|
اكشاك السودان و السياحه
|
.. . صدر قرار رسمي لتزين شوارع الخرطوم و تجميلها و تحسينها من المناظر الموجوده فيها بان تزال جميع الاكشاك الموجوده من صحف و مجلات مواد غذائيه شاي و مرطبات بارده الصبيه البكونو في الشوارع والببيعو من لبان و بسكويت و غيرو فجاه و بدون مقدمات الشوارع واجب انو تتصلح وفي زمن ضيق و محدود لي ناس بسطاء الحال ما عندهم الا الوسيله دي عشان اترزقو بيها.. سابو الانوار و الزراعه والتخضير و الدوارت وتعبيد الطرق ونظافه البلد..ومشو للناس ديل وكانهم عاملين ازمه سياحه السودان وماخرين جمال البلد يا ربي حيعملو شنو الجماعه ديل....لو فجاه واحد قال ليك انت ما حتشتغل و ما عندك وسيله تاني عشان تترزق بيها الا دي ؟ حتعمل شنو؟ الواحد ببدي بالكبير و بجي للصغيلا على القليل اديهم فرصه ادبرو حالم الناس ديل رايكم شنو ؟
|
|
|
|
|
|
|
|
Re: اكشاك السودان و السياحه (Re: Zongiya)
|
زنجية لك الود والتقدير ستظل حكومة الانقاذ فى غيها سادرة وتكسب كل يوم عداء شريحة واسعة من ابناء الوطن وهكذا سيلتف الحبل حتى تلقى حتفها شكرا لقلمك الذى نقل لنا ماتضمره الحكومة بليل لهؤلاء البسطاء
| |
|
|
|
|
|
|
Re: اكشاك السودان و السياحه (Re: Zongiya)
|
.. . منعم2002 كيفك؟ عارف لو كانو قالو بنيان و لا تعمير او اي شي او فكرو بعقلانيه شويه و قالو نحن نبدا اول شي بناظفه البلد ساعه ما حيكون في مشكله...لكن الخبر هو ازاله الاكشاك لتزين الشوارع عارف اتزكرت الحصل لينا هنا في دول الخليج لما حصلت تفنيشات فجائيه لموظفين البلديه....ورمو حاجياتم بره وما امنو ليهم اي شي والمغتربين السودانين كانت حالتهم ماساويه جدا و الله وصلو لمرحله ما لاقين تامين المواد الغذائيه.... في النهايه تبرعت الحكومه بباخره عشان توديهم السودان..جماعات كبيره جدا من السودانين...ديل المغتربين فما بالك بالناس الجوه ؟؟
________________________________________________
السودان ممكن يبقي من اجمل الدول السياحيه لكن كيف و نحن نازلين دايما... عندنا اجمل الغابات,عندنا اثار ما مشهوره ، عندنا فن العماره و البنيان ما مستغل الا على نطاق بيوت المغتربين ... مهملات في الشوارع عادي ، المياه الراكده و الغير صحيه عادي ، ، ، ، ، ، ، و سبب تاخر السودان عن السياحه ...((الاكشاك ))...ه
| |
|
|
|
|
|
|
Re: اكشاك السودان و السياحه (Re: Zongiya)
|
.. . ابو جهينه سلامات و هذا ما اودت ان اقوله الناس ديل ما جعانه و شقيانه و البتلاقهو بتدبرو بالعافيه لي الاسره زي لما اكون عندك مشكله كبيره جدا جدا و مستعصي في حلها و تقول اول الحلول هو انك تسافر بره في حاجات اهم من كده و في حاجات لابد تتعمر ولابد انها تتهدم قبل ده كلو....وهي الاساسيات الجماعه ديل سايبين اي شي و ماشين للفروع ... عشان كده الخطوه بتكون ب 100 سنه ... هسه مصير الناس ديل شنو ؟؟ تشريد و احتراف فنون دخيله علينا من نصب و غيرو و عدم اكمال مراحل التعليم للاسره و حاجات كتيره وهي الكهربا لسه في السودان قاعد تقطع ؟!!!!؟
| |
|
|
|
|
|
|
Re: اكشاك السودان و السياحه (Re: Zongiya)
|
زنجية ازيك أهلي قالوا لي البلدية زرعت امكن ألف نخلة في شوارع ام درمان ... قربت ازغرد يا سلام على مدينتي الجميلة وهي مزدانه بالنخيل.. الفرحة ما تمت.. قالوا لي ..هي هو النخل تلات رباعه مات.. يا عالم.. يا ناس الشمالية البتعرفوا النخل هو في نخل بيموت لو ما تم قتله ترصدا وعمدا غيلة؟.. الاكشاك دي مسنودة عليها بيوت...وبيع البسكويت واللبان مظهر حضاري أكتر بالتأكيد من التسول..واحسن من النشل... بس تقولي لمنو... ناس عبقريات "البكور"؟.. الشكوى لغير الله مذلة.. الأفضل تكثيف الاعتراض على صفحات الصحف.. عسى ولعل
| |
|
|
|
|
|
|
|