|
هوى إتو دفاركم دا واصل وين؟؟
|
سلام يا سودانيز على الخط جيت طاشى جابنى الدرب بى فريقكم دا لقيت ناس نضميها سمح بى الحيل وشى ناس نضميها كتر كتر مانى خابرو اها انا مرات مرات نضمى سمح ومرات انا زاتى ما بفهمو اها شن بتقولو؟؟ انفع معاكم واصنقر واناسبكم؟؟ ولا الملم مخلايتى دى وامشى اتضارا فى حلتى ديك؟؟ كان موافقين ادونى واحد يا ناس البال نضمى
وفى الختام تحياتى وتقديرى للاخ بكرى، شيخ الفريق، لسرعة استجابته وقبوله...تسلم يا بكرى
|
|
|
|
|
|
|
|
Re: هوى إتو دفاركم دا واصل وين؟؟ (Re: WALAD DA)
|
هلا هلا شيخ الفريق بى حالو؟؟ حرررم اكان كدى انا ما زاحى شبر من هنا والزارعنا غير الله اللجى يقلعنا
تسلم والله يا بكرى يا اصيل اها شايك بشربو علا باكر دغش الشاى عندى بى جاى
دحين آ بكرى فريقكم دا زقاقاتو ما واقعه لى ان جيت ادخل اسلم عشان امرق واجى صادى فجتى الا امرق طرف الحله اول مافى لينك تو تيك مى باك تو زى فيرست بايج
| |
|
|
|
|
|
|
Re: هوى إتو دفاركم دا واصل وين؟؟ (Re: WALAD DA)
|
ولد ده الدفار ده بمشي أى حته ولو عاوز بيقطع البحر بلا عضم ظهر وفي هذه الحالة حا يكون عضم الضهر هو الشاسيه بس بشرط ما تكسر ركبه يعني ترجع تاني معانا ، ودفارنا هذا يننحدر من فصيلة دور بينا البلد داك ، والبلد داك حسب إفادة كبار رجالات السلك الدبلوماسي مبني للمجهول يعني أى بلد ممكن يكون البلد داك. لك التحية ولو ما شالك الدفار نجيب ليك روزا وهونداي وركشه ألف مرحب بيك
| |
|
|
|
|
|
|
|