|
|
 بيتنا في كسلا انهار الا شويه منو بسبب السيل ..
|
وصلنــا الخبر اليقين ..
بأن منزلنا في كسلا .. انهار تحت وطأة السيل ..
و أن معظمه لم يعد صالحا للسكن ..
من حسن الحظ .. لم يصب أحد و الحمد لله ..
لكن المنزل ذهب ..
و إعادة البناء في بلد زي السودان .. أصعب ما يمكن .. و أغلي ما يمكن ..
علما بأن البيت هو منزل العائلة و مخزن ذكريات جدتي و والدي و أعمامي و عماتي ..
لكن بنرجع و نقول .. في ناس أصابها أكتر مننا ..
نطلـــب المدد من الله لكسلا و للسودان كله .. فما من معين غيره و نحن نرزخ في ظلم الساسه .. و انشغالهم بالتدمير و الحروب و اغفالهم حتي بناء سد يمنع المياه عنا ..
مــدد يا الله ..
مــودك
|
|
 
|
|
|
|
|
|
|
 Re: بيتنا في كسلا انهار الا شويه منو بسبب السيل .. (Re: Modic)
|
قال أمــل دنقل في قصيدته :
جاء طوفان نوح!
... ....... ...................
المدينة تغرق شيئا.. فشيئا
تفر العصافير،
والماء يعلو.
علي درجات البيوت الحوانيت مبني البريد البنوك التماثيل
(أجدادنا الخالدين) المعابد أجولة القمح مستشفيات الولادة بوابة السجن دار الولاية أروقة الثكنات الحصينة.
العصافير تجلو..
رويدا..
رويدا..
ويطفو الاوز علي الماء،
يطفو الأثاث..
ولعبة طفل..
وشهقة أم حزينة
الصبايا يلوحن فوق السطوح!
جاء طوفان نوح.
هاهم (الحكماء) يفرون نحو السفينة
المغنون سائس خيل الأمير المرابون قاضي القضاة
(.. ومملوكه!)
حامل السيف راقصة المعبد
(ابتهجت عندما انتشلت شعرها المستعار)
جباة الضرائب مستوردو شحنات السلاح
عشيق الأميرة في سمته الأنثوي الصبوح!
جاء طوفان نوح
هاهم الجبناء يفرون نحو السفينة.
بينما كنت..
كان شباب المدينة
يلجمون جواد المياه الجموح
ينقلون المياه علي الكتفين.
ويستبقون الزمن
يتبنون سدود الحجارة
علهم ينقذون مهاد الصبا والحضارة
علهم ينقذون.. الوطن!
صاح بي سيد الفلك قبل حلول
السكينة:
'انج من بلد.. لم تعد فيه روح!'
قلت:
طوبي لمن طعموا خبزه..
في الزمان الحسن
وأداروا له الظهر
يوم المحن!
ولنا المجد نحن الذين وقفنا
(وقد طمس الله أسماءنا!)
نتحدي الدمار..
ونأوي إلي شجبل لايموت
(يسمونه الشعب!)
نأبي الفرار..
ونأبي النزوح!
كان قلبي الذي نسجته الجروح
كان قلبي الذي لعنته الشروح
يرقد الآن فوق بقايا المدينة
وردة من عطن
هادئا..
قال 'لا' للسفينة
وأحب الوطن!
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: عشة بت فاطنة)
|
بكَّاهُو قُولةْ الموية أخفَّ .. وأقلَّ من كمْ وأربعين
بكَّاهُو كضَّبْ حاســـَتُو .. وصدَّقْ أمير المؤمنينْ
بكَّاهُو ما رَمَى للكُرِيق ، زاغْ في أوائلْ النازحـينْ
مع إنُّو أدْنَى الناس شِتُول ، وأخفَّ سُكْنَة ، وأقلَّ طينْ
وإنضرَّ أكترْ منَّهُمْ .. لكِنُو .. ما ندمان .. يَمِينْ
بِيتُـــو اليَرُوحْ ..
عَفَشُو اليَرُوحْ ..
غنَمُو التَرُوحْ ..
ما طالَ عايِشْ .. وفِيهُو رُوحْ .. وأمُّونَة نفَدتْ بالعَوِينْ .
في اللُجَّة يفْضَل كالسَفِينْ .. أكْرمْ لُو من جرحْ النزوحْ .
ولمَّـَّـس دِحِيشُو .. الضوْ بكَى
بكَى ما بكَى
بكَّاهُو يرْجعْ لِي ورا
بكَّاهُو رادِي الدنْدَهُوبْ الغادِي
وأم دُرمان تغنِّي .. حبيبتي آه .. وودادي وين .. وحَبيبي وُوبْ !
والباقي كلُّو مقابلاتْ ..
ضِدْ القوانينْ البدِيلَة = مع القوانين البديلة
اليَسْوَى ما يسْوَى الرَزِيلة
جهنمْ .. الجنَّة .. الفَضِيلة
؟؟ .. ؟؟ .. .. ؟؟
كان الله في عون السودان اخي مودك
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
أعــزائي ..
aba
أبــا ... أشكرك علي التعزيه ... فعلا شيئ مشجع و مطمئن كل هذا التضامن الجميل ..
تــسلم ..
elhilayla
الحليــله ..
فعلا الصابتنا في مالنا سامحتنا ..
لكن للمكان أيضا عبقه التاريخي و ذكرياته المختلفه ..
لا أراكم الله مكروه ..
عشة بت فاطنة
تسلمي علي روحك الحساسه و كلماتك المشجعه ..
أتمني ليكي كل السمــح ..
safwan13
العزيز صفوان ...
كان الله في عون الوطــن ..
و أشكرك علي قصيده حميد الجميله لو عندك كامله أكون شاكر جدا ليك ..
مــــودك
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: abas)
|
العزيز موديك
والله أحزننى وأدمى قلبى ماحدث لبيتكم، وماحدث لأهل كسلا الطيبين عموما .. بكل أسف تتكرر مثل هذه المآسى كل عام ، وحكام الحيرة سادرون فى غيهم .. الخسائر هسة كم ؟ وكم كان المطلوب لتفاديها ولإنقاذالأرواح البريئة التى اغتالها الإهمال وغياب المسئولية
بالمناسبة أنا لى كم يوم بحاول الإتصال على قرايبى هناك دون جدوى
لقد باءت كل محاولاتى بالفشل حتى الآن
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: شدو)
|
الاخ مودك
اقسم بالله العظيم وانت ما طالبنى حليفة
امس عيونى تدمع وجسمى كله يرجف مع اهلنا فى كسلا وانا اشاهد على القناة
السودانية تلك المناظر التى لا تترك قلب فيه رحمة الا يرق ويقف بحزن والم والناس تدفن الذكريات فى تلك البقة الطاهرة..كسلا
والله يكون فى عونكم يامودك وعون اهلنا كلهم فى كسلا وسلامة الاسرة
بس ما ترجو شى من حكومات....ليش ما فى شباب كتار زاروا مدينة بومبى
وكمان عندك حى كامل اسمه حى الهنود..لو شفت الهنود ديل رادمين البحر
دا كيف ما تتصور ...بس حركة المد والجزر مرات تكشح جوا فندق التاج محل
وهوفندق خمسة نجوم...بس الناس مبسوطة لانهم عارفين ما مكن للبحر ان يعبر ذالك الحاجز ..خلينا من نهر مثل القاش..نرجو من اهلنا فى كسلا
ان يحلو مشكلتهم بعونهم الذاتى لكن ما يرجو حكومة.
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
فى فيضانات 88 و اظنك كنت صغيرا جدا يا محمد
كنا نرتدى ثيابا مهترئة من هول ما اصابنا, كنا نبنى المتاريس و قد اصابنا الوهن و العطش
كان هو يرقد متكئا على سرير فخم وسط ميدان الامم المتحدة, كان ممثل البلدية و بجانبه تيرمس ماء بارد جدا, حاولت الاقتراب لاحظى بجرعة ماء, ولكنه انتبه و هاج و ماج , ابعد يا شاب .. كملتو لينا مويتنا.
فى ذلك الزمان كان الفاتح عبدون"الكوز" هو معتمد العاصمة.
يتكرر المشهد الان, بس المرة دى مافى ديمقراطية
يا موديك الجاتك فى مالك سامحتك
و الله فى
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
ألف حمداً لله على سلامة الأهل
وكفارة ليك يا موديك ..
ولأهلنا في كسلا الحبيبة
أصعب ما في غرق المنزل .. طمس معلم من منابع الذاكرة التي تدفع الإنسان للمستقبل وهو مسنود الظهر بما جناه وتعلمه من الماضي ..
ولكن يبقى فقد المنزل أهون من فقد ساكنيه
أعاد الله المياه إلى مجاريها ..والسيل إلى منبعه غير مأسوف عليه
وشد حيلك يا موديك
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Haydar Badawi Sadig)
|
عزيزى د. حيدر
اخجلت تواضعى بالجد
لك منى الف تحية
و كل حب دنيوى و حب آخروى اذا جاز لى التعبير
انها الدنيا و انه وجع الوطن. هذه ليست لغتى ,, انما هى لغة شعبنا و ظروفنا و احتمال كمان غربتنا
الشعب السودانى معلم و كم تنتابنى الفرحة اذ اعلم حقا انى انتمى لهذا الشعب و ازداد فرحا كونك سودانى اصيل من ابناء هذا الشعب
دكتور حيدر اخجلت تواضعى
بس سؤال: حقنا دا نجيبه كيف؟
لك الياسمين
و لمودك كل الديار العامرة بالاهل و التى لا تسقط ابدا بعون الله
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
كفارة لكم يا محمد ولكل اهل كسلا الجميلة التي ستنهض باذن الله من جديد وتستعيد رونقها، وللاخوان اسامة الخاتم ود. حيدر كل الشكر علي الكلمات الجميلة والحوار الصادق، الحديث عن عام 1988 يثير بالفعل الكثير من شجون ذكريات ذلك الزمان الذي يصعب ان نصدق اننا عشناه ثم مرت من بعده تلك الاعاصير المسماة بالانقاذ، ربما كنا نحن الامة الوحيدة في جوارنا الافريقي والعربي التي تقهقرت بمثل هذا المستوي، يكفي ان ننظر ونقارن ما بين 1988 والسنة الحالية 2003 لنري الثمن الفادح الذي ظللنا ندفعه وباستمرار منذ استقلال بلادنا
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
أعــــــــزائي
Husam Hilali
صديقي العزيز حسام ..
لكلماتك فعل البلسم فيني ..
لك كثيف ودي ..
zumrawi
العزيز زمراوي ..
تسلم يا رجل ..
و اطمئنك انو السيل بدأ ينحسر بشكل كبير جدا ..
فلا خوف عليهم ..
الفاتح يسن
العزيز الفاتح ..
الله يسلمك .. و يجازي الظالمين المتمسكين بكراسي السلطة ..
و المتغافلين عن حقوق الشعب البسيطة ..
مـــــودك
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: أحمد أمين)
|
العزيز مودك تحياتي
بعض المشاهد من كسلا من خلال الاتصالات الهاتفيه التي اجريتها بحكم اني كسلاوي الميلاد المنشاء
1-ابن اختي عمره تسعه سنوان قلته ليه :يامجاهد اها الفيضان كيف .قال لي : ياخالو المدرسه حقتنا اتكسرت كلها وقالو حا ياجزو لينا السنه دي كلها وانا دار اجيكم في الخرطوم؟؟؟؟؟؟؟؟؟
2- صديق عزيز وظريف قلته ليه ابراهيم كيف مع الفيضان ..ضحك..قال لي والله عمل فيني عمليه غريبه ..ياخ عندي جزمه جديده ماتمت ليها اسبوع الفيضان شالا... لقيت فردا في طرف الحله ولحدي هسي بفتش في التانيه؟؟؟؟؟؟
3- مشهد تالت وهو مؤلمني حتي الان اتصلت علي صديقه واخت في الموبايل وهي كانت واقفه في في العراء زي ما بقولو..وبدت تصور لي في المشهد القداما الناس مكومه العفش بتاعا وحاله حزن غريبه علي الاوجه ..الاطفال فرحانين جدا يلعبوا ويضحكو.
وبعد صمت بسيط قالت لي في مرة جيرانا هنا فاقده طفلها من يوم الفيضان ولحدي هسي ماعارفاهو وين هسي قاعده قدامي وبتبكي والنسوان متلمين حولينا
الجايه من الله بنقبلا ونقول الحمد لله
لكن الشينه البسوها ناس الواطه
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
قلبنا معاك يامودك
وفعلا الجاتك فى مالك سامحتك
واتكسر الشر
ونحن برضو بيتنا اتكسر سنة 88
واتحاصرنا سنة 94 بس الحمدلله المرة ديك طلعت سليمة
وعشنانفس مايعيشه اهلنا فى كسلا الان
برغم هول ماحدث وصعوبة الخياة حينها الا ان لنا ذكريات ممتعة جدا
وعشنا جو من الالفة والتقارب لم يتوفر لنا قبلها وبعدها
استاذنا حميد له سرد رائع جدا فى الضو وجهجة التساب الماحضر بحر يشوفها
من الطرائف او الحاجات البتؤلم فى ان واحدكان فى واحد فى قريتنا اعاد تشييد منزلو على احدث مايمكن عندنا، طبعا شهر 8 موسم والافراح كلها بتجى فى الشهر دا اوشهر 9 وعمنا كان بجهز لعرس ولدو وصرف الورا والقدامو فى تصليح المنزل وجا البحر وماخلى الا البوابة ام ثلاثة ضلف ، عمنا فقد عقلو والحمد لله كان وقتى وبعد داك بقى كويس المهم العم بقى يقعد قدام البوابة والله قال بقول البدخل بالحيط المكسرة لازم اى زول يدخل بالبوابة
هييييييييييييييييييييييييييييييه ايام
اهو كلو بامر الله ونسأله ان يخفف ويلطف
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
للجميع ربنا ياموديك ويجي يوم تبعد الكوارث والناس الطيبين زي ناس كسلا صبرهم بلا حدود وعلي استعداد نعمل اي شي فلنتبنأ جميعا صندوق دعم صغير باسم المنبر وياموديك الكارثة الاكبر لسه جاية البعوض والملاريا والامراض والتشرد والموت البطيء قلوبنا مع اهلك وناس كسلا
وربنا يستر علي الباقي من السودان
بت ام در
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: Modic)
|
أعــــــــــــــــزائي
wa7shny
واحشني العزيز ...
تسلم يا رجل ..
أحمد أمين
أشكرك علي عميق مشاعرك ..
لك الود ..
safwan13
العزيز صفوان ..
طبعا المشاهد محزنة جدا و كثيفة بشكل مخيف ..
و الناس اللي كان صايبهم ما شوية .. فما أصابهم الآن كانت القشة اللي قسمت ظهر كسلا ..
Raja
العزيزة رجــاء ..
الأهــل كلهم بخير و تسلمي علي سؤالك .. فعلا أكبرتو ..
بالمناسبة : كل سنة و انتي طيبة و ان جات متأخره ..
الله يديكي طولة العمر و عقبال شموع كتيره .. عشان تبني منزل و آخر و آخر و آخر في حياتك ...
كثيف ودي ..
Rakoba
العزيز راكوبه ..
الصور مؤلمة ..
و الواقع أكثر ايلاما ..
شاهد النظرة الممتنعة علي هذه الوجوه الحزينة ..
لهم الله .. فلا معين غيره لأمثالهم من المظلومين ..
HOPELESS
لك الشكر يا رجل .. و لنا جميعا الله ..
الله يوريكم كل الخير ..
ملكة سبأ
العزيزه ملكة سبأ
الأنهار في السودان مفروض تكون نعمة نستفيد منها الاستفادة القصوي .
لكن من يصدق أنه في بلد مثل السودان تكون المياه مقطوعة عن المنازل و من كثرتها و كثافتها فانه عند حدوث الفيضانات تتحطم المنازل بهذا الشكل المريع ..
و هي فعلا معضلة عاني منها كل الشعب السوداني .. لهم الله ..
كثيف ودي ..
bit omdur
العزيزه بت أمدر ..
مشاعرك العميقة تتدفق علي شكل أحرف نابعة من دواخلك ..
و بالضبط هذه هي المعضلة الكبري .. أقصد الأوبئة و الأمراض ..
لكن و حسب ما عرفت من الوالد انو هو و أمثالو من الأطباء سيقوموا بخطوات واسعة في هذا الصدد ..
بدءا من ابلاغ المنظمات الطبية الدولة الي تقديم المساعدات الأخري ..
لك المــدي و كثف ودي ..
مـــــــــــــــودك
| |
|
|
|
|
|
|
|
|
|
Re: بيتنا في كسلا انهار الا شويه منو بسبب السيل .. (Re: رقية وراق)
|
وجدتنى اشيح بانتباهى كلماقرأت بكاءك
الا كسلا هذه...!
الا موطن العشاق هذا
الا بنت التاكا ، وتوتيل هذه
الا ذات القاش والسواقى الخصيبة ...تلك
الا ملهمة اسحق الحلنقى والتاج مكى وابراهيم حسين
كسلا فنجان القهوة المبهربجنزبيل العناصرالانسانية المحبةلدروبهاوقاشها،حبهانهاونكهتهاالاريترية والحبشية قبائل البنى عامر والهدندوة والبرنو
والرشايدة والبيجا
والشايقية والجعلية وابناء الفور ودنقلا
وهى التى اشرقت بها شمس وجد العاشق
وهى بالحق جنة الاشراق
ينام اهلوها الطيبون فى حضن الجبل
ويصبحون على اشجار الدوم
ويضحون فى رحابة احلام اشجار الموز.. والقريب فروت
كسلا يا حدوتة العشق النبيل
لك الله
ولك الصبر يا مودك وعائلتك الكريمة
والله يعوضكم ويجبر خاطركم بالوطن الصغير...البيت الكبير
قلوبنا معكم
| |
|
|
|
|
|
|
| |
Modic
aba
elhilayla
عشة بت فاطنة
Haydar Badawi Sadig
degna
abas
abuguta
دورنقاس
zola123
haneena
rummana
خالد
Elmosley
اسامة الخاتم
Husam Hilali
الفاتح يسن
OmDur
ودرملية
obay_uk
ahmad almalik
أحمد أمين
Raja
Rakoba
ملكة سبأ
أبو ساندرا
Tumadir
فيس بوك
تويتر
انستقرام
يوتيوب
بنتيريست