|
|
 رسالة الى الشعب السودانى - محجوب شريف
|
يا شعبنا يا والداً أحبنا
يا من منحت قلبنا ثباتك الأصيل
اليك هذه الرسالة القصيرة الطويلة
اليك من زنزانة تخاصم الفصول
اليك رغم أنف كل بندقية
وحقد بربرية
وكلمة شقية.. اليك منا الحب والسلام والتحية
ودمت يا أبي حبيبنا وبعد أدبتنا
أحسنت يا أبي
فلم نتابع الهوى وكأنما هابيل ما ارعوى
وكم غوى وتاه فى الأنا
أراد للدماء ان تسيل
ونحن مثلما عرفت يا أبي بفضلك الكريم
أشرس الرجال حينما نقاوم
نموت لا نساوم
ندوس كل ظالم
ونفتح الصدور للمدافع الثقيلة
ومن هنا أبناؤك الرفاق باسمك العظيم أقسموا
فصيلة فصيلة
أن يثأروا لصرخة الأمومة الجليلة
لطفلة جميلة.. تنفست قليلا.. تمددت قتيلة
رصاصة فى جنبها وطعنة فى قلبها
لم تعش طويلا
لكن مليون مثلها سينجب النضال
يا أبي حقيقة
فكم من حديقة تفتحت على حطامها حديقة
وكم مكان نخلة هوت علت نواتها وزادت ارتفاعا
أجمل الأطفال قادمون ساعة فساعة
عيونهم أشد من عيوننا بريقا
دورهم بما وهبت أكثر اتساعا
وحينما يكبرون يا أبي
سيوفهم تزيد من سيوفك الطوال طولا
لأن بذرة الحياة ليست الرصاص
لأن بذرة الحياة ليست الرصاص
|
|
 
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
الاخ/ حسين
الاستاذ محجوب شريف قامة سامقة فى الوطن و يستحق الكثير
وهذه رائعته
اغنية حب للخرطوم
غنى ياخرطوم غنى
شدى أوتار المغنى
ضوى من جبهة شهيدك
أمسياتك واطمئنى
نحنا منك ريح وهبت
نار وشبت
فى وجوه الخانو اسمك ياجميلة
ونحن ياست الحبايب من ثمارك
فى دروب الليل نهارك
وقبل مايطول انتظارك
نحن جينا
وديل أنحنا القالو متنا
وقالوا للناس انتهينا
جينا زى ما كنا حضنك... يحتوينا
لما فارسك فينا هبَّ
وعبَّ حجرك بالمحبة وبالأماني
صحى نار الثورة تاني وجانا داخل
زي شعاع الشمس من كل المداخل
وهز بالمنشور وبشر
ياما فرهد فى عيونك غصن أخضر
وفرحة أكبر من شجونك
والسلاسل يا جميلة
يوم ما كان ميلاد شهيدك
يلا غني ولاقي عيدك
ولى ثمارك لقي ايديك
جيل مكافح حلَّ قيدك
فى غضبنا الحر ولافح
وياما باكر وفى زنازين العساكر
نبني مجدك ومهرجانك
وكل قطرة دم عشانك
ولى جديدك يا جميلة
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
الأخ كانتونا
تحية و إحتراماً
لقد قرأت عدة دواوين و أشعار منشورة متفرقة للشاعر نزار قباني و لم تصادفني هذه القصيدة فأرجو منك ان تطلعناعلي الديوان الذي نشرت فيه أو حتي اي موقع لمجلة أو جريدة نشرت فيها هذه القصيدة علي لسان نزار قباني و لك المودة
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: elsawi)
|
تحيه للجميع ولكني اختلف في محجوب لانه قال
يا حارسنا ويا فارسنا
وقال
يا مايو يا سيف الفدي المسلول
وقال وقال....0
وايد اكبر امبراطوريه للشر كانت في بلادنا وهي التي ولدت كل المهالك التي اصابتنا لاحقا، ولانني ديمقراطي احب الديمقراطيه كان واجبا علي ان الاحق كل من قوضها من قبل،و حتي لا ننخدع بين المتاجرين بها وبين الذين تراصوا من حبا فيها، ولنذكر الذين نسو بان ذاكرتنا من حديد ولا ننسي.0
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: ahmed babikir)
|
الأخ كانتونا
لقد اورد الأخ ابو عرفة قصيدتين للشاعر محجوب شريف الأولى هى رسالة الى الشعب السودانى والثانية هى اغنية حب للخرطوم وانت وبكل قوة عين اتهمت الشاعر محجوب بأنه قد سرقها من الشاعر المرحوم نزار قبانى لكن ما حددت لينابالضبط اى قصيدة فيهم قد تمت سرقتها مع ابراز دليلك على ذلك
ياأخ كانتونا انت عبيط ولا بتتعابط ؟
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
الاخ ابوجهينة
التحية العطرة لك و دمت
الصاوى
تحية خاصة جدا وتحية اخرى لان ردك لكانتونا اغنانى من الرد
احمد بابكر
سوف اعود لك لاحقا و سلامى اليك
قلقو
نعم محجوب شريف قامة سامقة و الشكر للك
كانتونا
مع الاختلاف معك ايضا التحية لك
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
الاخ / احمد بابكر
اختلاف الراى لا يفسد للود قضية
نعم محجوب شريف غنى لمايو و بنفس المنطق كل القوى السياسية فى السودان تصالحت مع مايو الحركة الجنوبية وقعت اتفاقية اديس اببا1972 ووقتها جون قرنق كان برتبة نقيب و بالرغم من ان البير الير قال فى كتابه جنوب السودان نقض العهود و المواثيق بان جون قرنق كان معارضا للاتفاق الا انه فى النهاية وافق و استوعب فى الجيش السودانى الصادق المهدى و الميرغنى تصالحوا و استوعبوا فى اللجنة المركزية للاتحاد الاشتراكى الحركة الاسلامية هم ابناء مايو نمو و ترعرعوا فى مايو الحزب الشيو عى هم مفجروا مايو الاولى اكثر من فنان سودانى و شاعر و كاتب احتفوا بمايو ففى سؤال بسيط هل نقاطع هؤلاء جميعهم و لماذا تريد ان نحاكم محجوب شريف بالماضى فمن الاحرى ان نساله رايه الان و نحكم عليه و للمعلومية فمحجوب شريف حتى بداية التسعينيات كان يسكن بمنزل متهالك بالايجار فى الثورة الحارة التاسعة على ما اعتقد و اظنه كذلك حتى الان و حتى ترض فهدذه رائعته بطاقة شخصية هدية لك
الاسم الكامل إنسان
والشعب الطيب والديَّ
والحزب حبيبي وشرياني
أداني بطاقة شخصية
مـن غير الدنيا وقبالو
قـدامي جزاير وهمية
المهـنة بناضل وبتعلـم
تلميذ فى مدرسة الشعب
المدرسة فاتحة على الشارع
والشارع فاتح فى القلب
والقلب مساكن شعبية
وديني محل ما توديني
شرد أخواتي وأخواني
فتش أصحابه وجيرانه
خليني فى سجنك وأنساني
فى سجنك جوا زنازين
أرميني وكتف إيديَّ
علشان مستقبل إنساني
وعشان أطفالنا الجايين
والطالع ماشي الوردية
وحياة الشعب السوداني
فى وش المدفع تلقاني
قدام السونكي حتلقاني
وأنا بهتف تحت السكين
والثورة طريقي وأيامي
معدودة. وتحيا الحرية
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
نعم اذا كنت محب للديمقراطيه عليك اذا هذا فعل وعليه ان يحاسب ولا كبير بيننا وانظر جيدا سا سيدي لمن ذكرت اسمائهم اولا يكون السودان في احسن احواله لو تمت محاسبتهم بما اقترفت ايايهم.0
واستنادا لما كتبت:-0
بنفس المنطق كل القوى السياسية فى السودان تصالحت مع مايو
اريد ان اصحح لك معلومه فالحزب الاتحادي الديمقراطي لم يصالح مايو ولا اي انقلاب عسكري اخر سابق او لاحق وسيظل كذلك ديدنه الي ان يرث الله الارض بما عليها. فلا تلوث من ناضل بمن (انبطح)للمفسدين وايدهم وساندهم
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: sultan)
|
| Quote: ياأخ كانتونا انت عبيط ولا بتتعابط ؟ |
ياقلقو
مالك يازول في داعي للكلام الشين دا؟
على كل حال انا لا عبيط ولا بتعابط
لكن القصيدة البقول فيها يا شعبنا ياوالد احبنا دي انا بقول نزار قباني كتبها قبل ما الناس تعرف محجوب شريف
ومن المحتمل اكون غلطان... والله اعلم
لكن ربنا يخلص لي حقي منك كان بتعايرني بلا سبب... الهم امين
ألمي البارد بقد الدلو
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
الاخ/ احمد بابكر
تحياتى للك
وهذا نص حديثك
اريد ان اصحح لك معلومه فالحزب الاتحادي الديمقراطي لم يصالح مايو ولا اي انقلاب عسكري اخر سابق او لاحق وسيظل كذلك ديدنه الي ان يرث الله الارض بما عليها. فلا تلوث من ناضل بمن (انبطح)للمفسدين وايدهم
وساندهم
ولكن انااقول لك فى عام 1976 وصل الصدام بين حكومة مايو و المعارضة مداه فى المحاولة التى تمت داخل الخرطوم للاستيلاء على السلطة بدعم خارجى من ليبيا ووقفت مصر علنا تساند حليفها نميرى و تمادت بان وقعت معه اتفاقية الدفاع المشترك و الاتفاقيات الاقتصادية و خلافه و بعد فشل المحاولة السابق ذكرها تصالح الصادق المهدى رئيس الجبهة الوطنية حينها مع نميرى و عاد الى السودان و لحق به حسن الترابى مبررين رجوعهم بمختلف الحجج و ادوا قسمك الولاة للثورة التى حملوا السلاح ضدها و تطور التعاون تالى ابعد من ذلك حيث اصبح حسن الترابى نائبا عاما منفذا لنفس القوانين التى وقف ضدها بالسلاح و انضم الى الركب صراحة السيد احمد الميرغنى كعضو فى المكتب السياسى للاتحاد الاشتراكى و اعتقد ان احمد الميرغنى كان يمثل نفسه لانه فى الديمقراطية الثالثة كان رئيسا لمجلس راس الدولة ممثلا للحزب الاتحادى الديمقراطى و ليس شخصه و انتقل الصراع الى داخل الاتحاد الاشتراكى و داخل اروقته بين الحرسم القديم و المتصالحين من جماعة الصادق و الترابى و الميرغنى
ملحوظة:
لا احبذ استعمال كلمات مثل انبطح ووووو الخ
و العتبى للك حتى ترضى
ومعها رائعة محجوب شريف رسالة الى مريم محمود
ياوالدة يا مريم ... يا عامرة حنية
أنا عندي زيك كم ... يا طيبة النية
بشتاق وما بندم ... اتصبري شوية
يا والدة يا مريم
ما ني الوليد العاق ... لا خنتّ لا سراق
والعسكري الفراق ... بين قلبك الساساق
وبيني هو البندم ... والدايرو ما بنتم
يا والدة يا مريم
عارف حنانك ليّ راجيك تلوليني
دايماً تقيليني وفى العين تشيليني
ألقاه عز الليل قلبك يدفيني
ضلك عليَّ مشرور قيلت فى سنيني
أنا لو تعرفيني لو تعرفي الفيني
أنا كم بحبك كم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
طول النهار والليل فى عيني شايلك شيل
لكني شادّي الحيل لا خوف عليَّ لا هم
هاك قلبي ليك منديل الدمعة لما تسيل
قشيها يا مريم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
كم من حبيباً ليَّ كان مالي بينا دروب
ما ودع الحبان ما وسدوه الطوب
حي قولي ما حي ووب
حي قولي ما حي ووب
ما خلى ساعة الموت يمه السرج مقلوب
اتشتت الرصاص فى جسمو واتقسم
لاقاهو يتبسم والحولو حيله وكان
ريحة صباه تتشم
زي التقول يومداك يوم العرس يادوب
قال أنا ما بجيب الشين أنا لو سقوني الدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
يمه السجن مليان رجالة ما بتنداس
الختو قبلي الساس والشالو هم الناس
والفات وليدن ليهو ما مسكو الكراس
ما سمعو يتكلم ما نحن عود الفاس
فرسان حمى وحراس فى الحارة نتحزم
عشم القدر ما كاس ما لاقى بيت يتلم
عشم الطواه الجوع المتعب المعدم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
ما تقولي شن سويت ما تبكي شن سويت
غير البطمن ناس بى همهم ساويت
فارس مع الفرسان حارس بلدنا البيت
أخواني علو السور أنا طوبة ما ختيت
ديل من زمن تاتيت لامن كتبتَّ قريت
عرقنا ياما يدر يمه اللبن والزيت
الكسرة والكراس لى قشة الكبريت
تقولي جيداً جيت راجع مع الفرسان
فايت الحدود واسيت
وتغني يا مريم لينا وتجري النم
والعسكري الفراق بين قلبك الساساق
وبيني هو البندم ... والدايرو ما بنتم
يا والدة يا مريم
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
| |
|
|
|
|
|
|
|
|
|
Re: رسالة الى الشعب السودانى - محجوب شريف (Re: abuarafa)
|
قزازة دم
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
| |
|
|
|
|
|
|
| |
abuarafa
ابو جهينة
cantona_1
elsawi
قلقو
sultan
فيس بوك
تويتر
انستقرام
يوتيوب
بنتيريست