|
حقاً صدقت يا بكري البورد أصبح وطن وهاك الدليل
|
من خلال بعض الرسائل أرسل لي الأخ العزيز سمندلاوي رسالة يستفسر عن صلة مختار النعيمه من رفاعة بنا ، واخبرته أنه عمي وسيكن رفاعة اصلاً حبوبتي والدة والدي من رفاعة ،وذلك من خلال الرسالة التي أرسلها تهنئة للإبنة مروة الطيب عمر النعيمه وارسل لي الرسالة التالية التي توضح صلة القرابة التي بيينا ، وحقاً اصبح البورد وكناً يا أخي العزيز بكري ، وإنها والله لحظات عصيبة على المرء ، فعمته التي يعزى فيها الأخ سمندلاوي هي عمتي فهي إبنة خالة والدي لزم ، والدتها النايرة وحبوبتي بشرية والدة والدي شقيقات على طول. Date: 08-07-2003, 04:19 PM From: سمندلاوى To: فيصل النعيمه Subject: السلام عليكم اخى ووداهلى فيصل يعنى الواحد زاتو ماعارف اقول شنو طلعنا اهل وقرابة شديدة خلاص مصطفى عبدالله خالى لزم واسيابت النايرة عمتى لزم وهسى الاتوفت دى انت قايلها منو دى ما نفيسة بت النايرة عمتى , يعنى خالتك بت خالت امك رحمها الله رحمه واسعة طبعا هى زوجة طه ودالفكى اخو مصطفى عبدالله , ياخى نحنا اهل لحم ودم , والله الدنيا بت كلب يعنى الناس اهل وما اتعارفو , البركة فى البورد والله متنيا ان نواصل تواصل وصلة رحم
لك حبى
|
|
|
|
|
|
|
|
Re: حقاً صدقت يا بكري البورد أصبح وطن وهاك الدليل (Re: فيصل النعيمه)
|
الحبيب فيصل
الحبيب سمندلاوي
هنيئا لكما الاخاء اوفر اند ابف خوة البورد
وهي زيادة خير خيرين
هذا الوطن السايبيري جمع فاوعى
ففيه التقيت برفيق المدارس والمدارك حسب تسمية اخي عادل عثمان
بعد غياب بسبب الشتات دام اكثر من عشرين عاما
وكذلك عاد الاخاء صافيا كما كان مع منير عبدالرحيم
وفي رحابه خلقنا صداقات جديدة فيها كثير من الحميمية
والود الصادق
فهي نعمة نشكر عليها المولى عز وجل ونشكر عليها حبيبنا بكري ابوبكر
فالجميع يحس بان بكري هو صديقه المقرب والمفضل
(عدل بواسطة garjah on 07-08-2003, 07:13 PM)
| |
|
|
|
|
|
|
Re: حقاً صدقت يا بكري البورد أصبح وطن وهاك الدليل (Re: garjah)
|
سلامات والله ياود النعيمة يازول والله ات ود بلدنا عديل وحبابك الف وحقيقة استاذ بكري سمندلاوي دا انسان حساس وشكرا للبورد وربانه المهندس بكري ابوبكر ولتدم المحبة ولتزداد ايراقا ليمونيا نضير علي حد قول الليموني الشاهق منوت تسلم ياود النعيمة ومرحب حبابك الف الف
| |
|
|
|
|
|
|
Re: حقاً صدقت يا بكري البورد أصبح وطن وهاك الدليل (Re: فيصل النعيمه)
|
اخى فيصل شفت كيف , يعنى انا احساسى بيك كان عميق جدا , والحمدلله فى الوطن البورد البقى لينا لم شمل , تحياتى الخالصة لك ولاهلك العزاز , واقول ليك كمان البركمة فيكم فى وفاة عمتك نفيسة مصطفى الفكى طه , رحمها الله رحمة واسعة والهمنا واياكم الصبر الجميل
اخونا ودرملية شكرا ليك يا احساس نبيل وربنا يديك العافية
اخوكم بكرى احمد مصطفى ودالنايرة
| |
|
|
|
|
|
|
Re: حقاً صدقت يا بكري البورد أصبح وطن وهاك الدليل (Re: فيصل النعيمه)
|
النعيمة يا حنين
اولا مبروك لم شملنا
والله فعلا ده بيتنا واهلنا
براك اديتنا بيان بي العمل
لكن ياخوي الوطن وينا حقوقو
وليه الناس ما حاسه بيهو
مش برضو واجب نشوف مالو
ولو محتاج نمد ليهو يد العون من غير منة
ياخوي عليك الله شوف حبانك وخلانك
الذكري تنفع المؤمن
ووصيهم علي المنبر يا حنين
و
سلاااااااااااااااام كتيرررررررر
| |
|
|
|
|
|
|
|