بيني ما بينكم، الفكرة طقت في راسي قبل مدة.. بس مالقيت وكت اتمعن فيها وأقرّضها (بتشديد الراء) كويس المهم، الفكرة ببساطة هي نعمل تجمع المعجبين بي شيري وسجيمان وأبو جهينة(بمراعاة هذا الترتيب).. فإذا شيري نطت أو جاها عريس (وديل الاتنين ممكن يحصلو)، يستلم منها سجيمان.. فإذا الحكاية ربطت معاهو وقال راسو وألف وستين سيف ما ممكن، حينئذ ينبري (حلوة دي!!) أبو جهينة.. وإذا حزبوهو العيال وأمهم- أي أبو جهينة- حينئذ الضحك شرطنا أها كان قلو الحزب دا يمشي لي قدام- أو ورا، كلو واحد- أنا شرطاً أبقى أمين عام.. يا سجيمان وأبوجهينة، ابغروا
الأخ سرندار : لك التحية و المودة الصادقة و التقدير. لم أقرأ هذا البوست إلا صباح اليوم ، فقد كنا بالأمس وراء مصيبتنا في فقد هذا النفر الكريم في حادثة الطائرة. لهم الرحمة و المغفرة. أما عن الحزب ، فأنا أشك في أن شيري ستستمر بالترتيب الذي وضعته أنت في قيادة الحزب بتلك الهرمية. فسرعان ما ستزحلق سجيمان بحجة الصالح العام و تضع بدلا عنها بت قضيم أو هوزي. ثم أقف وحيدا بين ( فكى تمساح ) ، و سيتم بعدها إبعادي عن أي إجتماع أيضا بحجة أنني أنقل لسجيمان أخبار الحزب ، ثم و بدهاء أنثوي يتم إبعادي عن الحزب بحجة التآمر مع حزب آخر تقوده ملكة سبأ. لذا أقترح أن تكون رئاسة الحزب بالتناوب ، أو نعمل إستفتاء على تقرير المصير. و أنا أفضل الكنفدرالية. تسلم أخي الخاتم و تحياتي لك و للأسرة و الأهل.
07-09-2003, 08:10 AM
shiry shiry
تاريخ التسجيل: 07-05-2002
مجموع المشاركات: 3511
ها انت مجددا تغمسني وحضوري في جردل اخضرررر من الخجل وتكسب جضومي خضره بطيخيه الشكل .. فكما تعرف انت اني جسكويه من هنا ، وهذا يعني انني لا اصاب بحمره الخجل مثل باقي مؤنثات خلق الله التانيين ها انت تتعمد دفعي الى بقعة من الضوء يشعلها لي عنوة قلمك الجميل رغم انني لا استحق هذه الاحتفاليه _ليس تصنعا لتواضع يزين خلقتي دي _لكن حقيقي تحدني ممعنة في شكل امتناني اليك عزيزي سيريندر وانشاء الله يوم شكرك ما يجي ومع ذلك وكية في ابو جهينه سوف اتنازل عن رئاسة الحزب الى صديقتي بت قضيم واستلم مقعد الوصيفه او مايعرف بلغة اهلنا الوزيرة النجيضه للملكة المتوجه الحريفه بت قضيم وشوف انت وسجيمان كان لقيتو ليكم مكان في الحزب دا هاهههاهاهاهاهاهاهااه يا ابو جهينه ما تخاف يا صديقي لم يسبق الى اي امراة قبلي ان اخرجت مشروعها وعلى كل المحاور ان كان خرائبي او حتى حدائقي او بستاني او نص نص قبل ان يستوي وفي كل الاحوال تجيد الانثي صناعة الطبخ على نار هادئة وقس انت وسيجمان كم تستغرق طبخة تشرف عليها بت قضيم ومنها يمكنك ان تعرف مدة بقاؤك في الحــزب دون ان نزحلقك عن نفسي احاول من مدة ان اجرر ذاك العريس الذي راسه والف سيف ان تتوقف هترشتي فقط لمدة يومين حتى يرتاج وينجم راسه من هذه الضربات التي اوجهها اليه كلما باعد بيني وبين قرب الفرح الكبير راجعة تاني يا شباب من غيري يشعل واصبات الهترشه شيلوا الصبر شوية ياشباب الصابرات روابح
07-09-2003, 02:29 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22492
شيري : لك التحية حتى تستجيري أتمنى أن يستحمل ذلك العريس هترشتك التي كنت قد آليت على نفسي أن لا أسميها هترشة ، و لكن ، كما قلت أتمنى أن يستحملها و يترك عناده الذي يرفع له ستين ألف سيف ، عشان لو إستحمل ، نكون أنا و سجيمان قد قمنا بتحييدك و زحلقتك للعريس ، و إنفردنا ببت قضيم و شرشحنا رئاستها للحزب ، ثم فرتقنا الحزب ، و قمنا بتكوين حزب جديد و سجلناه عند سرندار و نمنع فيه عضوية أي واحدة بتعرف تستعمل الكمبيوتر. تسلمي
07-09-2003, 03:02 PM
shiry shiry
تاريخ التسجيل: 07-05-2002
مجموع المشاركات: 3511
حقيقة الاخت شيري من الاقلام الملفتة لقارئ هذا المنبر وتتمتع بجرأة رائعة في الطرح واكثر ما يعجبني فيها اختيارها الموفق لعناوين مساهماتها وهنا مربط الفرس والفرق بين الكاتب الناجح وغيره قبل ايام كنت والاخ الصديق خالد عويس في سيرة كتاب البورد وكنا نتناقش بصدد اصدارة جديدة وكان اتفاقنا بان الاخت شيري يمكن ان تكون مرشحة قوية ضمن الكتاب لهذه الاصدارة خاصة في الصفحة الاخيرة وهذا ليس تقليل من شان بقية الاخوة الزملاء ولكنها ملاحظات عابرة قيلت في وقتها ما رأي الاخت شيري
07-09-2003, 03:07 PM
shiry shiry
تاريخ التسجيل: 07-05-2002
مجموع المشاركات: 3511
يسعدني جدا ويشرفني ان اعمل ضمن فريق يتكون منك ومن الاستاذ خالد عويس رغم انني وهذا القول من كل قلبي ربما لا ارقي الى هذا المستوي الذي وضعتموني فيه عليه تجدوني شاكرة لكم وممتنة لهذا التقدير الذي منحتموني اياه سلمت ياسيدي للاطراء وسلمت اكثر لكونك مهتم لواقعنا هنا في الغربة
07-09-2003, 03:28 PM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
الاخت شيري سلااام شكرا لك وانت تستحقي اكثر من هذا بعد قليل سالتقي خالد العويس وبعدها نتصل بك ايميلي هو [email protected] وذلك للاتصال حول التفاصيل لك الشكر مرة تانية وسلمت يا بت بلدي
بالله عليك الله شوف الناس ديل؟ الواحد بس يشوف ليهو موضوع سمح يقوم يتسلبط فيهو؟ هسي شوف زي أخونا خالد العبيد ده.. شافني من كبار
المتعصبين لي بتنا شيري وعمنا ابوجهينة وخال الوليدات سجيمان، وقلنا نعمل الحزب إياهو، طوااااااااالي اتضرع وسل سكينو ونادى علي صاحبو
وسميِّو خالد عويس، وداير يسحبو البنيِّة!! بالذمة دي حركات جعلية؟ بااالغتو نرجع لي موضوعنا... فبحمد الله استطاع عمو أبو جهينة- يتبارك محل ما قبل، زي ما بتقول حبوبتي الله يرحمها، بحركة ذكية يورط بتنا شيري في
قبول رئاسة الحزب... وافتكر إنو دي حركة كويسة، لأنو حيتفرغ هو للسكرتارية العامة- بما إني استقلت منها هسع، لأني راجع بغداد تااااااني-
ويبدع لينا في البوستات الما خمج... دي واحدة والتانية إنو رغم خال العيال سجيمان- يديهو قدر نيتو، زي حبوبة تاني- طنشني وعمل نايم، لكن ممكن الواحد يستألفو بي بوست ينقل فيهو
جميع أغوالو- آآآسف قصدي أقوالو- المحذوفة بسبب هذا الباندما تعرف إيه.. أها رغم كده، سجيمان حيلقى ليهو سبب يشعلق فيهو ويتحفنا.. آآآآمين والتالتة- اللي هي ثابتة- إنو بتنا شيري نفختني نفخة بطالة خالص.. بالله كان شفتو جضومي وقد تحولن إلى البني الداكن- عوضاً عن الاحمرار-
فنحن كمجلس أمناء الحزب المزمع إنشاؤه مطمئنين لقدرتها العالية على الهترشة المستمرة ودا السبب الخلانا نقترح الحزب باسمها في المغام-
آآآآسف تاني، قصدي المقام- الأول تنويه أخير هوي يا خالد العبيد، زح كدا ولا كدا ما تطرشق لينا حزبنا دا... إنت من الجماعة ولا شنو؟ ياخي حزبي دا تعبان فيهو زمن لحدي ما الشباب اقتنعو،
وهسع بنطبع في استمارات العضوية، تجي داخل بالعرض وتطفش الزباين؟ أعمل حسابك نبقى جادين شوية يا شيري بالغ أسفي لإخلافي الوعد إياك بالكتابة عن آخر أيام بغداد قبل أن يفجعها التتر الجدد، وما كان ذلك لكسل مني ولا شبهة ترفع- حاشاك- بل الأحرى
أنها (عصلجت) معي ورفضت أن تخرج... ولعل في عودتي إلى بغداد كرة أخرى- من بعد يأس- مندوحة لمعالجة ما استعصى في سابق السوانح قولي معي: آآآآمين يا عمو أبو جهينة ربما لم يُقدر لنا أن نلتقي كتابة- واللقيا حقيقة عسر في طي المستحيل جغرافياً ومنطقياً- لكن كليماتك عندي بعاليه أثمن من كل ما خُطََ من بوستات..
فإذا قُدِّرَ لي (شوفة) هذا البورد مرة اخرى، فلعل في ما استودعته طي الكتمان- ضناً بمائي أن يهدره السراب- ثمناً لأخرى أفيض لك فيها بمقترح
لحزب جديد، خالص مخلص لك وجميل ابداعك.. قل معي، أيضاً: آآآآمين يا خال العيال سجيمان (إذا تلطفت بالمرور على هذا البوست) أحفظ لك- وإن لم تعلم- سر ضحكات كابدت (أنصاص الليالي) أن أكتمهن، فعجزت، والاستوديو يضج من حولي بأناس خطَّ الجد على وجوههم
تقطيبات وتجاعيد.. فاستغربوا هذري، ولم يدروا أنني "ضاحك مما بيا" في بديع معنى لأبي الطيب المتنبي.. عشمي بلقيا إن عادت بي السلامة
لأصابح هذا البورد وأُماسيه غير كالٍ ولا مال.. قل معي (برضو): آآآآآآمين
الأخ الأستاذ الخاتم ( سرنادر ) لك التحايا أينما حللت و متى ما رجعت. و ربنا يوفقك و يرد غربتك. نرجو أن تسمح لخالد العبيد و خالد عويس بمنح شيري تلك الفرصة القيمة ، و التي نغبطها عليها ، و دعها معنا بالحزب ( خارج دوام ) أو أوفرتايم ، فقلمها له من السلاسة ما يمكنها من أن تطلق الكلمات الشفيفة الهميمة في كل إتجاه. تسلم
07-12-2003, 09:35 AM
shiry shiry
تاريخ التسجيل: 07-05-2002
مجموع المشاركات: 3511
تحياتي واحتراماتي كميااات اكيد ليست بحجم الاشياء التي نحبها اذ انها هنا ، اكبر من نحصرها او نقبضها لنقيس مساحتها اذ هي نبض والنبض هنا مستمر باضطراد ماعايزه تاني اقول كلاما انا قلته حتى لا ادخل نفسي وكلماتي في التكرار فيملني الناس لذلك اقول تمشي وتجي بالسلامه وربنا يوفقك لان في توفيقك ونجاحك نجاح لنا كشعب يحترف الكتابة ويحترف النجاح
ابو جهينه
قديمه يا سيدي العب غيرها عايز تزحلق تاء التانيث من الحزب وتستفردون بالحزب هاهاااههاهاهاهاهاها سلمت ياابو جهينه وسلم االخالدين خالد عبيد وخالد عويس وحقيقي وتاني بقولها انا لا ارقي يا اساتذه سلمتم كلكم وربنا يخليكم
07-12-2003, 09:44 AM
bayan bayan
تاريخ التسجيل: 06-13-2003
مجموع المشاركات: 15417
اراك فوووووووو ، تدلقيــن الهوا في راسي المدوقس دا الجماعة ديل ياخاله اي شيء ممكن يمشوا معااااك عادي الا تقومي ترفعي جناين وزي مابقولوا اصحابنا الشماسه في لغتهم الرندوق تدقي ليهم جــرس في راسهم الله قال بي قولك
أها لفينا ولفينا ورجعنالكم، بس دا بسموهو شنو؟ يعني بس الواحد ما يزح كدا ولا كدا من بوست ولا فكرة يلقاها طارت وحلفت بطينة البحر المبروك ما ترك حالة صعبة المهم، نحنا في البلد، وأرجو الرااجيكم
09-10-2003, 06:02 PM
اساسي اساسي
تاريخ التسجيل: 07-20-2002
مجموع المشاركات: 16468
الاخ سلندر لك التحية والود اتدري ضحكت عندما رايت هذا البوست الفكرة بالامس القريب كنت وصديقي البوردي نتحدث عن فكرة بوست كهذا يتحدث عن مشاركات الاخت شيري في البورد او بفكرة قريبة نوعا ما عن هذه التي انتحيت نشأت الفكرة حين انزلت هذه المفلكبة وتحديدا في البوست قبل السابق حديثا علي لسان احلام مستغانمي تتحدث فيه عن النزول من خشبة العرض في قمة التالق لم يعجبنا هذا الحديث ولم يبلعه كلانا لما يحمل من مضامين مغلفة ارادت هذه المفلكبة ان تقصد ما جاء علي لسان مستغانمي او لم تريد فمثل هذه الاشارات موترة للغاية لمن وجد في هترشة شيري واحة يستظل بها من عناء الحياة والبورد جميعا هذه المفلكبة حتي الان اري انها لا تعرف ماذا تفعل او ما تفعله لا ابالغ ان قلت ان لها قراء في السودان ليس لهم علاقة بالكمبيوتر حتي وساقول معلومة علها تكون غائبة عنها نفسها في ان بوستها حين تنزله يكون قد طبع الي عدة نسخ ومثلما كان يفعل بتبالدل الكتب قديما اصبح بوستها مشابه لهذا هذا الكلام وصلني حين تلك الحردة الشهيرة للاخت شيري والتي كنت سببها فوصلتني اكتر من عشرون اميلا علي عنواني البريدي الذي اضعه علي المنبر تريني مدي الجرم الذي ارتكبته في حقها لدرجة انه وصلني اميلات من خارج الخرطوم فيعض الاخوة من مدني والثورة وام درمان وحتي بحري راسلوني في انهم ينتظرون بوستها بفارغ الصبر ليقوموا بطاعته وتوزيعه فيما بينهم لصعوبة توفر الاطلاع علي المنبر في السودان من الكل هذا الامر جعلني افكر مليا في من هذه البنت التي اتفق عليها الجميع حتي البوستات التي نزلت حينها من اعضاء المنبر داعية لها بالعودة تفوقت علي عدد بوستات المواضيع التي انزلت كل هذا جعلني اعود ومن البداية واقف مع نفسي لاقرا لها من جديد وبروح اخري وجميع كتبت فوجدت العجب العجاب لم تكرر نفسها اطلاقا في اي بوست لم تتراجع لغتها المستخدمة قيد انملة تتفاجئك دوما ببوستها القادم مهما كنت حصيف وقارئي متمكن لا يمكنك التكهن بما يحمله السطر المقبل من كلامها تكتب بطريقة السهل الممتنع بامكانها التحدث في عدة مواضيع كل مرة دون ان يتاثر موضوع علي حساب الاخر ودوما تعود الي نقطة المفارقة بامكانها استشفاف موضوعات عميقة بطرح جميل ومفهوم لكل شخص بحيث تكتب عن موضوعات تتجاوزنا جميعا دون الانتباه لها تتحدث في كل شئ بنفس الطلاقة والثقافة وامتلاك المعلومة من السياسة مرورا بالاجتماعيات الي الرياضة وغيرها مما يوحي بكثافة مخزونها الثقافي لها امكانية جعل الجميع يحترمونها في بوستات الخلاف القليلة التي تشارك فيها بالرغم من تباين وجهات النظر بوستها طويل بدرجة انه يكون معلقي احيانا ولكن ينتهي وانت تقراه دون احساس بطوله لها خيال خصب جدا في طرح افكارها وحتي المجنونة احيانا مما يجعلها في قالب مرح مهضوم علي قول اللبنانين او مستساق ومقبول اما عنها كعضوة في المنبر فقد اسهبت في ذلك في بوست اخر كل هذا جعلني وصديقي نفكر في انزال كافة مشاركاتها ونطرحها للذين يغفلون متعة القراءة لها ليعيدوا النظر فيما يضيعوه من متعة علي حساب بوستات قد تكون محض عراك احيانا وفي النهاية ماذلك مصرا علي عدم قبول اخر حكيها في ذلك البوست والذي جاء علي لسان مستغانمي كما ذكرت الي ان تؤكد لنا كتابة انه دقست في انزال اخر ذلك الحكي بتلك الصورة التي نرفضها جملة وتفصيلا وان لا يكون الامر بداية انسحاب تكتيكي لها دون اي اثر وحتما ساعود
09-10-2003, 06:08 PM
سجيمان سجيمان
تاريخ التسجيل: 10-03-2002
مجموع المشاركات: 14875
سرندار...... شكرا ليك...... والله يا دوب شفت البوست دا حسي............ يا زول اقولك حاجة.....انا متنازل طب لبنيتي شيري......... عن كل المناصب........ رايك شنو؟
09-11-2003, 08:50 AM
اساسي اساسي
تاريخ التسجيل: 07-20-2002
مجموع المشاركات: 16468
الروووووووووووووووووووب أولاً رد شخصي على أخونا أساسي: أبيييييت، الطارة ما برخيها تب، لكن بديك معاهي فرقة تمسكها وتنقر قدر ما بتقدر شيري- شاء الناس أم أبوا أصبحت ظاهرة في حد ذاتها، ولعلها هي نفسها لا تدري بالضبط حجم الحضور في في هذا البورد الذي صار وطناً دائماً لرواد المنافي الاختيارية- مثلي- والاجبارية- مثل غيري- وصار لها معجبون ونقارة وحارقو بخور ومجتهدون في الاستمتاع بما تهترش من هتراشات مقصودة في عمقها... وبالضرورة صار لديها من وطأ جمرتها وذاف ق لذعتها بقصد أو بدونه... إذن، ما رأيك في أن نتفق على توصيفها بالمثل الخالد: من ليس عنده شيء لا يعاديه أحد... ربما نتفق أو نختلف على هذا لاحقا بالنسبة للبوست بتاعي، فدعني أقول لك: هوي، اعمل شخيت وأقيف بعيد(زي ما بتقول جارتنا) فأظنني قادر- بعون الله، وعونكم أجمعين- على التسويق له بما يشفي صدور قوم مؤمنين بما تهترشه عزيزتنا المذكورة بعاليه... وقبل أن ننصرف من هنا دعي أعتذر لك عن انشغالي غير المقصود عن الاضافة لهذا البورد، وما ذلك إلا لأن مشاغل العمل المؤلم الذي ارتزق منه واتعيش تأخذني إلى أماكن صعبة عديل كده.. ولا يكون بالمستطاع مزاورة الانترنت لانشغالك بالبقاء حياً قبل كل شيء، ثم انجاز عملك وأحب أن أزف لك، ولسائر عشيرة البورد ومن يقرأ هذا البورد- نبأ قرب اكتمال موقع حزب شيري على الشبكة قريباً(دا إذا ما ناس الشغل هفت ليهم يطفشوني ليبيريا مثلاً).. وأزمع نشر إعلان عام للشباب هنا ( وكذلك أعمامناالشيوخ) ممن علاقتهم بتصميم المواقع أفضل من علاقتي بالانترنت والتي هي في أحسن حالاتها كعلاقتي بالطب أو الفيزياء الكمية وشكراً على البوست المطول الذي ساندتني فيه... ساند الله أساساتك وحماها من التقويض **** ابقوا معنا، فاصل قصير ونعود***
عمنا سجيمان أحييك أولاً تحية مداوم على بوستاتك مداومته على بوستات شيري وأبو جهينة.. وثلاثتكم عندي من درر الكتابة بمقام وردي وكابلي وأبو اللمين سودانياً وأم كلثوم وعبد الحليم والأطرش عربيامن عروش الطرب ثانياً لا أقبل- بحال من الأحوال- تنازلكم من رئاسة الحزب الدورية مثلما فعل أبو جهينة.. طيب لو انتو زغتو.. أقبل وين أنا؟ سقى الله قلمك حبراً واساله سيلاً لا يجف له حرف بقدر ما امتعتني ومن معي في هذه البلاد من العباد في أنصاص الليالي معلومة: لمن أكون في الاستوديو ما بقدر أقرأ بوستاتكم، فبطبعها وآخدها معاي البيت أقراها بالليل- أو بالصباح- حسب الحال.. وبطبيعة الحال، الجماعة المعاي أدمنوها لدرجة إنهم بقوا يطبعوا لي معاهم البفوتني... أها، قولك شنو
الروووووووووووووووووووب أولاً رد شخصي على أخونا أساسي: أبيييييت، الطارة ما برخيها تب، لكن بديك معاهي فرقة تمسكها وتنقر قدر ما بتقدر شيري- شاء الناس أم أبوا أصبحت ظاهرة في حد ذاتها، ولعلها هي نفسها لا تدري بالضبط حجم الحضور في في هذا البورد الذي صار وطناً دائماً لرواد المنافي الاختيارية- مثلي- والاجبارية- مثل غيري- وصار لها معجبون ونقارة وحارقو بخور ومجتهدون في الاستمتاع بما تهترش من هتراشات مقصودة في عمقها... وبالضرورة صار لديها من وطأ جمرتها وذاف ق لذعتها بقصد أو بدونه... إذن، ما رأيك في أن نتفق على توصيفها بالمثل الخالد: من ليس عنده شيء لا يعاديه أحد... ربما نتفق أو نختلف على هذا لاحقا بالنسبة للبوست بتاعي، فدعني أقول لك: هوي، اعمل شخيت وأقيف بعيد(زي ما بتقول جارتنا) فأظنني قادر- بعون الله، وعونكم أجمعين- على التسويق له بما يشفي صدور قوم مؤمنين بما تهترشه عزيزتنا المذكورة بعاليه... وقبل أن ننصرف من هنا دعي أعتذر لك عن انشغالي غير المقصود عن الاضافة لهذا البورد، وما ذلك إلا لأن مشاغل العمل المؤلم الذي ارتزق منه واتعيش تأخذني إلى أماكن صعبة عديل كده.. ولا يكون بالمستطاع مزاورة الانترنت لانشغالك بالبقاء حياً قبل كل شيء، ثم انجاز عملك وأحب أن أزف لك، ولسائر عشيرة البورد ومن يقرأ هذا البورد- نبأ قرب اكتمال موقع حزب شيري على الشبكة قريباً(دا إذا ما ناس الشغل هفت ليهم يطفشوني ليبيريا مثلاً).. وأزمع نشر إعلان عام للشباب هنا ( وكذلك أعمامناالشيوخ) ممن علاقتهم بتصميم المواقع أفضل من علاقتي بالانترنت والتي هي في أحسن حالاتها كعلاقتي بالطب أو الفيزياء الكمية وشكراً على البوست المطول الذي ساندتني فيه... ساند الله أساساتك وحماها من التقويض **** ابقوا معنا، فاصل قصير ونعود***
عمنا سجيمان أحييك أولاً تحية مداوم على بوستاتك مداومته على بوستات شيري وأبو جهينة.. وثلاثتكم عندي من درر الكتابة بمقام وردي وكابلي وأبو اللمين سودانياً وأم كلثوم وعبد الحليم والأطرش عربيامن عروش الطرب ثانياً لا أقبل- بحال من الأحوال- تنازلكم من رئاسة الحزب الدورية مثلما فعل أبو جهينة.. طيب لو انتو زغتو.. أقبل وين أنا؟ سقى الله قلمك حبراً واساله سيلاً لا يجف له حرف بقدر ما امتعتني ومن معي في هذه البلاد من العباد في أنصاص الليالي معلومة: لمن أكون في الاستوديو ما بقدر أقرأ بوستاتكم، فبطبعها وآخدها معاي البيت أقراها بالليل- أو بالصباح- حسب الحال.. وبطبيعة الحال، الجماعة المعاي أدمنوها لدرجة إنهم بقوا يطبعوا لي معاهم البفوتني... أها، قولك شنو
09-11-2003, 11:32 PM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
يا بتاع المشاكل يعني من البداية عايز تكرهنا الحزب؛ بي قصة عشرة رئاسات دورية ؟ يعتي خمسة ما كفاية ؟
وطول الدورة كم يا سجيمان ؛ عشرة سنة؟
طبعا سجيمان ما اعيز يمسخ الحزب لي ؛ لكن عايز يقتح لي اضاني؛ عشان ما اخرخر بعدين ويقول لي من البداية كلمناك
وطبعا غرضة بعدين يزحزح شيري؛ ويخلي الخلافة ليهو ولي اولادو واولاد اولادو
سجيمان اخوي شيري دي زي ناس سيدي؛ لو عملتوهوا ليها "ابدية"؛ الاحباب ما بتعارض لكين ناس مبارك الفاضل ديل بعدين ما بيخرخروا لو هي كنكشت في الدورات العشرة دي بالجد؛ وجابت بعدها اولادها واولاد اولادها ؟
عادل
09-13-2003, 12:39 PM
سجيمان سجيمان
تاريخ التسجيل: 10-03-2002
مجموع المشاركات: 14875
يا عادل يا اخوي السترة والفضيحة متباريات.....وانا لما اتنازل لشيري من عشرة دورات..... اكون ضربت عصفورين بي حجر واحد..... اولا.... كفيت نفسي شر الهزيمة في اي تنافس..... ثانيا.... اكون ضمنت جانب شيري....وممكن تعيني وزير بدون وزارة......او نائم في البرلمان.....واكون ما حرقت اوراقي في الفاضي.......وضمنت وجودي بالبورد الي اخر حرف فيهو......... اها عليك الله رايك شنو؟..... ماني سياسي ... ابن ستين فتلة...... يا ريت الجماعة يسمعو كلام السجمانين
09-13-2003, 07:13 AM
بت قضيم بت قضيم
تاريخ التسجيل: 07-05-2002
مجموع المشاركات: 2048
الاخ سلندر من حسنات هذه المهترشة علينا انها جمعتني بمن يعرفون قدر الاخرين ويا لفرحتي ببشراك وانت تزفها الي باقتراب موعد حضور بث شيري الحي فينا صفحات تزين هذه الشبكة الست معي ان مثل هذا الموقع سيكون جوهرة في جيد هذه الشبكة العالمية تزينها في اقاصي الارض وتلمع بها ودعني اشاركك هذا العمل فبامكانك مراسلتي في عنواني البريدي علي الشبكة تجده في البروفايل خاصتي ولك الود
09-13-2003, 01:29 PM
ABU QUSAI ABU QUSAI
تاريخ التسجيل: 08-31-2003
مجموع المشاركات: 1863
الأخ / سرندار لك التحية والتقدير مع دعمي لحزبكم دا ، استوقفتني حاجة عجيبة جدا قولك ( لو شيري جاها عريس ) ، تخيل معاي فعلا لو شيري جاها عريس ، يوم الزفاف والحفلة شغالة تش فجأة العروس تختفي والجماعة يفتشوا يا أخوان العروس مشت وين ، وبعدين طبعا أخوها الصغير ونصف السريكلانكية فاهمنها كويس يقولوا كدي يجروا على بندة العزيزية يلقوا ليك العروس بي فستان زفافها تلقط في الاسنكرز والكريمات أو مثلا تخيل بعد الحفلة يكون العرسان ما شين شهر العسل ، في الفندق عريس الهنا بيعمل في إجراءات الدخول للفندق مع موظفي الاستقبال شيري تلاحظ في لافته مكتوب انترنت كافي وتكب الزوغة ، العريس مع عامل الفندق يدخلوا الشنط في الأصنصير وفجأة يتلفت يلقى العروس ما فيش ، ويرجع لي بتاع الاستقبال يا ابن العم عروسي وينها ، بس ولافين يفتشوا يدخلوا الانترنت كافي وصاحبنا يلقى عروسه في شكل وضرب مع الكي بورد ، تهترش مع بت قضيم . تصور . بس بنتنا شيري ما قالت لينا قاصدة منو بالديناصورات . ولكم الحب .
09-13-2003, 10:30 PM
Abdel Aati Abdel Aati
تاريخ التسجيل: 06-13-2002
مجموع المشاركات: 33072
عادل يا اخوي..... نحن اكبر داقسين في العالمين العربي والاسلامي........ الترابي نسيب الصادق....الصادق الترابي نسيبو.... مبارك الفاضل قريب التاني...ونسيب الاول من الدرجة التانية.....علي عثمان قالو والله اعلم..... برضو نسيب الجماعة ديل...... الصادق عامل فيها زعلان من الترابي.... الترابي عامل فيها زعلان من مبارك..... علي زعلان منهم كلهم.....لعبت بلي يا عادل؟....... سيدي امحد عثمان طلع ضراب كبير......يعني يا عادل يا اخوي مفروض ومن الذوق ما نتدخل في المشاكل الاسرية..... نقيف بعيد.... اما ان سألتني عن شنطة الحديد..... حدد هي نوعين....شنطة فردة.....وشنطة مجوز.......وكل واحدة عندها مهمة.....والاتنين بعرفهم حق المعرفة.....الله يكسرني ما قاعد اريد السياسة..... لكن الله يغفر لك جريتني ليها جر............وجر يا كلبة وتاكلي الحربة وتجي متقلبة.......دي غنية محمود ود احمد لي عبد الله ودسعد..... لكن يا عادل باقي لك ارجل منو ؟ المك نمر ولاّ عبد الله ود سعد.....ولاّ.... فاروق حمد الله؟
قر قر قر قر قر أولاً: العزيز أساسي أنا اسمي سرينيدر SERENADER وليس سلندر CILENDER فالأول- وهو اسمي- معناه الذي يغني ليلاً أو يغني لليل أو يعشق الغناء ليلاً.. والثاني، كما لا يخفى عليك، يتعلق بمصارين مكنة العربية.. ورغم علاقتي العملية الوثقى بالكلمة الأخيرة لكن لا علاقة لي للأسف بمصارينها
ثانياً: جميع الحلوين في هذا البوست، بعنونة خاصة للعم سجيمان، والخالة هوزي: أثلجتم صدري بهذا الاقبال على فكرتي المتواضعة، واستجابة
من شخصي الضعيف لمشاركاتكم العظيمة، دعوني أقترح عليكم أورنيك العضوية، على أن تتبعه لاحقاً شروطها وبالضرورة رسومها
مقترح أورنيك عضوية في حزب شيري أولاً: بيانات شخصية الاسم حسب شهادة الميلاد أو التسنين أو الوفاة تاريخ الميلاد أو التسنين أو بالعدم ابراز شهادة زوغان من الالزامية عدد الزوجات والأولاد: لضمان جهة ضغط على العضو حال إنه عمل حركات كدا ولا كدا بعدا كدا ما مهم القبيلة ولا اللون ولا الديانة.. مهم إننا سودانيين ومن معجبي شيري ثانياً: بيانات عاطفية حاشية قبل ملء البيانات: الصراحة راحة عدد الشواكيش التي تعرض لها عدد الشواكيش التي سددها/ سددتها (إن وجدت، ما لم يكن.....) أو كان ينوي/ تنوي تسديدها الحالة الراهنة: متيم، مكسر، من بعيد لي بعيد، أفلاطوني، مكتفي، مستغني أذكر سببين للحالة أعلاه ثالثاً: بيانات عقلية: أجب بـ لا أو نعم هل حدث وأن دخلت، رقدت في، أو حتى مررت بجانب مشفى عقلي/ بيمارستان؟ هل تعرف أحداً من قرايبك- حتى الجد الخمسمية- ينطبق عليه ما ذكر بعاليه؟ هل تلبع الكي بورد بعنف وأنت تطبع؟ هل تداوم على قراءة بوستات العم سجيمان والخال أبو جهينة بانتظام؟ هل تفعل ما سبق بدون أن تصاب بنوبة ضحك عارمة؟ هل تداوم على قراءة بوستات شيري بانتظام؟ إن كانت الإجابة بنعم، فهل تعتبر ما تسرده شيري واقعاً لا يحمل على الاستغراب؟ وإن كانت الإجابة بنعم على السؤال السابق، هل تعتبر نفسك كامل الأهلية العقلية؟ أشك رابعاً بيانات مالية سؤال واحدك عندك قروش ولا لأ؟ إن كانت الإجابة بـ لا، برضو حتدخل، المهم النية خامساً: بيانات خاصة أذكر سبباً وجيهاً واحداً يجعلك ترغب في الانضمام لهذا الحزب أذكر هدفين ممكنين ترغب في تحقيقهما من خلال الحزب، بالعدم جيب هدف واحد تنويه: الأورنيك سيخضع لفحص مدقق من هيئة الشفوت- جمع شِفِت- الذين سيتم تعيينهم للاشراف على الحزب، عشان كده ما تفكر/ تفكري في
تقديم بيانات مضللة
أحبائي عضوية الحزب المستقبلية: أفيدونا بأفكاركم في ما سبق، وما سيلحق سؤالك شيري وين؟ وكذلك أبو جهينة
يعني تلاتة يوم زول بالغلط عرض عليك مافي يا بوستي العزيز؟ كان الله في عونك يا سجيمان، يا أبوجهينة، يا أساسي، يا بت قضيم، يا هوزي، يا شيييييييري أورنيك العضوية ما عجبكم؟ طيب حتقولوا شنو في لارسوم لمن نجيها؟ بااالغتو
تعرف يا عمي سجيمان، بعد المشاورة مع النفس الكوبارة وبوبارة، والتدبر مع الراس الناقصو الفاس والفاطي كراس، قررت الأخذ بنصيحتك، وتلافي فضيحتك وانشا الله الرهيفة اللتنقدّ
09-19-2003, 03:50 AM
سجيمان سجيمان
تاريخ التسجيل: 10-03-2002
مجموع المشاركات: 14875
يا زول بارك الله فيك...... بس خلينا نحن في كوم شيري دا ....وبي جاه الملوك نلوك...... شايف لي انتاية بهناك بتقسم في الكيمان...... وشايل لها عكاز وكل مرة تتحجز علي راجل.... ان شاء الله نحن في التلت السالم
عمي سجيمان، الله يكفينا شر الكيمان، والاناتي الشايلات عصي ومحسوبات مع النسوان، واحسنلنا من جاه الملوك نلوك ولو لبان على فكرة، هي شيري وين؟ نحن بي هنا ننقز: حزب وما حزب، وهي ضاربةطناش... وكمان وين عمو ابو جهينة؟ وبت قضيم قالت عايزة المالية، قلنا ليهاأوكي، سرحت ما رجعت... حقو نسمي البوست دا بوست التطفيش
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابو جهينة
shiry
خالد العبيد
bayan
اساسي
سجيمان
Abdel Aati
بت قضيم
ABU QUSAI
فيس بوك
تويتر
انستقرام
يوتيوب
بنتيريست