|
|
|
 Re: نداء للاعضاء فى امــريكا.. (خطيبتى)جاياكم باللوترى...افيدونى بالله عليك (Re: samo)
|
الاخ العزيز الحيران
تحية طيبة وبعد
1
اولاَ رتب ذهنك وحدد ماذا تريد
ثانياً أجمع المعلومات بدقة معقولة عن الخيارات المتاحة لك
ثالثاً أتخذ قرارك وحتى لو كانت النتائج عكس ما تتوقع لا تحزن فعلى الاقل انت اتبعت الاسلوب الصحيح فى اتخاذ القرار
لذلك فهذه محاولة للمساعدة بالمعلومات فقط
2
أولاَ اذا دخلت زوجتك امريكا الان لوحدها فلن تلحق بها فى امريكا الا بعد 5 سنوات على الاقل لماذا
تستطيع هى ان تقدم لك للحصول على الاقامة من اول يوم لدخولها ولكن لان الصف طويل فالاجراءات لحامل القرين كارد تاخذ من 4-6 سنوات لان كل شعوب الارض واقفة معاك فى الصف
لذلك من تجارب الاخوة هنا
فالواحد او الواحدة يتنظر 5 سنوات حتى الحصول على الجواز وبعدين يقدم لشريكه وهنا المسالة سهلة لا تتعدى شهر على الاكثر
الخلاصة
اذا ما عاوز تنتظر لمدة 5 سنوات لا تجعل زوجتك تدخل الان لوحدها
عليها ان ترجع للسفارة التى عملت بها اجراءاتها وتقابل القنصل وتطلب تعديل حالتها بالزواج وترفق كل المستندات المؤيدة وسيتم التعامل معها ومعك
مع الامانى بالتوفيق لك فى اتخاذ القرار السليم
| |
 
|
|
|
|
|
|
|
 Re: نداء للاعضاء فى امــريكا.. (خطيبتى)جاياكم باللوترى...افيدونى بالله عليك (Re: Abdelaziz)
|
اسمع يافرده انا بديك احتمالات كلها عن خبره حقلية يعنى واقع معاش
اولا طالما ما اضافتك معاها لاحدى ما اخدت التاشيرة تانى
ماحا تقدر تضيفك الا بعد تاخد الجنسية بعد خمسة سنوات
ودا من قانون الهجرة
ثانيا حكاية البهدلة والتفتيش ضد العرب اكذوبه
اعلامية لانو حتى لو فى تشديد شويه فهو شامل للكل
ثالثا مافى حاجة اسمها زولة مسكينه لانو الدخول فى
السستم حاجه سهلة جدا واكتر سهوله للناس المساكين الما
عندهم دريبات
رابعا حقيقى البلد دى بلد الفرص لكن للزول الفعلن
بيبحث عن فرصه جاده وطبعا نوع القراية الهى قاريها
ليها اثر كبير جدا اما الشغل العادى فمتوفر جدا وناس
اللترى لو الواحد بقدر يتخاطب حتى لو بسيط ممكن يشتغل
فى اول شهر ودا برضو بيعتمد على الولاية الماشة ليها
خامسا ودا الاهم احتمال انك تفقدا اكبر من تمانين فى الميه
قولى ليه
والله ما عارف ليه لكن من البشوفو واسمعو بس من الناس
البعرفم كلو تمانية من البنات البجو مخطوبين بعرسو من
هنا خصوصا خريجات الطب والطليات العلمية ودا كلام
جادى جدا لكن برضو اذا عقدتا عليها هى ممكن تجيك فى
المملكة او السودان يعنى ممكن تقعد بره امريكا لمدة سنة
وتجى تدخل انشاء الله تعدى ساعة واحدة وترجع عشان كدة
حتى لو على اسوأ الفروض قررت ما تجى ارجو انك ما
تحرما من فرصة الحصول على القرين كارد لانو ممكن تجى تعدى
تلاتة اسابيع وتشيلو وترجع
دا باختصار الوضع اما الامن والله آمن من السودان
والسعودية واذا عندك اى استفسارات او اسئلة عندى ليك
كل الاجابات حتى لو داينى اساليك ناس الامقريشن لانو
جارتى شغالا فى مكتب الهجره وعندها اجابة لكل الاسئلة
لك تحياتى واتمنى ليكم وليها التوفيق
| |
|
|
|
|
|
|
|
|
|
samo (Re: samo)
|
samo
سلامات..
اولا دايره اجاوب علي تساؤلاتك برضو من خلال تجربه معاشه ..باكد علي الكلام الاتقال عن انها خلاص فقدت الفرصه في اضافتك بعد كده وتاني مافي طريقه الا بعد ما تاخد الجنسيه واللهو بعد خمس سنوات..ده بعني انو لازم تجي هي براها في الاول..وممكن جدا انها تتحرك بحريه
خلال الخمس سنين دي لكن قعادها الطويل بره بطيل من اجراءت حصولها علي الجنسيه وبالتالي
حضورك..عموما دي مقدور عليها في وقتها..
في الوقت الحالي انت وهي محتاجين تقتنعو بحاجات
محدده واعتقد انك واعي ليها لكن بس خايف من نتائجها ..امريكا فرصه كويسه جدا لزول ممكن يكون بادي يا دوب وداير يصلح وضعه ويساعد اهلو..اتمني ما تحرم نفسك او تحرمها لو
حقيقي محتاجين للفرصه دي..
في حاجات مشجعه في حالتكم دي اولها انو عندها
زول حيكون ليها سند هنا وحقيقي البلد دي كان عندك فيها وجيع وزول مسكك الدرب الصاح
تاني ما بتجيك عوجه ..
الكلام عن الصوره الحقيقيه للوضع هنا حقيقي
مافي حاجه يتخاف منها نحمد ربنا عايشين يوم واحد مافي زول اتعرض لينا..ولا سمعنا بزول
حصلت ليهو اي مشكله الا في حال يكون ما قاعد
بصوره رسميه وده احتمال غير وارد في وضعكم وحقيقي القرين كارد عندو فوائد كتيره وبسهل الامور هنا..
في حاجه بتسهل عليك القرار وهي انو في كل
الاحوال انتو ماحتعرسو في الوقت الحالي ..ادي روحك فرصه تكون نفسك وترد لاهلك جزء من جميلهم وادي البنيه كمان فرصه ترد جميلها لاهلها ما تتخيل احساس الزول لما يفرح اهلو
بفعلو الخاص واجتهادو ..بعدين التجربه حقيقي عميقه والزول لو بقا واعي بستفيد منها فكريا وماديا..
اخيرا ربنا يغتي عليها ويحفظها.. بس انت ابقي قريب ليها وحنين عليها لانو قساوه الغربه كفايه عليها..
ربنا يديكم قدر نيتكم واحساسكم العالي باهلكم
اي سؤال..حاضرين ..وربنا لا حيركم
توما
| |
|
|
|
|
|
|
|
|
|
Re: نداء للاعضاء فى امــريكا.. (خطيبتى)جاياكم باللوترى...افيدونى بالله عليك (Re: SAMIR IBRAHIM)
|
السلام عليكم الاخ سامو
اول شيئ استخير ربنا كم مرة و شوف النتيجة
تاني شيئ الدنيا دي بتديك الفرصة مرة واحدة و ما بتكررها
سؤال: بوضعك الحالي في السعودية لو قعدت عشرة سنوات هل ممكن تعرسها وتوفر ليها حياة كريمة
لو الاجابة لا طيب ليه ما تجازف و بما انك القدمت ليها لو غيرت رايها يكون ربنا بريدك و حماك منها و لو صبرت تكون دي زوجة صالحة يعني ده امتحان حقيقي ليها وليك
وشيئ اخر اي انسان ليهو تجاربو الخاصة خليها تجرب ما دام انت حاجز خانة في السعودية بس اعقلها و توكل
فكر ثم دبر
| |
|
|
|
|
|
|
| |
samo
WAD ELGAALI#4
توما
aosman
فيس بوك
تويتر
انستقرام
يوتيوب
بنتيريست