|
|
|
 Re: عليكم الله اسمعوا البت الغناية دي عذبت اغنية عثمان حسين كيف (Re: الليندي)
|
الرائع الليندى ...لك التحيات النواضر
ياااااااااااااااااااااااااااااااااااااااااااااااا.....انها اتت من اقاصى الروح ....يا لصوتها يدوخنى ...ويبكينى ...ينقلنى صوتها الى الزكريات البعيدة القريبة واتووووووووووووووووووووووووه...فى زحمة افكارى...انها يا صديقى ليست سميرة دنيا بل دنيا اسمها سميرة
ولك الود
ميرغنى حمزة
ملحوظة:لا امتلك مكانا فى البورد فشكرا صديقى ابنوس اعطانى مساحة للرد عليك
| |
 
|
|
|
|
|
|
|
|
Re: عليكم الله اسمعوا البت الغناية دي عذبت اغنية عثمان حسين كيف (Re: banadieha)
|
مهدي فعلاً سميرة دنيا نكتت الاغنية وعذبتها انا شخصياً سمعت الاغنية اول مرة منها حتى بعد داك رجعت لابو عفان لكن بالجد هي عذبتها
ميرغني ود جامعة الخرطوم اخيراً اتلميتو انت وعزت وكمان بقي يتيح تكتب ياخي انت عندك حق الاقدمية تحياتي ليك ولعزت الماهري وقول ليهو في انتظار اتصالك
بناديها
ياخي سميرة دي بتنا بت الديم يمكن كان في الثورة لكن الديم اكتشف الموهبة يتاعتها وبعدين رحلت الصحافة شفت البوست عايز يتحول لاولاد امدرمان واولاد الخرطوم يا زول سميرة فنانة اذا كانت من الديم ولا الثورة ولا اي مكان ما من بلادي
ولكم خالص التحايا
| |
|
|
|
|
|
|
|
|
|
Re: عليكم الله اسمعوا البت الغناية دي عذبت اغنية عثمان حسين كيف (Re: الليندي)
|
كل من جهل الحقيقة
سألني عن سرك معايا
لكني خايف من كلام الناس
عليك يا أغلى غاية
كل واحد في خياله
بكرة يتخيل حكاية
وانتي أبعد ما تكوني
عن الاقاويل والوشاية
سميرة فنانة تغني بكل احساسها
ولا أظن هناك من يتقن أغاني عثمان كلها مثلها فهي متيمة بفن عثمان حسين
وقد رأيتها يوما في القاهرة تغني صدقيني هذه وتنفعل في المقطع الأخير وترمي بالطبل الذي كانت تعزف عليه فيما كان الصديق العزيز ميكائيل الضو يعزف على العود
المؤسف أن الفنان الكبير عثمان حسين والذي رعاها في بداياتهاقد انقلب عليها بعد أن قال له بعض الوشاة الكاذبون أنها قامت بتسجيل اغانيه في شرائط تباع في السعودية والقاهرة ، فوجه لها إنذارا قانونيا يمنعها من ترديد أغانيه ، وصارت الآن لا ترددها حتى في الجلسات الخاصة إذا كان هناك جهاز تسجيل
الاستاذ كمال حسن بخيت هو صاحب مقولة إنها دنيا اسمها سميرة
وهو رجل فنان ومتذوق خطير للجمال في كل مظانه
أجرى حوارا مرة مع شاعرة ناشئة ..أدهشته بجمالها وحضورها فكتب في مقدمة الحوار
جئت ألتقي بشاعرة فإذا بي التقي بقصيدة
فيصل
| |
|
|
|
|
|
|
|
|
|
Re: عليكم الله اسمعوا البت الغناية دي عذبت اغنية عثمان حسين كيف (Re: الليندي)
|
يا سلفادور ..انت تعرف معنى العذاب فعلآً
ويا إشراقة فعلآً كوستاويةً رائعة وفعلآ يييييييييييييييييييياه
و يا فيصل الصالح في كل مقام...هكذا كنا منذ معتصم الفاضل جلآب معنا وسنظل و نهديها لروحه والدنيا ما هي إلا سميرتنا .... بالفن و الإبداع والفال الحسن
دمتم يا الرااااااااااائعييييييييين
و دامت عذاباتكم الأنيقة
| |
|
|
|
|
|
|
|
|
|
Re: عليكم الله اسمعوا البت الغناية دي عذبت اغنية عثمان حسين كيف (Re: الجندرية)
|
الجندريه
دائما موجوده محل الجرسه و الابداع
و كل مره تصيحي عايزه لنك للحفظ
و طبعا انا مرتاح انت تطلبي و انا احفظ
لكن اللندي ده قال ما بقدر يدينا نحفظ بس يعذبنا بس
مره طلبت منو اغنية لسميرة دنيا ما قصر معاى ايميل و موبايل قرب يرسلها لى فاكس
لكن انا اخيرا قررت الا اوصل اللندي في جده عشان اريح بالي
لكما خالص الود
| |
|
|
|
|
|
|
|
|
 Re: عليكم الله اسمعوا البت الغناية دي عذبت اغنية عثمان حسين كيف (Re: الليندي)
|
يا الليندى ياخى ظاهر عليك رائع عشان كدة بتجيب الروائع وانا كلام الناس ديل حرق لى روحى بالحيل لكن والله العظيم الصوت ابا وحلف بى دينو وايمانو ما يظهر عندى مع انو انتظرت اكتر من ساعة وبرضو الحال فى حالو وانا بصراحة بدوب فى اغانى عثمان حسين وزى ما قلت الناس السمعت الاغنية بصوت سميرة دنيا جننونى بى تعليقاتهم... دحين يا خوى اعمل فينى معروف ورسلها لى فى الايميل بتاعى واكون مقدرا
[email protected]
| |
|
|
|
|
|
|
|
|
|
Re: عليكم الله اسمعوا البت الغناية دي عذبت اغنية عثمان حسين كيف (Re: الليندي)
|
عارفين يا جماعة أغاني عثمان حسين كلها بتصيبني بحالة كثيفة من الشجن اللذيذ و أنا أحب جدا أن أتقوقع داخل محارة من الحزن ، ما أحلى الشعور بالحزن.
أول مرة سمعت سميرة دنيا بتغني لعثمان حسين كنت في زيارة لأسرة سودانية هنا و بصراحة...جنيييت. و كل ما أضرب السودان بس أقول لناس بيتنا عاوزه شريط سميرة دنيا و هي بتغني لعثمان حسين و ظللت أردد هذا الطلب لمدة شهور حتى تمكنوا من ارساله لي أخيرا مع أحد القادمين من السودان، و حسه لاااازم أسمعه كل يوم. بصراحة كده أنا شايفه انه الفن و الاعلام في السودان ظلموا سميرة دنيا شديد ، عندها صوت ما سمعته زيه قبل كده فيه شجن رخيم و بحة تقطع الأنفاس...و الله فنانة عظيمة، بس يا خسارة نقول لي منو؟
بالمناسبة يا جماعة سمعتوها بتغني شجن ؟ ده الدمااار ذاته، قايتو بازرعة كاتب هذه الأغنية أبدع و عثمان حسين لما غناها زاد الأبداع و جات سميرة دنيا زادت الابداع و أعطت الأغنية نكهة جنان، سميرة دنيا بتعذب كل أغنيات عثمان حسين و فنانة جد مش زي ستونة المدعية و التي شوهت الفن السوداني بتمثيلها لنا في المحافل الموسيقية الدولية.
شكرا الليندي على الاهداء الأكثر من رائع .
| |
|
|
|
|
|
|
|
|
|
Re: عليكم الله اسمعوا البت الغناية دي عذبت اغنية عثمان حسين كيف (Re: Nada Amin)
|
يا شباب موضوع اللينك والله ما عارفو لكن ممكن من الماسنجر وعندكم الايميل ضيفوا أو اسالوا اهل الاختاص ناس بكري وخواض ممكن يعملوا ليها لنك
ندى امين
عارفه أنو انا ما كنت بسمع غير مصطفى سيد احمد ووردي ونهائي ما بسمع ابو عفان لحدي ما لم فيني طالب سعودي سالني من حسين بازرعة وطلع أنو بازرعة قريبو واهداني شريط نادر لاغاني بازرعة فحزنت جداً للفترة الما سمعت فيها ابو عفان وسميرة لانو كانت جارتنا فعشان كده كنت بسمعها وكنت متوقع أنو تظهر لو لقت الزول اليمسكا الدرب الصاح
ولكم خالص الود
| |
|
|
|
|
|
|
| |
الليندي
MOHDY
ابنوس
banadieha
Sakotaweya
Ishraga Mustafa
Faisal Salih
Hashim.Elhassan
الجندرية
mekki
ayooby
doma
ودالعباسية
فيس بوك
تويتر
انستقرام
يوتيوب
بنتيريست