|
Re: مهداه الي سجيمان وكل من لف لفه (Re: aba)
|
شكرا ليك ياابا والله رفعت من روحي المعنويه سجيمان بت شامبو شنو؟؟ انت الشامبو شفتو وين صلعتك واصله عنقرتك عاد وين وين تلقوا ذي داحاج دوم شحد الله والله اداه اما بالنسبه ليك الله يكفينا شر التعب البلا عوض
| |
|
|
|
|
|
|
Re: مهداه الي سجيمان وكل من لف لفه (Re: doma)
|
العزيزة دوما والله صورتك حلوة جدا ، ذكرتني الامهريات( كتبتها صح) اكتر من حلوة العزيز ابا بالغ التعليق عندك انت بتجيب الكلام ده من وين قال حوا والدة اها شفت الكبكبة كيف؟ تسلموا جميعكم
| |
|
|
|
|
|
|
Re: مهداه الي سجيمان وكل من لف لفه (Re: doma)
|
تحياتي ليك يا دومة...لكن ما ممكن أقتنع إنو دي صورتك..لسبب واحد : لأنو دي ما صورة واحده ممكن تاكل ملاح المرس والتركين والسبروق زي ما قلتي في البروفايل بتاعك....يعني نحن وناس سي جي ناكل شنو؟ هناك خطأ ما...في مكان ما....وبرّاحكم علي سي جي ده
| |
|
|
|
|
|
|
Re: مهداه الي سجيمان وكل من لف لفه (Re: sentimental)
|
لووووووووول والله فشفاشي وجعني من الضحك يا حباني ما زمان قلت ليكم احسن خلوهامستوره حبوبه دومه خالتي دومه مامه دومه لكين سجيمان استفزاني جدا والله مااكذب عليكم حاسه بالحرج اها بسحبوهاكيف ياجماعه الصوره؟؟؟
| |
|
|
|
|
|
|
Re: مهداه الي سجيمان وكل من لف لفه (Re: doma)
|
لوووووووووووووول يا ابين شنبات والبدونها كمان نحن زمان غنيننا في بوست بيان دوما السمحة جات غنن يا بنات اها الدور دوركم يا دومة وين لنك الحفظ يا جماعة قلنا دا اجباري
| |
|
|
|
|
|
|
Re: مهداه الي سجيمان وكل من لف لفه (Re: doma)
|
يا دكتوره بيان..والله ما أقدر غير إني أصدقك...بس بالله أنقلي ليه مني رجاء حار : أولا تغير إسمها من دومة..يعني بكون في الحالة دي ما مناسب...مالو لو كان مشمش..منقه...فراوله ,زي كده ثانيا: قولي ليها بلاش تاكل مرس....لأنو في الحالة دي ممكن أسعاروا تزيد في البورصات العالمية وأهلنا الغبش ما يقدروا يشتروه.....قولي ليها أكلي اّيس كريم
لك اله يا سي جي....الاّن أنا عرفت إنت مالك متوّك!!!!!!!!
| |
|
|
|
|
|
|
Re: مهداه الي سجيمان وكل من لف لفه (Re: Osama Mirghani)
|
يا صلاة النبي ويا عيني الباردة يا بوست احفظ ما عليك
انا تاني كان قلت ليك يا حبوبة دومة ..يضربني جناح الطيارة واذا ود الجعلي قال ليك يا خالتو ..ياكل شوال شطة ( قبانيت ) يا ( دنقابة ) وارد الفاشر
الله يعينكم عاد يا ناس سجيمان .ويا ابا خالي ..
وبختك يا دكتورة بيان مبيضه ليك في قفص حديد
يا دوما المنقه تاني اسمك دوما المنقه ح اقول ليك دوما المنقه
يا جماعة اعزروني ده ماانا البقول في الكلام ده كيبوردي ..كيبوردي .. الحمي ...الفايروس مرض حامد
| |
|
|
|
|
|
|
Re: مهداه الي سجيمان وكل من لف لفه (Re: Osama Mirghani)
|
لووووووووووووووول زمان فى واحد عربى كدا ياكل فى ايسكريم قام زول قاليه لو انت اكلتا الايسكريم البياكل اللبا منو المهم دى دومة والجندرية امنت على هذا القول ومن سمع ليس كمن رأى واسم دومة دا نوع من التعمية و الكاموفلاج
ويا المسافة اابدا يا ولدى انا زمان فى سودانت نت قالوا انا شيوعية وجيت هنا قالوا كوزة اها يا اخوى التفسير الوحيد لهذه الظاهرة انه ناس سودان نت كيزان عارفين منو معاهم ومنو لا وناس سودانيزاولان شيوعين عارفين منو معاهم ومنو لا وانا بقيت اصنف حسب اللست العندهم لوووووووووووووووووووووووووووووووول وانا بكره الاتنين على حد السواء وشكرا ليك لاتاحتك الفرصة العظيمة عشان اوضح نفسى عشان فى ناس كانوا مصاحبينى اسع بقوا يكرهونى ويلولو كلامى
| |
|
|
|
|
|
|
Re: مهداه الي سجيمان وكل من لف لفه (Re: bayan)
|
جندرية ده البتاع .. ورفعنا يدنا ..وبعدين الطلبة بتاعنك مالهم ما بحبو المذاكرة ما اديناهم التاع ده في الحصة الاخيرة عليك بالهرشة بس تاني البنزل اغنيتو يجيب معاها الحفظ والا رايك شنو ؟
| |
|
|
|
|
|
|
Re: مهداه الي سجيمان وكل من لف لفه (Re: sentimental)
|
البنت دوما صورتك زى بنات روما احكى الشعر ونفخيخ الجضوما وقطعتى سجيمان الحومة ومن لف على طريقته الديمومة وبكرة خالة بيان تظهر بهدومة والبسمة فى خشيمة مرسومة وتسريحة زى تسريحة دوما والشباب وراها ردوم من ابوقوتة للخرطوم
| |
|
|
|
|
|
|
Re: مهداه الي سجيمان وكل من لف لفه (Re: abuguta)
|
اها يا سجيمان كمان ابقوته كتب لي قصيده اها تاني قل لي دي انتي ولا بت الشامبو مشكور ياابقوته علي القصيده الجميله شكرا لكم جميعاولكم الورود ولسجيمان كوم الرماد لووووووووول اها خم وصر
| |
|
|
|
|
|
|
Re: مهداه الي سجيمان وكل من لف لفه (Re: doma)
|
يا جماعة خلو الكبكبة..الزولة قالت ليكم الصورة دي قبل عشرين سنة...خلو البت في حالا بعدين انتي يامنقه اقصد يادومة..انتي غلطانة..تلصقي ليناصورتك القديمة دي و تجهجهي الشباب و الجلاكين...بعدين انتي ماخايفة حاج دوم يشوف التعليقات دي يقوم يحلف عليك ويمنعك من البورد؟
| |
|
|
|
|
|
|
Re: مهداه الي سجيمان وكل من لف لفه (Re: Ahmed Khalil)
|
والله مش خايفه وبس برجف وركبي سايحه يا شباب بالله البعرف فيكم يسحبها يسحبها ما كمان تبقي لينا سبب طلاق بعد ما بقينا في خريف عمرنا رجاءخاص يا خبراء الكومبيوتر سحب هذه الصوره باسرع ما يمكن شكرا ليك يا احمد خليل كتير
| |
|
|
|
|
|
|
Re: مهداه الي سجيمان وكل من لف لفه (Re: Ahmed Khalil)
|
خالتي العسل
دومة الجميلة
أنا طبعا ماشفت الصورة الهنا، لكن أذكر عند وصول صورك والعيال وأبوهم تذكرت إهداء المبدع بشرى الفاضل الذي صدر به حكاية البنت التي طارت عصافيرها وهو يهدي الكتاب إلى زوجته التي تبعته من العالم الأول إلى بلاد توجد في العالم الآخر "ودي من عندي"ه
وعذرت الحاج دوما، حين أتاكي من عالمه الأول
التحية لكي ونفتقد حديثك الجميل
| |
|
|
|
|
|
|
Re: مهداه الي سجيمان وكل من لف لفه (Re: nadus2000)
|
الابن المهندس شكرا للاطراء فانتم من تهبوني كل هذا الجمال عارف يا نادوس والابنوسه والابنوسه ونادوس بالجد دايما بعمل معاكم حكايه رقيه وراق مع تراث اكب الزوغه لاني بالجد ما بلقي الكلام البقولوا قدام حضرة جلالكم والله بريييييييييييييييدكم بريدكم ومشتاقه مشتاقه اكيد اتصل عليكم اكيدوحبي للابنوسه والعيال كتير
| |
|
|
|
|
|
|
Re: مهداه الي سجيمان وكل من لف لفه (Re: الزنجي)
|
الأخت حاجه دومه ســلام سيبك من حكاية الإبن النيل دي..أنا ولدي الكبير في أولي طب..يعني أبقي ليك عم وللا خال...المهم عارفه أهم معلومه إستفدناها من البوست دا إنه سجيمان بيلف..طبعا كونه بيلف دي مشكلة لكن برضها أهون من مشكلة الشم...والحمد لله إنه لفاف...وما شمام..بس الخوف من تأثيره على الشباب..شايف الزنجي عجبته سوات سجيمان وقال داير يلف هو كمان
| |
|
|
|
|
|
|
Re: مهداه الي سجيمان وكل من لف لفه (Re: ghurba)
|
كر علي ياغربه انت من الناس الما شافوني ؟؟؟والله اقول ليك شنو يا وليدي الغايب حقوا في كرعي . غايتو اسال الناس الشافوني يوصفوني ليك ولو انه من سمع ليس كمن راي . صدقني ماهنت علي لكين الناس وبخوني وقالوا لي حاج دومه لوشافها ح يكون فراق غير وامق
| |
|
|
|
|
|
|
Re: مهداه الي سجيمان وكل من لف لفه (Re: garjah)
|
لووول والله يا قرجه لو كنت عارفه اني ح امشي الحركه شمال كان من زمان ختيتها كنت خايفه قلت مابقدرانافس مع الجيل الجديد دا.
ياشنتير لو ماخفت من ابو العيال يشوفها وتبقي مشكله ماكان سحبتها وبعدين انا اسه طبعاكبرت وكبرت احزاني واتجهجهت لووووووووول راجل بغاره يلحقني وينجدني مابقدرانزلهاتاني اصلوا الجمال لمحه فارس
ماكفاكم شفتوني!! ماتبقوا طبعكم شين كدي الابن الغالي تمبس انت تبرأ وتستبرأ من كسرالضهرينكسر ضهرعدوك السجيمان الاصلوا ابي مايهببوا لي وعجبني ليهواخد شاكوش في نص راسو اتدشدش بقي كوم عضام الا تلموه لم ولو عايزباقي شمار سجيمان قابلني في المسنجر
| |
|
|
|
|
|
|
Re: مهداه الي سجيمان وكل من لف لفه (Re: سجيمان)
|
لللللللول مالو حسك نايص كدي؟؟ وحيلك ميت متل الزول البايت القواولا عندو مراريا كفاره الشاكوش قالوا كان سريع ومن النوع الصاموتي اها تاني امشي اتشابي !! بعدين تاني ما ح تقدر تستفزني وافك اخري لوووووووووول ستها منو الزعلت ؟؟! يا اخوي الخواف ربي عياله خفت يقوم الراجل يشوفها ويفكني عكس الهواء
| |
|
|
|
|
|
|
Re: مهداه الي سجيمان وكل من لف لفه (Re: Shinteer)
|
والله ما شاء الله البورد كله طلع حزب سجيمان كلهم لافين لفه مرحب بيكم جميعا يا معجبين المسافه ترهاقا الابن نزارحسين ودكتور نصر انت وين يا حنين مااشتقنا ليك
الابن نزار حسين دي لزوم زيادة لف يا دوما
عندي صاحبي بخاف من الكبر خوف شديد لما اسألو من واحد بعرفو عمرو كم يقول لي والله ما كبير عمرو سبعين سنة بس ويقولها جادي جدا
فانا قبلان هذه البنوة يا دوما وسوف ازيد من لف لفهم
| |
|
|
|
|
|
|
Re: مهداه الي سجيمان وكل من لف لفه (Re: tmbis)
|
ووووووب علي اهادا الخايفه منو انا تمبس سرق صورتي وسواها في قروش الامريكان وعرضها بالبوردات سجم خشمي ورمادي الحقوني يا العيال شوف كلام تمبس دا ما اعوج وووووووب علي حلتي وعلي الماذون العقد لي اها اجري يا غربه شوف خالتك دومه وافضيحتاه واسجماه والرماد كالني ... يا حليلك يا صلاح درار يا البتقش دمعتي الليله ما شفت حال اختك في البورد تمبس شنع بي وكشف حالي وروررررررررررررررررروك وسجيمان يضحك ويتكشم شمتان فيني
| |
|
|
|
|
|
|
Re: مهداه الي سجيمان وكل من لف لفه (Re: doma)
|
أنا حأسمي البوست ده بوست الجرسة و الله موتوني من الضحك و يا دومة عافية منك جننتي الجماعة جن ...خليتيهم يهضربوا سااااي. أها و بعد ده كله يقولوا ليك المره لو فاس ما بتقطع الراس، أها حسه دومة قطعت راسكم. عالم جرسة...
| |
|
|
|
|
|
|
Re: مهداه الي سجيمان وكل من لف لفه (Re: Nada Amin)
|
اها يا ندى شنو الحكاية نزل لينا صورتك أكيد بتكونى منقةكسلا الصافيه لونها ، وشابكننا النسوان مظلومات ، شوفى دوما دى سوت فى الناس شنو شكيتها على الله - المستهبلة دى ، شابكانا خالتى دومه ، حبوبة دومة ،اتاريها مالية يدها،ونحن مصدقين ،يس كمان اكيد زوجهابكون راجل يسد ويقد، وأدتنا رسالة، هووووى ياناس البورد زحو ،منى،والصورة دى عمرها مش عارف كم سنة الله يجازيك يا سجيمان كشفت حالنا بقيت تبكى لى فى البنات الصغار ونسيت بنيتك اللى بترضع وهى واقفة، انا شكلى نعست ، وتصبحو على خير
| |
|
|
|
|
|
|
Re: مهداه الي سجيمان وكل من لف لفه (Re: سجيمان)
|
سجيمان يا حاقد ، ياخى ده كان طلب يسيط منى للاخت ندى ، ياخى إامشى ابكى محل ما داير إنشاءالله فى حائط المبكى ، يا ندى الدكاترة ديل عاملين لينا قلق ، البنت من يقولو ليها دكتور تديك شبشب مخلوف وسجيمان داير يستكرتنا - تعرفى امبارح قعدت مع ولدى قلت ليهو لازم تطلع لى دكتور كان عجبك وإلا ما عجبك
| |
|
|
|
|
|
|
Re: مهداه الي سجيمان وكل من لف لفه (Re: aba)
|
ابا يا رسول المحبه
مشيت حفرت حفرت لمن عرفت الحقيقه؟ اها طلعت صورة حبشيه الكسير دا درابو نرميهو ويييين؟
غايتو يا خاله الله يسامحك خليتيهم يفكو اخرهم كلهم .. كبير وصغير وفي النهايه تطلع حبشييييييييييه
| |
|
|
|
|
|
|
Re: مهداه الي سجيمان وكل من لف لفه (Re: maia)
|
دومة يا بت العم والله نحنا بتهمنا سماحة النفوس ونفسك السمحة دي كان بعد عشرين ولا خمسين سنة حا تبقي زي ما هي وده المهم (جنس مكن عليك يا أبا تطير عيشتك أنا زاتي صدقت)
هوب يا زول الحبش ديل مافي زول بغشني بيهم إنت قايلني هندي
مايا والله معاك حق وكمان كبكبة الناس العجايز شينة شنة غايتو الله يستر كبرنا
| |
|
|
|
|
|
|
Re: مهداه الي سجيمان وكل من لف لفه (Re: HOPEFUL)
|
الدخان ماطار زمااان يا جمال... شفت الجماعه ديل إتكبكبوا وإتجرسوا وقطعوا مويه ونور كيف؟؟؟؟ صحيح والله التقل صنعه وأي صنعه..أنا والله حاجه دومه دي عاجباني من يوم مادخلت البورد وكمان لما ختت الصوره أسكت ساكت...هو داب إعجاب بس؟؟؟بس قلت ياود أتقل شويه لما تعرف أصل الحكايه وفصلها ..وتشوف شيلة التمساح في الجماعه الوقعوا البحر من قولة تيت ديل...حاجه دومه إنتزعت منهم الإعترافات وكشفت أوراقهم بسرعه غير عاديه..والله برافو عليك ياحاجه ...أشهر محقق في الدنيا ما كان يقدر يكشف الأوراق بالسرعه دي...وبرافو على أنا كمان عشان بقيت تقيييل درابه
| |
|
|
|
|
|
|
Re: مهداه الي سجيمان وكل من لف لفه (Re: aba)
|
والله يا خالة دومة عافية منك جهجهتي الخلق
اها انا عرفت الصورة من الاول بتاعةملكة جمال إثيوبيا ما متزكرة ياتو سنة وقاعدة اضحك ساي علي البكايين بيجاي ناس الفراولة والما عارف ايه كدة خفت لساني يخوني لو دخلت وافتو كلو
اها عاد مبارك عليكم كلكم ما بين قهوتا وشهقتا..زي ما قال يا زول
والكبكبة عندكم في المسرات
حنينة
| |
|
|
|
|
|
|
|