|
كتب الكاتب الفاتح جبرا المتوفرة بمعرض الدوحة
|
|
 Re: واااا شوقي على قرشــــــو الاصيل الحي (Re: AlRa7mabi)
|
قرجا
إزيك يا أصيل
تسلم أياديك وبل الله يباس شوقك لمن يقطر ندي بعودة قرشو ، حديث تمبس عنه وكلماتك الحنينة الليلة تجعلني أتشوق لمعرفة هذا الكنز وحلويين هم الناس البتفتقدهم لمن يغيبوا وحلوين برضو الناس البيفتقدو الحبايب
| |
 
|
|
|
|
|
|
|
 Re: واااا شوقي على قرشــــــو الاصيل الحي (Re: AlRa7mabi)
|
الجميل
الاصيل ..ٌقرجة
والله لما شفت البوست ..قلت اكيد الزول ده جبتو معاك ..زي ما وعدتني آخر مرة
ودخلت علي البوست وانا بتلفت .. ولقيت أخوان الفزعه ..أهل العوض ومهاجر وهوب فول والرحمابي الطيب ..وكل الناس الجميلة ..فياريت العمدة .. كان أمورو سلكت يدينا طلة .. حتي ولو باليد الشمال ..يكتب لينا بي يد واحده ..والباقي بنتمو غلاط .. ..
يديك العافية يا قرجة ..وما عدمناك يا عمو ..بس شد حيلك ..محتاجين وجود العمدة بيناتنا والله ..
لكم ..الود ..ولي العمدة ..كل الاحترام والمودة ولفيف الشوق ..
تمبس
| |
|
|
|
|
|
|
|
|
|
Re: واااا شوقي على قرشــــــو الاصيل الحي (Re: tmbis)
|
معليش انا السبب
طفشت ليكم الزول دا من البورد
لأنو براه بعضمة لسانو كان بيتكلم معاي
لأني عندي ارض كنت عارضها للبيع
قام قال عاوز يشتريها
اها نشبت ليهو في حلقو
كلما اشوفو أون لاين
اقول ليهو شنو ياعمدة الواطاة عملت لينا فيها شنو
لحدت ما كب الزوغة
لكن هسي لو الزول دا ماجاء نلقى لينا عمدة ووووووووووووين
صراحة في واحدين مابتركب عليهم
يعني صعب نقول العمدة ابوحراز
او العمدة قرجة او العمدة أساسي
تحس بيها الحكاية شترة شترة
قال وااااااااااا قال
| |
|
|
|
|
|
|
|
|
|
Re: واااا شوقي على قرشــــــو الاصيل الحي (Re: ابوحراز)
|
العمدة
ما جي لسع من الاجازة
اتصلت في الشركة امس قالوا
الزول لسع مرطب في الاجازة
لكن يا ابو حراز
قصت عمدتنا اساسي
دي والله ركبت لي في راسي تب
يا اخوانا دايرنها بالتراضي
ولا ناخذ حقنا قلع
احم
العمدة اساسي الزول الراسي
| |
|
|
|
|
|
|
|
|
 Re: واااا شوقي على قرشــــــو الاصيل الحي (Re: tmbis)
|
واشوقى للولد القبيل ونسنا
واشوقى للفى الويست جاب الإسنا
واشوقى للخلانا حوصنا ولوصنا
واشوقى للفى جدة عامل حصنا
واشوقى للباهى الجميلا الحسنا
واشوقى لى للزيتون وذاك الغصنا
واشوقى للفاقدينو وين ما كسنا
وا شوقى لى قرشو وحيد ناس حسنة
واللول اللول يا لولية
looooooooooooooooooooooool
| |
|
|
|
|
|
|
|
|
|
Re: واااا شوقي على قرشــــــو الاصيل الحي (Re: garjah)
|
عمو قرجة
حقيقة كل مرة بيزداد حبي لشخصك العظيم وها انت تنظم هذه الأبيات
الجميلة من شخص نبيل لشخص اصيل من قرجة إلى العمدة قرشو
حقيقي مشتاقين لشوفتكم يا بورداب جدة يا من تزدان النفس حين
رؤياكم يا من تعطرون ليالينا بعبقكم الأصيل ، هلا لبيتم نداء الأخ
مهاجر للدعوة لاجتماع عاجل لرأب الصدع الذي ألم بنا نتيجة لفقدكم
الحنين
ها أنا أول الملبين بالحضور
الجعلي
| |
|
|
|
|
|
|
|
|
|
Re: واااا شوقي على قرشــــــو الاصيل الحي (Re: garjah)
|
بسم الله الرحمن الرحيم
أاااااااااااااااااااه ياقرشو
أنا بحب السائل والمسئول عنه قر(جة - شو) وياريت ياريت يعود لازم يعود لو تاني مرة
ياريت يعود ذاك الشفيف الغني عن التعريف
عليك الله يا قرشو تعال عشان يشوفك ولدنا الجديد أبّا وتشوفو بجلِّع الحرف كيف وبزين اللوحات
تعال شوف ابا
تعال شوف توما
تعال شوف أبو جهينة
تعال شوف عبدالرحمن قوي
غير الأقلام المعتقة التي تعرفها
تحياتي
| |
|
|
|
|
|
|
|
|
|
Re: واااا شوقي على قرشــــــو الاصيل الحي (Re: بدرالدين شنا)
|
صديقي العزيز السنجك
وينك يا رجل من ديييك وعيييك ؟؟
لو اقابل الساحر بس... ؟؟
اخونا الكبير
احمد اهل العوض
يازول كلامك ده صح ....الاتنين ما كفنو ؟؟
عافي منو طبع عمدة جد جد
الحبيب الرحمابي
حباب السمح ...واخوك احمد ظاهر عليهو عارف حاجات نحن ما عارفنها
هوبفول الكان هوبلس
كيييفك يا رجل لكن صورتك دي لزول انا شايفو قبل كده
ابا
يازول والله وجودك في الحوش الوسيع ضايف لينا همبريب
على نسايم يازول يازول الاصابنا بعدوى القافية ولبد
يازول يازول
يا زول اعترف انك فتني بيغادي
يازول نضمك مزيقا ترقص عديييل
حروزة
بقيت تطفش الرجال كمان ...بعد تطفيشك للحسان
قال قطعة واطة قال ....موش كان تعرس بيها ؟؟
الحبيب الجعلي
مشتاقين يا غالي
وده من اصلك الطيب وخوتك الزي لمبة النايلون الفوق راسي دي
اساسي
يازول ...اخوك النائب الاول للعمدة
ولو بتدور تقلع العمودية فدونها دماء كثيرة
فكفانا صراع الكي بورد
ود قاسم
كيفك يا حنين
مشتاقين والله ....وتوقع قرشو في الحلبة قريبا
| |
|
|
|
|
|
|
|
|
|
Re: واااا شوقي على قرشــــــو الاصيل الحي (Re: garjah)
|
الصديق مهاجر
حاضرين اخوي...بس جهز المعاضم والشيات
الغالي تمبس
مشكور على الطلة الوسيمة ..وتوقع الحبيب قرشو قريبا
الصحفية النشيطة رجاء العباسي
الله يبل شوقك ....ويشوفك هذا الرجل الاصيل
الاخت ملكة سبا
بلقيس
يا جمال طلتك ....
| |
|
|
|
|
|
|
| |
garjah
alsngaq
HOPEFUL
Ahlalawad
مهاجر
ودقاسم
AlRa7mabi
aba
tmbis
ابوحراز
يازولyazoalيازول
Raja
ملكة سبأ
بدرالدين شنا
حسن الجزولي
zola123
فيس بوك
تويتر
انستقرام
يوتيوب
بنتيريست