|
ادعو ادارة البورد الى عمل توثيقي للتراث الشعبي الشفاهي السوداني
|
الحكاية الشعبية الاحاجي _الالعاب الشعبية _الدوبيت _الطقوس الشعبية جدع النار مثلا عند قبائل النيل الازرق تفاصيل كثيره تهم ثقافتنا الشعبية تسير باتجاه الخطر تحركت بعض الجهات لتوثيق بعض تراثنا ولكن ما انجز لا يساوي قطره من محيط كبير هناك كتاب للعلامه البروف عبد الله الطيب عن الاحاجي السودانية جمع فيه جزء يسير من هذا التراث الضخم كما قام الاستاذ يحي فضل الله العوض بانجاز كتاب جمع فيه بعض الاحاجي لبعض القبائل السودانية . وهذا الجانب من الحياة السودانية لم يجد الاهتمام من الدولة حيث لا توجد أي مراكز لتوثيق التراث السوداني مركز صغير في وزارة الثقافة عبارة عن موظفين رانكر وبعض المشغولات التراثية بطريقة عشوائية واتحدى جميع من في البورد لو يعرف اين هو وذلك لانه مهمل لايصل اليه أي شخص. هناك محاولات لمركز الدراسات السودانية ولكنها ايضا بسيطه جدا كما لمركز الدراسات الافروسيوية دور مهم في التوثيق لهذا التراث وكان يعمل به عدد كبير من الباحثين في هذا المجال ولكنه في السنوات الماضية تحول لهيئة تجاريه لمنح الشهادات العليا وخرج مجموعة من الباحثين الى خارج السودان يا اعزائي بدءات بعض المظاهر التي تحافظ على هذا التراث في الانقراض الحبوبات واحاجيهم ليالي السمر واللعب الجميل شليل وين راح- غمدت لبدت – الرمه وحباسه _اولب لب وليالي الطمباره والدوبيت وكل هذه الاشكال كانت تنقل هذا التراث من جيل الى جيل هذه الاشكال بدءات تختفي من حياتنا تدريجيا انا لا ادعو الى العودة الى الخلف ولا نبذ التكنولجيا والالعاب الاكترونية ولكن سوف ياتي يوم سيكون وطني بلا تراث وبلا ثقافة شعبية اذن من اجل حكايتنا الشعبية ألعابنا الشعبية طقوسنا مساديرنا ودوبيتنا اهازيجنا والهودنا ولو كبرتا يا جنا وفاطمة القصب السكر والغول تعالوا نعمل صفحة ضمن البورد لتوثيق هذا التراث الجبار والعولمة جات املوا الباقات هسه بنقطع .......
معتصم سيد احمد
|
|
|
|
|
|
|
|
Re: ادعو ادارة البورد الى عمل توثيقي للتراث الشعبي الشفاهي السوداني (Re: معتصم ود الجمام)
|
بس يا معتصم مافي ادارة في البورد البورد اساسا حق بكري عملوا براهو يعني زي شنطته او كورته او قميصه او قلمه او كتابه الاشتراهو بي قروشه لانه عمل البورد براهو اول ما الناس بقو كتار قام بكري عمل انتخابات في البورد وبقت في ادارة معاهو من اعضاء البورد اها قام زهج منهم اظنو لانهم ما بطاوعوهو في اي حاجة يعني بقوا ما بمشوا كلامه كله وبعدين هم زاتهم بدو ينقنقو تحت تحت لانه بكري مرات بمشي الفي راسه براهو اها يا سيدي الحكاية دي ما مشت لي قدام قام بكري في يوم من الايام سحب منهم الصلاحيات كلهم وخلاهم زينا زيهم اها الجماعة اكلوها في جلهم وما قالوا بغم تاني اها يعني البورد في خلاصة الحديث حق بكري براهو كان يوم فلس ممكن يبيعوا للصينين ولا الماليزين اصلو دي الموضة الماشة في السودان اها في الوقت داك تمشوا وين تغنوا ظلموني ؟ هاهاهاهاهاهاها غايتو يا معتصم معليش البوست حقك دا ما اخربوا ليك لكن بيني وبينك موضوع الادارة المافي دا استفزاني والمشكلة انه في ناس متخيلين انه في ادارة
| |
|
|
|
|
|
|
معتصم (Re: معتصم ود الجمام)
|
معتصم سلامات فكرتك جميله وحقيقي مهمه لانو الحاجات دي بعد شويه حتموت عمليا مع الثقافه العالميه الزاحفه دي وحتبقي مجرد ذكريات عند ناس محددين تنتهي وتموت بموتهم ..فعلا محتاجين بشده للتوثيق ..حقو الناس تبدا تكتب مساهمات عاديه بسرد عفوي كل زول حسب قدرتو ومعرفتو عشان البوست ذاتو يكون ممتع والناس تستمر فيهو بعد داك المداخلات مؤكد بتصحح الاغلاط والمعلومات الما مؤكده وبعد توفر الماده الصياغه والحفظ ما بتكون مشكله ..انا غايتو مهتمه بالفكره لانو بستمتع بيها جدا وحاتابع معاك جدا كان عندي فكره لبوست اسمو.. ذكرتني بعتمد علي انو اي زول بذكر التاني بحدث من خلال فعل تم في الكلام القالو وهي غالباالطريقه البنتونس بيها كسودانيين وناسيين وبنستلم دفه الحديث من بعض اسع عاين جنس استلامي لبوستك ده...لوووول جدا.. توما
توما
| |
|
|
|
|
|
|
|