الاخوة والاخوات اريد ان احاول محاولة صغيرة عايز احلم حلم بس حلم ممكن يتحقق عايز ابقى رئيس على ناس بيتنا دى طبعا ممكن اخوانى بتنازلو لى بسرعة,طيب بعدها عايز ابقى رئيس على ناس حينا دى ايضا ممكن هم ناس طيبين واغلب متعلميهم زملاءى وبحبونى شديد,طيب بقى ناس ابوقوتة دى مشكلة لو نجحت فيها هذا هو اول الطريق الى عالم الرئاسةوعشان ساهمت فى مشروع الكهرباء وساهمت فى مشروع الموية والان عندى اقتراح انشاء مدرسة خاصة وعندى فكرة تشجير المدينة وكمان عايز اعمل معهد كومبيوتر وفيه مقهى انترنت وبعد كدا لوالمشاريع دى تمت بجد نفسى رئيس المحلية وبعد كدا بركب العربية وبلبس العمةالجلابية وبمشى المجلس والمحلية وزغرتى ياعلوية اما ريفى ابوقوتة يتكون من 250 قرية وكلها تبع مشروع الرى عبد الماجد وهم اصحاب مزارع وحواشات ساهتم بمشروع تنظيف القنوات والسماد والمبيدات وسازورهم فى الافراح والبكيات وساعمل لهم وليمة كبيرة كل يوم اثنين وخميس الايام المحببة الى مئذ ايام الطفولة عشان هى ايام سوق ابوقوتة.
الاخوة والاخوات اعضاء البورد الحلوين كل الوزارت لكم, بجد كدا انا بقدر اصل الى هذه المرحلة التى ذكرت لكم آنفا وممكن اشد حيلى فى ناس غرب الجزيرة, بس انتم ممكن تساعدونى فى الباقى يعنى كل زول فى ولايته عشان احقق امنيتى البسيطة دى وان بقول بسيطة لان كل رئس بلد ولد زى وكان بحلم زى حلمى دا... ولو ما بتقدرو ساكتفى بوظيفتى دى فى ديار الغربة واقعد انتظر مصير كل مغترب..وهو اقوم اعرس لى واحدةواعيش معاها هنا ولما العيال يكبرو نقوم نشترى لينا سفارى ونسافر بجدةواكون زى اى ضيف من ضيوف السودان العائدين.... رجاء افيدونى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abuguta
فيس بوك
تويتر
انستقرام
يوتيوب
بنتيريست