|
|
 نداء للاعضاء فى امــريكا.. (خطيبتى)جاياكم باللوترى...افيدونى بالله عليكم
|
الاخوه الكرام با لمنبر الحر ..
الاخوه اعضاء البورد بالولايات المتحدة..
انا ححكليكم قصتى االمشربكه دى عايز الراى السديد
..وبالمناسبه فى اعضاء فى البورد ده بيعرفونى معرفه شخصيه ومتابعين الموضوع من اولو وكانو زملاء فى الجامعه وهم الان معاى برضو فى المملكه..
وياريت لو كل الناس الفى امريكا وكل من عندو معلومه مايبخل على بيها لانها ممكن تفيدنى جدا ... ولو سمحتو عايز ردود جاده وتساعدنى فى الوضع الانا لقيت نفسى فيهو ده ... وانا متحير وما عارف اتصرف كيف .. ولى اول مره فى حياتى احس انى محتاج لى نصيحه صادقه من شخص(مابيعرفنى) لانو البيعرفك ممكن يجاملك او ممكن ما يقسى عليك فى النصيحه او حتى ممكن يكون ليهو غرض فى نفسو .. المهم انا حاحكى ليكم الموضوع من اولو وانتو احكمو وادونى رايكم اللى انا حاعتمد عليهو فى معالجة الموقف ده ...
يلا خليكم معاى بى كل انتباهكم .. ورركزو معاى ... خاصة الناس الفى امريكا زى ماقلت..
فى اثناء دراستى فى الجامعه وانا فى السنه الاخيره ,(وانا كنت عايش قصة حب مع زميله فى الجامعه ,رايت انها انسانه مميزه وقررت ارتبط بيها ,, طبعا بعد ما اتخرج واجى بلد الغربه واكون نفسى و..و..و..البرنامج المعتاد بتاع الناس المغتربين) .. جات فى يدى فورم بتاعة لوترى( هجره للولايات المتحده الامريكيه ) وطبعا انا قدمت وقدمت لى كل واحد بعرفو ..(الزملاء بالجامعه.. الاهل والاصدقاء..حتى اولاد الحله) .ومن ضمنهم قدمت لى زولتى دى .. المهم قدمنا ونسينا الموضوع على اساس انو شى بيعتمد على الحظ.. واتخرجنا انا والبنيه . وسافرت للغربه واشتغلت .. وبعد ما قضيت خمسه شهور فى الغربه .. اتصل بى واحد قريبنا من امريكا وقال لي فلانه شالوها فى اللوترى (طبعا فلانه دى تبقى زولتى)..والوكت داك كنا اتخطبنا لى بعض .. المهم اتصلت عليها وشاورتها فى الموضوع باعتبار انو الموضوع ماكان جادى لحدى اللحظه ديك ..المهم اتفقنا انها تبدا الاجراءات(مع ملاحظة انو اهلها كانو رافضين فى البدايه سفر بتهم براها لى امريكا) واتوكلنا على الله ...(وبينى وبينكم للحظه ديك انا كنت مفتكر الموضوع حيطرشق فى اي لحظه اثناء الاجراءات.)المهم اجراءاتها مشت تماام وطبعا كنت متابع معاها ولى مدة 8 شهور الموضوع ده ...لحدى ما امس اتصلت على وفاجاتنى بانو ناس السفاره خلاص ادوها التاشيره !!!!!!!
والله ماعرفت ابكى ولا اضحك ... قدر ما كنت متعشم انها تسافر ويبقى لينا حلل من الوضع المزرى ده ..قدر ما خايف من المجهول.. الحتمشى تلقاهو هناك..
وطبعا الناس يعجبوك فى المواضيع الزى دى ..واحد يقول ليك والله امريكا دى تتبهدلو فيها ..وواحد يقول ليك احسن ليكم تخليكم زى ماكنتم على برنامجكم القديم ..وواحدين يقولو ليك امريكا دى بلد الاحلام ..المهم انا ماعارف اعمل شنو ..هل اخليها تسافر (براها) لانى ما بقدر اسافر معاها بحكم قوانين الللوترى زاتو ..ولو سافرت براها الحيحصل ليها شنو ..وهى بنت والنوع المسيكين داك. فى بلد زى امريكا ... ولا نبطل الموضوع من اصلو .. مع مراعاة انو نحنا ضيعنا كتير من المال والوقت وراء موضوع السفر ده .. ونحنا بالمناسبه خريجين 2002 ..يعنى يادوووب يا هادى ..لسه لغاية ما اشتغل وامشى اتزوجها عيييييك يحلك وانتو عارفين ظروف البلد الاسمها سعوديه ..
غير انى ظروفى العائليه صعبه الى حد ما ...وهى كذلك ..يعنى اذا سافرت وانا لحقتها ممكن نحل مشاكل اسرنا كمان ( ده لو ربنا وفقنا هناك)
المهم انا عاوز الشوره منكم .. خاصة الاعضاء المقيمين فى امريكا..على اساس انهم يورونى الاوضاع هناك خاصة لى ناس اللوترى.. والحيحصل ليها شنو هناك لمن توصل ... ولا بتشوفو انو الموضوع ماجايب حقو واخير نبطلو ..
وانا سامع انو العرب بيتهانو هناك وبتفتشو فى المطارات بى صوره مستفزه ..وانهم بتمنعو من الحجاب و ..و حاجات كتيره كده تخوف الواحد ...وانا بى صراحه باقى على زولتى دى .يعنى ممكن ابطل موضوع السفر من اساسو اذا انتو وصلتو لى صوره مخيفه زى دى عن امريكا ...
انا والله حيران حقيقى.. ورونى الحاصل ...عايز اعرف كل شى قبل ما البنت تمشى تخش المعمعه دى .. وبعدين نبقى فى ياااااااااااااااريت..
وكلامى عن الاعضاء الفى امريكا ما بيعنى انى ماعاوز شورة بقية الاعضاء ..لانى وجدت فى البعض رجاحة عقل واتزان وتحليل منطقى للمواضيع.. فيا ريت ما تبخلو على اخوكم بالراى
المهم
انا معتمد على ردودكم اعتماد تام ..خاصة زى ماقلت وكررت ناس امريـــــــــكا
وعايز اعرف حاجه مهمه ..وهو موضوع العقد وما ادراك ما العقد ..وعايز اقول للناس الفى امريكا حاجه(خاصة اذا كانو مشو باللوترى) ..اننا متفقين نعمل عقد زواج قبل ما تسافر وبعد داك هى تطلب زوجها ..هل ده ممكن ؟؟ ولا هى ترجع بعد ما تسافر عشان نعمل العقد ..ولا شنو الحاصل ..
حقيقه انا راسى عاوز يطق ... وطبعا بتمنى انو اى زول ماعندو ماهو مهم ومفيد مايجى يفنجط لينا هنا ..
وفى نفس الوقت برحب بى اى كلمه ممكن تشجع الواحد على التراجع من الموضوع او المضئ فيهو لحدى النهايه ولحدى ما نمشى نشوف امريكا دى..
وفى نقطه مهمه ماقلتها وهى انو البت دى عندها واحد قريبها هناك ممكن يهتم بيها لحدى ما انا الحقا( لو امكن انى الحقا) ..
اخوكـــــــم
الحيراااااااان بالجد ...
ملحوظه : لحجتى الشديده للراي عرضت الموضوع فى اكتر من موقع
____ التوقيع ____
فالتــــكن ياعـام ...عــام الانتـــصار
بالحـــبيبه ... وبالصـــديقه... وبالوطـــن...
بالـــذى يهـــواه قلبى .....فالتكــن ياعـام ضـد الانكســـــــار
|
|
 
|
|
|
|
|
|
|
 Re: نداء للاعضاء فى امــريكا.. (خطيبتى)جاياكم باللوترى...افيدونى بالله عليك (Re: samo)
|
انا لا اعيش فى امريكا ولكن كنت اعيش فيهاقبل فترة طويلة
امريكا دولة لا تعتمد على الويلفير
مثلها مثل الدول الاوربية
يعنى لا توجد اعانات من الحكومة للمواطنين الا فى نطاق ضيق
فعليك ان تعمل ولتعمل عليك ان تعرف اللغة الانجليزية معرفة ممتازة والا تقوم بأعمال هامشية
توصيل البتزا, سواق تاكسى, صبى بقالة
ألخ...
وهناك الصداع الحقيقى التأمين الصحى
عليك ان تدفع التأمين الصحى لانه ليست هناك علاجا مجانيا
اما اذا كنت تعتقد انك تستطيع ان تعد دراسات عليا
فهذه صعبة جدا لارتفاع رسوم الدراسة
وعليك ان تعمل انت وزوجتك لتكفى مصاريف العيش تحت حزام الفقر
وهذه الصعوبات تجلب كثير من المشاكل الزوجية
مما يؤدى الى انهيار الزواج
والوقوع فى ابغض الحلال
نصيحتى لك تذهب خطيبتك تثبت حقها وتعيش معك فى السعودية
وتذهبا سنويا هناك
الى ان تسنح لك فرصة مناسبة
اعنى لا تدفق مويتك على السراب
هناك بعض المحظوظين نجحوا هناك
فالتعميم لا ينفع ولكن هذه هى الحياة هناك عندما تكون اسود من افريقيا ولا تعرف اللغة
| |
|
|
|
|
|
|
|
|
|
Re: نداء للاعضاء فى امــريكا.. (خطيبتى)جاياكم باللوترى...افيدونى بالله عليك (Re: bayan)
|
الأخ سامو تحية لثقتك في الأخوة
سأحاول تقديم المعلومات التي أعرفها
أولاً ليتك طرحت الأمر منذ فترة فقبل حصولها على التأشيرة كان من الممكن عقد الزواج وإرفاقها معك بواسطة محامي، ولكن هذا لا يمكن الآن بعد حصولها على التأشيرة منفردة
ثانياً لن يكون لها حق إلحاقك بها كزوج إلا بعد مرور خمسة سنوات تكون خلالها قد حصلت على الجنسية، وليس قبل ذلك
عن مجيئها لأمريكا وحدها، فهي من ناحية قوانيين أمريكية، سيكون لها حق العمل والأجر المتساوي، وعن (اللغة) التي أشير لها لا تمثل مشكلة ودراستها مجانية لمن يريد، العلاج مصاحب عادة للعمل ومن لا يعمل أو يعمل بدخل محدود يستطيع الحصول على علاج مخفض يصل إلى حد المجاني، كمقيمة إقامة دائمة تعامل معاملة المواطن تحت كل القوانين لها كل الحقوق وعليها كل الواجبات ومن ضمن الحقوق في جانب الدراسات العليا الرسوم المخفضة (تقريباً ثلث ما يدفعه غير المواطن) وكذلك المنافسه في المنح وكذلك الحصول على القروض الخالية من الفوائد (تدفع الحكومة الفوائد) والسداد خلال فترة مريحة، أما عن الممارسات العنصرية ضد المسلمين والعرب فهذه لا تكاد توجد، وترديدها جاء من ردود أفعال (11 سبتمبر) وفي نيويورك وواشنطن فقط وقوبلت بحزم وانتهت، أما مسألة التفتيش في المطارات فهي حقيقة ولكنها عامة لأي شخص (وهي بأي حال تتم بصورة أحسن منها في المطارات العربية) ثم أنها ليست هاجساً فكم مرة تحدث؟ هذا من ناحية رسمية
أما من ناحية أخوية سودانية، فالمسألة مختلفة لأن القادم إمرأة (وكمان النوع المسكين) فالأمر في أوله (كأي أمر في أوله) صعب، فالدراسة تحتاج لفترة تحضيرية ولا تسهم في مشروعكم سريعاً، أما أن تعمل فهي تحتاج لمساعدة (قريبها) والذي عليه أن يهيء لها الإقامة وفرصة العمل وهذا يحتاج منه لجهد إذا لم يكن (محرماً) أو ليس رب أسرة ، ثم أن ومدة الإنتظار ليست قصيرة (5 سنوات)، هل ستنتظرون هذه المدة، وهي في أمريكا وأنت في الخليج
في إعتقادي أن الأسلم هو أن يتم عقد القران، ثم تسافر هي إلى أمريكا، لتثبيت الإقامة بالدخول والحصول على القرين كارد، ثم الإنضمام إليك في السعودية، وتنتظرون مرور الخمس سنوات بعده تقررون، أو تحصل أنت على فيزا خلال هذه الفترة (أي فيزا زيارة لوتري ...الخ)، وفي هذه الحالة تحتاج هي لدخول أمريكا قبل مرور عام كامل على وجودها خارج أمريكا، وللزيادة فوق العام تحتاج للحصول على إذن خاص من مكتب الهجرة بعد دخولها وحصولها على القرين كارد وهو أقصاه عامين (أظنه ري إنتري فيزا)، كذلك تحتاج لعمل ملف ضرائب في كل سنة وهو شيء إجرائي يثبت الرغبة في المواطنة ولا يجب دفع الضرائب إذا لم تكن قد عملت فقط (فايلنج)، وكثيرون يعملون بالخليج ويأتون مرة في السنة لهذا الإجراء،
عن الفترة التي تحتاجها هي بعد دخولها لأمريكا، ليس أكثر من أسبوع واحد ويمكنها استلام الأوراق عبر قريبها بعد مغادرتها للسعودية أو السودان
هذا ما أذكره من تساؤلاتك ومداخلة الأخت، وأرجو أن يكون مفيداً، وإذا لديك أي سؤال واعتقدت أنه يمكنني إجابته فسأفعل ما بوسعي بحول الله، وقصدك الطيب
وفقكم الله
| |
|
|
|
|
|
|
|
|
|
Re: نداء للاعضاء فى امــريكا.. (خطيبتى)جاياكم باللوترى...افيدونى بالله عليك (Re: samo)
|
الاخ الكريم سامو
الموضوع فعلا ممكن يكون مقلق بالنسبة ليكم باعتبار انه تجربة جديدة على خطيبتك ان تخوضها ، لكن ما اود ان اقوله لك ان كل زول تجربته مختلفة عن الاخر في امريكا فقد يكون الوضع افضل بالنسبة لخطيبتك هناك وتنجح فيما فشل فيه الاخرون
وكل حاجة في بدايتها ممكن تكون صعبة لكن ما نحكم على الشي قبل ما نبدأ فيه ، ممكن ترتبوا الاشياء الاولية مثلا انه اكيد عندكم معارف او اهل او اصدقاء هناك لاستقبالها ويوضحوا ليها الامور بحكم خبرتهم بالبلد وبعد كده هي ممكن تشق طريقها براها
لكن لا تدعوا الخوف يتملكم من خوض التجربة ، دع خطيبتك تخوض التجربة بثقة وانشاءالله اموركم تمشي
| |
|
|
|
|
|
|
| |
samo
bayan
فيس بوك
تويتر
انستقرام
يوتيوب
بنتيريست