهو زورني اكون سعيد..قال لي ولا في كل عيد
والي ود عزه...لأنو المسكين الوحيد ..المغشوش فيني
والي تماضر شيخ الدين..
اهديها هذا اللحن..والدنيا "خبايز" عيد
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
الاخ الكريم ابو الريش
كل عام وانت بخير, وعيد سعيد
راويه العسل
كل عام وانتى بخير, وانشاء الله السنه الجايه على ما تتمنى
أعمل شنو يا عذيذه, اولا ما عايذه اكلف البنت, يعنى مش كمان حتعمل الخبيذ, ادفعها كمان ثمن رسيلو؟ بعدين الشئ التانى الخبيذ حيطلع بودره ان تم ارسالو بالبوسته حتى لو وضعنا فيه قابل للكسر, ومافى زول جاي عندنا قبل العيد, لكن مش اخير من عدمو؟ بعدين ممكن تسلفينى بنتك ده تخبيذ لينا وتحننى وارجعها ليكى بالبريد السريع..بفور تولف نون قرانتيد
بمناسبه الحنه زكرتينى بموقف طريف حدث معى فى زيارتى الاخيره للسودان, بعد عده جلسات(دخان) وجدت اختى المتذوجه قد اكتسبت لونا برونذى جميلا..بعدين بصراحه انا غرت, وقلت ليهم انا عاوزه لون زى ده قالو لى ما ممكن تدخنى انت غير متذوجه, قلت ليهم قالو الدخان بيشفى من الروماتيذم..فلنتحجج بأنى عندى روماتيذم فضحكو على, وقالو لى ان فعلتى ذلك ستعطى الناس مسج بأنكى بنت مش كويسه...فأقلعت عن الفكره بحسره واختى تغيظ فينى
ما تنسى تفتكرينى وانتى بتاكلى الخبيذ...هنيالك
وفى أمان الله
لا اله الا الله
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
نفسي ف بلد لامن تفوتا تحنسك
وتجيها مشتاق تدخلا تقعد معاك و تونسك
تديك من اللقمة الحلال .. في ضلها تقعد قصاد بت الحلال
تسهر عليها وتغلبا بالمال .. تغلبك بالعيال
نفسي ف ولد أسهر عليه وأعلمو
عشق البلد
نفسي ف بلد ... نفسي ف ولد
===================================
هسه ده ذاتو ما خبيز يا تماضر؟؟؟؟
عمر إبراهيم يديك ألف عافية ويحقق أمنياتك
تماضر شيخ الدين
كل سنة وإنتي طيبة
| |
|
|
|
|
|
|
|
|
|
Re: خبزتو؟؟؟؟؟؟ (Re: نادر)
|
العزيز نادر
كل سنة وانت بمليون خير و يحقق امنياتك يارب.
الخبيز المجهبز دا
Quote: نفسي ف بلد لامن تفوتا تحنسك
وتجيها مشتاق تدخلا تقعد معاك و تونسك
تديك من اللقمة الحلال .. في ضلها تقعد قصاد بت الحلال
تسهر عليها وتغلبا بالمال .. تغلبك بالعيال
نفسي ف ولد أسهر عليه وأعلمو
عشق البلد
نفسي ف بلد ... نفسي ف ولد
|
دا خبيز اخوي الفاضلابي .. عليك الله ما يديهوا العافية
العزيزة تماضر
خبيزك لم الناس و فتنهم .. فتن جد
يديك العافية وكل سنة و انت طيبة
عمر
| |
|
|
|
|
|
|
|
|
|
Re: خبزتو؟؟؟؟؟؟ (Re: omer ibrahim)
|
دافى الغنيه بالغت...
ما قالت بقيت حبوبه...؟؟؟
وما جابت الرجال لى بناتها؟؟؟
بتشاكلو بس للصلاه؟؟؟
الغنيه دة بتنتمى لى ياتو مدرسه نقديه؟؟؟
الواقعيه...المحلبيه ...ولا شنو؟؟؟ هاهاها...
دى كلمات القاضلابى؟؟؟ يا سلام يا عمر ياخ...
كلمات "جارحه" عدببببل كدة...
تحياتى لكم جميعا وانتم تعانون من حكايه عاداتنا وتقاليدنا السمحه...عليها شويه غربه وعدم لم فى الشمل زايد...ضيق فى ذات اليد...وكمان عيد...ياخى دة نضال الطبقة العامله زااااتو
قولوا لاهلكم تماضر بتسلم عليكم...وبتقول ليكم...اها صمتو وفطرتو على خير...خططكم الجايه شنو؟؟؟
ولووووول وكل سنه وانتو طيبين تامين ولامين وخابزين وطاقين ستاير طقا شديدا...ولابسين هدوم جدااااااااد...
| |
|
|
|
|
|
|
|
|
|
Re: خبزتو؟؟؟؟؟؟ (Re: elsharief)
|
شكرا من زوقك يا شريف...
نسيت ما اقول لى روايه وهاله وبت الاحفاد وكل من شارك فى موضوع الحنه والدخان...انى ماشه باكستان...
وقولو لمن نبزنا
انحنا هنا..انــ...خبزنا
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
تماضر كل سنه وانت و ناس بيتكم طيبين....
و السنه الجايه علي امانبكم.....
نحن غايتو ما خبزنا ... عشان كان خبزنا بناكلو براااانا...
و نبقي سمان و كبار....
لانو بعيد عنك ساكنين بره الجنه و سقطه .. و بعيدو علينا بي الهاتوف فقط .....
تحياتي
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
تماضر ياعسل
كدة شكلى حأفضح نفسى
بعد ماجبت دقيقى وكل باقى الحاجات
طق اتذكرت باقى الخبيز الجبتو من السودان
قبل تلاتة شهور والجماعة بى فرحة العمرة فات عليهم انو الخبيز مدة صلاحيته احتمال تكون انتهت بس النفعنى انو تاريخ الصلاحية اتمسح
اليوم لما اتصلت عشان ابارك العيد لناس امى سألتهم خبزتو ؟ ردت على بهجة اختى . وبهجة دى طريدة (ابوذر) قالت لى اسكت ساى الخبيز عاد عملوا لى ابوذر
شنو نان... تدى ربك العجب
احاول احنسو كان يجيب لى منو حبة فى كيس .
بس اخواتى من غير زعل بين كل الخبايز حايكون خبيز ناس راوية رهيب وماتسالونى
ليه الجواب عندهن .
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
الأخت تماضر بنت الشيخ
وكل سنة وانت طيبة وخبازة
لكن نحن ما خبزنا راجيين صوانيكم
بعد ما تنتهوا من نقش الكعك والحنة انشاء الله يكون في وقت نحصل باقي
العيد
زمان كانت الدنيا بي خيرها وكان الأستعداد للخبيز قبل اسبوع من العيد وكان برنامج حافل
نجيب دقيق استرالي دبل زيروو والكيلو كان بي 12 قرش و الوالدة تمرق السمن تشم ريحتو من خشم الباب والبيض من قفص الجيران وباقي
المستلزمات والمكنة والبوصة للبسكويت والمنقاش للكعك والكافورة
وبعدين الصواني
وفي اخر الصينية يعملو لينا ولد او عروسة بي باقي العجين عشان نوديه الفرن_ ويا ولد ما تأكل الكعك حار
وبعد داك نرصوا معاهم نرشو بالسكر ونجي راجعين نسرقوا من شنطة الحديد وقبال يجي العيد نكون اكلنا نصو
لكن السنة دي ما عندنا دحين كان عندكم حاجة مفضلة من اصحاب العمم
ادونا حبة
ولا اراكم الله مكروها في خبيزا لديكم
| |
|
|
|
|
|
|
|
|
|
Re: خبزتو؟؟؟؟؟؟ (Re: ahmed haneen)
|
حقيقة البوست دة كشف لى عن امكانيات ضخمه...مختزنه فى داخل اكثركم
وخبيز لا بستهان به فى دواخلكم...وصفائحكم...
فضفضوا ولا يهمكم...
الاتذكر خبيز امو...
الاتذكر يخبز
الاتذكر الخبيز بعملوه كيف
الاتذكر الخبيز زاتو...
المهم بركه الذكرتكم...
الجاب الخبيز زاتو....
الاتكلم عن مشروعية خبز الخبيز...
اها اخبزوا...اقصد...اكتبوا...انا مستمتعه بالمتابعه...
وباليد التانيه...باكل فى خبيزنا...
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
للاكل خبيز حبيبتو
بنقل رسالتك لكن مابقول اسمك... حفاظا على حقك فى التخفى...لمن تعرسها... بنشر هويتك:
تماضر الراقية
نسيتي واحد اتذكر خبيز حبيبتو لمن جاتو العشراقة حقت الكعك ديك...عارفاها ياتا مش؟
ياخ خبيز الحبيبة جميل خلاص خصوصا لما تتم سنة كاملة ما تشوفا...وخصوووووصا لما يكون فاضل ليك 27 يوم وخبيزتك ... حبيبتك تبقي ... آآي تبقي ست بيتك
عليك الله الغربة دي ما بطاااالة
اها الواحد دا خجل من كتابة الكلام دا في البورد باقي الجماعة ديل شيالين حال.
تماضر هسي ان بطربق معاك كدة مالي؟
| |
|
|
|
|
|
|
|
|
|
Re: خبزتو؟؟؟؟؟؟ (Re: Tumadir)
|
تماضر حبيبة البي
والعيد السعيد يروي عافية شرايينا بالفرحة واللقاء ، يشغل انتباهتي تضرعاتي الى العلي القدير ان يعفوا عنا ويتقبل صيامنا وصلاتنا .
وكل سنه وانتم بالف خير
| |
|
|
|
|
|
|
| |
Tumadir
mohammed alfadla
إيمان أحمد
malik_aljack
yumna guta
wadazza
Rawia
ودقاسم
ملكة سبأ
عشة بت فاطنة
alfatih
مهيرة
دورنقاس
الجندرية
Abureesh
bint_alahfad
بلدى يا حبوب
ghariba
Ibrahim Algrefwi
nada ali
Yassir Mahgoub
Dafi
elsharief
Yasir Elsharif
رشا بابكر
ahmed haneen
shiry
فيس بوك
تويتر
انستقرام
يوتيوب
بنتيريست