|
|
 وبدفن انفاسي في خصل الليالي...
|
وبناديك....وبدفن انفاسي في خصل الليالي...واهمس ليك .......بحن ليك ...بحن ليك
والقاك في كل تفاصيل الحكايه...القاك وتر....القاك نغم...القاك الم...
والقاني ماشه عكس الزمان...وارجع بعيد...قبل الضلام....وقت الغروب واتزكرك
واتزكر احساسي القبيل...ورغباتي المجنونه ...انو اكون...زي الجفون..اغمض عليك...واسرقك من الزمن البخون......ما اخلي دمعك يوم يسيل...وبرموشي اعمل ليك حصون...واتزكر انها لحظه وداع...وانسي الحصون ..وابني السجون....واحبسك..بحناني الليك...لهفي العليك...روحي اللفيك...
لكنك ياالزمن العجيب...لا بتنتظر ..لا بترحم حبيب...
ويا زمن...لو حرقتك باللهيب...الانت خليتني فيهو...ما كنت اتبسمت تاني....لكن الثواني...الجابت لي الاسى...مصيرها يوم...تتالم تعاني....من شوقي تفهم معاني...ومن دمعي تسمع اغاني...ولعيونو تاخدني تاني
ويا زماني.حاحضن كل جروحك واغفر ليك كل الالم...لو تختني في احضانو...وتنساني
واتزكر انو الدنيا ليل ...وانو وقت الوداع وقت الغروب...مجرد هروب ...من شوقي ليك...واحن ليك
وادفن انفاسي في خصل الليالي ...واهمس ليك..زي وقت الصباح...
ما انت صباح عمري..والنور معاك
وانوم على طيفك في المسا...واصحى الصباح والقاو هناك
وبسال نفسي نفس السؤال...الليله عيد؟......واللا في حبك يوم جديد
وبحس بطعم الامل...وبشوفو في كل ملامح يومي....وكل ثانيه بكون دايره احكيها ليك....واناديك واهمس
بحن ليك...بحن ليك
********************************************************************
يا رب اشكرك لانك منحتني الفرصه لاعيش هذا الحلم الجميل يوما حتى وان لم يتحقق...فبعض الناس لا تتسنى لهم الفرصه للاحلام
|
|
 
|
|
|
|
|
|
|
|
Re: وبدفن انفاسي في خصل الليالي... (Re: حنين)
|
حنين
أقيمي ..يا سيدة الهوى ..
لا ترحلي ..
وتتركيني بلا عقل ..كمجنونٍ غوى!
لا تتركي الفضاء العذب ..
فما كل فضاء لشخصكِ ..احتوى!!
لا ترحلي ..اميرتي ..
اجعلي ..حروفي منزلاً ..
فهي منزل من بنار العشق اكتوى!..
وانا ..
انا ..
اراكِ عاشقة ..
لا تحتوى!
حنين ..
سرقني حرفكِ من عالمي ..واخذني الى جزيرة ..انتِ اميرتها ..كان حلماً جميلاً ..ان أرى نور وجهكِ منعكساً في مياه بحرها ,,,
سيدتي ..
في فمي ماء ..ولن اقوى على الكلام ..
كوني بخير ..
وليد
| |
|
|
|
|
|
|
|
|
|
Re: وبدفن انفاسي في خصل الليالي... (Re: حنين)
|
مبدع انت يا علي...في كل تفاصيل حياتك...في كل كلماتك....وجمال نبضاتك....دمت لي
العزيزaba:
بتشكر ليك الرحيق وبحتفظ بالبرتقاله..واهديك غابه عبير
المميز سنتيمنتال
مثلك من يعطي البورد بعضا من القه....لا تغب.
وليد يا وليد امام ردودك تتلاشي المواضيع...وتنقلب الادوار...فلا اعلم من السيد فينا ومن الضيف....وانا اشكرك كلماتك اللتي استضافتني بكرم اكبر من قامتي
لا حرمنا الله من جمالك
| |
|
|
|
|
|
|
|
|
 Re: وبدفن انفاسي في خصل الليالي... (Re: حنين)
|
حنين او قل انين
لا أدرى لماذا قفز الى زاكرتى هذا المقطع
جيتنى في الذمن الاليم
وقلبي مثخن بى جراحات الهوي
وعمري ضايع في مدارات النعيم
في دروب الغربة لا تاب لا قوى
كان عيونك فيهن الوصف القديم
معني في الحب انطوى
وضاع معاك زمن الوسامة
وانطفي الفرح العلامة
لسه يا حزن الملامة
من سنين دربك سلامة
لك 23 زهرة بنفسج بعدد سنى العمر
| |
|
|
|
|
|
|
|
|
|
Re: وبدفن انفاسي في خصل الليالي... (Re: sentimental)
|
الضوء ... حنين
نيلينك والابنوس والشوق الجاري عليك
كل اعتذاراتي الصادقات لانها قراتي الاولي لهذا الجمال
حرفك لا يحمل غير الصدق المنتهي مدخل حقيقي جدا للتماهي جذلا ونشوة
بين النيل الشاري عيونو وبيني انا
مسام الطين الراقص تتنفسنا
نجدول الممكن من الغني
وندندن
أو ندوبي
او
نعرج للون
يرسمنا لوحة انسان
والريد نيلين
| |
|
|
|
|
|
|
| |
جدو
aba
waleed500
زوربا
فيس بوك
تويتر
انستقرام
يوتيوب
بنتيريست