|
|
 يا وليّـه قومي سوى لينا ملاح باااميـه
|
اول الحكي
يسمعني حين يراقصني
كلمات ليست كا الكلمات
يحملني فوق ذراعيه
يزرعني في احدى الغيمات
والمطر الاسود في عيني
يتساقط زخات زخات
الكلام : نزار قباني ، الغناء : ماجدة الرومي
___________________________
وهذه الدكتورة من عبطها تصدق ان (بعلها) قاصدا قول الصدق في يديها الحلويتين بقوله ذاك وهو يعني صراحة ان يتغزل فيها.. مع انه لا يعرف شيئا عن تفاصيل بنانها ان كانت طويلة ونحيفه او بضه تذوب كلها ان طبع بشفتيه قبلة عليها ، لا يعرف اي تفاصيل عن كفيها ولا يعرف اصلا ان كانت تضع منكيرا على اظافر بنانها او ان خاتم الزواج لازال بعد عشرة سنوات زواج موجود في يدها ..ربما لا يتذكر اصلا انه اشترى في يوم من الايام خاتما بقصد وضعه على يدها كعنوان للخطبه او الحجز ..
اتحدي اي رجل متزوج ان يلاحظ ان المراة لم تتخلص من خاتم زواجها بالبيع او بالضياع .. حتى الحناء لا يعرف كيف كانت نقوشها او انها استبدلتها بنقش جديد موضه يسمي (عشة كلميني . ميري حدثيني) ، او نقش الزنبيه تش تش حلاوة لبن ..
لا ادري من اين سمعت هذا (النقش) لكنهم ابتدعوها او خلقوها .. هؤلاء الحنانات مبدعات حقيقيات لو كن في بلاد تعرف كيف تكرم المبدعين لاصبحن اغني من (جراحي التجميل ) ..
يااااخ بدل ما انت قاعدة كده ماتقومي تعملي ليك همة وتسوي لينا ملاح باميه ، والله مشتهنو ؟
وتقوم وتقع رغم التعب البادي على سيماها من قرف العيادات ولداحة المرضى ، لتظبط له ملاح الباميه .وتحضره اليه وهو لازال في نفس مجلسه مصاقرا التلفزيون لم يبارحه قيد انمله ولم يدخل حتى ليرى ان كانت وقعت من طولها من التعب او انها تعبت من المساسقاة بين طفلها الرضيع وحلة البصل التي طلعت ريحتها ..
وبعد ان ياكل من يديها . يهبش بيديه كرشه كأنما يتاكد انها امتلأت ولم يعد هناك مكان بسيط فيها نسى ان يملاه بملاح الباميه (ياااااع )) علي ملاح الباميه . ويستلف صوتا تخينا :
جيبي يابت مويه ويشرب حتى يتدشي .. ثم يخرج كيس (تمباك) ويدردم ليك سفه كبيره اوي اوي ويدخلها كله في خشمه .
يابت جيبي جردل الصعوط دا ؟
ويدخل خشمه كله فيه ، ثم يعدل نظارته الطبيه ويتمدد على سريره .. يشاهد في القنوات الفضائية ، وحينما تستوقفه ، باميلا اللبنانيه او حتى حلا شيحه بقوامها الرشيق .. يتناسي انه كان قبل قليل يبوس في يدين زوجته ان تعمل له ملاح (اللياقه) داك .. ويبتسم ثم تتوسع ضحكته اذا ما مالت الاخيرة وتميل معها كل مبادئة وافكاره .. ويعاين ليك لتلك المرأة المسكينه التي قضت نصف عمرها تحاول ارضائه رغم انها زيها زيو .. الماهية قصاد الماهية والشهادة قصاد الشهادة .
|
|
 
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
اين كانت عيون البطل حينما
تزوج هذه الجاموسه؟
وعندما يتاكد انها ليست هي حلا شيحه ولا جينفر لوبيز ولا (اشانتي )وهي تتلوى مع زنجي شين كدا . . ساعتها يتلفت جزعا مبتلعا استقراره النفسي بكميات من الملامه : كيف انه تسرع وقبل بهذه (الجاموسه) المدردمه ، مع انه ساعة ان تكسر فيها حتى تدشدشت سنونه ، ثم قام كشيطان الكوشه محاكيا ابطال الافلام الامريكيه وتشعبط في فستانها متوسلا ان ترفق به ،.
ولم يترك حيلة ولا بيت شعر يوصله اليها لم يقله ، حتى (كرعينه) تكسرت من كترة المساسقاة بين بيتها وكليتها واقصد جامعتها ...
وبدلا ان يشكرها على الوقت الذي ضيعته وهي تشيل وتضبط في تفاصيل اكلته المفضلة التي طلبها منها ..
او حتى يقول ليها ياسلااااااام على طبيخك يا رائعة .. نحن من غير ما بنسوي شي ؟
ربما كان هذا القول جعلها تستلق من عمرها وتهبه اليه او انها اكتفت فقط من متاع كل الدنيا بهذه الابتسامه الحلوة التي اهداها اليها .
لكنه ابدا لا يفعل ذلك ، اذ تقول الاساطير عندنا انه راجل والرجل السوداني لا يشكر ابدا زوجته على خدمة تقدمها اليه ، حتي ولو كان عن طريق مجاملة ..وممنوع بامر من الاعراف والتقاليد ان يتودد اليها ، او حتى يقبل جبتها او حتى يسمح على رأسها مثل قطه عرفانا على احساس حلو اوصلته اليه ..
سوف يموت هذا الرجل السوداني ان فعل ذلك ، وسوف تتدخل قبائل خزاعة وهوازن ويعرب بن يمان وتنفيه ورجولته وترميه خارج حوش الجامعة العربية .. التي اصلا ليس محسوبا من ضمن ناخبيها . ماعلينا ..
حسنة قليلة تمنع بلاوي كتيييير وبدلا من قول ذلك يلوم نفسه على هذه الفظاعة التي ارتكبها قبل عشرين سنة ..
يا الهي .. فظاعة ، وجرم ، ويالهذه الجرم العظيم الذي ارتكبه قبل عشرين سنه في حق نفسه المسكينة ..
انظروا كم هو جاحد ذاك الرجل . اذ انه اكلها لحم ورماها عضم ..
حتى العضم لم تحصل ان تكونه ..
هي ذاتها عويرة الوداها تصدق شنو انو طبيخها حلو ..
هو عليك الله واحد يحب ملاح البااااااميه ، عندو زوق ؟؟
(ياااااااااااع على ملاح الاسود )
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
اشانتى زوله زنجيه و بترقص مع اولادجنسها و اولاد حارتها- و ما عندها مشكله معاهم- و زى ما بيقولو= ود القرد في عين امو قرد=
و البتزوق (البضوق) ملاح الباميه ---تاني كان منعوه منو بزعل --
عما كتبته انا سابقا ارجو منك اعادة قراءته ثانية والله يوفقك في استيعابه====
لسانك لا تدكر به عورة امرئ فكلك عورات وللناس السن==
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
| Quote: تقول الاساطير عندنا انه راجل والرجل السوداني لا يشكر ابدا زوجته على خدمة تقدمها اليه ، حتي ولو كان عن طريق مجاملة ..وممنوع بامر من الاعراف والتقاليد ان يتودد اليها ، او حتى يقبل جبتها او حتى يسمح على رأسها مثل قطه عرفانا على احساس حلو اوصلته اليه |
صبا ح الخير
اساطير يا شيري
زي ما قلتي
ومااظن ان الحال مازال على ماهو عليه
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
اللواء أركان هترشة شيري : لك التحية و التقدير
قال الأصمعي : رأيت بدوية من أحسن الناس وجها و لها زوج قبيح ، فقلت لها : يا هذه أترضين أن تكوني تحت هذا ؟ فقالت : يا هذا لعله أحسن فيما بينه و بين ربه فجعلني ثوابه ، و ربما أسأت فيما بيني و بين ربي فجعله عذابي ، أفلا أرضى بما رضي الله به ؟
فأين نحن من هؤلاء النساء ؟ فلترضى بما قسمه الله لها و تواصل في ( فرك البامية بأنواعها ) لعل الله يجعل لها مخرجا. تسلمي
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: قرشـــو)
|
سلام مربع
ايهاب
كيف يتغير ،؟؟ ا لتكوين الجغرافي مازال هو هو
نفس السفوح ، والتلال الرمليه ، ومياه النهر ..
والحر الشديد ..
اذن لم يحدث اي تغيير جغرافي ولا على المستوي الناس نفسهم
شفت كيف ..!! مازالت المره هي الولّيه .
والباميه تزرع وتنشف بالطريقة نفسها قبل دخول العرب الى السودان
صباحك فل يا باشا
ابو جهينه
قال رسولنا محمد عليه افضل الصلوات والتسليم
وهو على فراش الموت : استوصوا بالنساء خيرا ))
اين (الرجال) من تلك الوصايا الخالده ..
العمده قرشو
وحات نظري وانا بكتب في (ملاح باميه) جيت على بالي ،
اذا قلت في ذاك البال ، اكيد العمده قرشو ، ح يصنفني من اعداءه
اذا ، مسخت له الكمونيه ، وها انذي امسخ له ملاح الباميه
بس برضو ، ملاح الباميه موش على قدري كده
| |
|
|
|
|
|
|
|
|
 Re: يا وليّـه قومي سوى لينا ملاح باااميـه (Re: shiry)
|
هي ذاتها عويرة الوداها تصدق شنو انو طبيخها حلو ..
هو عليك الله واحد يحب ملاح البااااااميه ، عندو زوق ؟؟
(ياااااااااااع على ملاح الاسود )
للحكاية صلة
واحدة من بنات النوبه اتعلمت واشتغلت سكرتيرة مع
السفير الإيطالي فاجادت عملها مما دعى السفير عند نقله
الى فرنسا أن يأخذها معه وهناك تعلمت كل الاشياء
البارسية ثم نقل السفير الى عدة بلاد وكانت هي تكتسب
كل ماهو جديد في تلك البلاد وقبل أن ترجع في إجازة
لاهلها في السودان عرجت على إيطاليا وحازت على افخر
المصنوعات الجلدية الإيطالية وحلت عند اهلها ضيفة
في حلة الوزير دقس وقيل أنها ذات يوم وهي تغادر منزلهم
التف حولها ابناء جنسها مغازلين إبنتهم المتحضرة الانيقة
فما كان منها الا ان التفتت عليهم وقالت بس شوف النوبه
ديل فضحكوا كثيراً وقال احدهم يا سلام أليك إنتا يا سايقي
ملاح البامية سوى طبيخ ولا مفروكه والاسود بجميع أنواعة
نعمة من الله سبحانه وتعالى لا يحب ان يقال لها ما قلتي
وصلى الله عليه وسلم عندما عرض عليه الضب لم يأكله ولم
يحرمه ولم يتأفف منه ولنا فيه اسوة
كوني أي شئ ولكن والدك تربى بملاح الاسود ومفروكة البامية
واتيتي انتي يا جيل باباغنوج والتبولة والحمص يعني
حتقولي شنو لملاح الشرموط بالكول ولا الويكاب باللبن
ود الشيخ
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: ود الشيخ)
|
سلام مربع
ود الشيخ
اولا قلت على ملاح الاسود
ان من يحبه موش عند زوق
ولم اكفر بنعمة ربي
ثانيا
مثل فلان من الناس يحب اكلة معينة بطريقة معينه
كذلك الاسود
فيه انواع كثيرة
رغم انها كلها لا تناسب زوقي مع تواضعي التام
فهذا ايضا لا ينفي كون ان ملاح الاسود حاجة تمام
ورابع شيء انا قلت ملاح الاسود
ولم اقل الاسود نفسه
فكلمة ملاح تعني انها جملة من التراكيب قام احدهم/احداهم
بتجريبها ،ومن ثم قام نفر من الناس بتقليدها
اي الذين اعجبتهم الفكره
وطلعت منها بابا غنوج ، والمتبل ، وليست التبولا
اذ ان التبولا هي مجموعة الخضروات
ام المتبل فهو الباتنجان مسلوقا
سابع انا لم اقل
بس عليكم يانوبه
ومعاذ الله ان اتنكر لجنسي او احقر مخلوقا ، كائنا من كان
ولم اكفر بنعمة ربي كما اسلفت
لكني سخرت من طبيخ الاسود
وطبيخ الباميه
اذا انهما لا يعجباني فانا ايضا حرة
صاااااح
فهناك فرق واضح بين ان ننتقد ملاح الباميه
او نستهجن الباميه نفسها او الاسود
فالباميه كنبات هي الاسود
اوجدهما الله وهي نهاية الامر نعمة
كبيرة
اما امر طريقةاستخدامها فتركها للانسان
قد ينحج وقد يلبخ
كما في طبيخ الباميه
وطبيخ الاسود
سلمت ياسيدي للطله
وسلمت اكثر لهذه الملاحظة
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
شيري
هذا ما قلته
واتيتي انتي يا جيل باباغنوج والتبولة والحمص
ولم اذكر المتبلة وفي حديثك بأن الذي يأكل
ملاح البامية ليس لديه ذوق وعندما تحدثت عن الاسود
قلت بجميع انواعة مع إني من عشاق الأسود والمصقعة
كوني إنسانه راقية فهذا شئ يسرني فالرقي مطلوب ولكن
كوني إنسانة متواضعة ومن تواضع لله رفعه واوصيك بعدم
التحدث بفوقيه والنبرة الارستقراكية فإنها مهلكة
وقنبي عافيه ياشيري وسلميلي على الحجاج
ود الشيخ
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: ود الشيخ)
|
ٍسلام مربع
ود الشيخ
اولا نتفق
حب ملاح الباميه او المديح العالي
للمصقعة
او كرهه لهما معا
لا يرفع الانسان
الى مرتبه الرقي
لم اسمع ان احدما اتهم بانه مارس على قوما الفوقيه
او تسقرط
او تعالي عليهم
لانه وجدهم يحبون الباميه او المصقعة
او اسمه الاصلي ملاح الاسود
؟
هذا كلامي انا ، ان الذين يحبون ملاح الاسود ليس لهم زوق
هذا من وجهة نظري
ربما يجي انسان اخر ويقول غير ذلك
ويطلعني انا برضو ماعندي زوق
لانني لا احب الباتنجان
اذن المسالة مسالة ازواق
لا اكثر ولا اقل
الله يسلمك ياسيدي ،
سلمت برضو للسؤال
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
العزيزة أوي أوي شيري : لك التقدير و السلام شوالات
رسولنا العظيم ، أعظم قدوة في معاملة النساء في كل المناحي. و لكن ألا توافقين رأى البدوية الذي أرى أن معناه ربما يبتلي الله المرأة الصالحة بزوج ( عشرته لا تطاق أبدا ) أو يبتلي الرجل بإمرأة توريه النجوم في عز القايلة ؟ يعني المحصلة النهائية أن القسمة الشديدة يمكن أن تكون لك أو عليك ، فمن إبتلاها الله براجل ( جنس داك ) ، فعليها الصبر و ما أكثر الرجال الجاهلين بأمور دينهم و خاصة في حق النساء. و الصابر على الزوجة المؤذية له أجر كما قال الرسول الكريم ، و الصابرة على الزوج المؤذي لها الأجر و لها حسن الختام دائما. تسلمي .
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: ابو جهينة)
|
سلام مربع
ابو جهينه
الحياة الزوجيه او الحياة عمومها
بصورة ملطقه
هي نوع من الاختبار
يرسلنا اليه الخالق جلة قدرته
ليعرف مقدار صبرنا للابتلاءات
في دي انا اتفق معاك
كلية
وربنا يرزقنا زوجا صالحا
ويجعلني بقدرته امراة صالحة
ويصلح هرتشتي
ويقلل من روشتي
وتتوقف يدي عن تكسير كل شيء
تقع عليه
قول امين
يا ابو جهينه
| |
|
|
|
|
|
|
|
|
 Re: يا وليّـه قومي سوى لينا ملاح باااميـه (Re: ود الشيخ)
|
ست الهترشه الهتروشه
شيري بنت ام شيري
حفظها ورعاها
انت عارفه يا ستي لما اجي اخطب اول شرط بضعو قدام ست الحسن والجمال هو ان تجيد طبخ ملاح الباميه بدرجة ممتاز
وغير كدا خوه فركش
وبعدين الشكر للانامل بنديهو ولو نتسلفو
مش قايمه بدوره وبتتفنن في طبخ البامية؟؟
يعني لازم نوفيها جزاؤها
وكل ما طلعت الحله طاعمه .. كلما سمعت كلام اطعم
وقيل اذا ارادت المرأة ان تتحكم في الرجل فما عليها الا التحكم في بطنه
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: HOPELESS)
|
سلام مربع
هوبليــس
لو علي البطن
هين
ياما في المطبخ من لغاووويس
بس يجب ان يشيل (الخطيب) ملاح الباميه
من راسو ومن ثم بطنو
غايتو الا ياكلها في محل تاني
حتى لو بيت الضره
لكن موش في مطبخي
اذ يظل راي في ملاح الباميه
انه سمج
لو قعد الشربات موجود والزغاريد موجودة بنطلق الزعاااااريد
ولو كمان تبع بطنو وملاح الباميه
الله معااااهو
قشه ماتعتر ليه
كراع البقر جيييابه
او كما قيل
cow's leg is bringer
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: ود الشيخ)
|
سلااام مربع
ودالشيخ
لن تنجح ياسيدي اغراءاتك
لي بمديح الباتنجان
في كل اشكاله
لعقدة متاصلة فيني اناد
وليست في الباتنجان نفسه
حتى ولو احضرت معه كورية شطه خضراء مدنكلة بالدكوة والليمون
والتبش
برضو
راي في ملاح الاسود
انه ملاح عبثي
او تحسسي
اي بجيب الحساسيه بصورة فورية عاجلة وليست اجلة
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
ارد عليك بهذه القصيده يا شيرى
وهى كلمات الاستاذ هاشم صديق
وحقيقى لحنتها فى الايام الفائته
ولا ابالغ لك عند قرائتى لهذا النص
وكانى بعرفوا من زمان واتلحن اثناء القراءه
عموما انا فرح به للغايه
شقشقت عصفوره من جنه عيونك
صحصحت نجمه وزهت فى ليل عنيه
ومن سلامك طرقع الفرح الاصابع وانتبه
وترى النعس فى برد ايديا
هش صوتك سكسكت نحله وسرت من بين شفايف
ورده لى حضن الخليه
وشكشكت مطره وبرق عبادى فى الافق الرمادى
واستحمت خاطره فى موج العشيه
جيتى من وين يا بنيه
تبنى للشمس الكبارى
تلغى تعسيله العصارى
وتدسى حاجات للطوارى
وتلمحى النبضه الخفيه
جيتى من وين يا بنيه
قاطعه وديان الخرافه
ضامه الواح الخرافه
طايره بجناح المخافه
عاطنه ثغرك فى الظرافه
ناقعه داندرمه وطرافه
وشايله للجايات هديه
كلمه فالحه وبندقيه
غابه حنه وصندليه
جيتى من وين يا بنيه
وقبلك الساعات حوافى
والاسف عشق القوافى
المنافى تلد منافى
وكل سمحا شين ومافى
والزمن خطواتو ما سخه ودائريه
جيتى من وين يا بنيه
بى سلامك طرقع الفرح الاصابه
وانتبه وترى النعس
فى برد ايديا
وفى حضورك
ما وعيت سفر النهار
الا ساعه المغربيه
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: HAMZA SULIMAN)
|
اللذيذة ... شرورة
حلوة شرورة مش .. ما علينا نرجع حق
موضوعنا .. لي إنتو يا بنات حواء
شكيتكم علي الله .. حاسدانين ولا بقرانين
آآي أنحنا رجال .. وشرقيين ، بسم الله هو
الشرق دي جات من وين ما عارف ! المهم
البامية وحا تفريكوها والويكة .. وبتلايكوها
والقراصة .. وبتكفوها .. والتمباك وبنجضمو
عشان حق المزاااج .. وظبطة الدماغ
،،،ـــــــــــــــ،،،
يا رائعة .. الله يلعن التقاليد والعادات البالية
البتخلي بت الباليه الرشيقة تتفلك ليها بأب كرش
النوع اليغيظك من غير سبب داك .. عاد
لكن هي التقاليد بس .. ولا " الكنزية " و" الشرتيت "
الجنن حواء .. ووداها لي تيجاني الماحي .. دخلتو "كربة"
بس .. بالموسيقى .. بمناسبة الموسيقى دي ،،، أنا بموت في
بنية " لوبيز " .. هي دحين عروسها ولا لسة !!
قال جاموس الخلا الحكار: أختا إتنين تب :
البت الجاموصة(مش الجاموسة) المدردمة .. والجنا
أب كرش الغياظ تكون سعيد الدارين
لك الود أيتها الرائعة .. شيري
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: aboalkonfod)
|
سلام مربع
ابو القنفد
يا كافي البلا وصايد المحن نان نحن لمتين
نباري في (كروشكم)الابت تشبع دي
كل ما اشتهيتو ليكم
ملاح ولا اكلة
جيتونا تدنو
والله يافلانه مشتهي لي
ملاح دقوقه
مع اني ماشفت الملاح دا
وبالتاكيد لم تقع يدي عليه لاضوقه
لكن اهو
انا بقول جاء الوقت الذي تعلن فيه النسوان
انهن مابعرفن الطباخه
عشان الرجال يدخلوا المطبخ
اشمعن الرجل بحترف العمل الطباخي
في المطاعم ومع ذلك
يجي ياكل من ايدين مرتو الخمجانه
على حسب قولهم
سلمت ياسيدي
جينفر لوبيز اصلها مكسيكيه
ومتزوجه ومطلقه
وتاني عايز تزوج
دفعت لطليقها اكثر من مليون دولار
عشان تفوز بورقة الطلاق
اهوندا الطلاق ولا بلااااش
سنه
الاميره 98
ايهاب اتخيل لي كده مابحب ملاح
الباااااميه
بخت عروسك يا صديقي
هي التسميه مختلفة صاح انا معااك
وما تتلخبطي ياستي
بس المعني واحد
يعني في النهاية هو باتنجان
رجعت الى ابي ، قال انهم كانوا ايام الاقامه في البركس
كانوا يسمونه ملاح البراطيش
اي ملاح الاسود
شفت ياود الشيخ انا ماجبت معاي حاجة
وارجع الى حقبة السبعينات طلاب الخرطوم
ح يقولوا ليك صاح الكلام دا
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: HAMZA SULIMAN)
|
شيري العزيزة
سـلام الله عليك
اول حاجة ايهاب ده لسه جديد ما تعقديهو من نفسو من هسع
يقوم يطلب ملاح البامية من ظاول يوم
ويا ود الشيخ أول مرة أعرف انو في ملاح اسمو ملاح اسود
طبيخ اسود ولا ملاح اسود انتو لخبطوني
على العموم الحب للاسود في حد زاته من اكتلر الاكلات الفيها احتلاف كبير بين الناس يا اما الواحد يحبو شديد وا ما يشتسيخو ودة لانو بسبب حموضة في المعدة بالذات انا كان مسبك (مسفعة)
ودمتم سالمين
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: nile1)
|
شيــــري
| Quote: اتحدي اي رجل متزوج ان يلاحظ ان المراة لم تتخلص من خاتم زواجها بالبيع او بالضياع .. حتى الحناء لا يعرف كيف كانت نقوشها او انها استبدلتها بنقش جديد |
والله التحدي جاء لي رجالو..أنا يمين ملاحظ القلتيهو فوق دا وأكتر..إنتي قايلاني زي بعلك؟؟؟؟؟ويمين بصرف ليها كــلام كان مدوه يلف الكره الأرضيه..كل الكلام الحلو اللي ممكن يخطر وما يخطر على بال حواء........عارفه ليــــه؟؟؟؟؟
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
وطلعت منها بابا غنوج ، والمتبل ، وليست التبولا
اذ ان التبولا هي مجموعة الخضروات
ام المتبل فهو الباتنجان مسلوقا
والله يا شيري برستيتج أوي هو بالله المتبله بسلقو
ليها الباذنجان معليش آخر مرة شفتي فيها غرفة
الطبخ متى خايف اقول المطبخ حاف ما تعرفيهُ
والله يا ود الشيخ تشيل وتشوي في الباذنجان وتاري
الدنيا اطورت شيري بتقلي الاسود
ود الشيخ
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: ود الشيخ)
|
ٍسلام مربع
نايل 1
انت خلاص استثنيناك من هذا (الاجماع) اصلك هرشتني بالدخله دي ، نقوم نحن في الحته دي نعتبرك من الشواذ
موش برضو بقولو لكل قاعدة شاذ .. دا عشان ان اطلع من الماذق بتاع الاجماع بتاعي دا
وانت تثبت صحة كلامك ..
اتفقنا ياسيدي ؟
المهم انا جاياااك في الكلام اقصد السؤال
ليه ؟؟
اوع تقول لي من غير ليه ..
عارف ليه ؟؟
من غير ليه !!
ود الشيخ
يا ود الشيخ ، وحات الله ، الباتنجان بسلقوهو ،
يعني هم ثلاث انواع من السلطات التي يدخل في تكوينها الباتنجان
دا كلو عشان تعرف اني بعرف اسويها سلطة الاسود الماتسمي دي (يااااع على سلطة الاسود..
المهم نوع بحمروها .. كويس كده معاااااك
وفي نوع بشوها شوي على البوتوجاز ..
بسموها بابا غنوج ، او سلطة بيضاء زي ماعندنا في السودان .. وقعت ليك ؟
وفي نوع ثالث بسلقوهو .. ود بسموه المتبله .. عند الشوام .. ؟ آمنت ولا لسع
وفي النهاية كل الثلاث انواع دي ما بتدخل ذمتي بي مليم
لانها مجرد انواع من طبايخ الباتنجان
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
الزولة جدا شيري
نيلينك والابنوس والشوق الجاري عليك
التقيا اي كان المدار
غنا لها بعض منها
انتظرها لتغني
ناحت
تركت أغانية وتورات
أحب حتي نواحها
أتحدي أمراة ان تدرك اني عندما انظر لعينيها اقرأها حتي الاختفاء الاخير
اطلقتم انتم الاسطورة وصدقتموها المرأة غامضة
لا يا سيدتي ليست لكن الرجل لم يحشد كل مقدرتة ليراها
ربما أكتفي بأن يحشد قوته الجسدية ثم يتباهي
لكن من أسسس لعذه الرويا ...
سيدتي الخطاب الذكوري جدا من إنتاج المراة
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: زوربا)
|
الاخت شيرى
هترشى وسيرى
تحياتى
هي ذاتها عويرة الوداها تصدق شنو انو طبيخها حلو ..
هو عليك الله واحد يحب ملاح البااااااميه ، عندو زوق ؟؟
(ياااااااااااع على ملاح الاسود )
وانا اطالب بحذف هذه العبارة من البوست ياشيرى دى بتخرب بيوت مستقبلية
انا خطيبتى عارفانى بموت فى ملاح البامية وكمان لو كانت بايتة
عموما البت دى لو شافت البوست دا والله تانى الا الواحد يفتش ليه واحدة من جديد وكمان اخر اتصال بيها قالت قاعدة تقراء بوستاتك عموما انا ما بنفخ فى الرماد لكن لو دا حصل ياشيرى انا بوريك تانى الهترشة الشاكوشية الجد التى لم تمر بك فاحسن ليك تعملى بوست جديد وتسميه.
ما احلى طبخة ملاح البامية باصابع الخطيبة الغالية
عشان تطلعنى من الورطة دى,والله علاقتى بالبامية مئذ 10 سنوات كنت مصاب بامساك مزمن والطبيب نصحنى بان اكل عجور وبامية
ومن يومها حبيت البامية
وفى جدولها لما تكون نامية
ونوارتها الصفرا الرامية
التى تشبه بلوزتها الدامية
وعيونها الحامية
لما تكون نائمة
وتسلمى ياطيبة
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: abuguta)
|
سلام مربع
ابو قوته
ياخوي والله انا بصراحة مابجامل
في ملاح الباميه
وعشان انت بتحب الباميه
وكيتة في ملاح الباميه
العملت فيهو شعر
من شدة ريدته ليهو
كدي زح لي كده انقول لخطيبك
كلام في اضانها
..
..
...
خلاص حرشتها ، لاني بصراحة كده
مابقيف معاك في الموضوع دا
الا تغير رايك من ملاح الباميه
وحتى ذلك الاشعار
تستاهل الشاكوش
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: زوربا)
|
الاخت شيرى
هترشى وسيرى
تحياتى
هي ذاتها عويرة الوداها تصدق شنو انو طبيخها حلو ..
هو عليك الله واحد يحب ملاح البااااااميه ، عندو زوق ؟؟
(ياااااااااااع على ملاح الاسود )
وانا اطالب بحذف هذه العبارة من البوست ياشيرى دى بتخرب بيوت مستقبلة
انا خطيبتى عارفانى بموت فى ملاح البامية وكمان لو كانت بايتة
عموما البت دى لو شافت البوست دا والله تانى الا الواحد يفتش ليه واحدة من جديد وكمان اخر اتصال بيها قالت قاعدة تقراء بوستاتك عموما انا ما بنفخ فى الرماد لكن لو دا حصل ياشيرى انا بوريك تانى الهترشة الشاكوشية الجد التى لم تمر بك فاحسن ليك تعملى بوست جديد وتسميه.
ما احلى طبخة ملاح البامية باصابع الخطيبة الغالية
عشان تطلعنى من الورطة دى,والله علاقتى بالبامية مئذ 10 سنوات كنت مصاب بامساك مزمن والطبيب نصحنى بان اكل عجور وبامية ومن يومها حبيت البامية
وفى جدولها لما تكون نامية
ونوارتها الصفرا الرامية
التى تشبه بلوزتها الدامية
وعيونها الحامية
لما تكون نائمة
وتسلمى ياعزيزة
وتسلمى ياطيبة
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: زوربا)
|
سلام مربع
زوربا السوداني الشفيف
لا لن تقدر
هذه اشاعة كبيرة اطلقتها انت وصدقتها
لن تقدر
اجلب معك الف رجل
بل مائة الف
واجتمعوا كلكم في قلب واحد
لن تفلحوا في قراءة انثي لم تبلغ الحلم بعد
الغموض امراة
كما التسلط رجل
سلمت ياسيدي للطله
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
الأخـت شـيـري الـبـرايـة ســـــــلام
غايتو بوستاتك بقت زي المطبخ تفوح منها رائحة البامية و الكمونية المصقع
ومـلاح البامية مالو كل مرة تقولي يااااااااااااااااع
و الله الـذ حاجة خاصة لم إتعجن كـدا و بعد ما الواحـد إشبع إمصمص أصابعينو
كمان
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: Malaz_Afkarna)
|
شيــــري
إزيك يا هتراشه
قلتي لي لييييه؟؟؟أقول ليك ...المسأله بسيطه مافيها سر ولا خلطه سريه ولا حاجه..مش جيرانا المصريين بقولوا ..يموت الـزمار وصباعه يلعب..أهو حكاية الزمار دي هي سر الأسرار...تفتكري أنا لو فاتت علي حاجات كبيره زي خاتم الزواج ولون المانيكير والماسك بتاع الصباح نوعه شنو..وبتاع المساء ما مفرود كويس..أنفع تاني في شنو؟؟؟؟دا بيكون فشل مهني..أنا ياهتراشه مهنتي مهندس تفتيش وفحص وكواليتي كونترول يعني بالعربي كدا بنفتش على المشاكل من هي صغيره وقدر السمسمه قبل ما تكبر ويقوم الهناي يطير يضرب في البتاع ويبوظ الشغلانه أو كما قال الوزير الهمام لما عاوز يبرر سبب حريق محطة بري الحراريه..وبعدين زول شغال شغلانه زي دي عشرين سنه باقي ليك ما بكون زي الزمــــار المات وصوابعينه بتعزف دور بينا البلد دا..زمار شنو...دا يكون أوركسترا كامله..عرفتي الحكاية..صدقتي..قدرت أثبت ليك كلامي؟؟؟؟..وبعدين والله أنا خايف وشايف ورقة طلاقك لا سمح الله قرييييبه...عارفك حتقولي لى ليــه..سلام
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: bayan)
|
سلام مر بع
ابو حسين
ياااع على ملاح الباميه
ويااااااع تاني على ملاح الباميه في كل اشكاله
كده كويس معاااااك
ملاذ افكارنا
انشاء الله تسلمي يارب من كل اذيه
وخاصة الباميه والباتنجان
سلمت ياستي للطله الحلوه
النيل 1
عارف ياباشمهندس ، انا برضوا ما مقتنعة انك ممكن تكون كنترول على الكوليتي بتاعة زوجتك خاصة فيما يتعلق بزينة يديها اي الحنة ، لانو بصراحة انت هناك بتمارس مهنة عشان كده بتكون خاشي على المكنات باجهزة قياسك العملية لانك اصلا متوقع انو يكون في عيب ، وتلقاك كمان بتقول يارب كل يوم تكتر العيوب ، لانو بصراحة اذا ما كترت العيوب ما ح يكون عندك شغل ..؟؟
شفت ازاي !!! .. عشان كده لمن تجي البيت بتكون استنفذت كل (حواسك) وراداراتك الالتقاطيه وبمجرد ما تدخل البيت تكون جهاز قياس من غير بطاريه ..
عشان كده انا ما متنقعة انك ممكن تكون استثنائي وتعرف تفاصيل (بنان) زوجتك وكفها ..
طيب تاني ح ارجع ليك السؤال ..
ليه ؟ وجتك) بتكون خلاص اس
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
سلام مربع
خالتي الدكتوره بيان
ياريت يادكتوره لو كانوا زي ناس البورد
كل ما تعملي ليهو حاجة يجي يقول ليك
والله انت مبدعة ، يا سلام عليك يا متفانيه
لكن للاسف هم من النوع التاني في البورد ..
عينة الشكالين كل ماتقول كلمة ينطوا ليك في حلقه
هاهههاههاهاها ..
هو ذاتو منو الفرض انو المراة كويسه في الطبيخ او عليها ان تمارس هذه المهنة في البيت ؟
هي بس تاكل وليداتها بس ، راجلها لع ؟ خاصة اذ طلب ملاح باميه
ولازم يطلب باستعطاف ؟ يعني يجي وهو طالع للشغل ، او هم راكبين في العربية سوا
لو سمحت ياستي ممكن تطبخي لينا الماتسمي ،
وهي مخيرها ترد عليهو بكلام زين ، ولا تكتفي بالايماءة سواء ان كانت نفيا او ايجابا
مهاجر
والله ملاح الباميه موش ظريف ولا لذيذ ..!! بصراحة زعلتني من الصباح دا
ما لازم تصر ليهو وشها ، لانو يستاهل ، حد يطلب ملاح باميه في النهار الحار دا
والساعة الضيقه دي ..؟؟
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
والرجل السوداني لا يشكر ابدا زوجته على خدمة تقدمها اليه ، حتي ولو كان عن طريق مجاملة ..وممنوع بامر من الاعراف والتقاليد ان يتودد اليها ، او حتى يقبل جبتها او حتى يسمح على رأسها مثل قطه عرفانا على احساس حلو اوصلته اليه
يسلم بويك يا شيري
صدقت والله
و عارفه بعد السواه والتعب ده كله
يشنفوا ليك لمن يكرهوك اليوم اتولدت فيه بت
الله يعينا
تحياتي
ولي قدام
| |
|
|
|
|
|
|
|
|
 Re: يا وليّـه قومي سوى لينا ملاح باااميـه (Re: shiry)
|
يا بتي الدينا بقت مسارقة ساي
يعني ما بتلقي زول كامل
بس في حتة انتي ما بتعرفي تمرضي او تتمارضي
ممكن برضو تطيري ليهوا النوم في عيونوا
ما تزعلي حب الناس مذاهب
انا باكل وجبات هندية وصينية لو شفتيها كان جريتي منها
وفي وجبات راقية الواحد ما بياكلها
الشغلة الزمن دا بقت مشي حالك ونحنا السودانيين الحمد لله في تغيير للاسواء
لانوا الشايفوا دا من المغتربين يحير
الواحد بقي زي قرد السيرك ما يتحرك الا باشارة من مرتوا
الامثال كتيرة
لكن العبرة لمن اتعظ
انا غايتوا بحاول اكون عملي معاها
نقسم اي حاجة بيناتنا
بس لازم تكون دائما حنينة معاي ولسانها رطب
وتهتم بمظهرها
علي الطلاق الطبيخ نعملوا سوا
كيف دي
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: مهاجر)
|
سلام مربع
بنيه الفنجريه
هو جنس تسلط يا بت امي
بس غايتو الله يعين ساكت
تقول المراة دي مخلوقة
بس عشان طلبات سي السيد
الله يعين
ياستي
مهاجر
عافيت منك يا ود امي
بتطبخ معاها
عاد بعد كده لو قصرت معاك
تكون خمله ،
وانا دي اانصحك عشان تدبل فوقها
بس اوعك تمشي تقرا ليها الحتة دي
تقوم تدعو علي ، تلحقني امات طه
اصلا انا ماناقصه بلاوي
عن نفسي اذا رضي المايتمسي
ان يدخل المطبخ بدلا مني ، هو في الحقيقة مجبور ، لان نفسي الطبيخ موش حلو ، واصلا انا الا اميل كثيرا الى الاكل
الذي تدخل فيها الصلصات واللذي منه
لذلك سوف يكون متضررا ، لانه عكسي تماما
يموت في حاجة اسمها رجلة ولا ملاح كوسه
عملتها مرة ،اراد ان يختبر قدرتي على الطبخ
طلب ملاح كوسه،
لا ادري لكن بقدرة قادر تحولت الكوسه
الى باميه او نقل حاجة كده مهروسه
لا هي شبه البسبوسه ولا هي شبه التقليه
ولا هي شرائح الموز والانناس
مع العلم وحتى لا اتهم بالجنتره
انني حاولت ان اتفلسق وادخل فيها شرائح من الانناس
لانني قرات ان الانناس يعطي الكوسه نكهة جميلة جدا
الغريبه ان اكلها ، ولم يصيب شيئا
لكنه من يومه بطل ان يتكمل نهائيا عن الاكل
ولا حتى سيرة المطبخ ، كره سيرتها
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: HAMZA SULIMAN)
|
ٍسلام مربع
استاذي الفنان
حمزه سليمان
هاشم صديق لو كان بتوالف مع ملاح ا لباميه
ما اظنو كان قادر يقول
الكلام البدغدغ عصب الراس
دا
بى سلامك طرقع الفرح الاصابه
وانتبه وترى النعس
فى برد ايديا
وفى حضورك
ما وعيت سفر النهار
الا ساعه المغربيه
| |
|
|
|
|
|
|
|
|
|
Re: المراة وما ادراك ما الانثي (Re: shiry)
|
الزولة شيري
نيلنك والابنوس والشوق الجاري عليك
الخطاب الذكروي جدا جدا من إنتاج أمرأة
أتحدي الف الف أمراة أن تفك طلاسم حلمي في الربع الاول
أدرك انا أن الأنثي الماثلة امامي تمارس طقوس الأبصار من اي زوايا للفهم
أتري الغموض يكون في التجاهل أو التجاوز او التخفي وراء كواليس النفاق الاجتماعي أو أدعاء الثقافة
لا يا سيدتي هذا ليس غموضا هذه مناخات الضعف الازلية التي أتقنا صنعناها ثم حملناها المسؤلية لاخفاقاتنا المتأصلة
ذات صدفة كتبت من تكونين ورغم انك انثي لم تستعصي علي مخيلتي الغير ناضجة حتي اللحظة لكني ادركتك
وانا اقسم ان لا انثي قد تدركني
مع كل ايماني بقدسية المراة المتوجة بأنوثتها وجزيل الفهم
والريد نيلين
| |
|
|
|
|
|
|
|
|
|
Re: المراة وما ادراك ما الانثي (Re: زوربا)
|
سلام مربع
زوربا الشفيف
رغم اني ضبطت نكهة الثورية في تعليقك السابق ، لكني لم اتاكد فقط ، لاعتقادي انك اتخذت ازقة اخرى غير مضيئة اندلفت داخلها توزع منشوراتك السريه .. اتمني ان اكون مخطئة ... لاني مع القول العادل الذي يقضي بان لا نحاسب من لا يصرح صراحة بفعله .
انت تتهم حواء (المطلقة) انها اضعف ان تفهم الرجل (مطلق) وذلك لاعتماد حواء على لغة خائبة دائما تنشن على اهداف خاسره ..
هذا الفهم الذي اوصلتني اليه محبط ، سيدي زوربا ..
رغم ان مفهوم المراقبة وضبط النكهات الشاردة هي من اختراع المرأة ، وطبيعي جدا ان تجيده طالما هي من اوجدته ..
وهذه الصفة تستلزم صبرا حتى توصل الى غايتك ، ويقيني ان الرجل يفتقد هذه الصفة وبالتالي هو فاشلا قبل ان يبدأ في برنامج المراقبة وضبط ماوراء العيون ..
على العموم .. انت ايضا ، لم تفهمني هذا تحدى بيّن من ناحيتي .. لاني في نهاية الامر انثي ،
والانثي اقدر المخلوقات على مداراة رغباتها ..
فانت لم تدركني بعد سيدي ، يبعدك مبتغاك الاف السنين الضوئية عن مركزي ..
سلمت ياسيدي للخطاب العالي اللغة ..
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
Quote: وعندما يتاكد انها ليست هي حلا شيحه ولا جينفر لوبيز ولا (اشانتي )وهي تتلوى مع زنجي شين كدا . . ساعتها يتلفت جزعا مبتلعا استقرار
Dear Shiry,
كل الدي اود معرفته منك هو:
ما المشكله التي تواجهك مع الانسان الاسود الدى تعرفينه بالزنجي.
ارجو التوضيح .....
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: Shao Dorsheed)
|
سلام مربع
شكرا ياسيدي للعودة للتوضيح
لاني بصراحة لم ينمي الى فهمي اي معني
من الذي كتبته امس
على العموم ،
ليست هناك اي مشكلة وما اعتقد ان كل من يكتب معلقا
عن شي معين ، او حتي (يشتغل) شخص بعينه
ذاك يعني في العرف انه يكرهه او يضهده
كل يوم بنسمع النكات تلو النكات عن قبائل كثيرة
وتمس لب ثقافتهم وعاداتهم
لكن لم يتدخل احد ويقول ان هذا الامر نوع من الاضهاد
اريد ان اعرف ايه القطيعة التي ميزتها انت من جملة كتاباتي التي كتبتها من كلمة واحدة قلت فيها ان اشانتي تتلوى مع زنجي شين
هذا ماحصل ايه المشكلة يعني
لو كان الذي يرقص معها حلبي او ابيض
لكنت ذكرت ذلك ، لانني لم اخترع شيئا من راسي
كان هنالك مشهد لاغنيه مصورة وهذا ماكان يجري فيها
زنجي يرقص مع مغنيه حلوه
وهو فعلا شين ، يعني موش وسيم
هل اكون قد كفرت او اضهدت الزنوج
انا نفسي مخلوطه بدم الزنوج
هل هذا يغير من صفتي شيئا كوني في نهاية الامر انسانه
انا نفسي اتندر على نفسي واقول انني مزعمطه ، وانني شبه نفسي
واني ووووو
هل هذا يعني انني عدوة نفسي ولست متصالحة كلية مع نفسي
رغم هذه الشناة التي احملها
انا لم اخلق نفسي ، ولم اخلق ذاك الزنجي
ولم اعطه هذه الصفه ، ولم اكن من يستعملها
وهي صفه تعني التمييز وليست تعني باي حال من الاحوال الاضهاد
اذ انت عكفت على التلصص على كل الكلمات والجمل التي تكتب في المقالات هنا ، وحاولت ممارسة دور الشرطي عليها
حتى تعترف بانها مذنبة وانها وانها
سوف ترهق نفسك كثيرا ،
فالحياة ليست كذلك .. هنالك اوجه كثيرة فيها تستحق منا ان ناخذها كما هي ، ولا نمارس عليها تلك الحساسية الزائدة
تصالح مع الناس حولك وكتاباتهم وافترض دائما حسن النيه
حتى يتضح لك العكس
عموما انا اسفه اذا كان قولي وصلك بصورة لم اقصدها
رغم انه ليس ذنبي ، لكني اعتذر
لانني لا احب ان اترك انسان واجهني بامر فعلته لاقي منه استهجان
والمه ووخزه ..
اعتذر فقط لذلك
لاننا في النهاية كلنا في الهوا سوا
انسان ضعيف مهين يولد لا حول له ولا قوة
ويموت ضعيف مهين لا حول له ولا قوة
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
الزولة جدا شيري
نيلينك والابنوس والشوق الجاري عليك
بدء ما قبل الاول : الساجعة / الياسمين العميدة / سليلة العشاق المتوجين بمجد القلوب
أما قبل
لماذا نفترض دوما محاكمة الاخر علي خطابه سواء أن كان صريحا او غير
فثقافة الحوار التي نسعي جاهدين للتاسيس لها تتقبل الاخر بكل قناعاته طالما انه لا يعتدي علي حريتنا الفكرية ... نرجوا التعايش السلمي للافكار
سيدتي : انا لم امارس خطاب ثوري أو سري لان الحوار لم يخرج عن مصاف الاعتيادي / النمطي أو أني لم ادرك حرفك فلك العتبة
إشكالية الخطاب الذكروي لم تكن حصرا علي فرسان القبيلة ومدارتنا التقليدية انما سادت في الكثير من المناخات حتي الغير إستوائية منها (( مثلا أقراي رائعم تولستوي / سانتا كروزا ))
صحيح أن حدة هذا الخطاب توارت لكن ذلك كان ضمن حراك اجتماعي شامل نحو المعرفه وسيادة الانا العليا وانت تعرفين تماما نوعية الحراك الجاثم علي عوالمنا
ما كنت اعنيه ان غموض المراة كان حجتها المبدئية لمواجهة ملاحقة الرجل ... والغموض هنا صفة لاتوافق مع فكرة إلتقاط الشاردة والواردة حد تعبيرك إلا ضمن إزداوجية الممارسة ما بين أنتاج موغل فى الغموض والتقاط يحترف الوضوح أو كنت من من يؤيدون التستر علي مفاهيمنا وانفعلاتنا ورغباتنا بداعي الوعي الجمعي أو الخطاب السائد
أذكر ان احد بنات خالاتي تقدم لخطبتها شاب كل مؤهلاته بضعة أفران آلية تدر علية الكثير من الملاين
لم تستطع بنت خالتي رفضة مباشرة تحت وطئة النفاق الاجتماعي وأصرار حبوبة ... فأقتنعت أخيرا أن تجلس معه قليلا ثم تتخذ قرارها ... عندما جاء تربعت علي عنقريب الحوش الورا وسالتة توووووش كدا عن رأية في سطوة النص الديني علي حرية المرأة عند أبن تيمية ... أراهن انه أعتقد ان ابن تيمية أحد اقراباءنا الكيزان
ثم سالته عن الحركة الادبية النسوية وما قدمته للمجتعات الحديثة .. تمتم ببضعة كلمات مبهمة ثم أنصرف
رفضت هي عرضة المغري لشرائها واجاب هو عن تساؤلات أصدقائة :
ياخ البت دي طلعت شيوعية ساي
الحادثة واقعية والله العظيم
هكذا فان الخطاب المباشر من أنثي يحدث قطيعة تامة مع الموروث الأعتيادي لخطابها
لماذا ؟ لان المرأة اسست وبقوة لخطابها المتواري او الغامض
سيدتي : وفقا لمحصلة معرفتي الخاصة جدا وضمن المنهج الصوفي الاصيل عندي أؤمن تماما بفكرة قدسية المراة قسيدى أبن عربي يقول أن الخلق الثاني يكون أكثر اتقانا من الاول .. في إشارة لاسطورة الضلع الأعوج
وهناك الكثير من القراءات المختلفة ضمن نفس المنهج تأصل لذات الفكرة
لذا لكم انت قدسيتكم اني شئتم ولي انا بواقي الوجد أطفي به الجزء الاعلي من جسدي
وللذكور (( الشنبات )) ما يشاؤون
لاحظي معي أن دلالة الجندر في المجتمعات الذكورية ( الشنب ) يجمع جمع تأنيث
سؤال بريء جدا
لماذا جل قراءك من الرجال ؟؟
وسؤال بنكهة الود
أدركتك أو لم أفعل أيشكل هذا فارقا في ظل أفتقادنا لارضية مشتركة متوازية في الفهم ومتساوية في الاحساس ؟
إدراك أول ... (( قبل الشكلة ))
كدى قولوا خير
هي البت التتطلع من فنجان جبنة وقت العصاري ... هي الممحرقة في بنبر حبوبة تهاتي بدور الشاطر حسن وسندريلا ليه ولا بابور ثريا ليه
هي الساكة الضو وشليل وين راح
هي الزولة اللافحة الطرحة وتتضاري من الشمس الفايرة وكتاحة المحطات في أم درمان
هي الجكس (( المشوكشه )) نص أولاد الحلة والنص التاني عاملين أصحابها
هي الفردة التنزف معاك أوجاعك جواب جواب ... وتوصل الحنك المنك لي صاحباتها
هي الفاردا عيونا صباح الخير شمارات الحفلة امبارح
أو صباح التمره الحرة الما بتتساقط بي شادوف الجامع أو بالبوم الخانق الصفقة
البت / الشجرة / الصفقة / الموية البيضا وصباح القهوة
شيري : تاريخ بلون مرح الأطفال ... سقطت سهوا من مدائن البراءة
للذاكرة المستقبلية :
لم يكن هذا الإدراك اكثر من تحريض لمحاولة الرفقة المتوقعة
أدراك لايزال قيد الامنيات
شيري : أنثي من سر حبل المكابدة .. ثلج ونار
غيبت كل العتمة وهمست بحب الله
لك انت
أمنحيني بعض الموسيقي لأرتب كنوز طفولتي الغجرية
والريد نيلين
| |
|
|
|
|
|
|
|
|
|
Re: يا وليّـه قومي سوى لينا ملاح باااميـه (Re: shiry)
|
الزولة جدا شيري
نيلينك والابنوس والشوق الجاري عليك
بدء ما قبل الاول : الساجعة / الياسمين العميدة / سليلة العشاق المتوجين بمجد القلوب
أما قبل
لماذا نفترض دوما محاكمة الاخر علي خطابه سواء أن كان صريحا او غير
فثقافة الحوار التي نسعي جاهدين للتاسيس لها تتقبل الاخر بكل قناعاته طالما انه لا يعتدي علي حريتنا الفكرية ... نرجوا التعايش السلمي للافكار
سيدتي : انا لم امارس خطاب ثوري أو سري لان الحوار لم يخرج عن مصاف الاعتيادي / النمطي أو أني لم ادرك حرفك فلك العتبة
إشكالية الخطاب الذكروي لم تكن حصرا علي فرسان القبيلة ومدارتنا التقليدية انما سادت في الكثير من المناخات حتي الغير إستوائية منها (( مثلا أقراي رائعم تولستوي / سانتا كروزا ))
صحيح أن حدة هذا الخطاب توارت لكن ذلك كان ضمن حراك اجتماعي شامل نحو المعرفه وسيادة الانا العليا وانت تعرفين تماما نوعية الحراك الجاثم علي عوالمنا
ما كنت اعنيه ان غموض المراة كان حجتها المبدئية لمواجهة ملاحقة الرجل ... والغموض هنا صفة لاتوافق مع فكرة إلتقاط الشاردة والواردة حد تعبيرك إلا ضمن إزداوجية الممارسة ما بين أنتاج موغل فى الغموض والتقاط يحترف الوضوح أو كنت من من يؤيدون التستر علي مفاهيمنا وانفعلاتنا ورغباتنا بداعي الوعي الجمعي أو الخطاب السائد
أذكر ان احد بنات خالاتي تقدم لخطبتها شاب كل مؤهلاته بضعة أفران آلية تدر علية الكثير من الملاين
لم تستطع بنت خالتي رفضة مباشرة تحت وطئة النفاق الاجتماعي وأصرار حبوبة ... فأقتنعت أخيرا أن تجلس معه قليلا ثم تتخذ قرارها ... عندما جاء تربعت علي عنقريب الحوش الورا وسالتة توووووش كدا عن رأية في سطوة النص الديني علي حرية المرأة عند أبن تيمية ... أراهن انه أعتقد ان ابن تيمية أحد اقراباءنا الكيزان
ثم سالته عن الحركة الادبية النسوية وما قدمته للمجتعات الحديثة .. تمتم ببضعة كلمات مبهمة ثم أنصرف
رفضت هي عرضة المغري لشرائها واجاب هو عن تساؤلات أصدقائة :
ياخ البت دي طلعت شيوعية ساي
الحادثة واقعية والله العظيم
هكذا فان الخطاب المباشر من أنثي يحدث قطيعة تامة مع الموروث الأعتيادي لخطابها
لماذا ؟ لان المرأة اسست وبقوة لخطابها المتواري او الغامض
سيدتي : وفقا لمحصلة معرفتي الخاصة جدا وضمن المنهج الصوفي الاصيل عندي أؤمن تماما بفكرة قدسية المراة قسيدى أبن عربي يقول أن الخلق الثاني يكون أكثر اتقانا من الاول .. في إشارة لاسطورة الضلع الأعوج
وهناك الكثير من القراءات المختلفة ضمن نفس المنهج تأصل لذات الفكرة
لذا لكم انت قدسيتكم اني شئتم ولي انا بواقي الوجد أطفي به الجزء الاعلي من جسدي
وللذكور (( الشنبات )) ما يشاؤون
لاحظي معي أن دلالة الجندر في المجتمعات الذكورية ( الشنب ) يجمع جمع تأنيث
سؤال بريء جدا
لماذا جل قراءك من الرجال ؟؟
وسؤال بنكهة الود
أدركتك أو لم أفعل أيشكل هذا فارقا في ظل أفتقادنا لارضية مشتركة متوازية في الفهم ومتساوية في الاحساس ؟
إدراك أول ... (( قبل الشكلة ))
كدى قولوا خير
هي البت التتطلع من فنجان جبنة وقت العصاري ... هي الممحرقة في بنبر حبوبة تهاتي بدور الشاطر حسن وسندريلا ليه ولا بابور ثريا ليه
هي الساكة الضو وشليل وين راح
هي الزولة اللافحة الطرحة وتتضاري من الشمس الفايرة وكتاحة المحطات في أم درمان
هي الجكس (( المشوكشه )) نص أولاد الحلة والنص التاني عاملين أصحابها
هي الفردة التنزف معاك أوجاعك جواب جواب ... وتوصل الحنك المنك لي صاحباتها
هي الفاردا عيونا صباح الخير شمارات الحفلة امبارح
أو صباح التمره الحرة الما بتتساقط بي شادوف الجامع أو بالبوم الخانق الصفقة
البت / الشجرة / الصفقة / الموية البيضا وصباح القهوة
شيري : تاريخ بلون مرح الأطفال ... سقطت سهوا من مدائن البراءة
للذاكرة المستقبلية :
لم يكن هذا الإدراك اكثر من تحريض لمحاولة الرفقة المتوقعة
أدراك لايزال قيد الامنيات
شيري : أنثي من سر حبل المكابدة .. ثلج ونار
غيبت كل العتمة وهمست بحب الله
لك انت
أمنحيني بعض الموسيقي لأرتب كنوز طفولتي الغجرية
والريد نيلين
| |
|
|
|
|
|
|
| |
shiry
سجيمان
ايهاب
ابو جهينة
قرشـــو
HAMZA SULIMAN
aboalkonfod
nile1
زوربا
abuguta
ABUHUSSEIN
bayan
مهاجر
benyya
Tumadir
فيس بوك
تويتر
انستقرام
يوتيوب
بنتيريست