|
|
 شمارات وثقافة شماسية
|
طيب الشمار اليومن ده المطر وقفه ليه لانو المجالس مشكلتها بقت عويسة انتو عارفين االشمار اجمل وقت ليه بعد المغرب وبيكون اخضر ودقاق وناعم بعد صلاة العشاء والشمارات انواع واحد محله استراحات محطات الحافلات وده شمار بيكون سريع الذوبان لزوم وقوف الركاب وخاصة لمن واحد من الواقفين يكون شماراتى تلقاه كل ما مرة ازح لمن تلقاه يسأل يا جماعة بلقى عنكم ولعة وهاك يا سيجارة وتلقاه كبه شماره سريع بس ده من النوع البيكون غير مضمون لانو صاحبه ذى البلف بتاع الحافلة يشيل حق التذكرة وتانى بطريقتك طبعا البلف ده صناعة سودانية ميه فى الميه يا الما بتعرفوه مش ذى عربات جياد البركبوها ويقولا عليها صنع فى السودان البلف بلغة موقف السوق الشعبى الكمسارى وبالاحماع اتفق على مصدره موقف بحرى علشان به مواصلات سوق ليبيا وشيخ ابوزيد والسوق الشعبى امدرمان وحافلات بحرى امدرمان وبحرى والخرطوم والمواصلات السوق الشعبى امدرمان طبعا ده اجماع الكمسنجيه وديل اهمه ناس الواحد تلقاه من الصباح حتى الليل فاتح خشمه وبكوريك بحرى نفر- وشعبى يا مسافر - يالله نحن ماشين نفر سلم- وكلام بينى وبينكم ما عنده حد لكن فى النهاية ديل والله شماراتهم قوية وتكون محظوظ لو واحد ساكن معاك فى الحى ما بجيبه ليك مغربل وبحكى ليكم عن النوع ده من الشمارات المغربلة قبل سنة ودتنى الظروف علشان ارقد مع صديق بمستشفى بحرى وعلى فكرة شمار المستشفى ده بقى بمزاج ما روايات عديل لا بتكمل القصة ولا بموت البطل ولا الخائن بس ممكن نشبه بالفليم الهندى المهم لقين واحد من اخونا الكمسنجية والونسة رطبت بمويه النجيلة الشاربة من بلاعات المستشفى المعتقه جنس نجيلة بس والله فاقدة ناس ريال مدريد والبقيه الزول حكى لى حكاية الراجل الجابوه مضروب فى حادث حركة واهله ما عرفوه وكان هو الزول الوحيد المشى معاه المستشفى والدكتور قطع كورعاه وقال اضطر يكون معاه لانو اهله ما ظهره ولا حتى السواق الدقشه ما ظهر بس الظريف فى الامر انو قال لمن طلع ينوم بره لقى الكدايس جاره كراع زول و بها شراب عرفه من لونه بتاعت صاحب الحادثة بس اعمل شنو الباعوض يدثرنى والكدايس ترصدنى نسائم العنابر تلفحنى من الشبابيك الحل الوحيد انو استمر مع الكمسنجى بس الكويسة انو عرفتى بنوع جديد من الشمارات والمصطلحات طبعا احسن ليكم ياالمعارفين لمن تجوا السودان ما يدقسكم البلف- معاى يا فرد بينى معليش انا خايف بكرى يزعل لكن ده هترشة شماسية لزوم المعرفه
واخر الشمارات
تتزكروا حكاية الحمار المسلوخ فى امدرمان عرفته ليكم نهايتها قبضوا الجماعة واعترفوا بالجريمة بس اطرف شىء قالوا فى التحقيق ان عندهم ولدعيان والفكى طلب منهم جلد حمار بشرط يكون معاه جزء من الضنب
شمار سوق الخرطوم اليومين ده قوى لانو ناس النظام العام مانعين الفارشين فى شوارع السوق البيقوله شىء ببلاش- جابوه بالطيارة وبيعنه بالخساره- والتفاح ب 750- لكن جماعتك ديل فى برندات السوق كابين جنس شمار مرة يقولوا والى الخرطوم زعلان قاعد فى بيته لانو ناس النظام العام وقفه ليه تحصيل الفارشين فى الشوارع لكن الشمار المهم قالوا فى واحد من الحماعة ديل قال يا حماعة انتو عمر البشير ده ناسى انو هو رئيس دورة الايقاد الحاليه لانو باعتباره رئيس اخر مؤتمر فى الخرطوم بدل ما يقوم يقول للجنرال سامبويا انا الرئيس والكلام ده ما مواقف عليه يقوم يقول ليهم بلوها واشربوا مويتها وفى الفين داهية مش شمار بنفع موضوع للنقاش والله ايه رايكم
@@@@@@@@@@
كم فى ظلمة الليل من بهاء
ولكن كثيرون حولوها الى ارتكاب المصائب و
|
|
 
|
|
|
|
بلدى يا حبوب
فيس بوك
تويتر
انستقرام
يوتيوب
بنتيريست